#انكسار_فتاة_بريئه

القصه تتحدث عن فتاة يتم اغتصابها دون علمها بعد تخديرها من قبل حبيبها وابن خالتها قبل موعد زواجها من ابن عمها لكن لااحد يصدقها انها لاتعلم باغتصابها والكول يضن انها تعلم وبارادتها سلمت نفسها
user19194545

#البارت 11

مساء الخير ع اجمل متابعين

والله الصراحه لا تصويتكم مشجع ولا تعليقاتكم

يعني اكثر من الفين مشاهده للقصه ميتجاوز التصويت  250 شخص معناها انتو الي دتابعوني بصمت معجبتكم قصتي

ياريت تكتبون معجبتنه حتى اعرف رايكم

واتوقف عن النشر حتى مااتعب نفسي

اذا قصتي موحلوه وماعجبتكم اتمنى اعرف

اني كاتبه وعندي التزاماتي ابيت ومسؤليه ورغم هذا الشي اضغط ع نفسي لخاطركم حتى مااتاخر عليكم ومااعتقد مقصره وياكم

اتمنى اشاهد ثمرة نجاح قصتي بفضل تصويتكم الي
وهذا الشي اكيد يشجعني حتى اكتب اكثر واكثر

وع فكره قصتي القادمه راح تكون مميزه بكلشي

باحداثها وبشخصياتها وبنهايتها اذا تبقون هيج متشجعوني مااعتقد اكتبها 😢😢😢😢😢😢😢😢😢😢

وخلال هاي الايام القادمه راح انزل الكم مشهد من قصتي الجديده حتى تنطوني رايكم بها

اسفه ع الاطاله

اتمنى لكم قراءه ممتعه

البارت 11

🍀🍀 انكسار فتاة بريئه 🍀🍀

🍀🍀 للكاتبه رونق 🍀🍀

ملاك : اتفاجات بعلي من شفته كبالي

بعدين انطاني قمصلته ولبستها

وجنت بردانه بوقتها

انتابني شعور غريب من لبستها وجان عطره بالقمصله
دزولي عشايه للغرفه واتعشيت

بعدها اجني هدى ولجين وكامن يحجن

يكول علي خلي تنزل تغسل المواعين

مو مدللله بس تاكلين وتنامين

انزلي هسه اغسلي المواعين

حيل ضجت وانقهرت

هو الي طلب مني ماانزل لان اقربائهم هواي عدهم بالبيت

نزلت وجنت حيل معصبه

بديت انظف وجانت المواعين هواي والجو بارد حيل

اضوج حيل من غسل المواعين بالشتاء

فجأه حسيت بشخص بالمطبخ ويحجي بالموبايل وي بنيه حبيبته او صاحبته ماادري

وجان مندمج بالحجي ويغازل بيها وجان يطير فياله ويكوللها اني هسه

بمول المنصور اني وعائلتي
اني سويت نفسي مسمعته بديت اطلع صوت بالمواعين

حس بيه وجان بعد ميشوف دربه

كام يمتمت سلم وكال صباح الخير

واختفه من يمي گمت اضحك

واعتقد هاي اول ضحكه الي ابيت عمو

بعدها كملت غسل المواعين وبديت ارتب بالمطبخ

فجأه دخل علي وجان معصب حيل

انت شنو قصدج من هذا عنادج

شتقصد بعنادي بالظبط

اني مو طلبت منج متنزلين

شعندج نزلتي يعني تردين تثبتين انت تشتغلين مثلا لو تحبين العناد

لو حابه يشوفونج الشباب

حيل ضوجني يعني يدز عليه وفوكاها يصيح عليه

اتجاهلته وكملت شغلي
دارني اله

شنو احجي وي حايط

متجاوبين

مو انت الدزيت عليه

شنو معنى هذا الحجي

منو كلج دزيت عليج شنو تخبلت واخليج تنزلين لجوه والبيت مليان شباب

حيل انهضمت يعني قصده يخاف مني  اخاف اني اتحارش بيهم

عفته وردت اطلع

جرني حيل وعصر ايده وبعدها ضربني راجدي

ديري بالج مره ثانيه تسوينها

من احجي وياج تعوفيني وترحين

شنو معناها متجاهلتني

سكتت
شعندج نزلتي

روح اسال زوجتك واختها وهنه يجاوبنك

