بارت17
#صرخات_غير_مسموعه
#بقلمي ام غايب
#البارت17
خلال ساعه وحده اذا مرجعتي للبيت مثل مطلعتي منه .....بعد تحرمين عليه
راد يطلع ......لزمت ايده .....فارس انت ليش دتسوي هيج فهمني
اسوي هيج ....شسويت ليش
انت متغير هواي
يتهيئلج اني نفسي كلشي ممتغير بيه .....بس انت عندج خلل وأشر على عقلي
كااافي فارس .....يوميه تهين بيه
رفع حاجبه .....شوكت هاي بلله ....شو مااتذكر .....تريدين اشوفج الاهانه بحق وحقيق
فارس ماارجع اذا متنطيني دليل متخوني....مثل التشيرت الوردي ضيعتهه عليه
وخري ....شو وخري من كدامي ......طلع وعافني
بقيت واكفه ......هذا شبي ياربي .....والله هاي شهد مدرخته الكلبه
صعدتلي عمه خوله ....ها بشري متصالحو ام المشاكل
ابتسمت.....وكمت ارفع بحواجبي وانزلهن.....تره سمعتج من تدافعيلي
يااااا دولي ....ولي ....ادافعلهه ام الوصخ ....هسه مكلتي شحجيتو
مااحجيلج بعد....من وراج فارس هجم عليه يكلي شكو تحجين كلشي يصير بحياتي
والله راح اصفكج براشدي
عمه والله تعبت يريدني اروح اني بدون مياخذني هو لا وانوب يكول بعد ساعه واذا مرحت احرم علي .....خلي براحته والله
سكتت عمه
شهد/هسه هو شيفرق مثلا هو هنا ليش مأخذني وَيَا
لا شلون ياخذج ....تعتبر اهانه الكرامته ابو الفروسيه
عمه هسه انتي وَيَا ويايه فهميني
والله يا عمه لا وياج ولا وَيَا لان اثنينكم تافهين هزت ايدهه وطلعت
نزلت سويتلي كوب جاي .....وبقيت افتر بالمطبخ وأفكر شسوي هسه اني
الجد/شبيج تحومين جنج الشمر ....سطرتينه
جدو اني بالمطبخ وانت بالهول جنت توك مريت من يمي
ضربني بالعوجيه ....يعني متعرفين اله تراددين هذا صرح فريس مكاسر ظهرج الحد الان
جدو انت ليش ضدي .....دائماً
ميلي ....ميلي من كبالي
خوله/يابه وين رايح
رايح البيت اخوج المرحوم
شهد/بتوتر ....اوكف جدو
باوعلي .....خيرج
اجي وياك بس عمه انطيني موبايلج اخابر بابا انطي خبر
الجد/شتسوين تجين وياي يمعزايه انتي مو زعلانه ماكو هيج حجي احنه منرضه هيج
شهد/لا ارتدياً رحت بست جدو .....يعني متقبل ......الله
باوعلي صفح
خبال الخبلج ان شاء الله
طلع جدو اخذت موبايل عمه خوله .....
خوله/تعالي تعالي ....جيبي موبايلي لا اكسر راسج مابيه حيل أخسره
والله ماافلشه شبيج بس اخابر فارس اكله جدو مقبل
انوووب فارس لا عيني انطيني
عمه شبيج ....لتذليني حبابه
ولي شهد ماانطي موبايلي
عليج الله عمه بس اكله كلمتين وبس كدامج والله
اني الزم الموبايل
ميخالف
دكيت على فارس وهيه لازمه الموبايل وكل شويه موخرته من اذني تخلي براسي
عمه شبيج هاي اذني
ضربتني على ظهري ....انوووب فوكاهه
جاوب فارس....الووو
فارس اني شهد
نعم شهد
جدو ميقبل اجي اني كال ممنوع يريد هو يجي ياخذج
ماشي ابقي لعد
فارررس انت تتحجج عليه كول هسه مااتحجج خوب بينت السالفه
ضربتني عمه على راسي....كلتي كلمتين تجذبين عليه وجرت الموبايل
كافي يلله فارس جدك مقبل تجيك شهد وبعدين شويه عوف الكبرياء مالتكً تره متموت وتعال خلصنه من هاي الوحشية
خوله/يووووو شعليه بيكم ناركم تاكل حطبكم.
