اسعد الله اوقاتكم بكل خير احبتي ❤

//// البارت عشرون /////
#بقلم_الكاتبة_شمس
( شمس السعـدي )

********* #ترانـيــم ***********

غيوم سوداء تحوم حولي .. نهضت مرعوبة واحاول ابعادهم عني ..
اركض وهم يحاوطوني ..
شاهدت امرأة تجلس امامي .. برؤيتها ازاحت كل تلك الغيوم عني ..
ابتسمت وشعرت بالراحة ..
رفعت رأسها كانت امـي .. اجل هي امي هرعت مسرعة لها لكنها تبتعد عني بكل مرة اقترب منها ..
نهضت ووضعت مكانها شيئاً محاطا بقطعة بيضاء ثم رحلت ..
تقربت من ذلك الشئ وحملته .. واذا به طفلا صغيرا ناصع البياض ..
من هذا ؟؟ ولما تركته امي ورحلت ؟؟

- قمت من نومي مفزوعة .. والحلم مافارق عقلي ..
بين فرحي لاني اغشعت امي .. وبين ضيقي من الغيوم السوداء ..
لكن الطفل ماعرفت اشنو يعني ..

قمت سبحت وبدلت ..
رحت الغرفة لينا لقيتها نايمة ..
تركتها ودخلت المطبخ خليت الشاي ع النار وعملت طماطمة وبيض العزيز ..
وطلعت الجبن قطعتوا ..

دخلت الغرفة سمعت عزيز يحكي مع عامر بالموبايل وكان متضايق ..
خلص المكالمة… خفت يكونوا عرفوا ويضيعوا فرحتي

- عزيز اشنو صاير
- ماكو شي حبيبتي تعاي مشتاقلج ماكو صباح الخير
- تقربت منو .. صباح الخير حبيبي وقبلتو لكن بالي عند مكالمتو مع عامر ..

- شبيج ؟؟
- ماكو شي حبيبي لكن خايفة .
- اذا على كلامي وي عامر فلاتخافين مو يمج السالفة ..

فرك وجهو وسحب شعرو الفوق وكمل كلامو ..
- جدتي ماتقبل تنطي الفلوس العامر . تعرفيها شلون حسجة وتلگف السالفه لگف ..
- حسجة اشنو معناها ؟؟
- يعني فطنة وماتعبر عليها سالفة ..
تگلة هذا مشروعيش يسويه وهو بوسط الحرب والموت اذا يريدهن يجي ياخذهن هو .

- يعني راح تروح ؟؟
- شسوي مضطر اجيبهن وهم اشوفهم صار اشهر مانازل الهم . واسد سالفة سوزان الخابصيني بيها ..
- يعني راح تقلهم على زواجنا ..
- لا موهسا . اذا رفضت سوزان وگلتلهم رجعنا سوة راح يعاندون اكثر  ..
خليني احل هالموضوع واول وتالي يعرفون الي صار ..

رفع راسي بيدو .. مااريد هالوجه يحزن . ثقي بالله لو العشيرة كلها توكف بوجهي ماراح اعوف الوجه الحلو والگلب الابيض هذا ..
خلى راسو على رجلي ونام . مايصير نرجع ننام ..

تذكرت الشاي .. قمت من مكاني مفزوعة…
- الشاي احترق ..
- خرررب والله عبالي صار انفجار ..
ضحكت واعطيتوا قبلة هوائية وطلعت ..
الشكر للرب انا موطية النار ماكان عالي ..

رحت للينا صحيتها ..
اول ماقامت وقعت .. صرخت ..
عزيز الحقني عزيز ..

اجة عزيز يركض . صحيناها بالمي وعزيز كل مرة يقرأ ايات على راسها ..
صحت ..
- هااا حبيبتي شلونكي .
- زينة لاتخافو يمكن لان قعدت بسرعة من نومي ..
عزيز .. دور اصحي شويه بالفراش يلة تگومين ..

طلعنا انا وعزيز من الغرفة ..
- عزيز يعني راح تبقى لينا هاكذ ..
- لا ان شاء الله تصير زينة بس تتحسن حالتها النفسية . نسيتي الدكتور شنو گال ؟؟
- اي سمعتو لكن خايفة عليها .

- يلة حضريلنا الريوگ .. ميت من الجوع ..
- يخسى الجوع حبيبي ..