بس اني سالتج الج مااريد اسالهن

هنه كللي علي يكول خل تنزل تغسل المواعين وتنظف

مو بس تاكل وتنام

اني الصراحه حيل ضجت شنو معناها بسجن عايشه

اشو الكول متجمع اله اني ميقبل انزل

هو اني اصلا مااحب انزل واشوف احد بس محبيت هيج يمنعني

وفوكاها ضربني

عرفت هاي لعبه من عدهن

روحي اصعدي مااريد اشوفج جوه ابد

عفت كولشي وصعدت وهو اني اصلا كملت

بس حيل ضايجه ومعصبه من موقفه ويايه

دموعي كامن يجرن
همزين مو كباله

وره فتره اندكت الباب

مسحت دموعي وفتحتها

وجان علي ولجين ويا

دخلها وسد الباب

كال يله احجي منو كلج انزلي

لجين وهدى

وشكللج

كالن علي يكول خل تنزل تغسل المواعين وتنظف مو بس اكل ونوم

لا والله جذابه اصلا ماصعدت ابد

ضربها راجدي قوي

اني شكد ماكد عليج متتدخلين بملاك

اني شوكت هيج حجيت

حتى تطلبين منها تنزل
محجت شي ويا ابد

التفت عليه وانت الثوله الثانيه لتصدكين بعد باي وحده تحجي بلساني

اخذها وعافني وطلع

علي : حيل ضوجتني ملاك من متجاهلتني وعافتني وطلعت

ضربتها بس حيل اتندمت

لان مو صوجها صوج الحيه لجين الي منزلتها

وهي شلون ثوله تنفذ كلشي بدون اعتراض

من عرفتها لجين وهدى هيج مسويات

اتخبلت رحت للاستقبال وصحتها

واخذتها وصعدت وواجهتهن بس نكرت

بعدها ظربتها

وكلبت خلقتها طبعا

بعدها نزلنه

وكالت راح اروح وي اهلي
وحرجتني كدام خالي سكتت

وفعلا راحت وياهم

وراحن خالاتي

ماما طلبت ابقى هنا ابات

وثاني يوم جمعه

بقت غرفتي بمكانها

بقينه اني وسجاد وسولفتله ع هدى ولجين

تخبل كال اني اتصرف وياها هدى

وكلي والله خطيه البنيه حتى لو غلطت ميصير هيج نصير احنه والزمن عليها

والله مااشوفها اله صدفه ومن اشوفها تنظف بالبيت

بس تريد الحقيقه احسها اشرف من الشرف والله

مااصدك هيج مسويه وبارادتها

اسكت سجاد لتذكرني

لك بلسانها اعترفت بكلشي
ليش ماتتقبلها ك زوجه وتفضها وينتهي كلشي

لا يمعود تحجي صدك

عقلي رافضها رفض نهائي

وكلبك شيكول

ميكول شي يمعود

بالها وعقلها وكلبها يم ذاك الساقط الي ضاحك عليها

شنو اليثبت ع حجيك

يجوز حجيها صدك ومخدرها ومغتصبها

لا مستحيل لك والله اعترفت بلسانها تحبه ويحبها

وهو راسلها رسائل مو مالت مجبوره او مخدره

الله اليعلم بالحقيقه

بقينه شويه نسولف وره فتره نزلت ملاك

كال سجاد هاي يوميه هيج وقت تنزل تنظف وبعدها تصعد

شخبار ماما وياها هم يتعاركن
لا ابد مااتعاركن

اسمع ماما تحجي عليها مرات بس هي ولا كانو

ولتجاوب ماما وتنفذ الي ينطلب منها

زين تسوي

اباوع عليها هادئه بشكل بدت ترتب الاستقبال وتنظف بي بدون صوت

سجاد راح لغرفته

بقيت اني اكلب بالموبايل

بس الحقيقه عيوني تراقبها بدون متحس بيه

كملت ورادت تطلع

كتلها جوعان تكدرين تسويلي شي

هزت براسها

رحت بذاكرتي لذاك اليوم الشفتها بيها وسحرتني

هسه شصار لو متزوجين كاي اثنين حلمت بيها هواي واتمنيت تكون زوجتي

بس محبيت بهيج زواج
بقيت بمكاني افكر

اجتي وكلتلي الاكل جهز

رحت للمطبخ

طبعا دائما اكلنه بالمطبخ