جنت امشي وراهه ....ها عمه شكال
والله استاذ فارس ميتنازل وانتي شبيج كاتبه روحج لعد ليش طلعتي من البيت اذا تريدين ترجعين
يعني فارس ميجي
لا
حيل انقهرت ....عادي براحته هو مبين فارس ميريدني ويتحجج براحته خلي هو وهاي الشكره الحيه الي تلعب ستين نفس لو مية نفس الف نفس الله لا ينطيهه هيه وَيَا
ولج شو تدعين على ابن اخويه كدامي
لعد عمه هاي وضعيه عافني علمودهه الكلبه والله بودّي الزمهه اله الزمهه من كفشتهه اعطبهه
طلعت عمه بقيت بالغرفه مقهوره ومااعرف شنو الصح اريد فارس بس أسلوبه الي يبين ميريدني قاهرني حيل
.................................................
تعبت من اتصالات اثير جاوبته هااااا شتريد
وينك انت فهمني
انت شعليك ....شعليك فهمني
أمك.. بالمستشفى غبي من وراك
من ورايه
مؤيد اجه الأخوك بكر كله احمد مختفي أهله يدورون علي واني خابرت عمر الصبح وكتله على احمد عنده الموبايل ووراهه اختفه
مسحت وجهي بعصبيه .......
شو سكتت عمر بس لا الي بالي صحيح
عمررر جاوووب اي صح .....وين اخذت احمد هسه تعوفه ....هذا بكر النذل ساعدك مووو
اني جاي هسه
قبل لتجي عووف احمد
عطت بي .....كتلك جااي لتلح
ماشي يا عمر ماشي خل نشوف تاليتهه وياك شنوو
بيا مستشفى امي
انطاني اسم المستشفى والعنوان .....رحت عليهه اول موصلت مااحس اله اجه بكر اخويه دفعني حيل ووكف بيناتنه اثير
اليوم متخلص مني يا ناقص
سكتت
امشي
عمر/امي شخبارهه
أمك ....ليش انت تعرف ام حضرتك
دير بالك تتحرك منا فهمت عمر .....
هسه راح انطلعهه من المستشفى وحسابي وياك بعدين
بقيت انتظر وأثير واكف كبالي
وين اخذت احمد
سكتت
جاوبني وين هوه هسه ....لك غبي انت المشكوك بأمرك اذا كال مؤيد اني حجيت ال عمر والخطف مؤبد تاكل
كتلته
احجي وين ....وراهه سكت .....وصاح .....شنووووووو وخله ايده على راْسه
لك شدتحجي انت
مثل مسمعت
كبل جرني من يأختي.....لا تتشاقه والله مااصدك
والله شبيك كتلته
لا .....مستحيل .....لتتشاقه ابد بهيج موضوع
احجي ولَك الحقيقه
بهالاثناء اجه بكر وامي بالعرباته يدفعه لان جانت تعبانه حيل متكدر تمشي عاف امي واجه علينه
شديصير هنا شبيكم تخبلتو
سكتنه اني وأثير
بكر/بلا خبال عقلو اثنينكم
رجع ال امي رحت يمهه مباوعت عليه صعدهه بكر بسيارته وكل الأثير يصعد ويايه
أول مصعدت
اثير/عمر كلي دتجذب
والله العظيم كتلته
دك على رجله.....لك خبل إعدام .....إعدام تأخذ
عادي ميهمني ....أصلاً اني ميت
ميت علمود مره تموت علمود مره تكتل انت تخبلت
بعد وبعد هذا صادق الكلب هم اكتله هو واحمد متفقين طلعو
والله عرفت والله عرفت من دخل بيهه بكر عرفت مصيرك شنوووو
ماله دخل بكر
اي ....اي ماله دخل .....صحيح
لك شلون كدرت تكتل فهمني
كتلكً....كتلته .....كتلته شتريد كل شويه جذاب وشلون كدرت.....كتلته وخلاص كااافي رحمه الدينك
طبك مرض انت بعد هذا هو انتهى مستقبلك
خل ينتهي
واني احجي اتصل بكر المجرم عليه باوعت على اثير وجاوبت
اهلا سلام
لك اني بكر يا سلام هذا
شتريد سلام
باجر مو تنسه من الصبح تعال افهمك عَل عمليه
ماشي
اثير/منو هذا أنوب سلام
صديقي .... متعرفه
خير ان شاء الله
بقيته ساكتين الحد موصلنه للبيت نزل بكر امي .....دخلت ورا
مااحس اله كعد امي واجه لزمني من ركبتي راد يخنكني ......دفعته
شبيك بكررررر
انجب .....لك اخويه اني يخطف .....وصلت بيك المرحله هيج تسوي
