‏( 13 ‏)
#ﺣﻜﻤـﺔ_ﺫﺋﺐ
# ﺑﻘﻠﻢ _ ﺷﻤﺲ _ ﺍﻟﺴﻌﺪﻱ

ﺃﻳﻬﺎ ﺍﻟﻤﺎﺭﻭﻥ ﺑﻴﻦ ﺍﻟﻜﻠﻤﺎﺕ ﺍﻟﻌﺎﺑﺮﺓ ..
ﺍﺣﻤﻠﻮﺍ ﺃﺳﻤﺎﺀﻛﻢ ﻭﺍﻧﺼﺮﻓﻮﺍ ..
ﻭﺃﺳﺤﺒﻮﺍ ﺳﺎﻋﺎﺗﻜﻢ ﻣﻦ ﻭﻗﺘﻨﺎ، ﻭﺍﻧﺼﺮﻓﻮﺍ ..
ﻭﺧﺬﻭﺍ ﻣﺎ ﺷﺌﺘﻢ ﻣﻦ ﺯﺭﻗﺔ ﺍﻟﺒﺤﺮ ﻭﺭﻣﻞ ﺍﻟﺬﺍﻛﺮﺓ ..
ﻭﺧﺬﻭﺍ ﻣﺎ ﺷﺌﺘﻢ ﻣﻦ ﺻﻮﺭ، ﻛﻲ ﺗﻌﺮﻓﻮﺍ ..
ﺍﻧﻜﻢ ﻟﻦ ﺗﻌﺮﻓﻮﺍ ..
ﻛﻴﻒ ﻳﺒﻨﻲ ﺣﺠﺮ ﻣﻦ ﺍﺭﺿﻨﺎ ﺳﻘﻒ ﺍﻟﺴﻤﺎﺀ ..
ﺍﻳﻬﺎ ﺍﻟﻤﺎﺭﻭﻥ ﺑﻴﻦ ﺍﻟﻜﻠﻤﺎﺕ ﺍﻟﻌﺎﺑﺮﺓ ..
ﻣﻨﻜﻢ ﺍﻟﺴﻴﻒ - ﻭﻣﻨﺎ ﺩﻣﻨﺎ ..
ﻣﻨﻜﻢ ﺍﻟﻔﻮﻻﺫ ﻭﺍﻟﻨﺎﺭ - ﻭﻣﻨﺎ ﻟﺤﻤﻨﺎ ..
ﻣﻨﻜﻢ ﺩﺑﺎﺑﺔ ﺍﺧﺮﻯ - ﻭﻣﻨﺎ ﺣﺠﺮ ..
ﻣﻨﻜﻢ ﻗﻨﺒﻠﺔ ﺍﻟﻐﺎﺯ - ﻭﻣﻨﺎ ﺍﻟﻤﻄﺮ ..
ﻭﻋﻠﻴﻨﺎ ﻣﺎ ﻋﻠﻴﻜﻢ ﻣﻦ ﺳﻤﺎﺀ ﻭﻫﻮﺍﺀ ..
ﻓﺨﺬﻭﺍ ﺣﺼﺘﻜﻢ ﻣﻦ ﺩﻣﻨﺎ ﻭﺍﻧﺼﺮﻓﻮﺍ ..
ﺃﻳﻬﺎ ﺍﻟﻤﺎﺭُّﻭﻥ ﺑﻴﻦ ﺍﻟﻜﻠﻤﺎﺕ ﺍﻟﻌﺎﺑﺮﺓ ..
ﺁﻥ ﺃﻥ ﺗﻨﺼﺮﻓﻮﺍ ﻭﺗﻘﻴﻤﻮﺍ ﺃﻳﻨﻤﺎ ﺷﺌﺘﻢ ..
ﻭﻟﻜﻦ ﻻ ﺗﻘﻴﻤﻮﺍ ﺑﻴﻨﻨﺎ ..
ﺁﻥ ﺃﻥ ﺗﻨﺼﺮﻓﻮﺍ ﻭﻟﺘﻤﻮﺗﻮﺍ ﺃﻳﻨﻤﺎ ﺷﺌﺘﻢ ..
ﻭﻟﻜﻦ ﻻ ﺗﻤﻮﺗﻮ ﺑﻴﻨﻨﺎ ..
ﻓﻠﻨﺎ ﻓﻲ ﺃﺭﺿِﻨﺎ ﻣﺎ ﻧﻌﻤﻞ ..
ﻭﻟﻨﺎ ﺍﻟﻤﺎﺿﻲ ﻫﻨﺎ ..
ﻭﻟﻨﺎ ﺻﻮﺕ ﺍﻟﺤﻴﺎﺓ ﺍﻷﻭﻝ ..
ﻭﻟﻨﺎ ﺍﻟﺤﺎﺿﺮ ﻭﺍﻟﻤﺴﺘﻘﺒﻞ ﻭﻟﻨﺎ ﺍﻟﺪﻧﻴﺎ ﻫﻨﺎ ... ﻭﺍﻵﺧﺮﺓ ﻓﺎﺧﺮﺟﻮﺍ ﻣﻦ ﺃﺭﺿﻨﺎ ﻣﻦ ﺑﺮﻧﺎ ..
ﻣﻦ ﺑﺤﺮﻧﺎ ﻣِﻦ ﻗﻤﺤﻨﺎ ..
ﻣِﻦ ﻣﻠﺤﻨﺎ ..
ﻣِﻦ ﺟﺮﺣﻨﺎ ﻣﻦ ﻛﻞ ﺷﻲﺀ ..
ﻭﺍﺧﺮﺟﻮﺍ ﻣﻦ ﻣﻔﺮﺩﺍﺕ ﺍﻟﺬﺍﻛﺮﺓ
ﺍﻳﻬﺎ ﺍﻟﻤﺎﺭﻭﻥ ﺑﻴﻦ ﺍﻟﻜﻠﻤﺎﺕ ﺍﻟﻌﺎﺑﺮﺓ !!
_____________ ﻣﺤﻤﻮﺩ ﺩﺭﻭﻳﺶ
ﻳﻮﻡ 8 ﺁﺏ - 1988
ﻫﺬﺍ ﺍﻟﻴﻮﻡ ﻫﻮ ﺍﺟﻤﻞ ﻳﻮﻡ ﻣﺮ ﻋﻠﻰ ﺍﻟﻌﺮﺍﻗﻴﻴﻦ ﺑﺬﺍﻙ ﺍﻟﺰﻣﻦ ﺛﻤﺎﻥ ﺳﻨﻮﺍﺕ ﻣﻦ ﺍﻟﺤﺮﺏ ﺍﻟﻤﺴﺘﻤﺮﺓ ﺣﺘﻰ ﺻﺎﺭﺕ ﺟﺰﺀ ﻣﻨﻬﻢ ﻫﻮﺍﻱ ﺷﺒﺎﺏ ﺍﺳﺘﺸﻬﺪﺕ ﻭﺍﺗﺄﺳﺮﺕ ﻭﺍﻧﻔﻘﺪﺕ .. ﻛﺎﻥ ﺍﻟﻜﻞ ﺑﺼﺪﻣﺔ ﻭﺫﻫﻮﻝ .. ﻭﺍﺣﺪ ﻳﺴﺄﻝ ﺍﻟﺜﺎﻧﻲ ﻣﻌﻘﻮﻟﻪ ﺍﻟﺤﺮﺏ ﺧﻠﺼﺖ . ﻳﻌﻨﻲ ﺑﻌﺪ ﻣﺎﻧﺴﻤﻊ ﻏﺎﺭﺍﺕ ﻣﺎﻧﺴﻤﻊ ﺍﺻﻮﺍﺕ ﺻﻮﺍﺭﻳﺦ ﻭﺿﺮﺏ .. ﻣﺎﻧﺸﺘﻢ ﺭﻳﺤﺔ ﺍﻟﺪﺧﺎﻥ ﻭﺍﻟﺒﺎﺭﻭﺩ ﺑﺎﻟﺠﻮ ..
ﻛﻠﻬﺎ ﺗﺴﺎﺋﻼﺕ ﻛﺜﺮﺕ ﺑﻨﻔﺲ ﺍﻟﻠﺤﻈﺔ .. ﻛﻠﻬﺎ ﺍﺗﺠﻬﺖ ﻟﻠﮕﻬﺎﻭﻱ ﮔﺎﺑﻠﻮﺍ ﺍﻟﺘﻠﻔﺰﻳﻮﻥ ﻭﻣﺎﻣﺼﺪﮔﻴﻦ ﻭﺍﻟﺨﺒﺮ ﻛﻞ ﺷﻮﻳﻪ ﻳﻨﻌﺎﺩ ﺑﺘﺄﻛﻴﺪ ﻭﻗﻒ ﺍﻃﻼﻕ ﺍﻟﻨﺎﺭ ﻭﺍﻧﺘﻬﺎﺀ ﺍﻟﺤﺮﺏ ﻃﻠﻊ ﺍﻟﻤﺬﻳﻊ ﻻﺑﺲ ﺑﺪﻟﺔ ﺑﻨﻴﺔ ﻭﻳﺮﺩﺩ ..
ﺍﻟﻠﻪ ﺍﻛﺒﺮ ﺍﻟﻠﻪ ﺍﻛﺒﺮ ﻭﺍﻟﺤﻤﺪ ﻟﻠﻪ ﻋﻠﻰ ﻧﺼﺮﻩ ﺍﻟﻌﻈﻴﻢ ..
ﺍﻗﺸﻌﺮﺕ ﺍﻻﺑﺪﺍﻥ ﻭﺟﺮﺕ ﺍﻟﺪﻣﻮﻉ ..
ﺍﻟﻬﻮﺳﺎﺕ ﻭﺍﻟﺼﻔﮕﺎﺕ ﻭﺍﻟﺪﺑﻜﺎﺕ ﻣﻠﺖ ﺍﻟﺸﻮﺍﺭﻉ .. ﺍﻟﻠﻴﻞ ﺍﺻﺒﺢ ﻧﻬﺎﺭﺍ ﺑﺎﻟﻨﺴﺒﻪ ﻟﻬﻢ ..
ﺍﻋﺘﺒﺮ ﻫﺎﻟﻴﻮﻡ ﺷﺒﻪ ﻧﺼﺮ ﻟﻠﻌﺮﺍﻕ ﻭﻫﺰﻳﻤﺔ ﻟﻼﻳﺮﺍﻧﻴﻦ .. ﻭﺳﻤﻴﻪ ﻳﻮﻡ ﺍﻟﻨﺼﺮ ﺍﻟﻌﻀﻴﻢ ..
ﺑﺪﺃﺕ ﺍﻻﻏﺎﻧﻲ ﺍﻟﻮﻃﻨﻴﻪ ﻭﺍﻟﺤﺮﺑﻴﻪ ﺗﻄﻠﻊ ﻭﺣﺪﺓ ﻭﺭﻯ ﺍﻟﺜﺎﻧﻴﺔ ﻉ ﺍﻟﺘﻠﻔﺰﻳﻮﻥ ﻭﻣﻨﻬﻢ ﻳﺎﮔﺎﻉ ﺗﺮﺍﺑﺞ ﻛﺎﻓﻮﺭﻱ ﺍﻟﻲ ﻛﺎﻧﺖ ﻣﻨﺘﺸﺮﺓ ﺍﺑﺎﻥ ﺍﻟﺤﺮﺏ ﻟﺘﺸﺠﻴﻊ ﺍﻟﺠﻨﻮﺩ ﻭﺑﻌﺚ ﺭﻭﺡ ﺍﻟﺤﻤﺎﺱ ﻓﻴﻬﻢ .. ﺍﻟﺠﻬﺎﻝ ﺗﺮﮔﺺ ﻭﺍﻻﻣﻬﺎﺕ ﺗﻬﻠﻬﻞ ﻭﺗﻄﺶ ﺟﻜﻠﻴﺖ .. ﻭﻛﻞ ﺍﻟﻲ ﻧﺎﺫﺭ ﻧﺬﺭ ﺑﺪﺃ ﻳﻮﻓﻴﻪ ..
