#صرخات_غير_مسموعه

#بقلم الكاتبه ام غايب

حبايب قبل كلشي اعذروني الدفتر بعده يمي وام غايب مكدرت تنزل لان يمي واني ببيت اهل زوجي بعيده عليهه .. وملتهيه

اما البارت مو تكولون قصير لان هو تكمله الذاك البارت ومااكدر اكتب اكثر باجر ارجع البيتي واحاول اعوضكم

اكثر شي تعبني من اتصالهه كلامهه على بنتي ......لكيت بيهه انسانه ماعدهه ضمير ابد ارتبكت من وره كلامهه على بنتي ونزلت دمعتي رأساً الدرجة اصتصعبت الكلام بصوت عالي رداً الهه

اريد دليل على كلامج

شوف هاي البطرانه اني ماادز دليل دوري الدليل بيدج
قصص وروايات عراقية كرار صلاح
كلت خل احجي وياهه بهدوء بلله واوصل النتيجة شتريد
احتمال جبير تتبله علي لان ممنطيهه مجال واحتمال صح كلامهه بس فارس هو مجلب بيه رغم كل الي صاربس مكدرت اتماسك نفسي بالهدوء وحجيت وياهه بنبره بيهه حديه

شهد/لا حبيبتي من تجين تحجين على رجلي بكلام سخيف مثلج يأما دليل عندج يأما انتي تتبلين علي

براحتج لتصدكين يا حلوه الله يديم الثقه وضحكت بعدني محاجيه وسدت الخط بوجهي

احس كلشي بيه كام يرجف .....صح احتمال جبير جذابه بس هم خايفه

صعدت دكيت الباب على ازل واني احاول اهدء روحي لان عصبيتي دائماً تخون بيه وتضيع حقي ومن التوتر مسحت وجهي احس بوخه طلعت بي اول مفتحت الباب

ازل انتي ليش انطيتي رقمي الاختجً

اختي ....غزل تقصدين

لعد عندج غيرهه واني ماادري

والله ممنطيته الهه وليش انطي الهه

لا صدكتج بس اكلج انتي بدال متحاولين تهجمين بيتي متديرين بالج على بيتج

شتقصدين

مااقصد شي بس الله موجود ويباوع يعني انتي محتاره انتي واختج تهجمن حياتي واكيد وحده هم دتتحاول تهجم حياتج

اني مالي علاقه وبعدين غزل مستحيل تسوي هيج شنو هاي تتبلين عليهه مااقبل عيب هذا الحجي

عفت العيب الج ....باعي ازل اكو كلمه واكفه ببلعومي مراح احجيهه أأجلهه الى اشعاراً اخر بس راح اكلج بشغله اختج اذا معافت رجلي بحاله اروح بنفسي الاهلج وهااااا تره اني عندي تسجيل مكالمات خاف تنكر

باوعتلي بغضب عفتهه ورحت الغرفتي بس شنووو نار بكلبي شابه اريد فارس يجي .....احس كلشي بجسمي بي رجفه ....خايفه خاف كلامهه صحيح مااتحمل فارس هيج يسوي بيه

جنت متمدده وصافنه بصورة عسوله ودموعي تنزل
اكثر شي ضرجني انو هيه كلامهه صحيح مفروض اكتل روحي لان اني كتلت بنتي

جنت سارحه بصورة حبيبتي
اتأمل وجهه الحلو .....وعيونهه احس روحي اشتاقت الهه
اتخايلهه بنفس شكلهه بس جبيره وكاعده كبالي وتضحك
قصص وروايات عراقية كرار صلاح
دخل فارس اول مدخل كمت كعدت لا ارادياً ومسحت دموعي

باوع عليه ......شكتلج اني ....مو اعرفج الصوره راح تكابليهه وتكعدين تبجين

كمت بسته .....واني نار بكلبي .....اعرف غزل احتمال تريدني اهجم علي .....واندفع كلت خل اخلي يرتاح شويه يالله احجي

جوعان

باوع عليه ورفع حاجبه .....احسج مو طبيعيه

ليش شكتلك اني ....كتلك جوعان

عيونج تسولف مو اعرفج اني اطلعيلي بالزبده

اي صح

شوفي مو اعرفج .....خيرج شهد

راح اسألك سؤال بس بروح عسوله تجاوب صدك

الله يستر منج ... كعد عل جربايه نزع قميصه وتمدد بالبنطرون

اي اسمعج بس ظهري يوجعني

جنت واكفه كباله كعدت عل جربايه

خابرتني غزل

اول مكتله هيج وجهه انكلب ....اييي

تكول انت تتقربلهه وانت عندك موبايل سري

هيه كالتلج هيج

اي

وانتي صدكتيهه اكيد

اني لو مصدكتهه جان مسألتك

لا مبين مصدكتهه ومبين من جنتي تبجين عايشه الحاله

جنت ابجي على عسوله

ماشي ....ماشي .....حجاهه بعصبيه وكام

وين رايح

ولا عبالك احجي ويا ......طلع من الغرفه ....كمت ورا ....دك الباب على ازل اول مفتحته هجم فارس بنبره حاده حيل