امي/لا ....هذا مو ابني ......ابد .....اني الي ربيته مو هذا الساقط
اثير يباوع عليه
اثير/ابو حسن أمك تعبانه مو كدامهه
بكر/لك هذا مخله عندي عقل ابد .....عمر اليوم بليل تولي وقبل كلشي دليني مكان الولد
وطلعنه من غرفة امي
اثير/بصوت ناصي ....عمر كتل احمد
بكر....فتح عينه بكل وسعهن وهد عليه بالضرب طلعني برره بالحديقه ونام على خوانيكي
لك ساااافل انت شمسووي لك .....شلون
اي ......اي .....كافي شخبصتونه واحد نذل وأخذ جزاته
لك ....لك أنوب تحجيهه بصلاته .....لك انت شنوووو لك وين ضميرك فهمني وضربني بوكسي طفه عيني ....مستحيل اكدر أدافع على نفسي واوكف بوجهه مااكدر بقه يضرب بيه
كااافي .....كافي بكر ....هسه يالله طفت النار الي بكلبي .....انت متعرف شلون جنت عايش ....متعرف
لك هيه حيلله حبيبتك....لك هاي رووووح تعرف يعني شنو روح ....لك الله من فوك ميقبلهه .....كعد ودنك وخله ايده على راسه
يايابه .....شسويت شلعبت انت لك ....دمرت روحك يا كلب يا ناقص وفوكاهه تتباهه
لك مفكرت بأمه.....لك اني بس سمعت بيك خاطف واحد رادت تمووووت شحال ام الولد الي كتلته ابنهه مات ....الله ياخذك ان شاء الله يا عااار والله انت عار
ردت اروح
نزع حذائه وشمره عليه
عاااار وين مولي طايحً الحظ تعال .....
بكرر انت اخويه الجبير
اي ....اي ....مثلا شتريد تسوي حضرتك فهمني ....مثلا تذبحني يا مجرم
لتكول مجرم
لعد شكووول ....شكول ليش هسه انت شتسمي روحك بابا انت حالك حال الإرهابيين هسه
اثير اصعد وَيَا لتخلي يطلع باب غرفته
ردت اعوفه وأروح مااحس اله دفعني بالكاع وصعد فوكايه ودك بوكسات متحملت ردت اضربه لان زودهه حيل
بكر/ولَك تريد ترفع أيدك عليه يا سكط
كمت .....منه كااافي بكر كافي ....شتريد هسه انت تريد تبلغ عليه بلغ .....كافي رحمه الدينك وطلعت وعفته
نكتت هدوني متدمرات وأثير يركض ورايه
وين راح تولي
انت بالذات اثير مالك دخل بيه
لك انت اخويه .....شلون تريدني اتفرج عليك
اني مو اخوك احنه مجرد أصدقاء عوف الإخوه وعوفني يا اخي .....عوفني اني بعد انتهيت اثير ....ابعد عني .....لتطلع كبالي واذا تريد بلغ عليه شتريد تسوي سوي .....بس خليني اظهر برائة شيرين يم اهلهه
انت مخبل والله مخبل ابد مو صاحي
هواي حجيتهه عوفني اثير هو ضاع مستقبلي بعد عَل اقل خل يضيع بفائده
لك غبي شعبالك اهلهه ميدرون بيهه مظلومه يدرون كلش زين لذلك مكتلوهه بس هم ميكدرون يسوون شي هاي عاداة وتقاليد متتغير....شرفهم راح بالحالتين ماكو شي يبررله ....
تدري شكد متندم عَل يوم الكتلك بي لتسافر خلينه نكمل دراسه هنا سوه ....اخخخ لو يرجع الزمن والله فلا احجيهه
رحت وعفته ظليت افتر بالشوارع كل مااتذكر نفسي كتلت احمد كلبي يوجعني احس خنكه بكلبي
اخر شي فريت السياره ورحت البيت بكر لكيته كالب الدنيا شرب ونسوان
بكر/تعال .....تعال وين رايح
انت شدتسوي شهالعبان نفس
بشرفك جايب حوريات اخر صيحة بالموضه احلى من القنابل الي بكليتك وتكول لعبان نفس
باوعت علي باستحقار وطلعت وعفته
تعال يوووول تعال راح اطردهن لتولي
طلعلي حبايه.....هاك اشرب وحده ترجعك طفل طاير بالسما
شكراً اريد ابقه بالارض بعد وكت
صعدت فوك للطابق الثاني وعفته جانت اكو غرفه بيهه جربايه ام النفر وكنتور بس .....ظلمتهه حيل للغرفه ونمت بيهه
بقيت صافن على مستقبلي .....شفت نفسي بزنزانه بين المجرمين ولو هو اني مجرم
غمضت عيني مكدرت اغفه ابد ....
