بارت4
#صرخات_غير_مسموعه
#loloaalolo98
#البارت 4
كل عام وأنتم بألف خير يا رب صحه وسلامه للجميع وتحقيق كل الأماني للجميع
من هسه أكلكم اليوم شبعووو سحكات
🎀🎀صرخات غير مسموعه🎀🎀
🌸🌸بقلمي ام غايب🌸🌸.
طلعت رجلي .....شوف .....شوف شسوه حفيدك الي خابصني بي
الجد/شنو هذا
متقربلي يكول مااكدر عندي مشاكل صحيه ومجرح روحه جرحني حتى يشوفكم علامه
اول محجيت هيج ......جدو كام يرجف وراد يوكع لزمته عمه خوله
وامي هم راحت علي
بقيت اباوع حسّيت كلبي وجعني حيل والخوف سيطر عليه
الجد/خابرولي فريس بسررررعه
اني هو كال هيج واني انرعبت
خوله/دهدء يا يابه مو زين عليك
عسااني بالموت .....اني اعلمك فريس .
اني كمت ابجي تندمت ......بلله رجع هسه عزززه بعينج يا شهد
امي اجتني شبكتني عبالهه متأثره عَلمود الموضوع
صعدت الغرفتي اركض ......عزززه بعينج يا شهد شسويتي
وره شويه سمعت صوت بابا .......يصيح اني خفت كلت خاف خابر فارس
غميت روحي ......اووووي يستاهل والله لعد شكله كلبه من ذبح شيرين
اوووي هسه انتي شبيج خايفه فتحت الباب على كيف وطلعت راسي اريد اسمع
شفت بابا صاعد طبكته بسرعه ورحت كعدت عَل جربايه
كبل فتح الباب....اجه ملهوف وخايف عليه
شهوده حبيبتي ....لتخافين اني موجود واني اعلمه ال فارس اله اندمه على جرح رجلج
اني بجيت ......ردت أكله جذب بابا بس خفت
لتبجين حبيبتي
بابا
عيون ابوج
زادت بجيتي اريدهه تطلع ماكو الخوف مسيطر عليه
شهوده لتبجين حبيبتي ......باعيلي يعني محاول يتقربلج ابد ....لو حاول ومكدر هوه
شنوووو مفهمت
ياربي شسويت اني .....عزززه فارس اذا دره شحيسوي ....شلون مفكرت
طلع بابا من يمي .......غطيت راسي بالمخده وكمت ابجي ....حرت شسوي
ردت انزل اروح اكللهم جذب توني طلعت سمعت صوت قيصر يبوووووو يبوً ياربي
نزلت اول بايه حتى اذا قيصر يدري أكلهم جذب اهم شي ميوصل ال فارس تندمت عَل هاي الخطوه
قيصر/عمي خابرته ال فارس
اني سمعت هيج جمدت بمكاني وجسمي كام يرجف
تخبل فارس من سمع هذا الحجي وراد يجي كوه وكفته
الجد/اي وشيكول فريس حضرته ومخيلته يجي هالارعن فشلنه
قيصر/حجي مو هيج الحجي
فريس مأخذ شهد لو لاله
لا......بس هيه مقبلت
ستار/مقبلت :".....يعني فارس صدك مو رجال بربك هاي حجايه يحجيهه لعد معناهه حجي شهد صحيح
شهد/خليت ايدي على راسي .....خرررب ببليسج شهد
الجد/مقبلت شنو هيه مره وهو رجال ....رجال
ستار/هههه يا ناس رجال عشتو وين اكو رجال يكول هيه مقبلت
نزلت هنا متحملت .......مااكدر اسمع هالكلام بحق فارس وبسببي ماادري شلون سويت هيج ....