ﻣﻨﻬﻢ ﺣﻤﺪﻳﺔ ﺍﻟﻲ ﻧﺬﺭﺕ ﺗﺨﺒﺰ ﺧﺒﺰ ﺍﻟﻌﺒﺎﺱ ﺍﻭ ﺧﺒﺰ ﺍﻟﻠﺤﻢ ﻭﺗﻮﺯﻋﺔ ﺍﺫﺍ ﺧﻠﺼﺖ ﺍﻟﺤﺮﺏ ﻭﺗﺬﺑﺢ ﺫﺑﻴﺤﺔ ﺍﺫﺍ ﺭﺟﻊ ﻓﺎﺭﺱ ﻣﻦ ﺍﻻﺳﺮ ..
ﺍﻟﻨﺎﺱ ﺑﻔﻄﺮﺗﻬﺎ ﺟﺎﻧﺖ ﻣﺘﻮﻗﻌﺔ ﺑﻌﺪ ﻳﻮﻣﻴﻦ ﻣﻦ ﺍﻧﺘﻬﺎﺀ ﺍﻟﺤﺮﺏ ﺭﺍﺡ ﺗﺮﺟﻊ ﺍﻻﺳﺮﻯ ﺑﺲ ﺟﺎﻧﻮﺍ ﻳﺠﻬﻠﻮﻥ ﺍﻥ ﺍﻻﻣﺮ ﺭﺍﺡ ﻳﻄﻮﻝ ﺳﻨﻴﻦ ..
ﺣﻤﺪﻳﺔ ﺩﻣﻮﻋﻬﺎ ﻋﻠﻰ ﺧﺪﻫﺎ ﻭﺗﻌﺠﻦ ﺍﻟﻌﺠﻴﻦ .. ﺍﺟﺖ ﺭﺿﺎﺀ ﺗﺴﺎﻋﺪﻫﺎ ﺑﺜﺮﻡ ﺍﻟﻠﺤﻢ ﻭﺍﻟﺒﺼﻞ .. ﺻﺎﺣﺖ ﺑﻴﻬﺎ ..بيج قصص عراقيه حقيقيه من واقعنا.روعه الطائي
ﻋﻮﻓﻲ ﻣﻦ ﺍﻳﺪﺝ ﻛﻠﻪ ﺍﻧﻲ ﺍﺳﻮﻱ ﻫﺬﺍ ﻧﺬﺭﻱ ﻭﻻﺯﻡ ﺍﻭﻓﻴﻪ
ﺍﻟﻠﻴﻞ ﻛﻠﻪ ﻣﺎﻧﺎﻣﺖ ﻭﺍﻟﻔﺠﺮ ﺧﺒﺰﺕ ﻭﻭﺯﻋﺘﻪ ﺑﻴﺪ ﺍﻟﺘﻮﺃﻡ ﻉ ﺍﻟﺒﻴﻮﺕ
ﺛﺎﻧﻲ ﻳﻮﻡ ﺍﻟﻨﺎﺱ ﺑﺪﺕ ﺗﻮﺯﻉ ﺍﻟﻲ ﻧﺎﺫﺭﺗﻪ .. ﺣﺘﻰ ﺍﻟﻔﻘﻴﺮ ﮔﺎﻡ ﻳﻮﺯﻉ ﺧﺒﺰ ﻭﺧﻀﺮﻭﺍﺕ ﻳﻌﺒﺮ ﺑﻴﻬﺎ ﻋﻦ ﻓﺮﺣﺘﻪ ..
ﻣﻦ ﻏﻴﺮ ﺍﻟﺠﻜﻠﻴﺖ ﻭﺍﻟﺤﻠﻮﻳﺎﺕ ..
ﺑﻴﺖ ﺍﻡ ﻫﻴﺜﻢ ﺟﺎﻧﺖ ﻧﺎﺫﺭﺓ ﺗﺴﻮﻱ ﻣﻮﻟﺪ ﻟﻠﻨﺒﻲ ﺍﺫﺍ ﺧﻠﺼﺖ ﺍﻟﺤﺮﺏ ﻻﻥ ﺟﺎﻥ ﺍﺑﻨﻬﺎ ﻣﻴﺜﻢ ﺑﺎﻟﺠﻴﺶ ﻫﻢ ﻭﺗﺨﺎﻑ ﻋﻠﻴﻪ ..
ﺭﻏﻢ ﺍﺧﻮﻩ ﻣﺮﻛﺰﻩ ﺟﺒﻴﺮ ﺑﺎﻻﻣﻦ ﻭﻫﻮ ﻣﺮﺍﻗﺒﻪ ﺑﺲ ﻫﻢ ﺍﻟﺨﻮﻑ ﻣﺎﻛﻠﻬﺎ ﻋﻠﻴﻪ ﻭﮔﻠﺐ ﺍﻻﻡ ﻣﺎﻳﻌﺮﻑ ﺭﺍﺣﺔ ..
ﻋﺰﻣﺖ ﺍﻟﻤﻨﻄﻘﺔ ﻛﻠﻬﺎ ﻭﺭﺿﺎﺀ ﻫﻨﺎ ﺑﺪﺃﺕ ﺗﻔﻜﺮ ﺑﻨﻔﺴﻬﺎ ﻭﺷﺒﺎﺑﻬﺎ ﺍﻟﻲ ﺭﺍﺡ ﻗﺮﺭﺕ ﺗﻬﺘﻢ ﺑﻨﻔﺴﻬﺎ ﻭﺧﺎﺻﻪ ﺑﻌﺪ ﻣﺎﺗﺸﻮﻑ ﺍﻟﺒﻨﺎﺕ ﺑﺒﻴﺖ ﺍﻡ ﻫﻴﺜﻢ ﺷﻴﻠﺒﺴﻦ ﻭﺷﻴﺴﻮﻥ ..
ﻃﺒﻌﺎ ﻫﻲ ﻭﺣﻤﺪﻳﺔ ﺭﺍﺣﻦ ﻣﻦ ﺍﻟﺼﺒﺢ ﻳﺴﺎﻋﺪﻧﻬﻢ ﻭﺧﺎﺻﻪ ﻣﺮﺕ ﻫﻴﺜﻢ ﺻﺎﺭﺕ ﺻﺪﻳﻘﺘﻬﺎ ..
ﺟﺎﻧﺖ ﻣﺮﺓ ﻋﻨﺪﻫﻢ ﻳﻤﻜﻦ ﺑﺪﻭﻳﻪ .. ﻛﺎﻋﺪﺓ ﺗﺪﮒ ﺍﻻﻡ ﻫﻴﺜﻢ ﻭﺷﻢ ﺑﺤﻨﻜﻬﺎ ﻭﺍﻳﺪﻫﺎ .. ﺟﺎﻧﻦ ﺣﻤﺪﻳﺔ ﻭﺭﺿﺎﺀ ﺻﺎﻓﻨﺎﺕ ﻋﻠﻴﻬﺎ .. ﻋﺠﺒﺘﻬﺎ ﺍﻟﻨﻘﺸﻪ ﻭﻫﻤﺴﺖ ﺍﻟﻌﻤﺘﻬﺎ ..
ﺷﻮﻓﻲ ﻋﻤﺔ ﺷﻠﻮﻥ ﺣﻠﻮ ؟؟
ﺳﻤﻌﺘﻬﻦ ﻣﺮﺕ ﻫﻴﺜﻢ .. ﺷﻮﻓﻲ ﻫﺎﻱ ﺍﻧﻲ ﺩﮔﻴﺖ ﺑﻴﺪﻱ ﻓﻮﮒ ﺍﻟﻜﻒ ﺷﻐﻠﻬﺎ ﺣﻠﻮ ﻫﺎﻟﻤﺮﺓ ﺳﻮﻭ ﻋﻨﺪﻫﺎ ﻣﺎﺩﺍﻣﻬﺎ ﻫﻨﺎ ..
ﺿﺤﻜﺖ ﺣﻤﺪﻳﺔ ﻭﻫﻲ ﺗﻔﻜﺮ ﺑﻔﺎﺭﺱ ﺍﺫﺍ ﺭﺟﻊ ﻻﺯﻡ ﺗﺒﺪﻱ ﺗﻌﺪﻝ ﺑﺮﻭﺣﻬﺎ ﻭﺗﺮﺗﺒﻬﺎ ﺣﺘﻰ ﻣﻦ ﻳﺠﻲ ﻣﺎﻳﺸﻮﻓﻬﺎ ﻛﺒﺮﺍﻧﺔ .
ﺿﺮﺑﺖ ﻋﻠﻰ ﺭﺟﻞ ﺭﺿﺎﺀ ..
ﮔﻮﻣﻲ ﺭﺿﻮﻩ ﺧﻠﻴﻨﺎ ﻧﺪﮒ .. ﺗﺮﺩﺩﺕ ﺭﺿﺎﺀ .. ﺳﺤﺒﺘﻬﺎ ﮔﻮﻣﻲ ﻭﻟﺞ ﻣﻌﻠﻴﺞ ﺑﺎﻟﻴﺤﺠﻲ ﻣﻮ ﮔﻠﺘﻲ ﺑﻌﺪ ﻣﺎﺍﺳﻤﻊ ﻛﻼﻡ ﺍﺣﺪ ﺍﺷﻮﻓﺞ ﺗﺮﺍﺟﻌﺘﻲ ﻭﺑﺎﻭﻋﺖ ﺍﻟﻬﺎ ﺑﻄﺮﻑ ﻋﻴﻨﻬﺎ ﻭﺍﻻﺑﺘﺴﺎﻣﺔ ﺗﺎﺭﺳﺔ ﻭﺟﻬﻬﺎ ﻣﻦ ﻳﻮﻡ ﺍﻟﻲ ﺍﻧﻄﻮﺍ ﺧﺒﺮ ﻭﻗﻒ ﺍﻃﻼﻕ ﺍﻟﻨﺎﺭ ..
ﮔﺎﻣﺖ ﺣﻤﺪﻳﺔ ﻭﺣﺠﺖ ﻭﻱ ﺍﻟﺒﺪﻭﻳﻪ ﻭﺍﻟﺜﺎﻧﻴﺔ ﻫﺰﺕ ﺭﺍﺳﻬﺎ ﺑﺎﻟﻤﻮﺍﻓﻘﻪ .. ﺟﺎﻧﺖ ﺣﻤﺪﻳﺔ ﻻﺑﺴﻪ ﺟﻴﺲ ﻣﻦ ﻗﻤﺎﺵ ﻣﺨﻴﻄﺘﺔ ﻣﺜﻞ ﺍﻟﺠﻮﺯﺫﺍﻥ ﺑﺮﮔﺒﺘﻬﺎ ﻭﻣﺨﻠﻴﻪ ﻓﻠﻮﺳﻬﺎ ﺑﻲ ..
ﻃﻠﻌﺘﻠﻬﺎ ﻛﻢ ﺩﻳﻨﺎﺭ ﻭﺧﻠﺘﻬﻦ ﺑﺤﻀﻦ ﺍﻟﺒﺪﻭﻳﺔ .. ﻫﺎﺝ ﺳﻮﻳﻠﻲ ﺍﻧﻲ ﻭﺑﻨﺖ ﺍﺧﻮﻱ ﻭﺍﺫﺍ ﻋﺠﺒﻨﺎ ﺍﻟﺸﻐﻞ ﺍﺯﻳﺪﺝ ﺍﻛﺮﺍﻣﻴﻪ ﻓﻮﮔﻬﻦ .. ﺍﺑﺘﺴﻤﺖ ﺍﻟﺒﺪﻭﻳﻪ ﻭﻫﺰﺕ ﺭﺍﺳﻬﺎ ﺑﻤﻌﻨﻰ ﻣﻮﺍﻓﻘﻪ ..
