#انكسار_فتاة_بريئه

البارت 1

🍀🍀 انكسار فتاة بريئه 🍀🍀

🍀🍀 للكاتبه رونق 🍀🍀

المشكله ليست في قلوبنا حين يظن البعض

قلبك لم يخطئ عندما احب

قلبك لم يخطئ عندما وثق

قلبك لم يخطئ عندما سامح

قلبك فقط لازال يظن ان العالم رائع

وان البعض يستحق الحب والثقه والعفو

حين ارى الظلم في هذا العالم ...... اسلي نفسي في التفكير ......في ان هناك جهنم تنتظر الظالمين ..... وهناك رب عادل فوق كل ظالم ....

لكن مابالكم لو كان هؤلاء الظالمون هم اقرب الناس اليك ......

هل ياترى تسامحهم ....... ام جرحهم لازال ينزف دما ولاتستطيع ان تسامحهم .....

العدل قليل .... والظلم اكثر .... لكن الامل كبير ...... والله اكبر .....

اترككم مع ابطال القصه

البطله  : اسمي ملاك عمري 21سنه طالبة صيدله مرحله ثالثه مواصفاتي عاديه ك اي بنيه شعري قصير اسود وسرح طولي 55يعني  قصيره ووزني 60

اعيش وي عائلتي متكونه من بابا الله يحفظه النه ضابط متقاعد وماما فديتها معلمه وعندي 2 اخوات اكبر مني متزوجات و2 اخوه هم اكبر مني

اني اصغر وحده بيهم

اكبرنه كولنه هي اختي الجبيره تقى مدرسه ومتزوجه ولد غريب وعدهم 2 بنات و ولد واحد وثاني واحد اخويه سرمد ضابط وزوجته سجى بنت خاله ربة بيت عدهم 1ولد و1 بنيه والاخت الثانيه بعدهم لمى خريجة كلية تربيه ومتزوجه ابن خاله وهسه حامل اما اخويه الصغير اسمه ماهر ممتزوج معاون طبيب يداوم بالمستشفى صارله اشهر من اتعين من سكنة بغداد احنه الوحيدين من اقرباء بابا ابغداد لان اهله لبابا من سكنة المحافظات الجنوبيه وعلاقتنه عاديه بيهم

بس بيت جدوا اهل ماما كولهم سكنة بغداد

البطل : اسمي علي عمري 26 سنه مواصفاتي طويل وصاحب جسم رياضي جميل صاحب عيون ملونه لون بشرتي حنطاويه خريج كلية قانون اعيش مع اهلي الي هم ابويه الله يحفظه ويحمي قاضي وهو قدوتي بالحياة ونبع الحنان استاذه بالجامعه وعندي اخوات 2 ممتزوجات وحده اسمها نرمين طالبة كليه مرحله رابعه هندسة كهرباء وحده اسمها حنين طالبة كليه مرحله ثانيه تربيه وعندي اخ واحد اسمه سجاد خريج تربيه وماكو تعين عنده مول جبير بمحافظتنه هو اصلا لماما وبابا بس هو الي يديره ومتزوج بنت خالو اسمها هدى وعنده طفله وحده اسمها زينب

اني اكبر اخوتي وبعدي اخويه والبنات اصغر منه

التفاصيل راح نعرفها باثناء سردنا للقصه

ملاك : اني اصغر اخوتي واخواتي ومدللة بالنسبه للكل وعندي نوع من الغرور بصفتي المدللة وصيدلانيه اخوتي يحبوني واني خط احمر بالنسبه للكل ممنوع احد يغثني او يسمعني حجايه بابا يكلب الدنيه عليهم