...............................
شيرين/بقيت اليوم كله متونسه على جية امي ......حسن بيومهه تأخر حيل كضيناهه ضحك وسوالف وساعه بجي
اجه بليل حسن ......متأخر اول مأجه كمت
الله يساعدك
باوعلي ....اهلا
سلم على امي ودخل للغرفه
رحاب/روحي وره رجلج شوفي شمحتاج
مكلت لا.....رحت ورا جان متمدد عَل جربايه
اكلج شيرين
شنوو
اريدج تأخذين فلوس من ابوج
اخذ فلوس ....شلون
ماادري ....دبري امرج الباجر ارجع الكه فلوس بيدج عسا متبوكيهن
تتشاقه اكيد
باوع عليه وخزرني .....شنو اتشاقه بت .........
ولي من كبالي ....اتشاقه....هم عايزهه اتشاقه ويه هيج شكولات
راح للحمام سبح .....ولا اهتميت الكلامه هزيت ايدي وطلعت ورا
تعشه ودخل نام ....بيومهه نمت يم ماما ....احلى نومه جانت .....جنت بيومهه متروسه أمان صار فتره مفتقدت
فزيت ثاني يوم حسن كعدني بس كعدني عادي مو مثل كل مره بدفره لان امي موجوده سويتله ريوك جنت اعزل المواعين مااحس اله ورايه
مثل مكتلج حبيبتي ....اريد فلوس لازم تدبريهن....جان يحجي وأعصابه مشدوده مدري شبي احسه كوه لازم روحه
طلع حسن ....كعدت ماما وسويت ريوك تريكنه اني وياهه
ونظفت البيت
...............................................
عمر/مكدرت عيني تاخذ نوم ابد ......اول مصارت السته طلعت تذكرت علي صديقي ....درسنه الإعدادية سوه جان نغل....بالحاسبه بيتهم بالغزاليه بشارع الضغط
مجان عندي رقمه لان بجهازي القديم الي باكه احمد ......رحتله للبيت
طلعلي اخو حسين
ها عموري عاش من شافك
هلو حبيبي حسوني .....شلونك مشتاقين .....علاوي موجود
اي موجود تفضل هسه اكعده آلك
دخلت بالاستقبال انتظرته اجاني يفرك بعينه .....عموووري لا ...لا مااصدك والله من كال حسين مصدكت
محتاجك علي حيل
أفه عليك.....اني بالخدمه ركبتي سداده
كعدت حجيتله الي صار ويايه من انباك موبايلي وكتله الشرطه لكو جذبت علي
صعدوني الغرفته .....عنده حاسبه جقجق بيهه شويه وكلي فتح الرمز
انطيته موبايل احمد بس قبلهه شلت السيمكارت
هو صفن بوجهي
هذا شنوو
موبايل قديم مااتذكر رمزه كلت هو اني جاي بعد خل افتح الرمز مالته
حسيته مقتنع
عمر
عليك الله اشتغل بدون متسألني شي
عمررر
علي افتح الرمز
والله ماادري شكول بس ممرتاحلك ابد
فتحيلي الرمز مال موبايل احمد واني ممصدك ....فرحت حيل سلمت علي وطلعت
رجعت البيتنه توني وصلت خابر عليه بكر
بكر/مو تنسه اليوم حاول تجي من وكت حتى افهمك شنسوي
ماشي
ماعولته يسد الخط فتحت موبايل اسامه لكيت بي بلاوي ماكو بنيه بكليتنه ممستفزهه ولو مساومهن على فلوس لو نومه هذاااا شنو شيب راسي من الي شفته بجهازه
بس الي مخبلني منين يجيب صورهم
طلعت محادثته ويه صادق بس كم كلمه
هلو حبي صدق
اهلا حماده
شخبارك
زين وانت
حبيبي كالولي انت تفتهم بالاجهزه اخويه موبايله قفل الرمز ومديتذكر يفتحه
سهله حبيبي اني هسه بالبصرة اسبوع واجي
لا هواي اسبوع شغله كله بي
زين روح الآي محل موبايلات سهله بسرعه يلغي الرمز
مااكدر بي صور زوجته وتعرف ولد الحرام هواي