ﻗﺪﻳﻤﺎ ﻭﺧﺎﺻﺔ ﺑﻔﺼﻞ ﺍﻟﺮﺑﻴﻊ ﻳﻌﺘﺒﺮ ﻣﻮﺳﻢ ﺍﻟﻮﺷﻢ ﻋﻨﺪ ﺍﻟﻨﺴﺎﺀ ﺍﻟﻌﺮﺍﻗﻴﺎﺕ .. ﻻﻥ ﺑﻬﺬﺍ ﺍﻟﻤﻮﺳﻢ ﻣﺎﺗﻠﺘﻬﺐ ﺍﻟﺠﺮﻭﺡ ﻣﻦ ﻧﺎﺣﻴﺔ ﻭﻣﻦ ﻧﺎﺣﻴﺔ ﺛﺎﻧﻴﻪ ﻻﻥ ﺑﻬﺬﺍ ﺍﻟﻤﻮﺳﻢ ﻳﻜﺜﺮ ﺍﻟﺨﻴﺮ ﻣﻦ ﺍﻟﻠﺒﻦ ﻭﺍﻟﻠﺰﺑﺪ ..
ﻳﺎﺧﺬﻥ ﺍﻟﺒﻨﺎﺕ ﺍﻟﺰﺑﺪ ﻭﺍﻟﻠﺒﻦ ” ﻟﻠﺪﮔﺎﻛﺔ ” ﺃﻭ “ ﺃﻡ ﻫﺮﻓﻲ ” ﻣﺜﻞ ﻣﻴﺴﻤﻮﻫﺎ .. ﻭﻫﻲ ﻣﺮﺃﺓ ﻳﺘﺒﺮﻛﻮﻥ ﺑﻴﻬﺎ ﺑﮕﺪ ﺍﻟﻮﺷﻢ .. ﺣﺘﻰ ﺍﻛﻮ ﻣﺜﻞ ﻋﺮﺍﻗﻲ ﻳﮕﻮﻝ ..
“ ﺩﮔﺎﻛﺔ ﻭﺗﺪﮒ ﻟﺒﺘﻬﺎ، ﻛـ ﺩﻟﻴﻞ ﻉ ﺍﻫﺘﻤﺎﻣﻬﺎ ﺑﺘﺠﻤﻴﻞ ﺍﻟﺒﻨﺎﺕ ﺑﻜﻞ ﺍﻟﻄﺮﻕ ﻓﻤﺎ ﺑﺎﻟﻚ ﺑﺘﺠﻤﻴﻠﻬﺎ ﻻﺑﻨﺘﻬﺎ . ﺃﻭ ﻣﺜﻞ ﻣﺎ ﻳﮕﻮﻟﻮﻥ " ﺩﮒ ﺃﻡ ﻫﺮﻓﻲ ﻣﺜﻞ ﺣﺮﻭﻑ ﺍﻟﻘﺮﺁﻥ ﻭﺇﺑﺮﺗﻬﺎ ﻣﺜﻞ ﻗﻠﻢ ﺍﻟﺴﻠﻄﺎﻥ " ..
ﻓﺠﺎﻧﻮﺍ ﺍﻣﺎ ﻫﻢ ﻳﺮﺣﻮﻟﻬﺎ ﺍﻭ ﻫﻲ ﺗﺠﻲ ﻟﻠﺒﻴﻮﺕ ﻭﺗﺨﺘﺎﺭ ﺩﺍﺋﻤﺎ ﺍﻟﺒﻴﻮﺕ ﺍﻟﻤﺮﻓﻬﺔ ﺍﻭ ﺍﻟﻲ ﻋﻨﺪﻫﺎ ﺧﻴﺮﺍﺕ ﻭﺣﻼﻝ ﻭﮔﻴﻌﺎﻥ ..
ﻓﻜﺎﻥ ﺍﻟﻮﺷﻢ ﻳﻌﺒﺮ ﻋﻦ ﺟﻤﺎﻝ ﺍﻟﻤﺮﺃﺓ ﻭﺯﻳﺎﺩﺓ ﻟﺤﺴﻨﻬﺎ ﻭﺷﺒﺎﺑﻬﺎ ..
ﻭ ﻛﺎﻧﺖ ﺍﻟﺪﮔﺎﮔﺔ ﺗﻐﺮﺯ ﺍﻟﺠﻠﺪ ﺑﺈﺑﺮﺓ ﺍﻟﻰ ﺍﻥ ﻳﻄﻠﻊ ﺍﻟﺪﻡ ﻭﺗﻨﺜﺮ ﻋﻠﻴﻪ ﻣﺎﺩﺓ ﺻﺒﻐﻴﺔ ﺍﻭ ﻋﺸﺒﻴﻪ ﺗﻌﻄﻲ ﺍﻟﻮﺷﻢ ﺍﻟﻠﻮﻥ ﺍﻷﺧﻀﺮ ﻭﺍﺳﻤﻬﺎ “ ﺍﻟﻐﻨﺞ ..” ﺃﻭ ﻣﻦ ﻣﺮﺍﺭﺓ ﺍﻟﻤﺎﻋﺰ ﺍﻟﻲ ﻳﺤﺘﻔﻈﻮﻥ ﺑﻴﻬﺎ ﺑﻌﺪ ﺍﻟﺬﺑﺢ .. ﺍﻣﺎ ﺍﻟﻮﺷﻢ ﺍﻷﺳﻮﺩ ﻓﻬﻮ ﻋﺒﺎﺭﺓ ﻋﻦ ﺟﻤﻊ “ ﺳﻨﺎ ﺍﻟﺼﺎﺝ ” ﺍﻱ ﺍﻟﻐﺒﺎﺭ ﺍﻷﺳﻮﺩ ﺍﻟﺬﻱ ﻳﺼﻴﺮ ﻋﻠﻰ ﺍﻟﺼﺎﺝ ﺑﻌﺪ ﺍﻟﺨﺒﺰ .. ﻫﺎﻱ ﺍﻟﻤﻮﺍﺩ ﺗﺬﺭ ﻋﻠﻰ ﻣﻜﺎﻥ ﺍﻟﻲ ﻳﻄﻠﻊ ﻣﻨﻪ ﺩﻡ ﻭﺍﻟﻲ ﻳﺴﻮﻩ ﺑﻨﻘﺸﺎﺕ ﻣﺨﺘﻠﻔﻪ .. ﺣﺎﻟﻴﺎ ﺍﻧﻘﺮﺿﺖ ﻫﺬﻱ ﺍﻟﻌﺎﺩﺍﺕ ﻓﺄﺣﺘﻔﻈﺖ ﺑﻪ ﺟﺪﺍﺗﻨﺎ ﻭﺍﻣﻬﺎﺗﻨﺎ ﺍﻟﻤﺴﻨﺎﺕ ﻋﻠﻰ ﻭﺟﻮﻫﻬﻦ ﻟﺘﺤﻜﻲ ﺍﻟﻈﺮﻭﻑ ﻭﺍﻟﺤﻴﺎﺓ ﺍﻟﺘﻲ ﻋﺎﺷﻮﻫﺎ ﺑﺘﻠﻚ ﺍﻟﻔﺘﺮﺓ ..
ﻛﺎﻧﺖ ﺭﺿﺎﺀ ﻣﺘﺤﻤﺴﻪ ﺗﺤﻤﻠﺖ ﺍﻻﻟﻢ ﻭﺩﮔﺖ ﺑﺤﻨﺠﻬﺎ ﻭﻋﻠﻰ ﻛﻒ ﺍﻳﺪﻫﺎ ﻣﻦ ﺍﻟﺠﺎﻧﺐ ﺑﺠﻬﺔ ﺧﻨﺼﺮ ﺍﻟﻴﺪ ..
ﻭﺣﻤﺪﻳﻪ ﺩﮔﺖ ﺑﮕﺼﺘﻬﺎ ﺑﻴﻦ ﺍﻟﺤﺎﺟﺒﻴﻦ ﻭﺑﺤﻨﮕﻬﺎ ﺍﻳﻀﺎ ..
ﺻﺎﺭ ﺍﻟﻤﻮﻟﺪ ﻭﻛﻤﻠﻦ ﻃﺒﻌﺎ ﺑﺘﻮﻝ ﺟﺎﻧﺖ ﻣﺮﺍﻗﺒﺘﻬﺎ ﻭﻣﺎﺗﮕﺪﺭ ﺗﺴﺄﻟﻬﺎ .. ﻧﺎﺭ ﺍﻟﻐﻴﺮﺓ ﺷﺎﻋﻠﻪ ﺑﻴﻬﺎ ﻣﺎﺗﺤﺐ ﺭﺿﺎﺀ ﺗﺴﻮﻱ ﺷﻲ ﻳﺰﻳﺪﻫﺎ ﺟﻤﺎﻝ ..
ﻭﻫﺎﻟﻮﺷﻢ ﺍﻭ ﺍﻟﺪﮔﺔ ﺯﺍﺩﻫﺎ ﺣﺴﻦ ﻓﻮﻕ ﺣﺴﻨﻬﺎ .. ﻭﺧﺎﺻﻪ ﺍﻳﺪﻫﺎ ﺍﻟﺒﻴﻀﻪ ﻭﺍﻟﺤﻨﺔ ﺩﺍﻳﺮ ﻣﺪﺍﻳﺮﻫﻦ ﻭﺍﻟﻮﺷﻢ ﻣﺰﻳﻨﻬﻦ ..
ﻣﻦ ﻭﺻﻠﻦ ﻟﻠﺒﻴﺖ .. ﺍﺑﻨﻬﺎ ﻣﺎﺍﺧﺬﺗﻪ ﻭﻳﺎﻫﺎ ﻭﺑﻘﺘﺔ ﻋﻨﺪ ﻭﺩﺍﺩ ﻫﻮ ﻭﺻﺪﺍﻡ ﻻﻥ ﻭﺩﺍﺩ ﺿﺎﻳﺠﺔ ﻭﻣﻘﻬﻮﺭﺓ ﻭﻣﺎﺗﻄﻠﻊ ﺍﺑﺪ ﻗﺮﺏ ﻣﻮﻋﺪ ﻭﻻﺩﺗﻬﺎ ﻭﺍﻟﺴﻴﺪ ﻣﺎﺍﺟﻪ ﻭﺳﺄﻝ ﻋﻨﻬﺎ ..
ﺑﺘﻮﻝ ﺻﺎﺣﺖ ﺍﻟﺮﺿﺎﺀ .. ﻫﺎﻱ ﻭﻳﻦ ﻣﺴﻮﻳﺘﻬﺎ ﺷﻮ ﻣﺎﮔﻠﺘﻲ ..
ﺭﺩﺕ ﺣﻤﺪﻳﺔ .. ﻭﻟﻴﺶ ﺗﮕﻮﻝ ﻫﺴﺎ ﺍﻧﺘﻦ ﺗﮕﻮﻟﻦ ﻣﻦ ﺗﺴﻮﻥ ﺳﺎﻟﻔﻪ ..
ﻛﻤﻠﺖ ﺑﺘﻮﻝ .. ﻭﻣﻬﺪﻱ ﻳﺪﺭﻱ ..
ﻧﺰﻋﺖ ﺣﺠﺎﺑﻬﺎ ﻭﻋﺪﻟﺖ ﺿﻔﻴﺮﺗﻬﺎ ﺍﻟﺠﺎﻧﺐ ﻛﺘﻔﻬﺎ . .
ﻭﻣﻬﺪﻱ ﺷﻌﻠﻴﻪ ﻫﺎﻱ ﺷﻲ ﺧﺎﺹ ﺑﻴﻪ .. ﺑﻌﺪﻳﻦ ﺍﻧﻲ ﻣﻮ ﺻﻐﻴﺮﺓ ﻭﻋﻤﺘﻲ ﻭﻳﺎﻱ ..