اجت لينا وقعدنا نتروق ..
دحق بلينا ..
- ها ليون نطلع نتسوگلج ؟؟ تحسين نفسج احسن .
ابتسمت .. تقلي اتسوق ومااصير زينة ..

- يلة حضريلنا الريوگ .. ميت من الجوع ..
- يخسى الجوع حبيبي ..

اجت لينا وقعدنا نتروق ..
دحق بلينا ..
- ها ليون نطلع نتسوگلج ؟؟ تحسين نفسج احسن .
ابتسمت .. تقلي اتسوق ومااصير زينة ..

ضحكنا كلنا .
كملت ونظفت .. وبالي عند امي والحلم .. مااعرف ليش خايفة من الغيوم السود الي محاوطتني .. وخاصة بعد ماسمعت كلامو مع عامر ..

العصر طلعنا تسوقنا للينا واخذنا قرطاسية كاملة الها..
واخدناها للالعاب غيرت جو ورجعنا ..
دخلنا للبيت قال عزيز ..
- رنوم باجر اني من الصبح اطلع للعمارة ..
- هااا وترجع ؟؟
- هههههه طبعا ارجع اشرلي على لينا .. غلقت الموضوع ورحت للغرفة ..
دخل بعدي .. اخذي يدي وقعدني بحضنو ..
شوفي حبيبتي مادام اني وياج ماكو احد يغثج . لويش خايفه من اهلي ..
وحق الله لو الدنيا كلها تخلي سيوف على رگبتي ماابدلج شبيج انتي ؟؟
- ماخايفة من هذا الشي وماعندي شك بيك . لكن احس نفسي متضايقة من اشنو؟ مااعرف ؟
- مااريد الخوف يمسج .. اني اروح الصبح اجيبهن واجي بنفس اليوم ..

هزيت براسي .. اروح ابدل واعمل عشا ..
كملت العشا وانا عيني عليه ..
تعودت على وجودو يمي .. شلون اذا داوم وفارقتو شهر .. مااتحمل ..

ضحك وقال .. رنوم راح اغص ..
وعيت على حالي .. بعثلي قبلة هوائية من غير ماتغشعو لينا ..

ابتسمت وكملت اكل ..
بالليل وانا نايمة بحضنو ..
عزيز راح يبقى دوامك هاكذ بين الموصل والرمادي ..

- شسوي حبيبتي هذا واجبي ..
- اعرف لكن انا مااقدر على غيابك بعد ..
- تدرين محظوظ عندي وحدة تشتاقلي وتحبني مثلج
- انا الي محظوظة بيك .. كل دقيقه اشكر الرب انو اعطاني شخص مثلك ..
- جا اثنينة محظوظين وضحك .. اني مقرر اقدم على نقل هنا البغداد .. وبلكي يوافقون ..

- واذا ماوافقوا ..
- گولي ان شاء الله حبيبتي .. خلينا ننام وراي گعدة من الصبح ..
- اشنو تحب اعملك الصبح ..
- مااتريگ من الصبح بس جاي من ايديج الحلوة ..

قعدت الصبح عملت جاي وخليتلو بترمز وعملتوا سندويجات للطريق ..
قعد سبح وبدل ..
- يالله رنوم الجاي بسرعه ..
حظرتلو الشاي ومعو الترمز وحافظة الاكل ..

ضحك .. شنو هاي . شسوي بيهن ..
- للطريق حبيبي ..
- لا شكرا يعمري من اجوع اشتري شو شنو واكل ..
ماقبل ياخذهم .. لكن اخذ ساندوج اكلها مع الشاي حتى مايكسر خاطري اعرفو ..

ودعني وطلع ..
رجعت نمت .. اخذت مخدتو وحضنتها ريحتو بيها ..
دحقت بالساعة .. كانت ستة ونصف ..
كملت نومتي .. وقعدنا الظهر انا ولينا ..
عملت غدا بسرعه لقيت سراب متصلة كثير ..
خفت ..
اتصلت عليها ماردت ..
اتصلت على عزيز مارد ..
الساعة وحدة الظهر اكيد وصل .. ياترى اشنو صار ..