وكفت بأخر درجايه
خوله شبيج واكفه جنج الشمر ......شهد ممرتاحتلج اني اعرف غايتج تبليتي على فارس مووو
اي ....كبل جاوبتهه
ضربتني على راسي .....أيا حقيره يا طايحة الحظ لج هذا فارس ....وغمتني امدددداج
رحاب ///شكو
شهد /روحي كليلهم عمه شهد تبلت على فارس وهيه جرحت روحهه وهو متقربلي لان مراد يجبرني
امي كبل دكت على صدرهه ....ولج شهد
محسيت غير عمه خوله جرتني من ايدي وسحبتني للأستقبال
اني دنكت مكدرت اباوع وأخلي عيني بعين قيصر
مااعرف ردت فعلهم .....لان مدنكه حيل
خوله/هاي جذابه هيه جارحه روحهه
ستار/شدتحجين خوله
خوله/هاي كذامك اسألهم هيه هسه كالتلي
اي صح اني البيت على فارس اني حجيت هيج مااحس اله بابا جرني من شعري ......سحلني سحل
الجد/جيبهه ....جيبهه الي هالساقطه
كمت اعيط وقيصر يحاول يوخرني من بابا شعري نصه راح بيد بابا وهو شلون ثخين هو باقي الحلقه الاخيره
كمت اعيط
قيصر/ عمو عوفهه هسه راح يجون بيت عمو سعد وننفضح بعد اكثر
ضربني جلاق .....صعدت اركض.....وقفلت الباب عليه وكمت ابجي
رحاب/فتحي الباب يا حقيره اني اعلمج اليوم
روحي منا ....كتلكم مااريد اتزوجه .....جبرتوني علي ....كتلكم ما أتحمل اسمع صوته كل مااشوفه اتذكر شيرين
انجبي الصمي لتحجين بس كوّن تفتحين الباب اريد اطلع حركة كلبي بيج
اااوف يا ربي شمسويلجن اني وابوجن ....ولجنً متخافن الله بينه ....ليش هيج احنه معرفته نربيجن ولجنً مو دوم نعلمجن .....بيش قصرنه وياجن ....هيه هاي جزات
عافتني وراحت .....زادت بجيتي ......هسه فارس شصاير بي لا إرادياً كمت اتذكر سوالفه وياي وابجي
شسويتي ......شسويتي مااحس اله اندك الباب
صحت /منوووووو
خوله/اني ولج فتحي الباب
شتريدين عمه
فتحي ولج ......بسرعه
فتحته .....ها عمه
تبجين.........مسويه روحج فقيره ومسكينة عقلي ميستوعب انتي هيج تسوين ....صح اللسان ....بس هاي سالفه متتسولف
دنكت راسي.....كومي لبسي
اني كالت هيج واني انخرطت خرط من الخوف
وين
فارس مقبل تبقين هنا
بخوف .....ليش
باوعتله صفح .....خايفه سوده عليه ....بصلافتج هاي مااصدك تخافين .....الله لا ينطيجً شهد شلون خليتي يفرفح من العصبيه .....بلله هسه شستفاديتي
بس لا راح يرجع
لتخافين ميرجع....هو راد يرجع وابوج وقيصر كووه قنعو ..
سمعنه قيصر صاح من جوه ......وين رحتي عمه خوله استعجليهه
سمعتي......يلله بسرعه .....ربح بيت عمج سعد مموجودين شويه فش فراس من سمع بيهم ميدرون
لبست جبتي نزلت جان بابا وقيصر بلهول وجدو ماكو يمكن بالاستقبال اني نزلت واجه بابا عليه يريد يضربني رجعت وره عمه خوله وجلبت بيهه من وره وقيصر كعد بابا
ستار/طايحة الحظ ....بسيطه يا شهد .......كعده قيصر
مااحس اله بابا خله ايده على راْسه ودنك وكام يبجي
شتريددددن مني ذيج نكست راسي وخلت اليسوه والما يسره ينطيني محاظرات بالتربيه وصار الصغير بيهم يعلمني واني مااكدر احجي واسكت ......عاااااط.....ليييييييش لان اكو فديو كلهه شأفته
وانتي تريدين تقضين عليه بصلافتج والكممممم ليييييش
قيصر/عمو دموعك غاليه ......طبه مرض اليحجي
جدوو. يصيح مناكً........صوجكً انت توكف بوجهي من امنعنهن من شغله
اني اباوع ال ....بابا وروحي تنسحن .....سوده عليه ...امداني بيوم خليت دموعك تنزل .....بقه قيصر يسولف وَيَا ....ردت اطلع بالحديقه....امي جانت كاعده بالكاع بالمطبخ تبجي ....باوعت عليهه ....بتوالي بنظره معرفت أفسرهه ...لاهيه عتب لاهيه حقد