ﻫﺰﺕ ﺍﻳﺪﻫﺎ ﻭﺩﺧﻠﺖ .. ﺣﻤﺪﻳﺔ ﺍﺑﺘﺴﻤﺖ ﺍﻟﺮﺿﺎﺀ ﺍﻟﻲ ﺣﺴﺖ ﺑﻨﻔﺴﻬﺎ ﺳﻮﺕ ﺍﻧﺠﺎﺯ ﻭﺑﻴﻨﺖ ﻗﻮﺗﻬﺎ ..
ﻟﻜﻦ ﺍﻟﻐﻴﺮﺓ ﺑﻘﺖ ﻣﺸﺘﻌﻠﺔ .. ﻭﺩﺯﺕ ﻭﺩﺍﺩ ﺣﺘﻰ ﺗﻄﻠﺐ ﻣﻦ ﻋﻤﺘﻬﺎ ﻳﺮﺣﻦ ﺍﻟﻬﺎﻱ ﺍﻟﻤﺮﺓ ..
ﻭﺣﻤﺪﻳﺔ ﺭﺩﺗﻬﻦ .. ﺍﻟﻤﺮﺓ ﻣﺎﺗﺴﻮﻱ ﺑﺲ ﺑﺎﻟﺮﺑﻴﻊ ﺑﺲ ﺍﻟﺨﺎﻃﺮ ﺍﻡ ﻫﻴﺜﻢ ﻻﻥ ﺳﻮﺗﻠﻬﺎ ﺳﻮﺗﻠﻨﺎ .. ﻭﺍﺻﻼ ﻣﺎﺍﻋﺮﻓﻬﺎ ﻣﻨﻴﻦ ﻣﻮﺵ ﻣﻨﺎ ..
ﻟﻠﻴﻞ ﺭﺟﻊ ﺍﻟﺤﺠﻲ ﺧﻀﻴﺮ ﺿﺎﻳﺞ .. ﻭﺻﺎﺡ ﻭﺩﺍﺩ ﻭﺟﺎﻥ ﻋﺼﺒﻲ ..
- ﻫﺎ ﺟﺪﻱ ﺭﺍﻳﺪ ﺷﻲ ..
- ﺍﻧﺘﻲ ﺷﻤﺼﺨﻤﺔ ﻋﻨﺪ ﺍﻟﺴﺎﺩﺓ ..
- ﺷﻤﺴﻮﻳﻪ ﺟﺪﻱ ﻭﺍﻟﻠﻪ ﻣﺎﺳﻮﻳﺖ ﺷﻲ . .
- ﻻﺗﺤﻠﻔﻴﻦ ﺟﺬﺏ ﻭﻟﺞ ﺍﻧﻲ ﺍﻟﺰﻋﻼﻥ ﻣﻦ ﺍﻟﺴﺎﺩﺓ ﻭﺍﻓﻜﺮ ﺑﻌﻤﻠﺘﻬﻢ ﻭﻳﺎﻱ ﺗﺎﻟﻲ ﺍﻃﻠﻊ ﺑﺴﻮﺍﺩ ﺍﻟﻮﺟﻪ ﻭﺍﺗﻔﺸﻞ ﻟﻤﻦ ﺍﻋﺎﺗﺒﻪ ﻭﺍﻟﺴﻴﺪ ﻋﻠﻲ ﻳﺴﻮﻟﻔﻠﻲ ﺷﻤﺴﻮﻳﻪ ..
- ﻳﺎﺟﺪﻱ ﺟﺬﺏ ﺑﺎﻟﻌﺒﺎﺱ ﻫﻦ ﻳﺤﺎﺭﺑﻨﻲ ﻭﻳﻐﺎﺭﻥ ﻣﻨﻲ ..
ﺷﻴﺤﺎﺭﺑﻨﺞ ﻭﻟﺞ .. ﺍﺫﺍ ﻫﻦ ﺻﻮﺗﻬﻦ ﻣﺎﻳﻄﻠﻊ ﺍﻟﻨﺎﺱ ﻛﻠﻬﺎ ﺗﺤﻠﻒ ﺑﺄﺳﻤﻬﻦ .. ﺷﻠﻮﻥ ﺻﺪﮒ ﺑﻨﺖ ﻟﻤﻴﻌﺔ ﻣﺎﺍﺩﺭﻱ ..
ﻓﻮﮔﺎﻫﺎ ﻋﻴﻨﻲ ﻋﻠﻰ ﺑﻨﺎﺗﻬﻢ ﻭﺍﺭﻳﺪﻫﻦ ﺍﻟﺤﻴﺪﺭ ﻭﻛﺮﺍﺭ ﺑﻴﺎ ﻭﺟﻪ ﺑﻌﺪ ﺍﻃﻠﺐ ﻭﺍﻧﺘﻲ ﻫﻴﺞ ﻣﺴﻮﻳﻪ ﻭﻳﺎﻫﻢ ..
- ﺟﺪﻱ … ﻗﺎﻃﻌﻬﺎ .. ﮔﻮﻣﻲ ﻣﻦ ﻭﺟﻬﻲ ﻟﻤﻲ ﻏﺮﺍﺿﺞ ﻭﺧﻠﻲ ﺍﻣﺞ ﺗﺤﻈﺮ ﺭﻭﺣﻬﺎ ﻫﻲ ﻭﺣﻤﺪﻳﻪ ﺗﺮﺟﻌﻴﻦ ﻟﻌﻴﺎﻟﺞ ﻭﺗﺒﻮﺳﻴﻦ ﺭﺍﺳﻬﻢ ﻣﻦ ﺟﺒﻴﺮﻫﻢ ﺍﻟﺼﻐﻴﺮﻫﻢ .. ﺑﻠﻜﻦ ﻳﺮﺿﻰ ﻳﺮﺟﻌﺞ .. ﺑﺴﻮﺍﺩ ﻭﺟﻬﻲ ﻭﻓﺸﻠﺘﻲ ﺍﻋﺘﺬﺭﺕ ﻣﻨﻬﻢ ﻭﮔﻠﺘﻠﻬﻢ ﺑﻴﻨﻬﻢ ﻃﻔﻞ ﻭﺭﺍﺡ ﺗﺠﻴﺐ ﻭﻣﺎﻳﺼﻴﺮ ﻭﺍﻟﺴﻴﺪ ﻋﻠﻲ ﻣﺎﻗﺒﻞ ﻳﺮﺟﻌﺞ ﻳﮕﻮﻝ ﻣﺜﻞ ﻣﺎﻃﻠﻌﺖ ﻭﺣﺪﻫﺎ ﺗﺮﺟﻊ ﻭﺣﺪﻫﺎ ..
ﺍﻧﻲ ﺗﺎﻟﻲ ﻋﻤﺮﻱ ﺗﻨﺰﻟﻴﻦ ﺭﺍﺳﻲ .. ﺍﻭﻭﻭﻭﻑ ﻳﺮﺑﻲ ﻟﻮ ﻣﻴﺖ ﻭﻻﺍﺷﻮﻑ ﺳﻤﻌﺘﻲ ﺑﺎﻟﮕﺎﻉ ﻣﻦ ﻭﺭﺍﺟﻦ ..
ﺟﺪﻱ ﺗﻌﺼﺐ ﻭﺿﺎﺝ ﻭﺣﮕﺔ .. ﺍﻟﺴﺎﺩﺓ ﺿﺎﻳﺠﻴﻦ ﻭﺯﻋﻼﻧﻴﻦ ﻭﺣﺘﻰ ﻣﻦ ﮔﺎﻟﻬﻢ ﻧﺠﻲ ﻧﺮﺟﻌﻬﺎ ﺑﺎﻟﻠﻴﻞ ﺳﺎﻛﺘﻴﻦ ﻻﮔﺎﻟﻮﺍ ﺍﻱ ﻭﻻ ﻻ ﺟﻦ ﺍﺳﺘﺤﻮﺍ ﻣﻦ ﺟﺪﻱ ..
ﺑﺪﻟﻦ ﻭﺍﺧﺬﻫﻦ ﺟﺪﻱ ﻭﺭﺍﺡ ﺭﻏﻢ ﻋﻤﺘﻲ ﻟﻤﻴﻌﺔ ﻣﺎﺭﺿﺖ ﺗﺮﻭﺡ ﻟﻮ ﻣﺎﺟﺪﻱ ﻳﺼﻴﺢ ﺑﻴﻬﺎ .. ﺍﻭﻝ ﻣﺪﺍﺧﻼﺕ ﻟﻠﺒﻴﺖ ﻭﻣﺜﻞ ﻣﺎﺳﻮﻟﻔﺘﻠﻲ ﻋﻤﺘﻲ ﺣﻤﺪﻳﻪ ..
ﺍﻟﻌﻠﻮﻳﻪ ﻣﺮﺣﺒﻪ ﺑﻴﻬﻦ ﺑﺲ ﺿﺎﻳﺠﺔ ﻭﻣﺎﻣﺨﻠﻴﻪ ﺑﻨﺎﺗﻬﺎ ﻳﻄﻠﻌﻦ .. ﺑﺲ ﺍﻟﻌﺠﻮﺯ ﻣﺎﻣﻘﺼﺮﺓ ﺑﺎﻟﺤﺠﻲ ..
ﻭﻣﺴﻮﻟﻔﺘﻠﻬﻦ ﺳﻮﺍﻟﻔﻬﺎ ﻛﻠﻬﺎ .. ﻋﻤﺘﻲ ﻟﻤﻴﻌﺔ ﻛﻠﻤﺎ ﺗﺮﻳﺪ ﺗﺤﺠﻲ ﺗﮕﺮﺻﻬﺎ ﻋﻤﺘﻲ ﺣﻤﺪﻳﻪ ﻭﺗﺴﻜﺖ ..
ﻭﺟﺎﺑﺮﺓ ﻭﺩﺍﺩ ﺗﺒﻮﺱ ﺭﺍﺱ ﺍﻟﺤﺠﻴﻪ ﻭﺍﻟﻌﻠﻮﻳﻪ ﻭﺑﻨﺎﺗﻬﺎ ..
ﺍﻟﺤﺠﻴﻪ ﺩﺍﻓﻌﺘﻬﺎ ﻻﻥ ﻃﺒﻌﻬﺎ ﺗﺴﺘﻨﮕﺲ ﻭﻋﻨﺪﻫﺎ ﻭﻫﻮﺍﺱ ﻃﻬﺎﺭﺓ ﺗﻌﺘﻘﺪ ﺍﻟﻨﺎﺱ ﻛﻠﻬﺎ ﻣﻮ ﻃﺎﻫﺮﻩ ﻭﻣﻦ ﺑﺎﺳﺘﻬﺎ ﻭﺩﺍﺩ ﺩﺍﻓﻌﺘﻬﺎ ﻭﺗﮕﻠﻬﺎ .. ﻣﻦ ﻭﺭﺍﺝ ﺭﺍﺡ ﺍﺷﻄﻒ ﻣﻦ ﺟﺪﻳﺪ ..
ﺭﻗﻴﻪ ﻭﺯﻫﺮﺍﺀ ﻭﺣﻮﺭﺍﺀ ﻃﻴﺒﺎﺕ ﻭﻣﺎﺣﺠﻦ ﺷﻲ ..
ﻭﺧﺎﺻﻪ ﻣﻦ ﻋﻤﺘﻲ ﻟﻤﺤﺖ ﺑﺄﻥ ﺟﺪﻱ ﻳﺮﻳﺪ ﺯﻫﺮﺍﺀ ﻭﺣﻮﺭﺍﺀ ﻟﻠﺘﻮﺃﻡ ﺻﺎﺭﻥ ﻃﻤﺎﻃﺔ ﻣﻦ ﺍﻟﺨﺠﻞ ..