بس دائما يخبثون ويايه بابا من النوع الجدي وعصبي والكول يخاف منه وقانوني بشكل

الاكل سويه واله وقت معين والبيت ماشي بنظام من المستحيل احد يخالف

اخويه سرمد نسخته الثانيه

اني سافره بس لابسه حجاب ولبسي محتشم ومكياج ممنوع لان اخوتي وبابا ميقبلون ابد

اني بالنسبه  للبنات يمكن الوحيده الي ابد مااخلي مكياج بس هذا الشي زادني ثقه بنفسي رغم مااسمع التعليقات عليه بس ميهمني

بيت خاله رحاب ماخذين اختي لابنها ومنطينه بنتهم لاخويه وعلاقتنه حلوه بين العائلتين

بالنسبه الي من وعيت ع الدنيا وافتهمت ابن خاله رحاب زيد يدرس صيدله بنفس كليتي هو السنه اتخرج يحبني واحبه لكن مجرد نظرات ومخابرات فقط ابد متعدت علاقتنه اكثر لان اني اخاف ع سمعتي وسمعت اهلي وهو كذلك

لحد الان مدار حديث ابيناتنا غير شاكلتي شربتي وين طلعتي

ملامسني ابد ولا شايف شعري ابد ولا ملتقين بمكان بوحدنه ابد اني من الثالث متوسط بديت اتعلق بي واحبه هو بنفس منطقتنه ويوميه يجينه

وساعدني بدروسي هواي وبالكليه عنده سياره ياخذني ويا ويجيبني اني واخته

بحيث جبرني بتصرفاته احبه واتعلق بي

الجامعه كلها تعرفني خطيبة زيد واني خط احمر محد يكدر يتقرب عليه

جنت احس مالكه الدنيا كولها عايشه اجواء حلوه بوسط عائلتي وقريبه ع الشخص الي احبه

حتى اجه اليوم المشؤم الي اجه ابن عمو محامي وعنده مقابله بالوزاره ع مود تعين خابرعمو بابا وخبره كله لازم يجي يبات هنا اني نسيت اليوم الموعد الي يجي بي ابن عمو حتى اسمه مااعرفه ولا شايفته ابد

عمو قاضي معروف وعمه الي هي زوجته استاذه بالجامعه وناس طاگين بس احسهم مغرورين

اجيت من الكليه وصلني زيد بعده ياخذني اني واخته ويجيبنه وجنت جوعانه

طبيعتي من بره اصيح واني بالحديقه جوعانه ..... جوعانه ....... اذا واحد من اخوتي هنا احصلي رزاله بس بابا ميقبل

واذا ماكو اني بخير

اليوم مثل كول مره

بس شنو عليت الصوت شويه لان مامنه اليوم سرمد بالدوام خفارته

ماما جوعاااااااااانه ....

لج ماما لحگيني جووووووووعانه ......

دخلت للمطبخ اشو ماكو احد ولا صوت

فتحت الگدوره فارغه وجان عيوني تصير بكصتي

شنو هاي اليوم لويش ممخليلي غده

بابا الحگني

طلعلي سرمد وجان انصدم بي بس عيونه بكصته

لج غبيه اني شكم مره كتلج لتصيحين هيج

جرني من ايدي حيل

وخر عني اله اكول لبابا عليك لج استحي صوتج نصي لا والقران ادفنج عدله

رحت اركض لبابا اشتكيله

واني ابجي جذب 👈😭😭😭

بابا تعال شوف سرمد شسوه بيه واني امشي شمرت الجنطه والملازم ملاتي هم شمرتهن

شنو هاي هم عيشه يوميه سرمد افندي يبجيني

وجان انصدم بولد شاب اني هنا حسيت خدودي حمر من الفشله

سلمت رد السلام وجان مدنك مرفع عينه ابد

بابا كلي هذا علي ابن عمج وكله هذه المخبله مالتنه ملاك

يبوووو هسه اله يفشلني تعالي باباتي اتغدي ويانه

لا مااشتهي راح اصعد انام

لج تعالي لتستحين من ابن عمج

هسه اجيتي لسانج شطوله جوعانه .... جوعانه ....