رحاب/حسبي الله ونعم الوكيل عليجن يا بنات بطني يلي نزلتن دموع ابوجن الغاليه
طلعت بسرعه بالحديقه انتظر قيصر
طلع قيصر......يلله كومي
صعدت بالسياره واني مدنكه محجه ولا كلمه
خابرته عمه وصته على شغلات اول مسده من عمه اتصل فارس بي عَل نت قيصر مشترك عَل خط
قيصر/استغفر الله ....ها فارس
صوته جان مبين
اخذتهه
اي
ماشي ......ماشي
فارس ال ماشي مالتكً حوما تريد تجي ....تره تعبتني كثر ماحجيت وياك
شتتتتتتتريد أبقه هناك وهاي الحقيره تشكك برجولتي....تكدر انت تبقه بمكانك من تسمع
هيه غلطت واعترفت بغلطهه بدون متكبر
هاي سالفه تفيدهه......يابه يا شهدددد بس هل تصبرلي كللهه فارس راح يخليج تتمنين الموت
فارس اذا تجي وتعوف امتحاناتك والله بعد انت لا اخوي ولا اعرفك
فارس تسمعني ...لتكبر السالفه خلص امتحاناتك وتعال
هذا هوووً روح قيصر
اسمعه يكله متنطينياهه
هاك
شهد/هزيت براسي مااريد احجي
قيصر/هاج احجي وَيَا اني نازل للمحل
خليت الموبايل بأذني
صاح.....متجاوووووبين
سكتت
ماااشي يا شهد جايج والله العظيم ماانساهه الج هاي الدكه ولج اني صووووجي ....انطيتج اكبر من حجمج
لج هذا جزاتي لان مردت اجبرج .....تطلعيني مو رجال
ااااااااحجي حقيررره احجججي سمعيني صوتج .....والله يا شهد اله اخليج تحلمين تحجين بعد اله اللسانج أكصه الج ....
وراهه سده ......خل يرجع أصلاً اتونس على سوالفه
احاول اقنع روحي اني مخايفه بس بالحقيقه اني ميته رعب شحيسوي بيه ...ماادري
وصلت البيت عمو .....اول مشافتني عمه انرعصت
هاي ليش جايبه هنا .....بعد الي سوته ببني ....شكووو راجعه مو.......بعدهه ممكمله
يمه فددوه اروحلج اسكتي والله تعبت من كثر ماحجيت شغله صارت شنسوي وبعدين وين تريديهه تروح خوش حته ننفضح فضيحه ثانيه خوش أنوب ابن عمهه وره اسبوع طلكهه والله يا ربي .....
روحي صعدي شهد فوك
ام قيصر/انتي متفكرين بأهلج ولجنً شبيجن فهمته شبيجن انتي على مريم شيرين مصارت درس الجن ولجنً انتن متخافن
تسحبت وصعدت فوك لكيت مريم تتسمع اجتي شبكتني
مريم/خبله والله .....شسويتي بروحج غبيه .....همزين عدت على هيج بس والله خفت
رحت للغرفه تعبانه حيل وجنت منايمه البارحه .....بس بقه عقلي يشتغل مكدرت انام بسهوله
ظليت نايمه الوقت كله ......كعدت بليل الساعه ب٢كومه نايمه ....وجوعانه محد كعدني مبينين حاقدين عليه والله ياربي بس شهد من تغلط
كمت نزلت للثلاجه لكيت همبركر مكلي بارد خليته بالمايكرويڤ هو وصمونه دورت ببسي ماكو طلعت برتقاله عصرتهه سويت لفه باوعت اني جوعانه حيل صرفت طاقه اليوم خاف متكفيني
رجعت سويت ثانيه بدون مااحميهه تعاجزت واصلا اذا مشبعت اككلهه وصعدت .....شغلت التلفزيون طلعت فلم من ذني أفلام السبعينيات احبهن مليت اتذكرت دفتر شيرين طلعته وكملت وين موصلت
.................................................................
شيرين/ماما شنو هذا التخلف احنه بيا سنه الله يخليج
رحاب/اني شعليه .....هاي عقلية جدج وللعلم تره اهل حبيب عمتج خوله هم مقبلو ب خوله لان شيعيه هاي طائفية مدري منو زرعهه بعقولهم
ماما
رحاب /شيرين حبيبتي مالنه خلك جدج
شهد الحقيره/هااااا مو علساس متحبي
...............................................
شهد/هاي ليش هيج شيرين ....علساس الاطفالج يعني لو عايشه ويشوفو شيكولون على خالتهم من وراج يكرهوني
...................