اتصلت سراب رديت ..
الو سراب عزيز وصل ؟؟
- اي وصل واني عند اهلي .. وصارت مشكلة بينة وبين ابوي ..
وجدتي تخربطت واخذوها للمستشفى..
-يعني عزيز معاهم ..
- اي وياهم راح ..
- ليش اشنو صار ..
- الي صار . بسبب امي ونگها .  اول مادخل اخذتة للغرفة عاتبتة وبقت تحجي عليه وتگلة انطينا كلمة االبيت عمك والعشيرة كلها تعرف حاجزيها الك ..
عزيز .. يمة واني شعليه . انتو الحجزتو .. لااجيت ولاخطبت .
امي .. وتريد تكسر كلمة ابوك .. شيگولون الشيخ رجع بكلامة ..
بس اني ادري بالك يم ذيج العافتك وراحت ماندري وي منو ؟؟
عزيز .. يمة حجاية ثانية انسى انتي امي .. مرتي اشرف من كل وحدة عرفتها ..
- مرتك ؟؟ من يمتة هو ع الورق ..
- الي ماتعرفيه ترانيم مرتي صارت وعايشة وياي ببغداد ..

هي سمعت تخبلت وكامت تعيط. اجة ابوي وعدنان من سمعوا بي اجة .. جدتي جانت نايمة مالها خلگ گعدت ع الصوت ..
همزين ايمان بغرفتها ماسمعت الحجي .. ونزلت لما صارت الهوسة ..

ابوي اول ماشاف عزيز مااتحمل وتعصب . وامي گالتلة هسا تخطبلة وتزوجة ..
عزيز عاند وگام يحجي .. ابوي ماسكت وتعاركوا جدتي بيناتهم واگفة وتفرفح .. تالي وگعت والتهو بيها ..

- يعني اشنو تعاركوا لان عرفوا نحنا تزوجنا ..
- لا محد يدري بس امي .. وامي من شافت ابوي سكتت ماگالتلة على زواجكم ..
عركتهم على سوزان لان عزيز گال لو تبقى بس سوزان مااخذها شحصلنا من اختها العرمة ..
ايمان تخبلت وعدنان ماسكت وتعاركوا ..

- ااااه سراب يعني الامور انقلبت للاسوء ..
- هسا انتي ليش خايفة. عزيز هو يحلها لاتخافين…
نسيت اگلج غير حللت البارحة وطلعت حامل ..
- صدق ياااي مبروك حبيبتي هذا احلى خبر سمعتو من فترة ..
- ماادري بس اني مااگدر افرح مثلج خايفه يجي ويتعذب ..
- وليش هاكذ تفكري .. قولي يكون سبب هداية الزوجك ويقدر يتغير لما يغشع ابنو ..
- ان شاء الله بلكي .. لينا شلونها نسيت اسألج .
- زينة لكن حالة الاغماء ماتفارقها ..
- الله يكون بعونها الي شافتة مو قليل .
- سراب مااقدر اعطلكي .. لكن اذا رجع عزيز طمنيني عنو وعن الجدة .. قلبي معاها .. الرب يعلم كيف احبها .
- اعرف رنوم ياليت كلها مثل گلبج ..

كملت الاتصال وبعثت رسالة العزيز ..
(حبيبي عرفت الي صار من سراب .. طمني ع الجدة قلبي معك ولاتنسى انا احبك كثير )

قعدت انا ولينا نتغدا ..
بعثلي رسالة ..
( يعمري انتي حتى بأسوء حالتي تجين مثل المرهم لجروحي اموت عليج بعلي ) ..

ابتسمت وفرحت .. كلامك انت حبيبي مثل الدوا لجروحي والامي ..
احكي مع حالي ..

طول اليوم انا اتصل ومايرد قلقني اكثر .. اتصل على سراب تقلي بعدهم بالمستشفى ..
خفت لايصير شي عليها واكون انا السبب ..

دخلت لينا .. اختي اخي عزيز لسا مااشترك انترنيت ..
- لاحبيبتي قال لما يجي يشترك ..
كانت تحكي معي وبالي عند عزيز ..
ولينا حسيتها مخنوقة ..
قلتلها اخذي موبايلي في نت لاني مشتركة ع السيم كارت ..
اخذتو وكانت نايمة معي وتدحق بمسلسل على اليوتيوب ..

صار الليل وعزيز مااجة ..
بعدها بعثلي (حبيبتي راح ابقى اليوم هنا بين مااطمأن على جدتي وارجع خلي بالج من نفسج انتي ولينا وقفلوا الباب زين )

يأست من رجعوا وضجت .. بعثتلو( المهم سلامتها حبيبي لاتخاف علينا )

قمت عملت عشا كانت لينا بغرفتها ترسم .
تعيشنا وقعدنا ندردش سوى ..
وتحكيلي عن مدرستها وفرحانة لان راح تداوم ..