عندك حاسبه
عندي لابتوب
حلو ....راح ادزلك رابط هسه مال برنامج واتصل بيه واني افهمك بالتفاصيل
وراهه مكالمه فقط هذا الحديث الي بينهم
نزلت عَل دردشات باوعت حوريه عَل ماسنجر
فتحتهه اخر رسائل قبل شهرين .....كلام عتب لان عايفهه صعدت للمحادثات الي بالبدايه
انت عينك عليهه مو تحبهه
يا احبهه شبيج تخبلتي
والله نظراتك الهه مو طبيعيه
لج بابا هيه مو صديقتج شلون احبهه
خل تولي أصلا هيه وحده ساقطه وحتى نايمه ويه عمر أصلا اني اريد اعوفهه ....تتباهه يمنه بسوالفهه
لا مستحيل شيرين هيج
حوراء/شوف مو اكلك انت تحبهه
احمد/لج بابا اني احبج الج وبس تخبلتي
نزلت لكيت كومه بلاوي حاجيه على شيرين ....يعني بسببهه هيه خربت سمعة شيرين وقنعت هذا الساقط انو هيه مو زينه واكيد الكل يصدكهه لان صديقة شيرين المقربه
وراهه لكيت فيديوهات لبنات مراهقات اول شي يقنعهن بكلام ناعم هو يحبهن يأمن بي يدزن صور اله وراهه يجبرهن يصورن مقاطع فديو متتسولف ويرسلنهن اله وهنه الممنونات وشكد أرصده وفلوس يدزن اله في سبيل ميفضحهن
طلع عايش برأس البنات السافل
ومن ضمن البنات الي يهدد بيهن هيه حوراء لان لكيت صفحه ثانيه الهه الحد اليوم الي لزمته بي حاجيه وَيَا عَل ماسنجر ومآخذ فلوس منهه
رجعت الموبايلي شفت الفديو الي مسوي حافظه بالجهاز من شفته كمت لعصر براسي عصر على كمية القذارة الي مخليهه بي
رتبت فديو بصورهه ووياهه الفديو الي مركب ونشرتهن على الفيس بوك بأكثر من بيج بس بحساب سويته جديد ممعروف
وكتبت علي ......انتبهو لحالات النصب والمتاجره بارواح البنات .....قبل فتره ضاع موبايل بنيه وواحد اخذه وركب على صورهه مقطع فديو وبدون تردد اهل البنيه ذبحوهه
انتبهو بنات احذفو صوركم انتن هم معرضات الهذا الشي
طبعاً الفديو انتشر بسهوله بس وره ساعه وحده كبل أنلغه من جميع مواقع التواصل الاجتماعي
..................................
شيرين/توني كملت تنظيف مااحس اله اندك الباب قوي
رحاب/يا ستار يا ربي
فتحت البرده بابا ....فزيت ....وامي فتحت الباب جان عصبي حيل
بابا
مااحس اله ضربني راشدي .....بعدج عندج علاقه بي مووووووو
منوه والله ماعندي شي
مو غيره السافل يسويهه
مااعرف شسوه
محمد/يابه انت ليش ضايج بلعكس هاي برائة شيرين
اسكت انت متعرف اي شي .......لك راح ينفتح باب ثاني علينه ....مراح يمولون مضلومه راح يكولون اهلهه يحاولون يبرئوهه ....هاي عقولهم
وبعدين
ماكو بعدين ....شيرين هيه جابت السجن النفسهه هسه تعال سيسكت الناس راح ترجع تنفتح السالفه كله من وره هاي الكلبه واجه هد عليه
والله ماعندي شي وَيَا والقرآن
اششش.....الصمي كلمه وحده هسه اموتج وارتااااااح يباشر اريد ارتاح ماكو راحه ماعولت السالفه تنسد رجعت انفتحت
يابه لتكبر السالفه مو قيصر خابر صديقه واحد مسؤل على الابتزاز كله راح الغي من كل المواقع
وين الي ينشر بالفيس ....شلون يلغي بعد .....هاااا شلون بس كوّن الزمه الهذا الساقط والله هالمره ماارحمه
...................................