شيرين/شهددد كافي مو وقت شقه
رحاب/شيرين هسه المطلوب مني شنو
شيرين/مااعرف بس قنعي بابا ولتكولين من الكليه كولي من طرف جيرانه شي
رحاب/ماشي شيرين أمري لله
شيرين/بست ماما حيل .....احبج .....احبج .....احبج
شهد/غير لوكيه
شيرين/مو لواكه هاي كلبي وروحي وكلشي الي بدنيتي
خالتكم شهد هيه طيبه وتحبنه بس انفعاليه ومتعرف تظهر مشاعرهه أبداً حتى ال بابا وماما بس جدكم يفهمهه اكثر من بيبيتكم اذا احد بجاهه يكلب الدنيا خاصه جدكم الجبير ابو ابويه خال باله ويه شهد لان ترادد دائماً بس هم يحبهه
صعدت فرحانه وخايفه بنفس الوقت ......بابا مااخاف منه أصلاً جماعته المقربين همه سنه بس جدو يا جدو اويلي منه ماكو شغله ميخاي راْسه بيهه
نمت لان جنت تعبانه حيل ......حسّيت شي يمشي على وجهي فزيت اباوع جني ........عطت
جان يخلي ايده على حلكي
شهد المخبله/ههههههه آش لتصيحين هاي اني
بهاللحظه انسحنت روحي
.............................................
شهد/ضحكت من تذكرت الموقف ......اووف يا حبيبتي سوده عليه خوفتج حيل بذاك اليوم بس خلفله عليج سويتيني مخبله هم مو بس حقيره
..........................................
شهد/شيرين ......شيرين .....يمعوده هاي اني
جنت مصطكه واباوع كالبه شعرهه على وجهه ولابسه عبايه سوده وفوك هذا الكلوب الي بغرفتنه لونه ازرق مال نوم لان اني مااعرف انام والدنيا حيل ظلمه
باوعت عليهه بحقد ......انتي مخبله .....لزمي كلبي شلون يدك
باستني شهد من خدي .....هههههه اموووت عليج من تنفعلين
شيرين/ولي ....ولي من كدامي حقيره
نزلت جوه وشكيت الهم من الي سوته شهد
رحاب/شلون بسوالفج شهد بطليهن
خوله/دير بالج تسويهه بيه شهد والله العظيم اموتج اني مو شيرين
الأب/ستار/شبيكم ويه بنيتي كلكم كالبين عليهه
شيرين/حجيت الموقف ال بابا ومات ضحك عليه وكام يصيحلي جبانه لازم يقوه كلبج والايمانه قوي مفروض ميخاف
شيرين/بابا يا إيمان اني نايمه ....تخيل نفسك نايم وتفتح بهيج منظر
ظلينه نتشاقه وشويه وامي كالت نخابر محمد كامرا
رحاب/حماده حبيب كلبي شلونك
محمد/حبيبتي شلونج مشتاقلج
رحاب/يمه سوده عليه شوف شلون ضعفان
محمد/شسوي يمه هذا فارس ميطبخ موتني وحلفت اني هم مااطبخ
جنه كاعدات وراهه اني وشهد
محمد/الإمورات شلونهن مشتاقلجن حقيرات
شيرين/حبيبي والله اني هم مشتاقتلك
محمد/شخبارج بالكليه
زينه الحمدلله
محمد/شهوده شلونج
زينه .....وانت
مشتاق للسانج
منيلي اللسان ياهو الي شايفني يكول اللسانج
مااحس اله فارس نط وصار يم محمد وأخذ الموبايل منه
فارس/انتي ماعندج اللسان هو غير اللسانج مسجل ميكطع
شهد/لا والله
فارس/اي والله وعبد الله
شهد/ابو مناظر طبيه جنك هذا الدب الي بالقراءه نسيت اسمه
فارس/اووف من اللسانج
رحاب/عمه فروسي حبيبي شلونك ليش هيج ضعفانين
فارس/عمه ابنج موتني جوع لو اني اطبخ لو ماكو
شهد/استغفر الله هسه معرفنه منو منكم اليحجي صدك
فارس/شهوده انتي شتكولين
شهد/اني اكول اثنينكم جذابين
بوقتهه بيبيتكم كفختهه على راسهه ....ديرو بالكم تطلعون عليهه لان تشبعون كفخات
................................