رحت لغرفتي حاولو انام مااقدرت . تعودت عليه ينام يمي وادحق فيه الى ان انام ..
فتحت موبايلي وطلعت صورو وهو نايم واتمعن بملامحو ..
قمت اتلمس لااراديا شاشة الموبايل واقبلها ..
احس نفسي صرت مهوسة فيه وعشقي له فاق الحدود

غفيت ودق موبايلي فزعت كانت ساعة سبعة الصبح .
عزيز ؟؟ استغربت ..
رديت .. الو حبيبي اشنو صار ..
- لاتخافين حبيبتي اني بالباب افتحي ..

ركضت من سريري حافية للباب مثل المجنونة ..
فتحتها ماصدقت لقيتو قبالي ..
حضنتو . اخذني بحضنو ودخلنا ..
غلق الباب وراه ..
- شلون اجيت بالليل والوضع ماامان .
- اشششش لينا نايمة خلينا ندخل غرفتنا ..

دخلنا الغرفة ..
نزع ملابسو كانت رجليه توجعو من الحذاء لابسها طول النهار والليل ..
- توجعك ؟؟
- اووووف ميت تعب على نفس الوگفه واللبس من البارحة واليوم .. هسا ادخل اسبح وارتاح ..
- قوم خليني ادلكهم الك بالحمام ..
- لاحبيبتي اني اسبح مااريد اتعبج ..
- اي تعب حبيبي انا ارتاح لما ترتاح انت ..
اخدتو للحمام وخليت رجلو بمي وملح ودلكتهم ..
- اااااخ رنوم الف رحمة تنزل على اهلج .. ويلوموني لان احبج ..

ابتسمتلوا .. تحب ادلك جسمك ..
- مااگول لا .. راح اطمع ترى بهذا الدلال ..
- بأي وقت حبيبي ..

دلكتلو جسمو وطلعت عملتلو اكل وجهزت الطاولة بكل شي موجود ..
طلع من الحمام ..
- يابة شنو هالدلال ترى اني رجال عسكري مامتعود هيج ..
- تعال تروق ونام كم ساعة ..
- اي والله هسا مال حضن ونومة لليل ..

كملنا اكل .. لينا ماقبلت تصحى قالت ماجوعانة خليني انام ..
دخلنا للغرفة ..
طلع كيس فيه فلوس ..
- هاج رنوم ذني يبقن عندج .. اي شي تحتاجيه بغيابي محلله وموهبة .
- مادام انت موجود مااحتاج شي ..
- هسا تعاي الحضني .. عصرني حيل واخذ نفس .
ماصدگت جدتي صارت زينة وگالت طلعوني ..
اخذت الفلوس وطلعت ..
- وجدتك ماقالت شي ..
- ماعندها حيل تحجي بس وعدتها اجيها ومااغيب عنها
بس اهلي زعلانين عفتهم ..
- مااحب تكون زعلان مع اهلك .
- من اديهم . بيازمن احنة ويجبروني اخذ وحدة مااريدها . شني طفل كدامهم اني وهيج يسون من طلبت اتزوجج مامانعوا ولاجبروني وهسا يحبروني ليش ..
- زواجنا كان ع الورق بالنسبة الهم ..
- لا مو هيج . بس اكو من يزن براسهم وابوي بعد ماصار شيخ گام يحسب الحجي العالم ويخاف من اللسان عمي لان يعرفة مگلگل ومايسكت ..
- ولو مافهمت بعض المفردات لكن خلينا ننام وننسى كلشي ..
نام هو وانا ماقدرت النوم طار من عيني ..
قمت غسلت ملابس ونظفت بين ماقعدت لينا اكلت وبدأت تجهز ملابسها لان راح تداوم ..
عزيز اتفق مع جيران النا بالمجمع .. عندو بنتو بنفس المدرسة. ياخذها معاها ويعطيه اجرو ..
قال .. هيج امن واحسن حتى بغيابي مااقلق عليها ولاانتي ..

تعرفت على مرتو لجيرانا كانت اكبر مني واسمها هناء
متزوجة ابن عمها وهي صغيرة الي يغشع بنتها يقول اختها مابنتها ..
عندها اثنين اولاد ولد عمرو خمس سنوات وبنت .. بنتها اصغر من لينا بسنة اسمها نور لكن بنفس مرحلة لينا بحكم لينا تركت سنة ..