بس اذا اجوي خطار نكعد لو بالصاله لو بالاستقبال

لكيتها مسويه طماطا وبيض

كتلها شنو متعرفين تسوين شي غير الطماطا والبيض

مقصدي شي بس حبيت احجي وياها وهي هم تحاجيني

شتحب اسويلك غيرهن

صبيلي جاي امري لا الله اكل مجبور لان جوعان

حسيتها ضاجت

راح اسويلك كباب انتظرني دقايق

لامااريد

بس صبيلي جاي
صبت وانطتنيا

متاكلين وياي

لا شكرا مااشتهي

طلعت بره اتوقعتها صعدت

خلصت وغسلت

طلعت لكيتها تنظف بالصاله

شنو لهسه مصعدتي نمتي

لا بس اكمل الشغل اصعد

دخلت للمطبخ

اعتقد جانت تلهي نفسها ع مود اكمل

وتغسل المواعين

شويه وطلعت وصعدت لفوك

اني بقيت بالصاله وره شويه راسلت لجين

بس متجاوب
كلت خليه ع راحتها

صعدت نمت وكعدت متاخر

نزلت جان يوم جمعه والكل متجمع حتى سجاد يجي من وكت يوم الجمعه

ردت اتريك مقبلت ماما كالت الغده جاهز

وجانو مسوين دولمه وسمك شوي

ابويه طلب من ملاك تتغده ويانه بس هي رفضت مثل كل مره

كالت مااشتهي بعدين اتغده

هدى وجها ثكيل اكيد متعاركين هي وسجاد

كملنه وصبولنه جاي

حجت ماما كالت شعندك وي زوجتك مزعلها

منو كلج هذا الحجي

محد كلي بس ممسويتها لجين وعايفتك بوحدك

كتلها ماكو شي وهسه راح اروح ارجعها

طبعا مااحب المره الي تفشي باسرارها هي وزوجها
المفروض متكبرها وهي جانت غلطانه

بعدها استاذنت منهم وطلعت كلت خل امر ع بيت خالي وارجع لجين وياي

ادك عليها يطلع مشغول

طول الطريق وهو مشغول

وصلت ودكيت الباب

طلعلي ابن خالي اخوها

ودخلنه دز عليه وجانت متفاجأه بيه

كتلها وين هالكد مشغول وي منو جنت تحجين

وي صديقتي

يله جهزي نفسج خل نروح

مااروح بابا يكول خل ابقى يومين

لجين مااحب اعيد الحجي روحي جهزي نفسج بسرعه

اهووو شنو هاي مو عيشه والله

تجين وياي لو اعوفج واروح واعرف شاصرف
خل ابدل واجي

رجعنه للبيت واتصالحنه

علاقتي بلجين عاديه

كاي زوج وزوجته بس مو حب ولا لهفه

معدل كل جمعه يم اهلي غدانه وعشانه ويوم السبت يم خالي

بقية الايام لو يجون اهلي لبيتنه لو نروح الهم

جانت امنيتي من يجون اهلي تجي ملاك وياهم

بس ولا مره فكرت

ان فسرت هاي الحاله بعدم المبالات الي

واكيد مطيق تشوفني

من اروح لاهلي مااشوفها بس يوم الجمعه من تجهز الغده

عجيب امرها ابد مترفع عينها

وره فتره حجزت عند دكتوره ابغداد ع مود لجين

مقبلت تراجع هنا ابد اله ابغداد ع مود الطفل
خابرت ولد عمي كتلهم امر بيكم

فعلا رحنه وجان غدانه يمهم اني ولجين

والعجيب بالامر محد سالني عن ملاك وهذا الشي ضوجني الصراحه

كانو مو بتهم ابد

يعني حتى امها بيني وبينها مسالتني ابد

عرفت من الولد الاسبوع الجاي زواج زيد

طبعا بعد مخابرنه عمي وكناله من راسلني

طالب من ابو يبتعد نهائي من ملاك

وكايله راح ازوجه حتى يعقل وينساها

كلت هذا شكد حقير

بعد مدمرها ع الاخير وضحك عليها راح يتزوج

احب اشوف ردة فعلها من اكلها هذا الخبر

بعدها رحنه للدكتوره وطلبت تحاليل وبعدها انطتها علاج وكالت شهر وترجعين
رجعنه بالليل