اكلج اختج شتريد منج .....مو كوه سااااكت اني وبالعهه الخاطر قيصر

شبيك فارس اختي شجابهه

باااااعي هاي السوالف متمشي عليه ابددددد اني وصلت حدهه ....اختج شتريد مني ....شنو هالسقوط وعدم الحياء الي عدهه

انت شلون تحجي على اختي هيج
قصص وروايات عراقية كرار صلاح
احجي وووونص من تريد تهجم بيتي وتلفق سوالف لان ممعبرهه احجي بهاللحظه اجه قيصر صعد يركض ومريم طلعت من غرفتهه وعمه صاحت من جوه شكووو

قيصر/اكلك قيصر ....فهم اخت مرتك تبعد عن حياااتي لان وصلللت حدهه

شبيهه غزل

ازل/اخوك يتهم اختي بشرفهه .....واني اله اسويهه عشائرياً واكول ال اهلي

فارس/حاااااب درررروحي هو اني راح اكل الاهلج كلهم

قيصر/ازل دخلي جوه

ازل/ماادخل شنو معناهه يتهجم عليه اخوووك ويحجي على شرف اختي

بصوت عالي......كتلج دخخخخلي جوه بالغرفه
طلكت الباب حيل ودخلت

شمو القصه فارس

فارس حجاله السالفه عل سريع وبتهديد يكل الاهلهه

قبصر/توف الموضوع عليه اني احله

فارس/مو وصلت حدهه ....وفهمهه المرتك ممنوع تجي البيتنه بعد ....تره قبل كوه ساكت وبالعهه بس بعد منا وهيج مااقبل

دخل فارس بعصبيه للغرفه .....اخذ خاولي وطلع
رحت فتشت محفظته كلت يجوز اكو سيمكارت شي .....ماكو وهو ماعنده سياره حتى يضم بيهه موبايل ....رغم ما حجه وتعصب بس اكو خوفه بكلبي اريد اطمنهه

دخل للغرفه بعد ماكمل سبح ....لبس ملابس النوم .....ميعوف اله بجامه عريضه وتشيرت عريض يالله ينام .....

بالعافيه

بحديه ....الله يعافيج

شبيك فارس

تعبتتت من هاي الاسطوانه

اي اسطوانه ....شءفتني صدكتهه

لا ابد مصدكتي....بس حققتي وياااي

شتريد مثلا وحده خابرتني تكلي هيج وهيج رجلج مااسألك

بعصبيه......ااااي

لا والله وشكوكي شلون تطمئن

هو انتي شغلج بالحياة كله بس شك

والله يعي اني وحده غيري هسه تصدك رأساً اني اصلا مسويت شي والدليل لو مصدكتهه جان مبقيت بالبيت

تقرب عليه بعصبيه .....

خااااف عبالج ذيج المره سكتت وعديتهه من طلعتي ورحتي ويه امج هالمره ادفنج وانتي عايشه والله
باوعت .....انت صدك تحجي

بعصبيه ....بحيث حتى رمشن عيني من الفزه.......ااااي

انت شبيك فارس

باوع عليه وخزرني ....وخرت من يمه ....ردت اروح .... عتني من ايدي وين موايه واني بعدني احجي

انزل جوه لان اذا بقينه هنا نتعارك
قصص وروايات عراقية كرار صلاح
نتعارك شنووووو انتي صديقي لو ولد واكف مبالي وتتعاركين وياي ....شنو تتعاركين وياي

فارس وخر الله يخليك خليني انزل احسن حل

ردت اروح جرني حيل ....اني شكلللت

كااافي فارس ....كااافي شبيك .....اصلاً اني الي لازم اخذ موقف بس صوجي تصرفت بعقل مفروض اسحل ازل هيه واختهه من روسهن

دسويهه وشوف شسوي بيج

اكلك بشغله .....اصلاً انت الي مطيهه مجال ال غزل

شتقصدين

لو ممطيهه مجال لووو صادهه لو كايل ال قيصر عليهه جان عرفت حدودهه بس اظاهر كلامهه صحيح

انتي تحجين صدك لج هسه اكلب الغرفه فوووك راسج مو تشوفيني منطيج مجال تكومين تلغين زايد ....اني انوب منطيهه مجال شو انتي متعرفين تحجين

ارتاحيتي هسه....هو هذا غرضهه وانتي خليتيهه تنجح

لا والله يعني مو انت الي جاي مناك شايش ولازمني على كلمه احجيههه وخررر فارس عوفني

طبج مرض عافني وراح للجربايه ....طلعت بطلعتي سمعت ازل وقيصر يتصايحون .....نزلت جوه بالاستقبال ابجي ......ضوجني حيل موقف فارس بقيت ابجي وامسح بدمعتي والوم بروحي عل بجي

امداج يا شهد ميت مره كتلج لتتصرفين بعقل وهدوء وغميت روحي جنت نايمه عل تخم ......