خللفله عليج شيرين راح ابجي من وراج .....هاي اني هيج صدوك بنظرهم شو اني اشوف نفسي طبيعيه
اوووف منكم مبتللين مبتلون يمكن يلله نفس الشي
بلله هسه انتي دتكتبين الجهالج عليه لو على قصة حبكم عشتو
رجعت وتذكرت الي سويته .....بلله فارس رجع صدك ومسمع من قيصر شسوي اني
تكئبت باوعت عَل ساعه ب٤. الصبح صارت منعسانه ابد
رجعت كملت قراءه
فارس/لتكفخيهه عمه
رحاب/تستأهل الكفخ على هاللسان
عوفيهه من اجي اني اكصلهه اللسانهه
.........................
شهد /معقوله اني سكتت من كال من اجي اني اكص اللسانهه
.................................
شيرين/هنا بدل فارس عباله اني ماافتهم ميدري اني الكفههً وهيه طايره جانت عينه على خالتكم الخبله
بس المشكله همه نقيضين فارس وشهد مستحيل يرهمون
فارس هادئ
شهد اللسان
فارس عاقل متفهم
شهد منفعله
بس من يعصب شراره تطلع من عيونه يعني بلسانهه تخفي كلشي حلو ب فارس لا يبقه متفهم ولا عاقل تغير شخصية الرجال
.............
شهد/ياااااا شيرين شو عايفه قصة حبكم وتحجين عليه .....فكرت بكلامهه معقوله فارس جانت عينه عليه بس فارس هو الي ذبحجًُ يا شيرين لو يشوف شلون دتحجين علي ....بلكت يحس بتأنيب الضمير شويه
والله تستأهل يلله الي سويته بيك شوف أحلام اختي شلون جانت وانت والباقين ذبحتوهه بكل برود الله لا ينطيكم
......................................
بعد ماكملو مكالمه امي دخلت يم جدو وبابا بالاستقبال
وكفنه اني وشهد نتسمع
شيرين/ولج مكاعد اسمع
شهد/سكتي خل اسمع واكلج
خوله/ولا أبطلت هالسوله الكشره
شهد/عمه سكتي خل اسمع
شيرين/خل تسمع عمه هيه لاقطه اني كلشي ماكو
شهد/سكتو صار هدوء هسه
شيرين/يعني محجو
شهد/لا حجو امي كالت صديقة جيرانه ام مصطفى من وصل امه شاف شيرين وعاجبته وحاجي ويه ام مصطفى
وعلساس اليوم اجتيً
شيرين/اي وبعد
سألهه بابا منين وشنو اصله وفصله
كالتله هو الولد سني بس محترم ومتمكن
وجدو كب كال كبل كوليلهم ماعدنه
وبابا شكال
هسه انتي مو جنتي واكفه شنو طرشه شمعنا اني اسمع
شيرين/هسه غير تحجي
بابا كله يابه شنو القصه اذا ولد زين ليش لا وجدو كال لا يعني لا سنه مااقبل اله اذا تريد تخسر ابوك ....اقبل بهاي القسمه
خوله/وخرت من الباب هسه يطلعلجن يفصخجن تفصيخ
بيومهه صعدت ابجي ومكدرت انام ماعولت يجي الصبح مااعرف ليش .....اول مرحت لكيته كاعد يم جماعته مشيت .....لحكني
ها حجيتي ويه اهلج
اي
شوكت اخلي امي تجي ياريت هذا الأسبوع لان اخويه الجبير الاسبوع اليجي راح يرجع ل كندا
عمر اهلي ميقبلون
ميقبلون .....ليش
مااعرف بس يكولون مننطيهه
ليش مفهمت ....يعني السبب
هيه بالحقيقه مو اهلي كلهم بس جدو ....شويه عقليته منغلقه
شلون مفهمت .