ﺑﺲ ﺍﻟﻌﻠﻮﻳﻪ ﺭﺍﺩﺗﻬﺎ .. ﺧﻴﻪ ﺑﻌﺪﻫﻢ ﺻﻐﺎﺭ ﻭﺍﻟﺤﺮﺏ ﺗﻮﻫﺎ ﺧﻠﺼﺖ ﺧﻠﻲ ﻳﻜﻤﻠﻮﻥ ﺩﺭﺍﺳﺘﻬﻢ ﺍﻧﻲ ﺳﻤﻌﺖ ﻣﻦ ﻋﻠﻲ ﻳﺪﺭﺳﻮﻥ ﻣﻮﻭﻭ؟؟
ﺭﺩﺕ ﻋﻤﺘﻲ .. ﺍﻱ ﺧﻴﻪ ﻳﺪﺭﺳﻮﻥ ﺑﺲ ﺍﻥ ﺷﺎﺀ ﺍﻟﻠﻪ ﻳﺨﻠﺼﻮﻥ ﻭﻳﺘﻮﻇﻔﻮﻥ ﻭﻫﻢ ﺷﺎﻏﻮﻟﻴﻦ ..
ﻣﺎﺍﻋﺮﻑ ﺷﺴﻤﻌﺎﻧﻴﻦ ﺑﺲ ﻣﺎﺣﺴﺖ ﺑﺮﺿﺎﻫﺎ .. ﺭﻏﻢ ﺍﻟﺘﻮﺃﻡ ﺣﺒﺎﺑﻴﻦ ﻫﺎﻟﺴﻨﺔ ﺳﺎﺩﺱ ﻭﺍﺫﺍ ﻛﻤﻠﻮﺍ ﺟﺪﻱ ﻧﺎﻭﻱ ﻳﻘﺪﻣﻠﻬﻢ ﺩﺍﺭ ﻣﻌﻠﻤﻴﻦ ﺑﺎﻟﻤﺮﻛﺰ ﺭﻏﻢ ﺭﻭﺍﺗﺒﻬﻦ ﻗﻠﻴﻠﻪ ﺑﺲ ﻳﮕﻮﻝ ﺍﺣﺴﻦ ﻣﻦ ﻣﺎﻛﻮ ﻻﻥ ﻣﺴﺘﻮﺍﻫﻢ ﻣﻮ ﻛﻠﺶ ﻭﻳﺨﺎﻑ ﻋﻠﻴﻬﻢ ﻣﻦ ﺍﻟﻌﺴﻜﺮﻳﻪ ..بيج قصص عراقيه حقيقيه من واقعنا.روعه الطائي
ﺑﻌﺪ ﻣﺎﺍﺟﻮ ﻣﻦ ﺑﻴﺖ ﺍﻟﺴﺎﺩﺓ ﻭﺳﻮﻟﻔﺘﻠﻲ ﻋﻤﺘﻲ ﻋﻠﻰ ﺳﻮﺍﻟﻔﻬﺎ ﺗﺴﻮﺩﻧﺖ .. ﻭﻃﻠﺒﺖ ﻋﻤﺘﻲ ﻣﻨﻲ ﺍﺗﮕﺮﺏ ﻣﻨﻬﺎ ﻭﺍﺻﺎﺩﻗﻬﺎ ﻭﺍﺣﺎﻭﻝ ﺍﻧﺼﺤﻬﺎ ﻭﺍﻋﻠﻤﻬﺎ ..
ﻣﺎﺟﻨﺖ ﻣﻘﺘﻨﻌﻪ ﺑﺎﻟﺴﺎﻟﻔﻪ ﺑﺲ ﮔﻠﺖ ﺍﺟﺮﺏ ﺣﻈﻲ ..
ﻭﺻﺪﮒ ﻟﻤﺎ ﺍﺟﺘﻲ ﺍﻟﻨﺎ ﻗﺒﻞ ﻣﺎﺗﺠﻴﺐ ﻋﻨﺪﻫﺎ ﺧﻴﺎﻁ .. ﺍﺧﺬﻫﺎ ﺍﻟﺤﺠﺮﺗﻲ ﻭﺑﺤﺠﺔ ﺍﺧﻴﻄﻠﻬﺎ ﻫﺪﻭﻡ ﺍﻻﺑﻨﻬﺎ ﺑﻘﻴﻨﺎ ﻧﺴﻮﻟﻒ ﺳﻮﻟﻔﺘﻠﻬﺎ ﻋﻠﻰ ﺣﻴﺎﺗﻲ ﻭﺷﻠﻮﻥ ﺍﺧﻮﻫﺎ ﺟﺎﻥ ﻳﻌﺎﻣﻠﻨﻲ ﻭﻫﺴﺎ ﺷﻠﻮﻥ ﺑﻌﺪ ﻣﺎﺿﺠﺖ ﻣﻨﻪ ﺷﻠﻮﻥ ﻳﻌﺎﻳﻦ ﻋﻠﻴﻪ ﻭﻳﺘﻤﻨﺎﻟﻲ ﺍﻟﺮﺿﺎ ..
ﻓﺘﺤﺖ ﮔﻠﺒﻬﺎ ﺍﻟﻲ .. ﻭﺟﻨﻬﺎ ﻣﻨﺘﻈﺮﺓ ﺣﺠﺎﻳﺔ ﻣﻨﻲ ﺣﺘﻰ ﺗﺴﻮﻟﻒ ﻻﻥ ﻻﺍﺧﺘﻬﺎ ﻭﻻﺑﺘﻮﻝ ﻳﻬﺘﻤﻦ ﺍﻟﻬﺎ ..
ﺍﺗﻘﺮﺑﺖ ﻣﻨﻲ ﻭﻫﻤﺴﺖ .. ﺭﺿﻮﻩ ﺍﺳﻮﻟﻔﻠﺞ ﺑﺲ ﻋﻠﻴﺞ ﺍﻟﻌﺒﺎﺱ ﻻﺗﺤﺠﻴﻦ ﺍﻟﻮﺍﺣﺪ ..
ﺍﻭﻝ ﻣﺎﺗﺰﻭﺟﺖ ﺟﺎﻥ ﻳﻌﺎﻳﻦ ﻋﻠﻴﻪ ﺑﻨﻈﺮﺓ ﻣﺎﻛﻮ ﻣﻨﻬﺎ .. ﻭﺣﺘﻰ ﺑﻠﻴﻠﺔ ﺍﻟﻌﺮﺱ ﻭﺑﻌﺪ ﻣﺎﺩﺭﺓ ﺑﺎﻟﺮﺳﺎﻟﻪ ﺍﻟﻲ ﺳﻮﺩﺍﺩ ﻣﺨﻠﻴﺘﻬﺎ .. ﻣﺎﻇﻠﻤﻨﻲ ﻭﻓﻀﺤﻨﻲ .. ﺑﺲ ﻫﺴﺎ ﻣﻮ ﻣﺜﻞ ﻗﺒﻞ ﺑﺲ ﺳﻼﻡ ﻭﻳﺴﺄﻟﻨﻲ ﻋﻦ ﺣﺎﻟﻲ ﻭﺍﻟﻄﻔﻞ ﻭﻫﺎﻫﻲ ..
ﺳﻮﻟﻔﺘﻠﻲ ﻛﻠﺸﻲ ﺑﻴﻨﻬﻦ ﺻﺢ ﺑﺪﺍﺧﻠﻲ ﺍﺷﺘﻬﻴﺖ ﺭﺟﺎﻝ ﻣﺜﻞ ﺍﻟﺴﻴﺪ ﻳﻌﺎﻣﻠﻨﻲ .. ﻳﻤﻜﻦ ﻭﺩﺍﺩ ﻋﻨﺪﻫﺎ ﻧﻌﻤﺔ ﻭﻣﺎﻋﺮﻓﺖ ﺗﺤﺎﻓﻆ ﻋﻠﻴﻬﺎ .. ﺍﻟﻲ ﻣﺜﻞ ﺍﻟﺴﻴﺪ ﻳﺘﺨﻠﻰ ﺗﺎﺝ ﻋﻠﻰ ﺍﻟﺮﺍﺱ .
ﻭﻳﻤﻜﻦ ﻫﻲ ﺣﺴﺖ ﺑﺨﻄﺄﻫﺎ ﻣﺘﺄﺧﺮ ..
ﮔﻌﺪﺕ ﺍﻓﻬﻤﻬﺎ ﻭﺍﻧﺼﺤﻬﺎ ﺭﻏﻢ ﺍﻧﻲ ﻗﻠﻴﻠﻪ ﺧﺒﺮﺓ ﺑﻬﺎﻟﺴﻮﺍﻟﻒ ﺑﺲ ﺍﻟﻲ ﻳﻄﻠﻊ ﻣﻦ ﮔﻠﺒﻲ ﺍﺣﺠﻴﻪ ..
ﺷﻔﺘﻬﺎ ﺍﺭﺗﺎﺣﺖ .. ﺍﺑﺘﺴﻤﺖ ﻭﺭﺟﻌﺖ ﻋﺒﺴﺖ ..
- ﺑﺲ ﺧﺎﻑ ﻳﻀﻮﺝ ﻣﻨﻲ ﺍﻛﺜﺮ ﻟﻮ ﻋﺮﻑ ﺑﻴﻪ ﺑﻨﻴﺔ ..
- ﻟﻴﺶ ﺍﻧﺘﻲ ﺷﻮﻛﺖ ﻋﺮﻓﺘﻲ ﺑﻴﺞ ﺑﻨﻴﻪ ؟؟
- ﺍﻣﻲ ﺍﺧﺬﺗﻨﻲ ﻟﻠﺠﺪﺓ ﻭﺷﺎﻓﺘﻨﻲ ﺑﺲ ﻣﺎﺣﺠﻴﺖ ..
- ﻭﻟﻴﺶ ﺗﺨﺎﻓﻴﻦ ﺍﺫﺍ ﻫﻮ ﻳﺨﺎﻑ ﺍﻟﻠﻪ ﻣﺜﻞ ﻣﺎﺗﮕﻮﻟﻴﻦ ﻣﺎﻳﻔﺮﮒ ﻋﻨﺪﺓ ﻭﻟﻴﺪ ﻟﻮ ﺑﻨﻴﻪ ..
- ﺍﻭﻭﻭﻭﻑ ﻳﺮﺿﻮﻩ ﻳﻤﻜﻦ ﺍﻧﻲ ﻣﺎﻋﺮﻓﺖ ﺍﺣﺎﻓﻆ ﻋﻠﻴﻪ ﺑﺲ ﺍﻧﻲ ﻣﻘﺮﺭﺓ ﺑﺲ ﺍﺟﻴﺐ ﺍﺣﺒﻞ ﻭﺍﺟﻴﺒﻠﻪ ﺍﻟﻮﻟﺪ ﻭﺍﺧﻠﻴﻪ ﻳﺮﺿﻰ ﻋﻠﻴﻪ ..
- ﺭﺟﻌﻨﺎ ﺍﻟﻨﻔﺲ ﺍﻟﺴﺎﻟﻔﻪ ﺍﺻﻼ ﻫﻢ ﻣﺒﻴﻨﻴﻦ ﻣﺎﻳﻬﻤﻬﻢ ﺍﺫﺍ ﺑﻨﺎﺕ ﻟﻮ ﻭﻟﺪ ﻋﻨﺪﻫﻢ ﺍﻟﻌﻠﻮﻳﺎﺕ ﻭﺷﻔﺘﻲ ﺷﻠﻮﻥ ﻳﺤﺒﻮﻫﻦ ﻭﻣﺮﺍﻋﻴﻬﻦ ..
- ﺍﻱ ﺻﺢ ﺑﺲ ﺑﻴﺒﻴﺘﻬﻢ ﺍﻟﻌﺠﻮﺯ ﺷﻴﺨﻠﺼﻨﻲ ﻣﻦ ﺍﻟﺴﺎﻧﻬﺎ ﻟﻮ ﺟﺒﺖ ﺑﻨﻴﻪ ..
ﺿﺤﻜﺖ ﻋﻠﻰ ﺳﻮﺍﻟﻔﻬﺎ ﻭﻱ ﺍﻟﺤﺠﻴﻪ ﻭﺷﻠﻮﻥ ﻳﺘﻨﺎﮔﺮﻥ ..