عزيز كان يأجل بدوامو الاجلي يقلي .. بودي مااتركج ولاثانية بس هذا امر دولة ولازم انفذة . گلتلهم تزوجت وانطوني اجازة عشر ايام بعد مااگدر اخذ اكثر ..

قبل يوم التحاقو ..
حظرلي هدية .. فتحتها كان طقم ذهب بسيط ونازك
- عزيز اشنو هذا ماقلتلك مااريد .
- ادري بيج ماتقبلين لهذا اشتريتة على ذوقي .. عجبج ؟؟
- كثير حلو .. شكرا حبيبي . انت عندي اكبر هدية .
- هذا مهرج حبيبتي تستاهلين الاكثر ولو الظروف مو بصالحنا . جنت ناوي اصارح اهلي واخذج لهناك نعقد محكمة ونرجع . بس وعد الاجازة الثانية اخذج ونروح حتى لو عاندو احنة نعقد ونرجع البيتنا ..

- انت ارجعلي بالسلامة وكلشي ينحل ..
- راح اخلي عامر يمر عليكم دائما يشوف احتياجاتجن
- يوم الك حبيبي وتنتقل لهنا مثلو ودايما تكون قريب مني ..
- ان شاء الله حبيبتي.. هسا گومي بدلي ..
- وين ؟؟
- نروح نتسوگ مسواگ كامل .. كلشي تحتاجيه اخذيه مسواگ مال شهر بس الخضروات والفواكه اني حاجيت ابو نور الرجال حباب شتحتاجين گولي المرتة تگلة ..

- امممم اغشع الغيرة قولي المرتو ..
- ههههههه ولج من روحي اغار عليج شتحجين انتي . الهواء من يمس وجنتاج اغار ..
انتي ملكي تماما
لا احد ينظر اليكِ
ولن ادعكِ تنظرين لأحد
كل جوارحي تأبى ان تترككِ
كل شبر مني يريد ان يمتلككِ كما تتملك الروح الجسد

-احم احم .. خجلت ..
- اروحلج فدوة ..يلة كومي تأخرنا ..

قمت بدلت واخذنا لينا معنا .. تسوقنا ورجعنا . اخذنا ايس كريم ..
ورجعنا للبيت ..
لقينا بيت ابو نور بالباب . يزورونا . 
استغربنا لان من يوم الي قعدنا بالمجمع مازارنا احد وتعرف علينا ..
رحبنا بيهم .. وكانت ام نور حاملة بيدها قالب كيك قالت عملتو بيدي ..
رحت قطعتوا وعملت عصير معاه وفواكه ساعدتني لينا
كنت قاعدة بحجابي وملابسي مستورة لكن مااعرف ليش نظرات عزيز تراقبني وكأنه يغار ومايقبل اجلس معاهم لكن ام نور قاعدة ماينفع اقوم ..

اعرف طبعو هم ماعندهم النساء يقعدو مع الرجال الاغراب ..
ماحبيت اتركوا بموقف محرج ..
قلت الام نور والبنات .. خلونا ندخل للغرفة حتى ناخذ راحتنا بالكلام ..

اخذت ام نور وبنتها ولينا ورحنا للغرفة لان نحنا شقتنا صغيرة وفيها صالة وحدة مافيها استقبال ..

ام نور .. انتن من الموصل لهجتجن حلوة ..
- اي من الموصل ..
- بس زوجج جنوبي مبين ..
- اي صحيح ..
- لعد شلون تعرفتو على بعضكم ..
- زوجي ضابط بالموصل تعرفنا على بعض وتزوجنا .
- واهلج وين ؟
- اهلي ميتين .
- ياعيني يعني بس انتي واختج الله يساعدجن زين بعد الاحداث لو قبلها تزوجتو…
- هاااا دحقت بلينا مشغولة تحكي مع نور . ماحبيت اعطيها كلشي عن حياتنا وانا مااعرفها ..
قلتلها لا قبل الاحداث اعرفوا لكن بعدها تزوجنا ..
- واهلة شعجب مابقيتو بالجنوب ..

اسالتها كثيرة .. لان قريب على دواموا .. انا كنت ساكنة مع اهلو وماصارلنا كثير لما انتقلنا ..
ماصدقت اجة ابنها وقال .. ماما بابا يگول يلة ..

