تـجـي نـشرب چاي وتـسـولفلي شگد تحـبني!
بـسم الله الـرحمٰن الـرحـيم♥️
2021/9/18
10/ صفر/ السبت
3:37َ مـساءً
............
هـلو گآيز شلـونكم!
........
صـلـي عـلى محمد وآل محمد♥️
.
.
.
...............
(آلاسئلة..)
١- شنـو حلمك من كنت بالابتدآئي!
٢- اصعب موقف مريت بي بحياتك وشون گدرت تتخطى!
٣- مقطع شعري تحبه وتحسه يوصفك!
٤- هدفك الرئيسي بحياتك شنو !
٥-افضل الكتاب الي قريت الهم كتب منو هم وشنو اسم الكتاب الي قريته!
٦- شي حلو بحياتك!
٧- شي تندمت ماسويته!
٨- ينگال عنك البارد لو المزاجي!
٩- احـلى مرحلة دراسيه شنو هي!
١٠- شنو املك بالحياة ان تتوقع يوم من الايام حيتحقق واملك ماراح !
١١- جيب صديق روحك وعترفله بشي ضامه عنه(:
١٢- الشخص الي تحبه الى ذكرى حلوة يمك!
١٣- كلام توجه لهاي الايام(:
١٤- بيت شعري لشاعرك المفضل!
١٥- اسئلني اي سؤال!
....................
(آلمـتجمع وشغـل المـرأة..)
طبعـاً اختآريت هـيج مـوضوع لان آكـو فد شغـله غلط
مآخـذيها بـعض الاهل...
من انتَ / ي ادرسين سنين طويله وتحققين حلمج
الـي تعبتي عليه وتردين تشتغلين اهلج ميوافقون!
طبعاً خلي اكلكم من يگلك سلاح المرأة شهادتها
خـلي تشتغل تمام موبس شهادة وتباوع عليها
هاي حجة الرجال على المرأة ماتشتغلين ماتحسين بالتعب
تجـي تريد تشتغل
ماآريد تشتغلين بشركة اهلي او ماريد تشتغلين ويا العالم الثاني
راح تهملين كلـشي بحياتج ....
خـلي اصفنلها شوي
السيدة خديجة( ع) كانت تشتغل بالتجارة صح لو مو صح!
النـبي (صلـى) تزوجها وكبر عملها وصار شريكها بالشغل
وماگللها بطلي لاتشتغلين مآگللها ماريدح تشتغلين ويا العالم الثاني
احنا بحياتنه مثل من نعبد الله سبحانه لازم انطبق كـلشي يگوله
نسمع من نبيه نتخذ من حياته عبر ومنطق
الشغل ابد ماكان عيب للمرأة او فد شي خارج الطبيعه
تمام المرأة الها كيانها الها قوتها
بالتالي من راح ادرس واتعب واحقق حلم
يعني خلص خلصت حلمي المفروض اكعد
كلش غلط
البنيه اذا اشتغلت راح تقوى شخصيتها راح تكون شخصيه قوية
مايحدها السيف
راح تگدر تأمن من تطلع وحدها او تضطر تطلع لوحدها
راح تگدر تعتمد عليها
بهواي امور منها المسؤليه تتقاسمون الشغل
فكرة انو البنيه تشتغل ابد مو خارج الطبيعه ولا شي
مو منطقي
بعض الاهالي يحطون الخوف عارض
رب العالمين يحفظها ...
واشوف انو البنيه تشتغل بالشي الي تحبه احسن
بالتالي حـتى لو تزوجت زوجها ماراح يذلها بمصرفها او شي
هسه تگولون اووو شگد نسويه لامو نسويه انه منصفه
المرأة الها حق والرجل هم تمام!
ورب العالمين نصف الاثنين بالقرآن ونصفهم بالحياة
فه لكل الاثنين الهم حق والمفروض المطالبه بي ...
المـهم يآجماعة الخـير الشغل ابددد موعيب ضلو طالبو بي اوك
مامعتازة وياج بس الشغل ضمان الج انتِ
ماتعمدين على هذا وهذا الشغل فكرة حلوة لو اشتغلتي بشغف...
،،...........،،
ان شاء الله استفاديتو من هل الموضوع !
جـاي احاول اطرح افكار اكثر افاده حتى كلنا نتعلم منها
..................
بيباي♥️
Bạn đang đọc truyện trên: Truyen247.Pro