ﺧﻠﺺ ﺍﻟﻮﻛﺖ ﻭﻣﺎﺣﺴﻴﻨﺎ ﻟﻴﻦ ﻣﺎﺍﺟﻪ ﺍﻟﺴﻴﺪ ﻭﺍﺧﺬﻫﺎ ..
ﺑﺘﻮﻝ ﻣﻦ ﻳﻮﻡ ﺍﻟﺘﻌﺎﺭﻛﺖ ﻭﻳﺎﻱ ﻉ ﺍﻟﻮﺷﻢ ﻭﺣﺎﺟﺖ ﻣﻬﺪﻱ ﻭﺟﺪﻱ ﺭﺯﻟﻪ ﻭﻣﺎﺧﻼﻩ ﻳﺠﻲ ﺻﻮﺑﻲ .. ﺑﻌﺪ ﻣﺎﺣﺎﺟﺘﻨﻲ ..
ﺟﺎﻧﺖ ﺣﺎﻳﺮﺓ ﺑﺄﺑﻨﻬﺎ ﻳﻮﻡ ﻋﻨﺪﻫﺎ ﻭﻛﻢ ﻳﻮﻡ ﻋﻨﺪ ﺍﻫﻠﻬﺎ ﺭﻏﻢ ﻳﻜﺴﺮ ﮔﻠﺒﻲ ﻟﻤﻦ ﺍﺷﻮﻑ ﻣﺸﻤﻮﺭ ﺑﺎﻟﮕﺎﻉ ﺣﺘﻰ ﻣﺎﺭﺿﻌﺘﻪ ﻋﻠﻰ ﺻﺪﺭﻫﺎ ..
ﺳﺎﻋﺎﺕ ﺍﺭﻭﺡ ﺍﺑﺪﻟﻪ ﻭﺍﻏﺴﻠﻪ ﻭﺍﻧﻄﻴﻪ ﺑﺎﻟﻤﻤﺔ ﻓﻮﺡ ﺗﻤﻦ ﻋﻨﺒﺮ ﻭﺳﺎﻋﺎﺕ ﺍﻋﻮﻓﻪ ﻭﺍﮔﻮﻝ ﻣﺎﺍﺭﻳﺪ ﺍﺗﻌﻠﻖ ﺑﻲ . .
ﻣﺮﺕ ﺍﻻﺷﻬﺮ ﻭﺩﺧﻠﻨﺎ ﺑﺴﻨﺔ ﺗﺴﻌﺔ ﻭﺛﻤﺎﻧﻴﻦ ..
ﻋﻤﺘﻲ ﺍﻟﺠﺎﻧﺖ ﻣﺘﻮﻗﻌﻪ ﺭﺍﺡ ﻳﺮﺟﻊ ﻋﻤﻮ ﻓﺎﺭﺱ ﻭﻳﺪﮒ ﺍﻟﺒﺎﺏ ﻋﻠﻰ ﺳﺎﻋﻪ ﺧﺎﺏ ﺍﻣﻠﻬﺎ ﻭﺿﺎﺟﺖ .. ﺣﺘﻰ ﻛﻞ ﻓﺘﺮﺓ ﺗﺮﻭﺡ ﺍﻻﻫﻠﺔ ﺗﺴﺄﻝ ﻭﻣﺎﻛﻮ ﺧﺒﺮ ﻋﻨﻪ ..
ﺧﺎﻓﺖ ﻻﻳﻜﻮﻥ ﻣﺎﺕ ﻭﻣﺎﺗﺪﺭﻱ ﺑﻲ ﻭﻫﻲ ﻻﺑﺴﻪ ﺍﻟﻮﺍﻥ .. ﻭﺧﺎﻳﻔﻪ ﻻﻣﺎﻳﺮﺟﻊ ﻭﺗﺒﻘﻰ ﺗﺘﺤﺴﺮ ﻋﻠﻰ ﺷﻮﻓﺘﻪ ﺍﻟﻌﻤﺮ ﻛﻠﻪ
ﺣﺘﻰ ﺍﻟﺒﻴﻮﺕ ﺍﻟﻲ ﺑﻴﻬﺎ ﺍﺳﺮﻯ ﺟﺎﻧﺖ ﺗﺮﻭﺣﻠﻬﻢ ﻭﺗﺴﺄﻝ ﺍﺫﺍ ﻋﺮﻓﻮﺍ ﺧﺒﺮ ﻋﻦ ﺍﺑﻨﻬﻢ ﻟﻮ ﻻ ..
ﻭﻋﻤﺎﻣﻲ ﻣﺎﻳﻘﺒﻠﻮﻥ ﻭﻳﺮﺯﻟﻮﻫﺎ ﻻﻥ ﺗﻄﻠﻊ ﻭﺗﺪﮒ ﺑﺎﻟﺒﻴﺒﺎﻥ ﺑﺲ ﺍﻟﻲ ﺑﻴﻬﺎ ﻣﺎﻳﺨﻠﻴﻬﺎ ﺗﮕﻌﺪ ﻭﺗﻨﺘﻈﺮ ﻟﻮ ﺗﺮﺿﻰ ﺑﻘﺪﺭﻫﺎ ..
ﺣﻜﻤﺖ ﺻﺎﺭ ﺛﺎﻟﺚ ﺍﺑﺘﺪﺍﺋﻲ ﻭﻣﺎﺷﺎﺀ ﺍﻟﻠﻪ ﺫﻛﻲ ﻭﺷﺎﻃﺮ ﺣﺘﻰ ﺍﻟﻘﺮﺁﻥ ﺣﻔﻆ ﺍﻟﺴﻮﺭ ﺍﻟﺼﻐﻴﺮﺓ ﻛﻠﻬﻦ ﮔﺪ ﻣﺎﻳﻘﺮﺃ ﻭﻱ ﺟﺪﺓ ﺳﺎﻋﺎﺕ ﺍﺣﺴﻪ ﻧﺴﺨﺔ ﻣﺼﻐﺮﺓ ﻣﻦ ﺟﺪﻱ ﺑﺎﻟﺘﺼﺮﻓﺎﺕ ﻭﺍﻟﻄﺒﺎﻉ ..
ﺟﺎﻥ ﻛﻠﻤﺎ ﻳﺸﻮﻓﻨﻲ ﮔﺎﻋﺪﺓ ﻉ ﺍﻟﻤﻜﻴﻨﺔ ﺍﺧﻴﻂ ﻳﮕﻠﻲ ﻳﻤﺔ ﻣﻦ ﺍﻛﺒﺮ ﺍﺷﺘﻐﻞ ﻭﺍﺟﻴﺒﻠﺞ ﻓﻠﻮﺱ ﻣﺎﺗﺨﻴﻄﻴﻦ ﻣﻮ ﺯﻳﻦ ﻋﻠﻰ ﻋﻴﻮﻧﺞ .. ﻋﺒﺎﻟﻪ ﻣﺤﺘﺎﺟﺔ ﻓﻠﻮﺱ .. ﻣﺎﻳﺪﺭﻱ ﺍﻟﺸﻐﻞ ﻭﻧﺴﺘﻲ ﻭﺍﻟﺨﻴﺎﻁ ﻳﻠﻬﻨﻲ ﻋﻦ ﺫﻛﺮﻳﺎﺗﻲ ﻭﺍﻻﻣﻲ .. ﺻﺮﺕ ﺍﺷﻮﻑ ﻗﺪﺭﻱ ﻣﺜﻞ ﻗﺪﺭ ﻋﻤﺘﻲ ﺍﻟﻲ ﺟﺎﻧﺖ ﻣﺎﺗﺨﻠﻲ ﻭﺍﺣﺪ ﻳﺸﺘﻐﻞ ﻭﻛﻠﺸﻲ ﻫﻲ ﺗﺴﻮﻳﻪ ﺣﺘﻰ ﺗﺒﻘﻰ ﮔﺎﻋﺪﺓ ﻭﺗﻔﻜﺮ ..
ﺑﺲ ﺍﻟﻔﺮﻕ ﺍﻧﻲ ﻋﻨﺪﻱ ﺣﻜﻤﺖ ﻣﺎﻟﻲ ﻋﻠﻴﻪ ﺩﻧﻴﺘﻲ ..
ﻣﺜﻞ ﻣﺎﺟﻨﺖ ﺍﺳﻮﻟﻔﻠﻪ ﻋﻦ ﻃﻔﻮﻟﺘﻲ ﻭﻫﻮ ﻳﺴﻤﻊ ..
ﻫﺴﺎ ﺻﺎﺭ ﻫﻮ ﻳﺴﻮﻟﻔﻠﻲ ﻋﻦ ﻳﻮﻣﻪ ﻭﺷﻠﻮﻥ ﻳﻤﺮ .. ﺑﺲ ﻣﻮ ﻛﻠﺸﻲ ﻳﺤﺠﻴﻪ ﻻﻥ ﻫﻮ ﻣﻦ ﺍﻟﻨﻮﻉ ﺍﻟﻜﺘﻮﻡ ﻭﺧﺎﺻﻪ ﺍﺫﺍ ﺟﺪﻱ ﮔﺎﻟﻪ ﻫﺎﻟﺴﺎﻟﻔﻪ ﻣﺎﺍﺭﻳﺪﻫﺎ ﺗﻄﻠﻊ ..
ﺟﺎﻥ ﺟﺪﻱ ﻳﺎﺧﺬﻩ ﺑﺎﻟﻌﻄﻞ ﻋﻠﻤﻮﺩ ﺍﻟﺤﺴﺎﺏ ﻻﻥ ﻫﻮﺍﻱ ﺻﺎﺭ ﻧﻘﺺ ﻭﺧﺴﺎﺭﺓ ﺑﺎﻟﺸﻐﻞ ..
ﻭﺣﻜﻤﺖ ﺷﺎﻃﺮ ﺑﺎﻟﺤﺴﺎﺏ .. ﻳﺎﺧﺬﺓ ﻳﺤﺴﺒﻠﻪ ﻭﻳﮕﻠﻪ ﺷﮕﺪ ﻧﺎﻗﺺ ﻭﺷﮕﺪ ﺯﺍﻳﺪ ..
ﻭﻫﺎﻟﺸﻲ ﺿﻮﺝ ﻋﻤﺎﻣﻲ ﻭﻣﻬﺪﻱ ﻭﻛﻢ ﻣﺮﺓ ﻣﻬﺪﻱ ﺭﺍﺩ ﻳﻜﺘﻠﻪ ﻭﻳﮕﻠﻪ ﺑﻌﺪ ﻻﺗﺤﺴﺐ ..
ﻭﻫﺎﻟﺸﻲ ﺍﻛﺪﻟﻲ ﺍﻧﻬﻢ ﻳﺒﻮﮔﻮﻥ ﺟﺪﻱ .. ﺣﺘﻰ ﺧﻔﺖ ﻋﻠﻰ ﺍﺑﻨﻲ ﻣﻨﻬﻢ .. ﻭﺧﺎﺻﻪ ﻣﻬﺪﻱ ﺍﻋﺮﻑ ﻣﺼﻠﺤﺘﻪ ﻓﻮﮒ ﻛﻠﺸﻲ ﻋﻨﺪﺓ ..
ﻭﻣﻦ ﺟﻨﺖ ﺍﺣﺠﻲ ﻭﻱ ﺣﻜﻤﺖ ﻭﺍﮔﻠﻪ ﻳﻤﺔ ﻻﺗﺘﺪﺧﻞ ﻣﻌﻠﻴﻚ ﻭﻣﻦ ﺟﺪﻙ ﻳﻮﺻﻴﻚ ﮔﻠﻪ ﺻﻌﺒﺎﺕ ﻣﺎﺍﻋﺮﻓﻬﻦ ..
