هلو يگماعة شلونكم...!؟
شخباركم...!؟
شخبار الجهال..!(:
...........................

بعد تعرفون شنو فقرات البارت ...💜

سوو تاك لاصدقائكم يتفاعلون بالكتاب..💭💜

.....................

رسالة لكم...💭♥️

"اجعل يومك جميل صاخب مليئ الاحداث .."

-------------
(( مـن آلـقـلـب ..♥️))

شوفو ياناس مهما صارتلنا حوادث ومواقف
وكان الصمت النا وسيله لحتى نخرج الي بداخلنا
بس تخيلو هيج مواقف وحوادث تصير مصدر قوة
تخليكم تفتهمون الصح من الخطأ مهما كان العمر
.........
يعني القلب يقوة ويتحمل كلشي
وبالنهاية انتو الربحانين ليش لان قوة قلبكم
صار عدكم قوة خلقتها هل المواقف والحوادث
بغض النظر عن مدى قسوة الموقف وحدثه بس هليناهم مصدر قوة..

احنا صح مارا علينا مواقف ممكن تجتاحك صدمة قوية بحيث حتى تنفسك يتراجع....

لحتى تتغلب عليها لاتنساها اي لاتنساها..
تتدري ليش...!
لان كل ما تتذكر عقلك حيكلك لاتضغف كدام هل المواقف خليها قوة ..

ولاننسى اي شي مر ويانا كان مؤلم
لحتى لاتضعف بالايام الجايه وتستلم الها ...

" اتذكر دوم شنو يدور وياك من موقف مؤلم هيه رساله من الله لحتى تقويك.."

احنه خلي نستفاد مو ذكرياتنا المؤلمه
موبس نخلي ذكرى مؤلمه وموقف ينزل دمعتنا ويكسر گلبنا
خلي نقوي نفسنا بهل المواقف لان المستقبل يجوز يكون اصعب شوي فه احنه لازم نستقوي بيهن..💭💜
..........................

((كتاباتي..🌚💙))

لاتهملني حتى لاتراني بيد غيرك فيقتلك الندم على فراقي...🎶

•
•
•
•
•

........... فراغ يقدر بكلمة ...ولكن هذا الفراغ ندفع ضريبته ..من حزن وألم .....يختلف شعور الحزن من شخص الى اخر...فالرسام يرسم ادق شيء للشعور ....والشاعرر يكتب ادق الكلمات ليصف شعوره ...ام الشخص العادي ...فيسكت لانقطاع نفسه وثم انقطاع الروح...
تعددت الاسباب وتعددت المواقف وتعددت الذكرى...
لكن حدثها واحد ومصاعبها كثيرةة...... اول صعابها ألالم..... واخيرها انقطاع الروح...

احقر شعور يحدث لي هوا صعوب التكلم عند الالم ...لدرجة الاعياء....

كان الدنيا كتبت الحزن على عيني وكأن الفقدان سيرافقني طيلة حياتي.....كثير من الناس فقدت كثييير لدرجة عظيمة لاتووصف... وكان اخذت الجزء الاكبر من حكايت اسمي....

كالسيدة مريم عليها السلام...
تجرعت المر والالم سويتاً ..... ثم الله ناداها من تحت الارض قال لها كلي واشربي ولاتبقي حزينه....

حتى فرجها الله عليها....

رأيكم...!
..........................
•
•
•
•
•
•
•

مشاعر البرود عظيم جداً...ولكن ندفع ثمنها عند الانفراد بأنفسنا..🎶...

....................................

كانت تنظر قدومه بشدة ...حتى اتى وهوا ملفوف بعلم ..♥️

•
•
•
•
•
عشگنا ...عشگ وردي مايلوكلنا عشگ هل الايام🎶

•
•
•
•
•
•

راحو وخلص كل حجينا... تعاتبنا وبجينا...
بس جازونا بالاذيه ....ابنادم مايترس عينه غير التراب.

•
•
•
•
•
•
وشحلات حجينا وسوالفنا يمر اليل ويطلع الفجر واحنه واحد مكابل الثاني♥️
........

كان لي اب وحبيب ..♥️

...............

صعبه التفكير جداً جدار عقلي الباطني يهرب منه ولكن يوجد شيء يسحبني اله ...♥️

................

عقلي وعالمي غريبان جداً ....
♥️

....................

(( رسالة خاص ..))

(( اني عندي مشكلة صعبة حلها....اني متزوجه والحمدلله متزوجة عن حب ....بس اخير فترة زوجي تغير عليه وكام يدور الزله ....كلشي سويتله والحمدلله اني مقاصرني شي....تعبت ويا اجيبه منا مايفيد اودي منا مايفيد شنو الحل ويا...!؟ ))

انطوها حل انه يجوز انهد بيهم اثنينهم..(:

...........

((.. اصف ..))

راح انطيكم عددت كلمات وكلولي منو توصف ..((او منو من الاشخاص التعرفهم يوصفه هل الكلام..))

١-الامل..

٢- الرقة..

٣- الوعي...

٤- قيثارة بابلية..

٥- الجمال ..

٦-الطافة...

٧-القوة..

٨-الطفولية..

٩-الايجابيه..

١٠-الهادئة...

.................................

(( ضيوفنا..))