لان احنه شيعه وانتو سنه
يحجي صدك جدج .....شنو قصته احنه بيا عصر
وهسه.....شيرين
يعني ....اسفه
شيرين اني احبج انتي صدك تحجين وكتلج ممستعد للزواج هسه بس من مقبلتي حجيت ويه اهلي ....يعني هسه متغير شي
شتريد لعد
اريدج .....اني احبج والله وشاريج ....وانتي جايه تكليلي جدو مقبل والله شنو لان سني انتي مقتنعه
لعد شسوي
تكوليلهم اني احبه
يمممممه عززه تريدني اكللهم احبه خوش حتى كبل يذبحوني .....عمر اهلي مو مثل اهلك اهلي عدهم عادات وتقاليد وخاصه جدي يطبق التقاليد بحذافيرهه مهيمه احد .....الله يخليك عوفني
عمر/شيرين مااعوفج
عفيه وخر عمر ......عفته ومشيت هو بقه واكف رحت يم البنات وحجيتلهن الي صار
سمر/شيرين الولد شاريج ويحبج شنو قصتج وين اكو بهذا وكتنه هيج ولد يستقتل على وحده
حوراء/والله متعافيه
ملك/شمتعافيه يمعوده عوفج منهن شيرين هنه ميعرفن اهالينه شنو
حوراء/تره اهلي هم عادات وتقاليد ومتزمتين بس الولد شاريهه وهيه تحبه الصرح صوتج الأهل شكو ديرفضون سوي علاقه وَيَا ومن تخلصون كليه غصباً ماعليهم يقبلون
عفتهن وكمت رحت للحمامات اول مطلعت من الحمام لكيت عمر ينتظرني
شيرين اليوم اخر يوم الج وراهه راح اعوفج وحتى مااباوعلج بعد
شتريد مني
اريد اعرف تحبيني لو لا صار فوك السنه بس نظرات بيناتنه مااعرف عقلي يفسر نظرات وانتي تصرفج يفسر شي ثاني
شيرين/مو بيدي
عمر/شنو الي مو بيدج ....خلي اخويه يجي الجدج بلكت يقنعه .....شيرين امي رادت تبيع البيت مخليتهه كلت حتى اذا نتزوج نكعد بالبيت
ليش أمك وين
امي مستقره ب كندا يم بكر والمفروض اني هناك
لعد ليش مسافرت
مااحب الغربه هنا جماعتي وحياتي وانتي من دخلت للكليه حبيتج كلتلهم من اكمل الحكم
جر موبايلي.
فتحيلي الرمز
شيرين/شنوووو طبعاً لا
عمر/شيرين فتحي الرمز لتخافين مااسوي شي بموبايلج
كلي شتريد يالله
بس فتحي
مااكدر
ماعندج ثقه بيه
يعني مو كلش
ابتسم ......اني عكسج هاج فتح الرمز وانطاني موبايله
شسوي بي
يعني كاعد اكلج عندي ثقه بيج
لا والله انت ولد واني بنيه
وشنو الفرق
علمونه اهلنه هواي فرق الرجل رجل ومن حقه كلشي يسوي واحنه البنات ممنوع كلشي نسوي غلط حتى الصح همه بنظرهم غلط
صح كلامج هواي شايف هيج تعرفين احنه يعني عائلتنه بس يعني حتى بيت عمي نفسكم تقريباًهيج تربو بس امي جانت مثلا اني من اشوف علاء ابن عمي يرزل اخته وهيه تسكت وإذا جاوبت كلهه تكلب عليهه جنت اني احب أقلده هم اروح أرزل اختي واصيح عليهه واتحجج
امي صارت ضدي ورزلتني وعاقبتني ومن كلتلهه اني رجال ضربتني على حلكي وكالتلي الرجولة مو ترفع صوتك على اختك مو تصير رجال براسهه هذا التخلف مااسمح بي ببيتي
الولد والبنات متساويين والله يحاسب الولد مثل ميحاسب البنيه مو اني اكول رب العالمين يكول
شيرين/تمك مثقفه زين ابوك وين
عمر/ابويه متوفي واني صغير
...............................................