هواي لح علينه بيت عمي نبقى نبات ورفضت ع مود دوامي

كلت مااخبر ملاك بالخبر اله بعد زواجه

دخلت ع الصفحه مالته وشفت ناشر الدعوه مالت الزواج

وراها رحنه الجمعه لاهلي

وبدت لجين تحجي ع بيت عمي

واني متاكد قصدها تغثها لملاك

اباوع عليها الدمعه بطرف عينها

ملاك : وره الحفله الكول راح لاهله

واكيد البيت هسه مهوس

طبعا خاله ام علي حيل نظيفه ومرتبه

تتخبل من الهوسه

اني دائما قبل لتحجي وتطلب اسوي الشي
حتى محد يحجي عليه

نزلت انظف الاستقبال لكيت علي وسجاد كاعدين

باقي هنا يجوز يبات هنا مااعرف

بديت ارتب بعدها طلب مني علي اسويله اكل جوعان

اني لحد الان مو هاكد بالطبخ

ومااعرف اسوي شي

اكثر اكله شاطره بيها بيض وطماطا

رحت سويتله بس معجبه

ردت اسويله غير شي مقبل

بعدها كملت شغلي وصعدت لغرفتي

نمت وكعدت ثاني يوم

نزلت وبديت اجهز بالغده

نزلت هدى وجانت تتواعدلي

وتكولي والله اله نخليج تتندمين ع الساعه الاجيتي بيها ع الدنيه
لج لو بيج حظ مكسرتي وجه اهلج ونمتيلج بحضن واحد بدون زواج

صحيح ضجت وانهضمت بس مجاوبتها ابد

اتجاهلتها واجتي خاله وهي سكتت

مبين حاجي عليها سجاد يجوز علي كايله مااعرف

دائما يجونه علي وزوجته اني قله اتواجد وياهم

كمت احب العزله اتمنى ابقى بوحدي ابيت لا اشوفلي بشر ولا بشر يشوفني

كل مايجون لازم يسممني بالحجي اثنينهن

اني مااعتب عليهن  ولا اجاوبهن

لان اذا اهلي نكروني ويحجون عليه شلون اعتب ع الغربه

مرات اكول لويش هيج معادياتني واني ماعندي اذيه ابد ع احد

ماعندي حل غير التجاهل

اكدر احجي وي عمو وهو يتصرف وياهن بس مااحب تصير مشاكل ويعادني اكثر
وره فتره كالت خاله علي ولجين راحو البغداد اليوم

حسيت روحي راحت وياهم

اتمنيت اغمض عين وافتح عين الگه نفسي بنص اهلي

ويعاملوني مثل قبل وترجع علاقتي بيهم

بس هاي اعتبرها امنيه مستحيل تتحقق بيوم

وراها اجوي لبيتنه وتتعمد تحجي وعود تكول محد يسال عليج

اني الصراحه حيل ضجت

اكول مايصير هيج انظلم ومن اقرب الناس الي

عمو حس بيه وبده يغير الموضوع وكال اليوم بالليل جهزو نفسكم ناخذكم للمول قصده لسجاد

الكول فرح اله اني احس بنفسي فصلت عن العالم

رحت للمطبخ واجتي ورايه لجين

وبدت تذب بسامير

اهلج مسألوا عليج وناسينج

وانت هم انسيهم للموت
اني كانو خرسه مااحجي اله بالظروره

ردت بس اكمل شغلي واصعد لفوك لان حابه ابجي

حتى اكل مااكلت مااشتهي

احس بوزني نازل

بعدها اجه علي

وكعد وطلب منها تصبله جاي

وهي كامت تتنعوص وحبيبي ومدري شنو

وكعدت كباله وتسولف وياه

كلتله تروح ويانه للمول

ماادري والله

اطلع العصر للمكتب اذا ماكو شي ارجع من وكت واروح وياكم

واذا لا روحي وياهم

لعد انطيني فلوس

بسيطه
كملت كولشي وصعدت

اول مدخلت دموعي كامن يجرن بوحدهن

حيل مشتاقه لاخواتي ولامي ولاخوتي ولابويه

شلون كدرو يصدكون اني هيج اسوي

اني مرات اقفلها الغرفه ومرات لا

نمت بفراشي وغطيت نفسي لان جان الجو بارد وابجي

فجاه سمعت صوت علي

ملاك ..... ملاك ....