شهد/فارس مقبل يجيني ....بقيت حايره مقهوره حيل جدو هم عاند واجه بابا مقبل احجي ولا كلمه ......
هنا تأكدت فارس بعد ميريدني......وكلت هذا هو ....شنو اجبره يكمل ويايه .....ميريدني براحته
آذاني يم الباب تنتظر تسمع صوته كل شويه أتأمل يجي بس ميجي
خلص النهار وهو ماكو .....كلبي تزيد حرگته متقل
بديت استسلم .....والمشكلة مااعرف منو بينه الغلطان
يمكن الحد الان ساعات اتذكر هو هم جان واحد من الي كتلو شيرين ....يمكن هذا الشي ابد مكدر يقربنا ....لذلك تعاملت وَيَا بجفاء وخليته تكش روحه مني ويبتعد
فكرت بيني وبين نفسي يمكن هذا الصح ....صح كلام غزل الحيه ....اني وين وهو وين يمكن هسه بده يدور على وحده مثل مستوا هم تدرس مو وحده بعدهي ممكمله الخامس وبطلوهه لان اختهه ارتكبت جريمه وحبت
جنت مغمضه عيني وابجي ......ومسويه الغرفه ظلمه حيل
انفتح الباب....غطيت راسي مالي خلك عمه خوله انفتح الكلوب
هاي اخر مره اسامحج بيهه شهد
وخرت الغطه بسرعه جنت كفشه حيل ....فارس ممصدكه روحي
شوكت تعقلين ماادري
من تبطل تخوني
اجه سريع عليه ........وجرني من شعري ...
يعني متوبين
اي....فارس أذيتني
كولي عفو
سكتت
كولي عفووو ...وجر شعري اقوى
اي....اي....عفووو
كولي مااعيدهه
ضحكت....فارس كااافي
كولي مااعيدهه
ضحكت تذكرت من راد يتقربلي واني مااقبل
عابت هالخلقه الحلوه .....أنوب تضحك ......وتمدد بصفي
شبكته حيل .....فارس....
نعم
بس هم مكتلي
باوع خزرني.....حيل وبجديه
مكتلي شكد تحبني ....شبيك....شعبالك شراح اسألك
مممم عبالي
باسني من خشمي وسحبني قوي الحضنه
تدرين شكد احبج
شكد
بكد رحمة الله
اعقلي شهد وخلينه نعيش مرتاحين .....
والله اني احبك هواي بس هاي غزززل الحقيره
لتخافين .....اطمئني لا غزل ولا غيرهه تدخل هذا الكلب ....هذا بأسمج وبس
كرصته من خده حيل وسويت ييييي
باوعلي بصدمه.....مخبله والله العظيم مو صاحيه مكانج بالشماعيه
بسته حيل من خده
رجع هو وخر كفشتي من وجهي وكام يباوع عليه
كتلج قبل شكد اني احبج
لا
لتجذبين توني كتلج ....حقيرره
يلله كومي شنو ناريه تبقين هنا
هزيت راسي لا ....كمت فرحانه حيل لبست جبتي
نزلت جان بابا كاعد هو وجدو بس بابا شكله حيل ضايج ومحمد وماما هم جايه مدري شبيهم كلهم ضايجين
بوستهم وطلعنه جان فارس جاي بسيارة قيصر
بسرعه وصلنه للبيت ازل من شافتني ضاجت وحتى مسلما كبل صعدت وأفأفت
مريم اجتي شبكتني وعمه بوستني وفرحانين جانو حيل
صعدنه فوك اني وفارس هو دخل قبلي للغرفه رحنه من وره شبكته
فارس لتعوفني بعد والله احبك حيل
دار عليه وشبكني بنيتي المشاكسه انتي ....احبج بس مو بكل خبالاتج انتبهي وبعد اذا تطلعين ماارجعج وهالمرة صدك مو تكولين كل مره يحجيهه المره الجايه تنسين فارس فهمتي شهودتي
اي ....باسني من خدي وكعد عَل جربايه لزم الغضب الموبايل .....