شهد /خررررب عرضك اني تأثرت بثقافتك شلون لوتي شنوووو انت من بشر حيال حقير
حسّيت نفسي نعست حيل .......نمت فزيت من وجع بطني مغص مو طبيعي رحت للحمام
ماكو اطلع من الحمام رأساً بطني توجعني ارجع وبديت اتقيء
رجعت للغرفه وكل شويه نفس الحاله كمت اصرخ من وجع بطني اجتني مريم تركض
ها ولج شبيج
بطني راح تموتني
ليش
شمدريني
راحت مريم صاحت عمه ......صعدت وهيه شايله خشمهه عليه
ام قيصر/خاف مستبرده
شهد /ماادري وعطت من اللويه
ام قيصر/أنوب قيصر راح للدوام هسه وابوج بالشغل .....كومي خل اوديج للمستوصف
كمت لبست جبتي واخذتني عمه سوولي تحليل طلع تسمم أنطوني علاجً
مر اسبوع كامل احس طاقتي خلصانه صح بطني صارت زينه بس تعبانه نفسيتي بابا وماما مأجوني زعلانين مني وعمه ام قيصر متحجي ويايه بس مريم الخبله ساعات تضحكني وساعات تواسيني
كل يوم انزل انظف واصعد الغرفتي وهيه تصعد يمي وكامت تنام يمي ومااكدر اطلع الدفتر مال شيرين يمهه لان متعوفني اله تقرا يالله ترتاح واني مااعرف شبي مابي بعدني وشكاتبه شيرين
مر
مريم/راح اروح آكلي بتيته تريدين لو لا
لج الساعه بالوحده ونص مو مال بتيته
مريم/والله عن نفسي بكل وقت يصير
شهد/مااشتهي اني سوي بس النفسج
مريم/اكلج والله سمنت اني بدون دوام بلكي السنه التجي نداوم
شهد/اذا جدج عايش السنه التجي أيسسي
مريم/ليش وقيصر وفارس اووووف شوكت اتزوج واخلص
شهد/تتزوجين محمد بعد شهرين ونص تقريباً لتنسين
مريم/اهووووووووو استغفر الله شيرين غلطت واحنه ابتلينه
شهد/انتي مو احسن من شيرين مريم ردت اطلع
كاعد اطلع فتحت باب الغرفه سمعت صوت
قيصر/انت خبل من كل عقلك
فارس/اي من كل عقلي
كبل طبكت الباب
مريم/شبيج
مريم
ها ولج
فارس
اسم الله شبيج تخبلتي
رجعت فتحت الباب
قيصر/تعال اوكف خل اسولف وياك
امً قيصر /زين سويت من اجيت خل الكل يعرف انت رجال
كبل بجيت ......عزززه مريم شسوي هسه اني
ختلي جوه الجربايه بسرعه
لا .....رحت ركضت عَل حمام وقفلت الباب وكلي ارجف اكيد راح يضربني اذا مذبحني
بقيت بالحمام بالربع ساعه مدك الباب تعبت وميته من الخوف
فززتني دكة الباب ووياهه
بسرررعه طلعي وإذا مطلعلتي متلومين نفسج
ظليت ادعي مبقيت ايه مقريتهه اني اعرف راح يتقربلي بس خايفه من الكتله مستحيل يعبرهه اليه
طلعت جان الباب مفتوح وكاعد عَل جربايه ومتجي راْسه عَل أطار مال جربايه
دنكت مااكدر اباوع علي مااحس اله اجه عليه وقفل الباب حيل ونزع حزامه وكام يضربني بي
اني مو رجال حيوانه .....اني .....لان مردت اجبرج تطلعيني مو رجال .....يحجي ويضرب بيه واني اعيط
وقيصر يدك بالباب ويكله فضحتنه
روووح منا قيصر مالك دخل
بقه يضرب بيه الى ان تعب وكعد
لج اني تسوين بيه هيج شهد......لج من يوم معرفت مشايف النوم بعيني من وراج متعجب على صلافتج
مغمضه عيوني وابجي
فتحي عيونج وباوعيلي
مفتحت بقيت مغمضه
عاط فتحيهن كلت ....فتحتهن باوعت علي
راح ادخل للحمام اطلع الكاج جاهزه ومحضره روحج فهمتي أو لا
مجاوبته طلع من الغرفه بقيت بمكاني وابجي رغم مااني اعرف غلطت وجان متوقع هيج يسوي بس حقدت علي
بقيت بمكاني طلع من الحمام
اني شحجيت انتي شنوووو اجه عليه هاد
لو تموت مااحضرلك نفسي
لج انتي شنوووو ....شنووووو فهميني راح عَل كنتور طشر الملابس مااعرف شيريد باوعت لزم تشيرت ابيض واجه عليه
غمضت عيني حيل وتشنجت ومحجيت ولا كلمه ....استاهل الي ديصير بيه تتقربلي عطت
سد حلكي بيده وراهه كام
تأكدتي من رجولتي لو بعدج
عيوني تصب درت وجهي عنه ......كام من يمي
شهد انتي...........يتبع
حبايب على اتفاقنه اليوم راح اسافر الساعه ب ٢. اطلع من بغداد لسفره قصيره ان شاء الله وره العيد اكمل الكم
Bạn đang đọc truyện trên: Truyen247.Pro