ﺟﺎﻥ ﻳﻀﻮﺝ ﻭﻳﮕﻠﻲ ﻳﻤﺔ ﺍﻧﻲ ﺗﺮﺑﺎﺕ ﺟﺪﻱ ﺷﻠﻮﻥ ﺍﺟﺬﺏ ﻋﻠﻴﻪ ﺍﺩﺭﻱ ﺍﺑﻮﻱ ﻳﺎﺧﺬ ﻣﻦ ﺍﻟﻮﺍﺭﺩ ﺑﺲ ﻣﺎﺍﮔﺪﺭ ﺍﺟﺬﺏ ﺷﮕﻮﻝ ﺍﻟﺮﺑﻲ ﺍﻟﻌﺎﻟﻤﻴﻦ ..
ﺍﺿﻄﺮ ﺍﺳﻜﺖ ﻭﺍﺩﻋﻲ ﺍﻟﻠﻪ ﻳﺤﻤﻴﻪ .. ﺣﺠﻴﻪ ﺻﺪﮒ ﻭﻣﺎﺍﮔﺪﺭ ﺍﻋﻠﻤﺔ ﻳﺨﻮﻥ ﺍﻻﻣﺎﻧﻪ ﻣﻦ ﺻﻐﺮﺓ ﻭﻳﺠﺬﺏ . ﻭﺧﺎﺻﻪ ﻫﻮ ﺿﺎﻳﺞ ﻣﻦ ﺍﺑﻮﻩ ﻭﺩﻭﻡ ﻳﮕﻠﻲ ﻋﻮﺩ ﺍﺑﻮﻱ ﻟﻴﺶ ﻳﺒﻮﮒ ﺟﺪﻱ ﻣﺎﻳﺨﺎﻑ ﻣﻦ ﺍﻟﻠﻪ ..
ﻭﺍﺳﻜﺘﻪ ﻭﺍﮔﻠﻪ ﻋﻴﺐ ﻻﺗﮕﻮﻝ ﻫﻴﺞ ﻣﻌﻠﻴﻚ ..
ﻭﺩﺍﺩ ﺟﺎﺑﺖ ﺑﻨﻴﺔ ﻭﺳﻤﺘﻬﺎ ﺑﻨﻴﻦ ﺍﻟﺴﻴﺪ ﻃﺎﺭ ﺑﻴﻬﺎ ﻭﻓﺮﺡ ﻭﻣﻨﻬﺎ ﺗﺼﻠﺤﺖ ﻋﻼﻗﺘﻪ ﻭﻳﺎﻫﺎ ﺭﻏﻢ ﻫﻲ ﺟﺎﻧﺖ ﺧﺎﻳﻔﻪ ﻻﻳﻀﻮﺝ ﻟﻮ ﺍﺟﺘﻪ ﺑﻨﻴﻪ .. ﻣﻦ ﮔﺪ ﻣﺎﺣﺠﺘﻠﻲ ﻋﻨﻬﻢ ﻋﺮﻓﺘﻬﻢ ﻧﺎﺱ ﻃﻴﺒﻴﻦ ﻭﻋﻘﻠﻴﺘﻬﻢ ﻣﺜﻞ ﺟﺪﻱ .. بيج قصص عراقيه حقيقيه من واقعنا.روعه الطائي
ﺟﺎﻥ ﻳﺤﻤﺪ ﺍﻟﻠﻪ ﻉ ﺍﻟﺒﻨﺎﺕ ﻭﻳﮕﻮﻝ ﻣﺤﻈﻮﻅ ﺍﻟﺘﺠﻴﻪ ﺍﺭﺑﻊ ﺑﻨﺎﺕ ﻭﻳﺤﺼﻞ ﻗﺼﺮ ﺑﺎﻟﺠﻨﻪ ﺑﺲ ﻣﺎﺻﺎﺭﺕ ﻋﻨﺪﺓ ﺑﺲ ﻋﻤﺘﻲ ﺍﻟﻲ ﻋﻨﺪﻩ ﺭﻭﺣﺔ ﻣﻦ ﺍﻟﺪﻧﻴﺎ ﮔﺪ ﻣﺎﻋﻤﺎﻣﻲ ﺷﺎﻟﻌﻴﻦ ﮔﻠﺒﻪ ..
ﻭﺧﺎﺻﻪ ﻋﻤﻲ ﻣﻬﺪﻱ ﺍﻟﻲ ﺭﺟﻊ ﺑﺴﺎﻟﻔﻪ ﻋﺮﻭﺑﻪ ﻭﻓﺎﺗﺢ ﺟﺪﻱ ﺑﻤﻮﺿﻮﻋﻬﺎ .. ﻭﺟﺪﻱ ﺗﻌﺼﺐ ﻭﮔﺎﻟﻪ ﺍﻧﻲ ﺍﺧﻄﺒﻠﻚ ﻟﻮ ﺭﺩﺕ
ﺑﺲ ﻣﺎﺗﺎﺧﺬ ﻋﺮﻭﺑﻪ ..
ﻋﻤﺘﻲ ﻟﻤﻴﻌﻪ ﻭﺑﺘﻮﻝ ﺿﺎﺟﻦ .. ﻭ ﺣﻴﺪﺭ ﻭﻛﺮﺍﺭ ﺗﻌﺎﺭﻛﻮﺍ ﻭﻱ ﺍﺑﻮﻫﻢ ﻭﮔﺎﻟﻮﻟﻮﻩ ﻟﻮ ﺗﺰﻭﺟﺖ ﻣﺎﻧﺒﻘﻰ ﻫﻨﺎ ﻧﺮﻭﺡ ﺍﻻﺟﺪﺍﺩﻧﺎ ﺑﺎﻟﻨﺎﺻﺮﻳﺔ ..
ﻭﺗﺄﺟﻠﺖ ﺍﻟﺴﺎﻟﻔﺔ ﻫﻢ ﺭﻏﻢ ﻋﻤﻲ ﻫﺎﺩﻱ ﺿﺎﺝ ﻭﻗﺮﺭ ﻳﺨﻄﺒﻬﺎ ﻏﺼﺐ ﻋﻨﻬﻢ ﻟﻮ ﻣﺎﺟﺪﻱ ﻳﺤﻠﻒ ﻟﻮ ﺍﺧﺬﻫﺎ ﻳﺘﺒﺮﺃ ﻣﻨﻪ ..
ﻣﺎﺍﻋﺮﻑ ﺟﺪﻱ ﻟﻴﺶ ﺟﺎﻥ ﺭﺍﻓﻀﻬﺎ ﻭﻣﺎﺍﻋﺘﻘﺪ ﺍﻟﺴﺒﺐ ﻻﻥ ﻫﻲ ﺍﺧﺖ ﺑﺘﻮﻝ ﻭﺑﺲ .. ﻻﻥ ﺟﺪﻱ ﺭﻏﻢ ﻛﻞ ﺳﻮﺍﻳﺘﻬﺔ ﻣﺎﻳﻈﻠﻤﻬﺎ .. ﺑﻌﻄﻠﺔ ﺍﺧﻴﺮ ﺍﻟﺴﻨﺔ ﻭﺑﻌﺪ ﻣﺎ ﺍﻟﺘﻮﺃﻡ ﺗﺨﺮﺟﻮﺍ ﻣﻦ ﺍﻻﻋﺪﺍﺩﻳﺔ ﺟﺪﻱ ﻗﺮﺭ ﻳﺨﻄﺒﻠﻬﻢ ﺍﻟﻌﻠﻮﻳﺎﺕ ..
ﻣﻦ ﺣﺠﻰ ﻭﻱ ﺍﻟﺴﻴﺪ ﻣﺎﺍﻋﺘﺮﺽ ﻭﮔﺎﻟﻪ ﺍﻟﻮﻟﺪ ﺍﻋﺮﻓﻬﻢ ﺣﺒﺎﺑﻴﻦ ﺑﺲ ﻻﺯﻡ ﺍﺧﺬ ﺭﺃﻱ ﺍﻟﺒﻨﺎﺕ ..
ﺟﺪﻱ ﺍﻧﺘﻈﺮ ﺟﻮﺍﺑﻬﻢ ﻭﺍﻟﺮﺩ ﻣﺎﺍﺟﺔ ﻣﻨﻬﻢ ﻭﺻﺎﺭﺕ ﺳﻜﺘﻪ ﺭﻏﻢ ﺍﻟﺘﻮﺃﻡ ﺟﺎﻧﻮﺍ ﻓﺮﺣﺎﻧﻴﻦ ﻭﺧﺎﺻﻪ ﻟﻤﺎ ﺳﺄﻟﻮﻧﻲ ﺍﺫﺍ ﺷﺎﻳﻔﺘﻬﻢ ﻭﮔﻠﺘﻠﻬﻢ ﻣﺜﻞ ﺍﻟﮕﻤﺮ ﻳﺴﻮﺩﻧﻦ ﻭﻛﺎﻓﻲ ﺍﺧﻼﻗﻬﻦ ..
ﻣﺎﻋﺮﻓﻨﺎ ﺳﺒﺐ ﺗﺄﺧﻴﺮﻫﻢ ﺷﻨﻲ ﻭﻗﺮﺭ ﺟﺪﻱ ﻳﻔﺘﺢ ﺍﻟﻤﻮﺿﻮﻉ ﻭﻳﺎﻫﻢ ﻣﺮﺓ ﺛﺎﻧﻴﺔ ..
ﻭﺟﺎﻥ ﺭﺩﻫﻢ ﺑﺎﻟﺮﻓﺾ ﻭﺑﺤﺠﺔ ﺍﻟﺒﻨﺎﺕ ﺻﻐﺎﺭ ﻭﺧﺎﻑ ﮔﺮﺍﻳﺒﻬﻢ ﻳﺮﺩﻭﻫﻦ ﻭﻛﻞ ﻣﺮﺓ ﻋﺬﺭ .. ﻫﻨﺎ ﺟﺪﻱ ﻣﺎﺣﺠﺔ ﻭﮔﺎﻟﻪ ﻫﺎﻫﻲ ﺳﻴﺪ ﺍﻧﻲ ﺟﻨﺖ ﺷﺎﺭﻱ ﻭﺍﺧﻠﻴﻬﻦ ﺑﻌﻴﻮﻧﻲ ﺣﺘﻰ ﻗﺮﺭ ﻳﻬﺪ ﺍﻟﺒﻴﺖ ﻭﻳﺒﻨﻴﻪ ﺑﻨﻴﺎﻥ ﻣﻦ ﻫﺬﺍ ﺍﻟﺤﺪﻳﺚ ﻭﻣﺴﮕﻒ ﻭﻳﺒﻨﻲ ﻏﺮﻑ ﻓﻮﮒ ﺍﻟﺤﻮﺵ ﻻﻥ ﻳﺮﻳﺪ ﻳﺰﻭﺟﻬﻢ ﻭﻫﻢ ﻳﻔﻜﺮ ﺑﺄﺣﻔﺎﺩﻩ ﻟﻮ ﻛﺒﺮﻭﺍ ..
ﺑﺲ ﻋﻤﺘﻲ ﻣﺎﺍﺭﺗﺎﺣﺖ ﻭﮔﺎﻟﺖ ﺍﻻ ﺍﺭﻭﺡ ﻭﺍﺣﺠﻲ ﻭﻱ ﺍﻟﻌﻠﻮﻳﻪ ﻭﺍﻋﺮﻑ ﺍﻟﺴﺒﺐ ..
ﺍﻟﺘﻮﺃﻡ ﺑﺎﻟﻔﺘﺮﺓ ﺍﻻﺧﻴﺮﺓ ﺻﺎﺭﻭﺍ ﻳﺘﻘﺮﺑﻮﻥ ﺍﻟﻲ ﻭﻣﺎﻳﻄﻠﺒﻮﻥ ﺣﺎﺟﺘﻬﻢ ﺍﻻ ﻣﻨﻲ ..