اي بعد غميهه اول مره تسوين شي بي خير

فززني صوته وبنفس الوقت سويت روحي مااعير اهميه الوجوده

تعالي صعدي

مااريد

لتصيرين مطيه

ماااااصعد

جرني من ايدي وحاول يكومني

مااريد اصعد

مااحس اله سد باب الاستقبال وطفه الكلوب اني درت وجهي علي

شدتسوي

ننام غير

لا والله

مااحس اله صار فوكايه جسمه ووجهه كبال وجهي
اني أسف ....كلش هواي

وخر فارس

ضجت حيل من هاي الساقطه

بس اني مصدكتهه حتى هيج تهجم عليه اني سألتك
قصص وروايات عراقية كرار صلاح
رفع حاجبه وباوع عليه ...... راد يبوسني درت وجهه عني

يعني بعدج زعلانه

اي

باسني قوي من خدي

تره خنكتني وانت فوكايه وخرر ....كمت اذفع بي وهو يكلي ماكو اله تكولين هذا هو

شنو الهذا هوو

بوسيني

ماابوسك ضايجه منك

بوسيني كتلج

فارس ماابوسك

بكيفج ابقه نايم هيج

ونام على صدري وغمض عيونه

فارس كوم عليك الله اختنكت

ماكو تبوسيني اكوم متبوسيني ابقه نايم ....بس ياريت متبوسيني لان مرتاح بنومتي

كوم خل ابوسك فارس خبلتني

رفع راسم وابتسم .....يلله بوسيني

بسته بخده ....كال شنو هاي اريد بوسه قويه شنو طفل تضحكين عليه بهاي البوسه .....رجعت بسته

ممم اوكي يلله خل نكوم لعد نصعد

صعدنه الغرفتنه .....ونمت على ايده مثل كل مره .....وهو من نتعارك دائماً كل ميفز من النوب يبوسني بخدي ويكلي احبج وكل شويه مفززني
ببوسته

فزيت الصبح على حلم .....فارس مات واني ابجي علي
بقيت اباوع علي وهو نايم .....واكول بس لا يصير بي شي ......جان يدك المنبه موعد دوامه ......سديت المنبه وشبكته حيل .....كلت ولا اخلي يروح للدوام بالله صار علي شي خل يولي الدوام

شبكني وحس من شبكته ....بيش الساعه

ب٣بليل
جذبت علي ....حتى يرجع ينام

فزيت على صوته ....لا يا الله هاي الساعه ب١١

فتحت عيني.....شكوو فارس

الساعه ب١١ولا حسيت بالمنبه .....من كثر متعبان ....وانتي مسمعتي

شمدريني خاف ناسي توقته

كام بسرعه يريد يبدل ويروح دخل للحمام ....سبح وطلع عل سريع واني مااخلي يبدل

وخري ولج متأخر

مااا متداوم

شنو هاي جديده

شبكته مشتاقتلك

اني هم

متروح

تخبلتي

مااااا متروح اليوم حلمت بيك حلم تموت بي واني اذا تموت اموت وراك والله

حبيبتي

لتكول حبيبتي.......: والله مااا اكلك حلمت بيك

ولج انتي مخبله

مااا كتلك

والله تضحكين حبيبتي نظفي حذائي بسرعه

بدل ولبس حذائه وطلع عباله جنت اتشاقه ويا جنت بيومهه خايفه حيل تعقددت من شي اسمه موت بحياتي

...............................