رحت للحمام واني الوب ....اكره الموبايل ساعة السوده علي ....الموبايل وجوده بحياتي يوترني الله لا ينطي الصنع الموبايل
طلعت من الحمام وكفت كبال المرايه امشط واباوع علي
صاحني تعالي شهد
كاعد امشط
تعالي ....تعالي ....عوفي التمشيط
رحت كعدت كباله .....من احجي تكول نكديه ....اني هذا الموبايل ممرتاحتله
مااحس اله انطاني الموبايل ...هاج
تفاجئت ....ابتسمت ....شنو هذا
افتحي الموبايل
بحزن ....مااعرف الرمز
تاريخ.زواجنه
صفنت بوجهه شنووو
كتبي تاريخ زواجنه شبيج
غطيت عيني خجلت مااعرف بأي يوم بالضبط بس اتذكر الشهر
ردليا ....خجلني بالزايد
انطيته الموبايل ....ماكو داعي أوثق بيك
لا اريد هذا يرتاح وأشر على كلبي
فارس والله اني احبك حيل ......مو قصدي اشكك بيك بس أغار عليك هواي .....مااتحمل اشوف وحده غيري تأخذك مني من بعدت عني تخبلت حيل ووراهه شفت الرساله وقارنت بينهه وبين بعدك عني .....
تعالي بصفي جرني علي وهو طلع الرسائل باعي مو حضرتهه كدامج من ذاك الرقم
باعي بعده محضور رجعت كامت تحجي وياي من غير رقم ....طلعلي كل الرسائل ولا رساله مجاوبهه
لج بابا اذا عندي انتي شسوي بهاي الزباله فهميني
كافي فارس راح ابجي والله
وشبكته بقيت خجلانه مااباوعله ابد وهو يريدني اباوع علي حتى يضحك عليه واني مجلبه ضامه راسي بصدره
هاي شنو صايره قويه
وخر فارس خجلانه اباوع بعينك
شو مااصدك انتي تخجلين شووو خل اشوف بلله
فارس كافي
وكام يدغدغ بيه واني متت ضحك اخر شي خله ايده على شفتي
آش ولج فضحتينه
كافي تدغدغ بيه انت
عضني بخدي ....حقيررره انتي
........................................................
شيرين/بعد مراحو اهلي والوضع بقه متوتر وبابا حيل متوتر اجه حسن كعد يمهم شويه على أعصابه معول يروحون وهو يلوب خاصتاً همه تأخرت يمي لليل يالله راحو حتى فارس وقيصر جانو موجودين حتى فارس انتبهت علي يباوعله هواي اول مطلعو
اخذتي فلوس
لا
ليش ....لا ....شكتلج اني حيوانه
شتسوي بيهن ....
شعليج انتي .....كتلج اريد فلوس واعتمدت هسه جايني الولد شكله اني بت الكلب وكام عليه جنزني تجنز معافني اله من ندكت الباب
كومي ....كومي بالغرفه كلبه ....طايحة الحظ اني اعلمج
دخلت جوه للغرفه ابجي وشعري متكطع وملابسي مشككه من كثر ميجر بيه
وكفت يم الباب ....
ماعندي فلوس
مشكلتك حبيبي ماانطيك لعد
راح اموت كتلك صار اسبوع مماخذ ....انطيني بس شمه وحده
مشكلتك حبيب هاي بضاعه غاليه مااكدر
كتلك انطيني ....واني اجيبلك الفلوس باجر وين متأخر عليك قبل اني مو اول بأول
ميخالف هذا باب رزقي مااكدر اتلاعب بي مااضمن احد وهاي النوعيه غاليه حيل
دتعال اكعد خل نتفاهم
جوعان وتعبان اريد اروح البيتي
دتعال هنا تعشى ....لتروح هسه ... اكلك مااكدر اليوم بعد راح اموت
دخله للبيت وطبك الباب ودخل عليه لبسي جبتج وطلعي سويله عشه
شلون اطلع
لبسي جبتج والصمي
طلعت واني مدنكه مباوعت على الي وَيَا ابد
جنت اسوي عشه مااحس اله سمعته
هسه انطيك هاااا شكلت .......يتبع
.........................