لا مو جنت اشاقه عفتهم ورحت صعدت لفوك

دخلت اخذتلي شاور وردت انام بس جوعانه حيل

دزيت رساله لبنت خاله

سجاوي فدوه اسعفيني باي شي حتلو باكيت بسكت من الجهال لو اندومي

اجاني حمودي ابن اخويه وجايبلي اندومي يمه فداوي حبيب عمتو

درت عليها مي حار واكلتها هيج بدون طبخ

بعدها اجاني مسج من الحب مثل كول يوم

هلو ملوكه ..... هلو زيودي

شتدغديتي ام نفس ...... جيس اندومي 😭😭😭😭

ليش لج اليوم ضاربيج بوري وممخليلج

لا بس هنا ابن عمو واستحي

منو من اولاد عمج وشعنده يمكم

والله اذا اكولك شي مراح تصدكني مااعرفه منو ولا شسمه كول الي اعرفه عنده مقابله بالوزاره ع مود تعين ومر بينه

شافج .... شفتي .... حجيتي ويا .... حجه وياج .....

هاي شنو شدعوه عليك كول هاي الاسئله

لج اتخبل اذا واحد شافج وركز بيج ابتلي بي يمكن

والله صعدت كبل لاركزت علي ولا ركز عليه

عبالي حتى اكسر راسج لو كاعده ويا

دخلي اكعد وياك انت يله اكعد ويا

بقينه شويه ندردش بعدها نمت وكعدت بالليل

لبست دشداشه لان لبسي كوله تراكات بس عيب او بالاحرى انذبح ع القبله بس انزل بالتراك