سلمت عليه وقلت اي شي تحتاجيه گولي لاتخجلين الله شاهد حبيتج ودخلتن گلبي .. واني هم مثلج مااعرف احد هنا .. تعاليلي مو ماتجين . البنات يداومن وابو نور بالدوام واني ابقى وحدي ..

وعدتها ارد الزيارة الها .. سلموا وطلعوا..
دحق بية .. قلتلو .. اعرف ضجت لان قعدت يمكم ورجال غريب . لكن انت تعرف مرتو قاعدة معاكم عيب اتركها ..
سحبني الصدرو .. اموت ع التفهمني من النظرة وتاخذ المرة وتدخل للغرفة ..
- ههههههه يعني ماتضايقت ..
- اعرف مو بيدج والي صار خلانا اثنينا امام الامر الواقع .. بس ان شاء الله .. الله يسهل واخذلج بيت وماتنحرجين ..

لليل دخلنا ننام وكان رومانسي مثل عادتو .. ومايقبل يتركني يقول .. اريد اخزن حب وحنان لان راح ابقى شگد بدونج ..
- يعني ماراح تقدر تنزل ابد ..
- لا اشوف وضعي بلكي اگدر ازاغل ..

للصبح حظرتلو ملابسو .. سبح وبدل وانا محظرة جنطتو قبل يوم ..
اخذها وطلع وكان يوصي ويقلي .. شوفي اني البارحة اشتركت نت واليوم اخليه يفعلة .
كل ساعة تخابريني اوتدزيلي رسالة…
وبالليل بابجن اقفلنها ..
اني او عامر اذا اجينا نبلغجن يعني ماتفتحنها الاكبر واحد بالليل ..
وهاي ام نور قللي كلامج وياها اشوفها فضولية .
- ههههه لاتخاف حبيبي المهم انت تخلي بالك على نفسك .. وام نور صح فضولية لكنها طيبة .
وبعدين مرتك بمية رجل لاتخاف عليها ..
عظ شفتو وقال .. هاي الانوثة كلها وتگولين بمية رجال اخذ المقسوم وراح ..
وانا بقيت اتذوق طعم انفاسو وشفافو ..
رجعت حضنت مخدتو ونمت ..

اول ماوصل للمقر اتصل بية وطمني ..
لينا داومت وكانت فرحانة لانها تعرفت على صديقات والمدرسة كانت راقية .. وبناتها حبابات ..
كم مرة رحتلها واغشعتها المدير صارمة كثير وماتقبل ع الخطأ ..

رجعت للبيت بعثت رسالة العزيز قلتلو ارجعت للبيت حبيبي ..
لان طلب يحكي معي فيديو وهو يعرف انا بمدرسة لينا ..
وانا احكي معو .. وهي يتغزل ويحكي كلامو المعتاد .
اندقت الباب ..
منو بالباب ..
مااعرف راح اغشع منو.. قلت منو.
اني ام نور افتحي عيني ترانيم .
عزيز .. هاي شعندها ..
- عززززيز تعتبر ضيفة ..
- لاعمي شكلت بس قطعت عليه احلى لحظة ..
- هههههه قول هاكذ الحكي ..

غلقتو منو وفتحت الباب ..
- خاف عندج شي واجيتج ..
- لا كنت بمدرسة لينا واجيت ..
- هااا اي شفتج من البلكونة من اجيتي ..

استغربت وكأنه مراقبتني .
- اگلج عيني شو ماگلتي انتي مسيحية ..
- مااعرف ليش بيها شي .
- لامبيها كلنا عباد الله .  بس استغربت من نور گالت ماما لينا گالت للمدرسة انها مسيحية ..
بس هي عجبتني .. .
المدرسة گالتلها اذا تحبين اطلعي برة . بس لينا ماقابلة وگالتلها اريد احظر الدرس اذا تسمحيلي..

- اي قالتلي .. لينا متعودة تخبرني كلشي .
- اي عفية عليج زين تسوين ولو هي مبينة حبابة وهادئة .
الحجي بينا . اهل زوجج معارضين لان مسيحية مووو
- لا طبعا . اصلا تزوجنا بحظور اهلو ..
- هاااا شعجب اكو ناس وخاصة الجنوب مايقبلون يتزوج ابنهم سنية مو دور مسيحية  .. هو لبسج حجاب موو لان اهل الجنوب طبعهم يختلف عنا ..