عمر/صارت الساعه بال٢بليل منتظرين الإشارة. مدري ويه منو متفق بكر موع آذاني وهو يعلمني شسوي
نزل عدنان ولد من جماعة بكر يضبط الوضع لان اني كتله مالي دخل بالحارس واني اقترحت علي أنجتفه وانضربه على راْسه بين ميبوك الفلوس
واقتنع بكر دخلنه اقتحمنه البيت اني صافن اروح منا واجي منا وكل شويه واحد منهم يكلي تعال ورايه
دخلت الغرفه بيهه طفله كامت تصرخ من شافتني
اششش اهدئي حبيبتي لتخافين
وهيه تصرخ
مااسويلج شي والله شبيج
الله يخليك عوفني
تطلع الطفله بعمرالتسع سنوات مدري اصغر مااعرف عمرهه
والله مااكتلج ....لتخافين اهدئي حبابه
دخل بكر ....انت تحجي صدك ....غبي ليش تحجي وياهه
عمر/متشوف الطفله خايفه شبيك
بكر/طبعاً تخاف غبي ... تعال ورايه وانت ابقه هنا
بقه واحد من الولد بمكاني دخلت للغرفه مجتف الشائب المسؤل الي مشايفه بحياتي كلهه
وزوجته هم
كام يدور واني واكف اجه عليه متدور
على شنو
اخذ نفس سريع عمر راح ارتكب بيك جريمه انت تثولهه لو انت أثول
طلعت من الغرفه وعفته لحكني وخله السلاح عليه
راح ارتكب هسه بيك جريمه
شتريد مني
لم الذهب أثول
اني ماابوك راح ارجع يم الطفله وخلي عدنان بيوم وياك
ارجع بس لتحجي ولا كلمه وياهه
ماشي
رحت ملت ال عدنان يروح ويه بكر وبقيت اباوع عَل طفله وهي تباوعلي
انتي بيا صف
بخوف .....بالثالث
ماشاء الله ....وشطلعتي
أولى
عفيه بطله
انتو مراح تكتبون بابا وتبجي
لا حبيبتي بس جايين نسولف وَيَا بشغله ونروح
اريد اروح يم يوسف
منو يوسف
اخويه
كومي حبيبتي
وديته يم اخوهه الي جان اضرب منهه خايف وحتى عاملهه على روحه شبكته وهو شبكهه عيوني دمعت على منظرهم
اني اعلمك بكر
طلعنه ونجحت خطة بكر اول مصعدنه
عمر/انت شنوووو فهمني تدري شلون رغبت الأطفال
لك اني شنو لووو انت وين اكو حرامي يحجي ويه الي ديبوكهم ....لك ردت تجيبلي الجلطه
بصياح/اني كتلك مو مال هاي السوالف وانت مجلب بيه ....والله بعد اذا تكلي اطلع وياكم اله اموتك
لك اني بعد مااريدك مو انت .....فااااهي .....امددداك
خافتاً وراحه شو نزلوني هنا
اي ننزلك هنا .... خوش ولتنسه ترجع تاخذ مصاصه للطفله وياك
بلله هسه انت علمود كم فلس رغبت عائله من كل عقلك
اي ومو بس أرعبهم اذبحهم هم
اني الهنا وحدي وياك نزلوني وبعد لتشوفني خلقتك ابد
لا والله مو بكيفك
احنه اتفقنه بس هاي
ليش انت شسويت اليوم ويانه انت خليت بالاتفاق كعدت تحجي ونسولف
اكلك شو نزلني لو تموت بعد متشوف شي مني
خله المسدس براسي ....مو بكيفك
شوف هذا البطران ....عباله اخاف من الموت يلله تضربني وخلصني تكسب بيه اجر
عمر عوف الحجي هسه ...حتى مخليتني اتهنى ....وبعدين محضرلك مفاجئه
مااريد مفاجئاتك
والله مو الي ببالك
رحت وَيَا غصباً معاليه لطش اول مدخلت البيت اشوف واحد منومي على بطنه ومجتفين ايده ورجله ومغطي راْسه بوصله سوده
شنو رأيك
منو هذا
أمر عدنان يؤخر الغطه من راْسه وانصدم جايبين صادق الي احمد جاب اسمه
هاي شنو أبن.......
هاي مفاجئتي جبته الحد رجلك تاخذ حقك وحق حبيبتك منه
تعصبت حيل ....لك هذا ماله دخل ورحت افتح رجله وأيده
مو هذا السافل كال وَيَا
لا تأكدت من موبايله
اعتذر صادق .....حقك عليه ....اني هسه أوصلك بيدي
هز ايده بكر انت مقتنع
بشنو بكر
تريد تخلي يطلع منا بعد مشافنه ورأساً وجه السلاح علي طبعاً هو الولد فقير كلش بحيث من خوفه
والله مااجيب سيرتكم
عمر/حلف بكر
ولا كانما احجي رأساً بعدني احجي مااحس اله .........يتبع
Bạn đang đọc truyện trên: Truyen247.Pro