لكيتهم يجهزون بالعشا

سلمت ورحت للمطبخ

محتاجين مساعده

لا بعد وكت خل نصب يله تنزلين لويش من هسه نزلتي

لج والله استحي من هذا الغثه ع اساس يوميه ذابحه نفسج ويانه

لج فديتج غير انت موجوده انت وماما الخير والبركه

شعرف اسوي غير اندومي واكلي بيضه

هاي صوج ماما الي متخليني اتقرب ع الطباخ

وتخاف عليه او بالاحرى تخاف من بابا بس يصير بيه شي

امشي لج حقيره لسانج شطوله

ولي من يمي

هو صوجن لو صوجي اني الي اجيت اساعدجن

عفتهم وصعدت

امري لااللله هم راح ابقى جوعانه

صعدت وبديت اقره هواي عندي تحاضير

بقيت اقره دزوا عليه منزلت

بقيت اقره لحد مصارت الساعه ب12 حسيت بجوع نزلت كلت خل اسويلي شي جوعانه حيل

جان الكيهم بالصاله بعدهم كاعدين

بعد مترهم ارجع عيب

ردت ادخل للمطبخ جان يصيح ورايه ماهر اخويه

هاي البزونه شعدها دخلت للمطبخ

دخيل ربج شكد جوعيه تاكلين ومتشبعين

سمعتهم يحجون وي الولد

الي يضيع ملاك يلگيها بالمطبخ تاكول ليل نهار ولا تشبع

لج ملوكه سويلنه وياج اكل جوعانين

عابتلكم اله تفشلوني اني اعلمكم

سرمد هم كام يصيح لج سويلنه وياج جوعانين

من عيوني جوعانين اني اعلمكم

لكيت المواعين مغسوله واي اكل ممبقيلي

طلعت سمبوسه وكليتها بس شنو حركتها من جها وكليت طماطا وحطيتلها شكر 😎

طبعا اتعمدت اسوي هيج خباثه لان حجو عليه كدام الولد عيب منه

وصبيت الجاي حطيت ملح

اله اخبلكم والله

الصمون حميته كلت مااخبث بهذا

اما بالنسبه الي سويت لفة جبن وكبستها بالكابسه مالت الصاج تطلع طيبه

اخذتلهم الصينيه وصبيت جاي

قبل ليبلشون اكل شديتلي محرك واوي وفلتت كبل للغرفه

شصار مااعرف

بس وره ثواني غرفتي اتفلشت عليه ولا اهتميت

هدأت الاصوات دزيت الهم لاخوتي اثنينهم

😬😬🤪🤪😎😎 هذا درس الكم حتى مره ثانيه متفشلوني كدام الولد

سرمد دزلي ومحمد اله مااخليها الج واعلمج باجر

وماهر هم دزلي خبله والله باجر افضحج كدام البنات واكول متعرف الشكر من الملح

اني هنا حسيت بخيبة امل

لان يسويها مره سواها ويايه اجاني للكليه وكللهن اكو وحده عاقله تحط قاصر فوك البنطلون ومن اسالها لويش هيج تسوينه تكولي مو زين سويته ابو الرگعه

اسبوع كامل الكول يضحك عليه بنات و ولد

نزلت بكول هدوء

الكول اتفاجأه بيه

كتلهم ام سوري مو قصدي

لزمني سرمد وخنگني لج ثوله شلون هيج تسوين بيه

عوفني لا والنبي اصيح بابا واخلي يشردك بهالليل

اكلي تبن لج ولي منا لا ابتلي بيج

الولد بس يضحك والله عيب منه

ماهر حبيبي شنو مشتهي هسه اسويلك اي شي يعجبك

بس حباب لتجيني باجر للكليه الله يخليك

روحي سويلنه اكل اذا عجبنه مااجيج واذا لا

اجيج ومحمد افضحج فضيحه

شتريد اسويلك شنو مشتهي

اي شي سوي بس كون طيب وجاي بي شكر والنبي هالمره اذا حطيتي ملح اله العب بيج طوبه

يحجون وميتين ضحك

بسيطه اني اعلمكم بس مو اليوم باجر

لازم اخترع اكله طيبه واني كولشي مااعرف غير بس بيض وطماطا

رجعت عليهم كتلهم اسوي بيض وط

بعدني ممكمله كلي نوووووووو

اكله طيبه لا تعرفين شاسوي

هسه لوما الولد جان كتلهم مااعرف بس عيب شيكول

رحت للمطبخ واني دايخه

فتحت المجمده لكيت كبه وكباب بس المشكله اذا جامده مااعرف اكليهن لان يبقن بالوسط جامده