مسحت دموعي وكعدت

جهزي نفسج وروحي وي اهلي للمول

انطاني فلوس وكلي اشتري الي بنفسج

لا شكرا مااريد الفلوس رجعهن لان مراح اروح

ليش

شويه تعبانه ومالي خلوك

شبيج مريضه
لا مو مريضه

لعد

هيج ميعجبني اطلع ابد

ع راحتج بس هاي الفلوس خليهن يمج خاف تحتاجين شي

لا شكرا ماكو داعي وعمو دائما ينطيني

وذنيج وياهن ابد مااحتاج

سكت

اني حبيت اسال عن اهلي بس خايفه من الجواب

وحده سالني

شنو الي ابالج احجي

ها لا ماكو شي

لا اكو وهواي اسئله بعيونج

تعجبت شمدري بيه

كتله اهلي شلونهم
زينين كلهم

نزلت دموعي غصبآ عليه

ماما مسالتك عني اي واحد من عائلتي مفكرو يسالونك عني

سالتني امج عليج وكالتلي سلملي عليها

لويش تكذب ادري بيهم نسوني واعتبروني ميته بالنسبه الهم

لعد اذا تدرين ليش تسالين

هيج كلت بلكي ماما بالذات حنت عليه

كمت ابجي بحركه

بحيث كوه اكدر اطلع الكلمه مني

الله كريم لابد يجي يوم وراح يتندمون

بس منا لذاك الوكت راح اتعود ع القسوه

حتى ارفضهم مثل مرفضوني

رجعت لفراشي نمت وغطيت حتى وجهي

عافني وطلع
بس اليوم صدك قررت لازم اتعود ع القسوه

ولابد تظهر الحقيقه بيوم

بس اني متاكده بعد فوات الاوان

طبعا ماكدرت انام ابد

بس هواي بجيت يمكن عيوني ورمت حتى راسي كام يوجعني

احنه هنا ابيت عمو ماكو شغل العصر ابد الاغلبيه نقوم بيهن الصبح

للعصر نزلت وجانو عمو وعلي طالعين

لكيت خاله والبنات كاعدات بالصاله

اني لحد هسه بدون غده مااشتهي ابد

حرت شاسوي

سالت خاله

خاله محتاجه شي اسوي

لا شكرا ماعدنه شي
والعشه شتحبون اسوي

هناك بالمطعم نتعشى

وره الصلاه جهزي نفسج

اني مااروح

ليش

ماالي خلوك والله وراسي يوجعني

حتلو خاله اطلعي شبيج دافنه نفسج غيري جو

شلون متحمله ياخاله

والله مااكدر خاله وراسي احسه راح ينفجر

غير مره انشاء الله

شمحتاجه وصي نرمين لو حنين حتى يجيبلج وياهن

هدى ولجين طبعا فوك

احس بنفسي جسد بلا روح

مابنفسي كولشي

رجعت كالت خاله روحي اتغدي

مو زين عليج هيج تسوين

رحت للمطبخ حرت شاسوي

بعدين كلت خلي اتوضأ واقره قران بلكي شويه ارتاح

فعلا رحت وبديت اقره قران

طبعا من ضمن بيت عمو مصلى صغير وجان كولش حلو وبي مكتبه للكتب والقران الكول يصلي بيها بس مو دائما طبعا بكيف الي يريد

اني دخلت بيها

حسيت براحه جبيره

اني متاكده يجي يوم وتظهر الحقيقه ويعترفون زيد و سجى

ويكولون مظلومه احنه هيج سوينه بيها

جانت بالنسبه الي احسها معجزه

بس من قريت القران صار عندي امل جبير تظهر الحقيقه بيوم

كلت لازم يوميه اقره قران افضل الي من النوم والهروب من الواقع

اذن وصليت وبعدها اجه عمو

وجهزوا بس من شافني ممجهزه نفسي كام يحجي عليه

كتله والله عمو راسي يوجعني حيل وماالي واهس اطلع من الباب

كالتله خاله حاولت وياها ورفضت

سالو عن علي

كال يجي ورانه لان عنده قضيه وناس يمه يتفاهمون

طلعوا كلهم

حسيت بوحشه جبيره دائما يطلعون كلهم وابقى بوحدي بس مو بالليل

لو بالصيف

حرت شلون اقضي وقتي لان مااريد انام من وكت واكعد تالي الليل

كلت خلي اقره قران افضل

اتوضيت ورحت للمصلى

لبست الجادر وصليت ركعتين طلب قضاء حاجه كون تظهر الحقيقه

بعدها بديت اقره قران

واني اقره سمعت حركه شخص بالبيت

احس كلبي وكف من الخوف

خفت بشكل مينوصف

رجليه كوه اخذني للباب وقفلته عليه

بس كلبي كام يدك مثل الدمام

فجأه انفتح الباب عليه بدون صوت بس الحمد لله جان مقفول

يمكن هذا الشخص يسمع دكات كلبي من كد ماسريعه وقويه

حيل خفت منه هذا الشخص وشيريد

سجدت لربي وكمت ادعي

ياربي خلصني من هاي الشده

مااريد يطلع حرامي واخاف يعتدي عليه وهم تصيرلي مصيبه ثانيه
واكيد هم محد يصدكني

توقاعتكم حبايبي منو هذا الشخص الي استغل الفرصه واجه

وهل ياترى راح تجي مصيبه لملاك من وره هذا الشخص ام لا

لتنسوون التصويت احبكم 😘😘😘😜😜