شيرين/جنت جوه .....انظف مااحس اله صاحني محمد
من فوك

صعدتله مااحس اله بيده الرسائل الي كاتبتهن ال عمر والدفتر وامي واكفه يمه

كلت اسم الله كلبي وكرصت اذني

صعدت ل محمد واني خايفه بس لا صدك شافهن ....مااعرف ليش من صاحني هيج تخايلت مع العلم اني ضامتهن فوك الكنتور

ها محمد صحتني

اي يمعوده قميصي مو كتلج كوي

يبوووو نسيت والله

صدك تحجين هسه اريد اطلع اني ومستعجل

هسه اكوي

اكلج مستعجل .....والله يا ربي استغفر الله هاي من الصبح عود كتلج علي

والله نسيت ......ضاج حيل .....اخذت القميص ودخلت الغرفتي واني كلبي واكف .....من الخوف ....من تخايلت محمد شافهن هو وامي .....كلت بس لا يشوفوهن وين اضمهن يا رب معقوله فوك الكنتور يوصلون اله
قصص وروايات عراقية كرار صلاح
بعد ماكويتله القيص ....قفلت الباب واخذت الطابوريه وصعدت عليهه اتلمس كوه الوح الكنتور جريتهن .....خليتهن على كلبي .....اوووف يا عمر مكتوبلي ابقه احبك بالخفيه .....بست الدفتر ورجعته المكانه .....

كمل يومي طبيعي وماكو شي جديد

صار الليل واخذت جنات وصعدت وقفلت الباب عليه من دخل كرار مره والدفتر بيدي جان بعد توبت ....ماابقي الباب مفتوح

وطلعتلي ورقه ثانيه

عمري ......اني احبك ....انت النفس الي اتنفسه
سامحني حباب ....اعرف غلطت هواي ....بس احبك واتمناك

والله انت امنيتي بهاي الحياة ....عمر .....صح صارت عندي جنات من غيرك بس راح ابقه اتأمل يصيرون عدنه اطفال هواي ......واحنه كبار .....وانت سنونك توكع ....وبنتك تجي زعلانه وتطلكهه

راح نحقق حلمنه .....مو هاي عمه خوله حاجيتلك عليهه قبل ....راح تنخطب الحبيبهه صح كبرو بس انجمعو
عليك الله ابقه حبني عمر ....جدو مات ....يعني بعد ماكو شي يوكف بوجهنا اعرف اني مفروض مااطلب هذا الشي بس والله احبك حيل

حبك مراح ولا لحظه عايش وياي بكل مكان
مو عبالك بس انت حبيتني اني شفت المر ببعدك
بكل وقت انت بعيوني حتى من تزوجت عيونك جانت بعيوني

عمر.....مااصدك ..انت متحبني لو تكرهني شكد كتبت هالكلمه بالدفتر بس مااصدك هاي حقيقه

تعرف رغم ما دفترك جان عقابي بس احبه ....كل سطر بي كتبته واني اقرا احسك يمي احسك عصبي ووراهه تهدء وتحبني

كتاباتك قليله وهذا دليل ....جنت بس من تغضب مني وتتذكر تكتب
عمر انت روحي الي انحرمت منهه

مااعرف شكتبلك بس حبك الي بكلبي مااكدر اوصفه

.........................

عفت القلم ورجعت الدفتر والرسائل فوك الكنتور وفتحت الباب على كيف حتى محد يحس جنت قافلته

ورجعت نمت ......غمضت عيني وكمت اتخايله يمي .....نايم بصفي .....ونايمه على صدره الي هو حلم بالنسبه الي .....

شكو بيهه لو حقيقه ....شكو بيهه لو انت مو خيال وحقيقه
....غفيت واني افكر بي

...........................................

شهد ...بعد ما طلع فارس للدوام نزلت جوه سويتلي ريوك ومويم جانت كاعده كئيبه حيل حاولت اتشاقه وياهه ماكو

ولج فكيهه كافي

متدرين شنو النار الي بكلبي شهد ....تعودت علي مااحس نفسي مخطوبه بس فتره قصيره احس صار سنين واني احجي ويا تعلمت اكعد على صوته واغمض عيوني على صوته .....فجأه راح واختفه

اعرف احساسج ومجربته ومو مره وحده مرتين الاولى بابا فجأه اختفى وانوب عسوله

تدرين شهد يوميه من تصير الساعه بالعشره كلبي يوجعني
حيل ....موعد اتصاله يوميه .....لج عقلي ميستوعب مات
يمكن اني صدك فكرته للولد .....اني فكر

لا ولج لتحجين هيج ....تخبلتي ....هذا يومه والله كاتبه

تعرفين على شنو مقهوره ....لان ببداية خطوبتنا شكد جان فرحان ويحاول يتقرب مني واني جان بعقلي محمد ....هذا الشي كاعد يأذيني وانوب من حبيته مات

اندكت الباب ....اول شي على كيف بعدين صار صوت حيل .....

مريم شكووو هاي منو

شهد /اي والله خاف اكو شي يا ربي

مريم/لنفتح الباب انوب لا الولد ولا امي

شهد/ليش خاله وين

بالسوك يمعوده

صارت الدكه اقوا.....نزلت ازل تركض........يتبع