طلعت فنكر جاهزه عدنه وبقيت ادور بالمجمده كلبتها كلاب

باجر احصلي رزاله من نبع الحنان اكيد

لكيت لحم مثروم

همزين حطيتله مي وحطيته ع النار

حطيت ملح وكركم بس الباقي كولشي مااعرف بيهن

وكليت الفنكر بس شنو سبيت الدنيا سبايه عبالك طابخه لعزيمه جبيره

اتكومت المواعين شكثر والطباخ صار يخبل

المهم حطيت زيت بس كثرت

بعدها نشف المي وبديت اكلب بي بعدها حطيت بيض فوكاها خايفه حيل من طعمها

اني مراقبه ماما هيج تسوي بس اول مره اطبخ هيج طبخه

ممسويه غير بيض وطماطا وفنكر

سويت جاي جديد

صحته لماهر كتله تعالو هنا اكعدوا احسن

صاحهم واجوي بدوا يقلدون سرمد وماهر ويضحكون

ماهر كله لك علاوي كفيلك الله الي ياخذها ثاني يوم يرجعها علينه من الصبح

كولشي متطبخ غير اندومي وبيض وطماطا

اول مره اسمعه يحجي ابن عمو

گله عادي تتعود وتصير طباخه ماهره بس مو هسه اكيد وره متخلص كليتها

اي هذا الحجي الي يفتح النفس مو مثل ذوله الحاقدين يغارون مني

ههههههههههه لج منو اليغار منج

ع شنو نغار

لان اني صيدلانيه 😎

لج دولي دعرفي اطبخي يله تحجين

حطيت الاكل كبالهم واني ادردم بوحدي

صبيت الجاي كام يضحك الولد

عفيه اتاكدي هالمره من الشكر لتحطين ملح معدتي لهسه توجعني والله

والله اتفشلت عيب من الولد

خدودي احسهن حمر دم من الخجل

بدوا ياكلون اني الصراحه اشتهيت اكول وياهم بس استحيت

بقيت واكفه فوك راسهم

شعندج واكفه فوك راسنه جنج فزاعه

اريد اشوف الاكل عجبك لو لا

اسالي ضيفنه اذا عجبه مااجيج باجر واذا معجبه لا والقران اله اجيج

يبوووو والله استحي شاساله

حتى اسمه نسيته والله مو ابالي ابد

بعدين كام يريد يغسل

كلي سرمد روحي ويا للمغسله خل يغسل

رحت ويا ولزمت الخاولي بيدي

كمل وانطيتهيا

گلي عاشت ايدج كولش طيب الاكل

رسمت ابتسامه بوجهي كتله شكرا ع المجامله اللطيفه

بس هاي صراحه مو مجامله

حيل فرحت اول مره انمدح لان دائما انذم

رجعت لماهر واني اطلع بلساني اعيب علي

اكلي عجب ضيفنه يعني باجر متجي للجامعه

بس اني معجبني

مو مشكلتي انت كلت

والله اذا اجيت بعد لا اغسلك ملابسك ولا اكويهن ولا اسويلك اكل

ولا اخابرلك البنات من تنلزم

قصدج بعد مترگعين ملابسي ولا تحركيهم بالاوتي ولا تسويلي اندومي

خرب حضي وجان تنقصف جبهتي من جديد كدام الولد

يابه دطير يكعد بابا واخلي يشوف شغله وياك

عفت الهوسه وردت اصعد

جرني سرمد

تعاي حبابه اكعدي نضفي هاي الهوسه مو كلها ذابتها ع مرتي لج

دطير انت ومرتك

لج شوفي الهوسه والله خطيه تخترع بس تشوفهن هيج

مااخليج تتحركين اله تنظفين هالهوسه

مو بس يله اكل ونوم كولشي ممفتهمين منج

كون بابا كاعد وهيج احجي كدامه ودافع عن مرتك

دولي لج لسانج شطوله

عافوني ودخلو لجوه بديت اغسل المواعين

بس شنو بس ادردم واغلط

كملتهن وصعدت نمت

كعدت الصبح ع صوت الجهاز مثل كول يوم يخابرني زيد

لبست بنطلون كابوي زيتوني ولبست قميص طويل للركبه لون اسود ويا ونسقت شال زيتوني بنفس لون البنطلون والحذاء والجنطه اسود طبعا وجهي ع الطبيعه

نزلت لكيت الكول كاعد يتريك

صاحوني كتلهم مااشتهي ووكتي راح

كتلهم زيد منتظرني

بست بابا وماما وطلعت مستعجله

بس شافني زيد كبل مجلس تحقيق

كوه فضيتها ويا

طبعا زيد مواصفاته تخبل حلم كول بنيه وعنده سياره حديثه

خلص اليوم عادي ك اي يوم

بقينه اني وزيد مثل كول يوم نتخابر يوميه

وياهذني للجامعه ويجيبني

وره تقريبا شهرين من اجانه ابن عمورجعت للبيت وجان اتفاجئ بعمو وزوجته عدنه بالبيت

سلمت عليهم وصعدت لفوك

بعدها صعدتلي امي وكالت عيب انزلي جوه ابوج يكول خلي تنزل

شكو اله انزل

اي اله تنزلين

ابوج كلي لتنزلين اله ملوكه وياج

الصراحه استغربت موقف بابا ابد ميلح عليه ادخل يم خطار يجينه ابد
حتى عمو دائما يجي بس اسلم واطلع

ابد ميجبرني بابا هنا گلبي نغزني

نزلت وي ماما وجان عمو يكول .........