مااتحملت كلامها وفضولها ..
- اغشعي ام نور. انا مااحب اتدخل بخصوصيات احد ولااحب احد يتدخل بخصوصياتي ..
اهل الجنوب الي تحكي عنهم .. فتحو بابهم وبيتهم الي واعتبرونا مثل بناتهم ..
واذا ع العادات والتقاليد فكل محافظة الها عاداتها وانا احتراما لعادات زوجي وتقاليدو لبست ..
مااحد جبرني .. وبالعكس انا اغشعوا يضيف جمال للبنت واناقة ..

- يادادة شبيج گمتي ترطنين عليه .. نص كلامج مافهمته الله شاهد بس اذا ضوجتج بأسئلتي اني اعتذر ولو مااحبج ماامون عليج واحجي وياج ..

سكتت عنها بعدها قالت .  اني استأذن اروح اسوي غدا لايجي ابو نور . 
اذا تحبين لاتسوين غدا اني ادزلجن انتي ولينا ..
- لاشكرا انا راح اطبخ ..

طلعت اتنهدت ورحت بدلت ملابسي وطبخت وبعدها اتصلت بسراب ..
الو ..
- هلو رنوم شلونج..
- انا زينة قليلي جدتكي كيف صارت ..
- لا الحمد لله زينة . واليوم اخذها ابوي وامي للزيارة ضايجة خطية ..
- مسكينة . وانتي وين
- اني ببيتي تعبانة كلش وظهري يوجعني وعازم بيت عمي ع العشا شايفة هيج ..
- اتحملي اشنو تسوين
- مو عن هاي بس البيت ضيگ وحامل ووحدي حتى اسراء گلتلها تعاي يمي بس ابنها مريض وماتگدر وسرور عندها دوام ..
- لو كنت عندكم كنت ساعدتكي ..
- اي والله تدري بيح وگفاتج هواي وياي بعزايم اهلي .. اوووف رنوم اشتاقيت الايامنا ..
- وانا اشتاقيت .. لو زوجك يقتنع كنت قلتلكي تعالي عندي ..
- لا خية غير يتسودن اذا اگلة وفوكاها حملي صعب .
- عزيز قال معقد محكمة لما يرجع ونروح للعمارة .
- بس لاناوية تجين الاهلي . وج رنوم لاتحسبيها طردة . اذا اجيتي لهنا ماتخلصين . راح يجبروه يبقى هنا وتالي ترجع نفس المشاكل .. خليج بعيدة زوجج يمج .

- لاتخوفيني .. انا مااريد عزيز يبعد عن اهلو . ع الاقل يتراضو انا اصلا مااريد ارجع ..
- والله ماادري شگلج حجيج صحيح بس خايفه عليج .
هو اني بنتهم وماخالصة . بس الوكحة تعيش وي اهلي والله .
- لاتقولي هاكذ الجدة تحبك وحتى ابوكي وعامر وعلي وسرور .
- اي صحيح بس ابوي بعد الي صار تغير . صار اشهر وهو مانسى ..
- ينسى لما يحمل حفيدو لا تخافي ..
- هيج وتحبلين ويصيرون اولادنا نفس العمر ..
- امممم ياليت . مشتهية احمل طفل من عزيز .
- ان شاء الله يترس بطنج وهذا الشهر ..
- ههههههه لا ماقلت هسا خلينا نتونس ونطلع انا وعزيز انا مقررة احمل لما ينقل ببغداد ع الاقل قريب مني .
- ليش انتي بكيفج هاي امر الله وخاصه اذا ماماخذة احتياطج .
- اشنو يعني ؟؟
- لا هاهي قيمنا ههههههه .
- ليش تضحكي انا دارسة واعرف لكن مااقدر اخذ قبل الحمل الاول مايصير ..
- اي بس غير تتفقون
- لا انا اخجل مااقلو شي.
كملت مكالمة رجعت لينا تغدينا ونمنا ..