ﺻﺢ ﺟﺎﻧﻮﺍ ﻣﻮ ﻛﻠﺶ ﺻﻐﺎﺭ ﻣﻦ ﺣﺴﻦ ﺍﺳﺘﺸﻬﺪ ﺑﺲ ﻣﺎﻳﻌﺮﻓﻮﻥ ﻟﺴﺎ ﺣﻜﻤﺖ ﻳﺼﻴﺮ ﺍﺑﻦ ﺍﺧﻮﻫﻢ .. ﻻﻥ ﺟﺪﻱ ﻣﻨﻊ ﻫﺎﻟﺴﺎﻟﻔﺔ ﺗﻄﻠﻊ .. ﺑﺲ ﻳﻤﻜﻦ ﺷﻔﺖ ﻣﻦ ﺣﻘﻬﻢ ﻳﻌﺮﻓﻮﻥ ﺑﻠﻜﻲ ﻳﺤﻨﻮﻥ ﻋﻠﻴﻪ ﻭﻳﻘﺮﺑﻮﻩ ﻣﻨﻬﻢ ..
ﺑﺲ ﻫﻢ ﺿﺎﺟﻮﺍ ﻭﻛﺎﻣﻮﺍ ﻳﺤﺠﻮﻥ ﻭﺗﻌﺎﺭﻛﻮﺍ ﻭﻱ ﺍﺑﻮﻫﻢ ﺟﻴﻒ ﻣﺎﮔﺎﻟﻬﻢ .. ﻣﺎﺟﻨﺖ ﺍﺗﻮﻗﻊ ﺍﻟﺴﺎﻟﻔﻪ ﺗﻜﺒﺮ ..
ﻭﻣﻬﺪﻱ ﺿﺮﺑﻨﻲ ﺑﻴﻮﻣﻬﺎ ﻭﻋﺒﺎﻟﻪ ﻋﻨﺪﻱ ﻧﻴﺔ ﺛﺎﻧﻴﺔ ..
ﺻﺎﺭ ﻳﺘﻬﻤﻨﻲ ﻭﻳﮕﻠﻲ ﺧﺎﻑ ﺷﺎﻳﻔﺘﻠﺞ ﻭﺍﺣﺪ ﻭﺗﺮﺩﻳﻦ ﺗﺘﻄﻠﮕﻴﻦ ﻫﺎﻟﮕﻤﺘﻲ ﺗﺸﻌﻴﻦ ﺑﺤﻜﻤﺖ ﻣﻮﺵ ﺍﺑﻨﻲ ..
ﺗﺮﺩﻳﻦ ﺍﻟﻨﺎﺱ ﺗﺎﻛﻞ ﻭﺟﻬﻲ ﻭﻳﮕﻮﻟﻮﻥ ﻣﻠﻔﻲ ﻭﺍﺣﺪ ﻧﻐﻞ ﻭﻣﺴﻤﻴﻪ ﺑﺄﺳﻤﻪ ..
ﺗﺴﻮﺩﻧﺖ ﻣﻦ ﺳﻤﻌﺖ ﺣﺠﻴﻪ ﻭﮔﻤﺖ ﺍﺻﻴﺢ ﻭﻟﻤﻴﺖ ﺍﻟﺒﻴﺖ ﻋﻠﻴﻪ .. ﺟﺎﻥ ﺍﻟﻤﮕﺺ ﺑﻴﺪﻱ ﻣﻦ ﺣﺮﮔﺘﻲ ﺭﺩﺕ ﺍﺿﺮﺑﻪ ﺑﻲ ﻭﺍﺻﻴﺢ .. ﺣﻜﻤﺖ ﻣﻮﺵ ﻧﻐﻞ ﺍﺑﻦ ﺣﻼﻝ ﻓﻬﻤﺖ ﺍﺑﻦ ﺣﻼﻝ
ﺗﺎﻟﻲ ﻃﺎﺣﺖ ﺍﻟﻀﺮﺑﻪ ﺑﻴﺪﻩ ﻭﺗﻌﻮﺭ ﺷﻮﻳﻪ ..
ﺟﺪﻱ ﻭﺍﻟﺒﻴﺖ ﻛﻠﻪ ﺍﻟﺘﻢ ﻋﻠﻴﻨﺎ .. ﻣﻬﺪﻱ ﮔﺎﻟﻪ ﻫﺠﻤﺖ ﻋﻠﻴﻪ
ﻭﺟﺪﻱ ﻣﺎﺳﻤﻌﻪ ﻃﺮﺩﺓ ﺟﻨﺖ ﺷﺒﻪ ﻭﺍﻋﻴﺔ ﻭﺷﻔﺎﻓﻲ ﺑﻴﺾ ﻭﻣﺎﺍﺷﻮﻑ ﺑﻌﻴﻨﻲ ..بيج قصص عراقيه حقيقيه من واقعنا.روعه الطائي
ﺻﺎﺡ ﺣﻤﺪﻳﺔ ﺟﻴﺒﻴﻠﻬﺎ ﺍﺑﺮﺓ ﺍﻧﺴﻮﻟﻴﻦ ﺑﺴﺮﻋﻪ ..
ﺟﺎﺑﺘﻬﺎ ﻭﺿﺮﺑﺘﻨﻲ ﺻﺢ ﻣﻮ ﺩﻭﻡ ﺍﺳﺘﺨﺪﻣﻬﺎ ﺑﺲ ﻭﻛﺖ ﻣﺎﻳﺮﺗﻔﻊ ﻭﻳﺒﻴﻦ ﻋﻠﻴﻪ ﺍﻻﻋﺮﺍﺽ ﺗﻀﺮﺑﻨﻲ ﻋﻤﺘﻲ ..
ﺍﻟﻠﻴﻞ ﻛﻠﺔ ﺣﻜﻤﺖ ﻣﮕﺎﺑﻠﻨﻲ ﻭﻳﻤﺴﺢ ﺑﺮﺍﺳﻲ .. ﻳﻤﺔ ﻟﻴﺶ ﺗﻌﺎﺭﻛﺘﻮﺍ ﺑﺴﺒﺒﻲ ﻣﻮﻭﻭ ؟؟
ﺳﺎﻛﺘﺔ ﻭﻣﺎﺣﺠﻴﺖ .. ﻳﻤﺔ ﺍﺣﺠﻲ ﺍﻧﻲ ﺷﺴﻮﻳﺖ ﻭﺍﺑﻮﻱ ﺯﻋﻞ ﻣﻨﺞ .. ﺳﻤﻌﺖ ﺍﺳﻤﻲ ﻭﺍﻧﺘﻢ ﺗﺼﺎﺭﺧﻮﻥ ..
ﺭﻓﻌﺖ ﺭﺍﺳﻲ ﻭﻓﺘﺤﺖ ﻋﻴﻨﻲ ﺑﺎﻟﮕﻮﺓ .. ﺷﺴﻤﻌﺖ ﺣﺠﻴﺘﻬﺎ ﺑﺨﻮﻑ ؟؟
- ﻣﺎﺍﺩﺭﻱ ﺑﺲ ﻣﻦ ﮔﻤﺖ ﻭﺭﻯ ﺟﺪﻱ ﺳﻤﻌﺘﺞ ﺗﺼﻴﺤﻴﻦ ﺑﺄﺳﻤﻲ ..
ﺭﺟﻌﺖ ﻋﻠﻰ ﻧﻔﺲ ﻧﻮﻣﺘﻲ .. ﻣﻮ ﻳﻤﻚ ﺍﻟﺴﺎﻟﻔﻪ ﻫﻴﺞ ﻭﺣﺪﺓ ﺍﺑﻮﻙ ﺿﺎﺝ ﻭﮔﺎﻡ ﻳﺼﻴﺢ ..
ﺍﺗﻨﻬﺪ ﻭﺻﺎﺡ .. ﺷﻮﻛﺖ ﺍﻛﺒﺮ ﺷﻮﻛﺖ ..
- ﻭﺍﺫﺍ ﻛﺒﺮﺕ ﺷﺘﺮﻳﺪ ﺗﺴﻮﻱ .. ﻫﺬﺍ ﻗﺪﺭﻧﺎ ﻭﻫﺬﺍ ﺍﺑﻮﻙ ﺷﺘﺤﺠﻲ ﻭﻳﺎﻩ .
- ﻣﺎﺍﺧﻠﻴﻪ ﻳﻀﺮﺑﺞ
- ﺍﻧﺖ ﻣﻌﻠﻴﻚ ﺣﻜﻤﺖ ﻋﻴﺐ ﻳﻤﺔ ﻫﺬﺍ ﺍﺑﻮﻙ ﻣﺎﻳﺼﻴﺮ ﺗﺤﺠﻲ ﻋﻠﻴﻪ ﻻﺗﺪﺧﻞ ﺭﻭﺣﻚ ..
ﺳﻜﺖ ﻭﺍﻋﺮﻑ ﻧﺎﺭ ﺑﮕﻠﺒﻪ ﺗﻐﻠﻲ .. ﺍﺗﻤﻨﻴﺖ ﺍﮔﻠﻪ ﻭﺍﺭﺗﺎﺡ ﺍﺣﺠﻲ ﻭﺍﮔﻠﻪ ﻫﺬﺍ ﻣﻮ ﺍﺑﻮﻙ .. ﺑﺲ ﺟﻨﺖ ﺧﺎﻳﻔﺔ ..
ﺷﻲ ﻳﻤﻨﻌﻨﻲ ﻭﻣﺨﻮﻓﻨﻲ ..
ﺍﺣﺲ ﺑﺮﻭﺣﻪ ﺗﺼﻌﺪ ﻭﺗﻨﺰﻝ ﻣﻦ ﺍﻟﺤﺮﻛﺔ ﻭﺟﻦ ﻳﺤﺠﻲ ﺑﮕﻠﺒﻪ ﻭﻳﮕﻮﻝ ..
ﺍﻭﻑ ﻳﻤﺔ .. ﺍﻟﻌﻤﺮ ﻭﺍﮔﻒ ﺑﻴﻨﻲ ﻭﺑﻴﻦ ﺭﺍﺣﺘﺞ ..
ﺩﻣﻮﻋﺞ ﺳﻴﻮﻑ ﻭﺧﻨﺎﺟﺮ ﻣﻦ ﺍﺷﻮﻓﻨﻬﻦ ﺍﻋﻠﺔ ﻭﺟﻨﺎﺗﺞ !!
# ﺑﻘﻠﻤﻲ _ ﺍﻟﻜﺎﺗﺒﺔ _ ﺷﻤﺲ
ﻳﺘﺒﻊ … .
ﺍﻋﺮﻑ ﺍﻟﺒﺎﺭﺕ ﻣﺘﺄﺧﺮ ﻭﻗﺼﻴﺮ ﻭﺍﺩﺭﻱ ﺭﺍﺡ ﺗﺰﻋﻠﻮﻥ ﺑﺲ ﻫﺬﺍ ﺍﻟﻲ ﮔﺪﺭﺕ ﺍﻛﺘﺒﻪ ﻻﻥ ﺑﺎﺟﺮ ﻋﻨﺪﻱ ﺩﻭﺍﻡ ﻭﺩﺭﻳﺖ ﻣﺘﺄﺧﺮﺓ ﻭﻛﻤﺖ ﺟﻬﺰﺕ ﻟﻠﺪﻭﺍﻡ ﺍﻧﻲ ﻭﺍﻭﻻﺩﻱ ﻭﻃﺒﺨﺖ ﺍﻟﺒﺎﺟﺮ ﻻﻥ ﻣﺎﺍﻟﺤﮓ .. ❤
ﺍﻋﺬﺭﻭﻧﻲ ﺣﺒﺎﻳﺐ ﻣﺎﺭﺩﺕ ﺍﺧﻠﻴﻜﻢ ﺗﻨﺘﻈﺮﻭﻥ ﻭﻣﺎﺍﻧﺰﻝ ..
ﺑﺲ ﺍﺫﺍ ﺍﺳﺘﻤﺮ ﺍﻟﺪﻭﺍﻡ ﺭﺍﺡ ﺍﺿﻄﺮ ﺍﻧﺰﻝ ﺑﻴﻦ ﻳﻮﻡ ﻭﻳﻮﻡ ﻻﻥ ﻓﻌﻼ ﻣﺎﺍﻟﺤﮓ ..
ﺍﺣﺒﻜﻢ