فقرة جديدة وحلوة هم ...بيها قسمين هل الفقرة..
مره استضيف شخص وانه اسئلة ...والشخص الي ورا هوا يسئلني...يعني مثل المقابلة...♥️😊

اول ضيف الي ...
الي هية وتين LABIRIN_3
جميلة بغداد...♥️🎶

هل المرة هية سئلتني والمرة الجاية انه اسئل..

١- تربين اطفالج بنفس الطريقة الي تربيتي بيها...!؟
والسبب..!؟

ج/ اي اربيهم بنفس الطريقة لان اهلي عاملوني كأني اميرة عدهم ودللوني فه اي اربيهم..(:

٢- لو صارتلج علاقة حب متبادل بينج وبين شاب..وبيوم يصيرله حادث يفقد المشي ..بصراحة تبقين ويا...!؟

ج/ اي ابقى ومو كلام وبس لا انه حتى اساعده يتعالج واساعده بكل خطوة وياه لان انه حبيت روحه وجوهرته ماحبيت شكله وحتى لو حبيت شكله فاماتركه علمود سبب الله سبحانه سواه علمود يختبرني...بقوة حبي اله...

٣-اذا جنتي لازم تختارين شخص واحد تحجين ويا ...منو تختارين..!؟

ج/ اختاررر غفران لان هية قريبه عليه ♥️

٤-الى اي مكان ترحين اذا كنتي بحالة مزاجية سيئة...!؟

ج/ اروح للبحر ♥️

٥-شنو افضل ذكرى الج من طفولتج....!؟
ج/ مرة كنت موجوعة ببطني من كنت صغيرة فه ضليت باليل ابجيي من كل گلبي....بابا بنص اليل اخذني ضل يفر بيه بالسيارة يضحك وياي يحاول كلشي يسوي علمود انسى وجعي...♥️

٦-من اول مشهور حبيتي لدرجة الهوس..!؟

ج/ ماحبيت مشهور لهل الدرجه

٧-شنو اسوء نصيحة ع الاطلاق تقدمت الج من شخص...!؟

ج/امم مرة جنت طالعة ويا اهلي ويانا فد ناس فا واحد منهم نصحني كلي من اطلعين لاتاخذين جنطة وياج تنسرق منج....من كد ما سيئة صفنت بوجه مادري شكله

٨- اختاري ٣ اشياء تاخذيها وياج اذا رحتي لجزيرة منعزلة...!؟

ج/ اخذ دفتر وقلم...وتلفوني....وكاميرة.😊

٩-تؤمنين بالفرصة الثانية..!؟
والسبب..!؟

ج/ اي اؤمن ....لان كلشي بالدنيا بي فرصتين..

١٠- البصرة استقلت كــ أقليم ...توتفقين بهل الشي...والسبب..!؟

ج/ لا ماوافق بهل الشي ...لان ماحب بلدي يتجزئ احب يكون ايد وحدة..

شكراً لمشاركتج وياي تونست وياج وان شاء الله تنعاد♥️😊

..........................

غيومي...💭💙🎶

•
•
•
•
•
•
•

(( اسئلة..))

1-منو الشخص الوحيد الي مانحة ثقتك ؟

2-شنو علمتك الحياة؟

3- هل انتي راضي بصداقة الولد والبنت على مواقع التواصل؟

4-شلون تفرض شخصيتك بين اصدقائك ؟

5-عادة سيئة تريد تتركها؟

6-بشنو تصف المستقبل؟

7-شنو الامور الي تخليك متوتر ومتضايق؟

8-هل انت من الاشخاص الي يفكرون هواي؟

9-شلون تبدي حديث ويه شخص لاول مرة تحجي وياه؟

10-جميع من حولك يتفاخرون بالعادات السيئة و يسخرون منك لعدم اتباعك إحداها ( الغلط،عدم الدراسة,السهر...) ماذا تفعل ؟

11- راضي عن نفسك؟

12- من هو اكثر شخص تفكر فيه ؟

13- هم ملابس الشخص ا تاثر بيك حته تأخذ عنه انطباع ؟؟

14-ماالذي يلفت انتباهك بسرعه في الشخص لكي تعجب به ؟

15- اسالني سوال منهن؟

.........................
((منشن..))

١- تآگ للبيست ازعاج بس..(:

٢- تآگ لصديقك الفاهي..(:

٣- تآگ لاول واحد وكله انطيني بيت شعري .(:

٤- تاگ لصديقك الطفولي...(:

٥-تاگ لرابع واحد وكله امك جابت عسلل موبشر

٦-تاگ للي تحبهم بالوات او المقربين الم هنا..(:

٧-تاگ للصديق تعرفت عليه هنا وصار البيست مالتك..(:

٨-تاگ لصديق الي يكرر بالكلام ((شلوننججج))
وكذا..

٩-تآك لشخص حزين وكله كلام يفرحه...

١٠-تاگ للتوأم مالتك(:

وبسس خلصنا....💭💙

____________________

((ملاحضة..)) فقرة الاسئلة ساعدني بيها محمدز The_Pastor
شكراً

اتمنى عجبكم البارت واستمتعتو بي ..♥️🎶

اقتراحاتكم للبارت الجاي..!،

كونو انتم كونو بخير♥️😊