مرت الايام وعزيز كل يوم يتصل وخاصة الليل يبقى بالساعات يحكي معي ..
رغم كل هذا اشتاقلو ودايما اتخيلو نايم بصفي ..
لينا متميزة بمدرستها وانا ماتركتها ابدا واساعدها بالواجبات واشرحلها ..
مر ثلاث اسابيع وعزيز بعيد عني ..
كان يغلب عليه النوم بآخر فترة . بحيث اكمل شغلي واروح انام حاسة نفسي تعبانه وارق عندي ..
وصداع ودوخة..
حتى سخنت .. ماقدرت اتصل بعزيز واقلقو ..
بقيت يومين انا مريضة وعزيز مايتصل معقولة عزيز يومين مايسأل عني اتصلت عليه مغلق ..
بعثتلو رسائل ماتوصل ..
لليل مااتحملت اتصلت بعامر ..
- عامر عزيز اتصل عليك ؟؟
- لا مااتصل بس قبل يومين گالي من انزل امر عليكم ليش صاير شي ؟؟
- يومين وهو مايتصل واتصلت مغلق انا قلقة عليه كثير
- لاتخافين هسا اخابر واردلج خبر خاف طالع بواجب لان مرات يحددون اوكار داعش ويسون كمين ويبقون اسبوع او اكثر يحاربون ..
- عامر انا بالي مشغول كثير بسرعه اتصل ورد خبر ..

لينا .. اشنو قال ..
- راح يتصل ويخبرني ..

بقيت قلقة ومااعرف اشنو اعمل ..
ولينا تحاول تهدأ بيه ..
خفت عليها لاتوقع وخاصة بآخر فترة توقع كثير بالمدرسة ..

قعدت وبقيت انتظر .. عامر طول ومارد ..
اتصلت ..
الو عامر طولت ؟؟
خابرت جماعته كلهم نفس الحالة . راح اتصل على مقرهم ..

قلقني اكثر وخفت ..
بعد نص ساعة اتصل .. ترانيم اني جايكم بالطريق ..
- ليش عزيز وينو فيه شي قلي ..
- لسا مااعرف شي عنه بس اهدي گولي يالله .. خابرت المقر وراح يردولي جواب ..

ساعات واجة عامر .. خابرني قال انا بالباب افتحي ..
فتحت .. وانا ادحق بفمو اريدو يقلي خبر واحد عنو ..
جسمي يرجف وحسيت بدوخة قوية وعيني ماعادت تشوف شي ..

اسمعوا يقلي .. شبيج ترانيم هاي انتي القوية اگعدي شو ..
لينا جيبي ماي بسرعة ..
شربني مي . ولينا غسلت وجهي ..
قالتلو .. حرارتها مرتفعة ..
عامر .. گومي اخذج للمستشفى ..
- لا مااروح الاي مكان اذا مااقول العزيز .
- يمعودة شوفي حالج گومي اذا عرف عزيز يزعل
- لا هو مايقبل اطلع من غير علمو ..
- عمي طالعه وي غريب بطلي عناد وگومي ..

لينا .. اختي الخاطري قومي . انتي من يومين وهذا حالك ..
بدلت واخذوني للمستشفى وانا كل شوية اقلو اتصل طمني ..
الدكتور قال .. انتي حامل ..
هوني سكتت وبقيت مصدومة ..
هاااا مااعرف .
الدكتور .. لازم تسويلها تحليل وتتأكد زوجتك مو حامل يلة انطيها علاج مااگدر .
بقيت مصدومة من كلامو وعامر خجل ..

رحنا عملنا تحليل ..
اخذت ورقة التحليل من عامر وقرأتو.. كان ايجابي ..
بكيت . 
عامر .. شبيج شكو ..
بين ضحكتي ودموعي قلتلهم . انا حامل ..
لينا ضحكت وعامر انقلبت ملامحو ..
وقال .. مبروك . عزيز يفرح اذا سمع ..
- هو وينو راح اموت من الخوف عليه ..
- گومي نروح للدكتور نشوف شيگول موزين عليج لاتسوين هيج ..

رحنا للدكتور قال راح احولك للنسائية . حتى يخفضون حرارتج مو زين ع الطفل ..
دخلوني للطوارئ اعطوني ادويه ومغذي .. نمت .
قعدت لقيت عامر ولينا ..

قاتلو عامر .. عزيز ؟؟
ابتسم .. لاتخافين عرفت اخبار عنه كلشي مابي . بس طالعين كمين وماكو تغطية ..
فرحت لما سمعت كلامو .. هسا اقدر افرح بحملي وطفلي من عزيز .. بقيت اتلمس بطني وانا مومصدقة هوني اكو قطعة من حبيبي ..
#بقلمي_الكاتبة_شمس
يتبع… .

حبايب // باجر مااگدر انزل عندي ضرف وراح اكون مشغولة طول اليوم .. اعوضكم بأيام استراحتي ان شاء الله ❤