#اغتصاب_ام_زواج

*****#الثامن_عشر18
‎******نواره
ابو رهف ؛ طلب أيد رهف للزواج
ام رهف ؛ ماعندي بنيه للزواج وانته تعرف بهالشي ليش حجيت بالموظوع
رهف ؛ بس حسّيت تقى ضغطت ع ايدي قوي واني أشوفهم يتناقشون
تقى ؛ اششش هدي نفسج
بابا شجابه شنو الي خلاه يفكر برهف

ابو رهف ؛ يابنتي عادي ابن عمها يجوز معجب بيها شي يوم وماحب يحجي اله يصير الوكت المناسب

ام رهف ؛ اَي يارجال مو تزعل اني ماانطيها لبن اخوك
ابو رهف ؛ ليش بشنو قصرت وياج حتى يقصر ابن اخويه وَيَا بنتج
ام رهف ؛ انته تختلف انته ماكو منك همه مطالعين عليك انته اب وأخ وزوج وحبيب وطفل وكلشي مو مثلهم

ابو رهف ؛ ترى همه حنينين
ام رهف ؛ مو مثلك
تقى ؛ عمي كافي غزل سدو الموظوع

ابو رهف ؛ بنتي شبيج ليش صافنه اكو شي

رهف ؛ لا بابا سلامتك بس مثل ماكالت تقى سد الموظوع

ابو رهف ؛ هذا هو ياروح ابوج لاتنزلين هاي الدمعه ابد كأنو شي ماحجينه بي ولا صار

رهف ؛ الله يخليك اليه ويحفظك من كل سوء
تقى انشالله
ام رهف ؛ امين

رهف ؛ ماما نطيني اني اغسل المواعين
ام رهف ؛ لا مستحيل انتي بنتي نفسج
تقى ؛ اييي ماما روحي اكعدي واني انظف وياها المطبخ
ام رهف ؛ واحد يكرصني داصدك
رهف ؛ هسه تنطيني لو اروح انام
ام رهف ؛ لالا هاكم بس قطره وسخ مي مااريد
تقى ؛ تدللين يمه
رهف ؛ شكو اجيتي ورايه عوفيني اتنفس
تقى ؛ اخاف عليج
رهف : ومن شنو
تقى ؛ اخاف تنتحرين انتظرج تكتبين وصيتج الاخيره
رهف ؛ يا تافهه يلا كومي امسحي الكاونتر
تقى ؛ رهف ترى والله اني احبج كل مااتذكر او اتخيل الي سوه اسد اتمنى اخذ سجينه واحطها بكلبه
رهف ؛ هههه واني هم احبج شعدني غيرج بس لا ماريد اسد يموت
تقى ؛ اَي ويموت شعليج بي
رهف ؛ تقى حتلو الحقيقه مره وتوجع بس تضل حقيقه هو روحي نفسي دمي زوجي جسدنه واحد
ماانكر انه ضجت ونقهرت من الي سوه كله من اول يوم بس مااتوقعت راح احبه مااتوقعت يجي يوم مااعرف افكر هسه اني كاعده يمج واحجي بس كلبي وعقلي وأكفات داحس الحياه واكفه مامنتظره شي ولا اريد شي مجرد احسها ايّام تمر وهاي هي

تقى ؛ الله كريم الي مكتوبلج ميصير لغيرج والله يهدي ويهدج هم وتعدي هالسالفه بدون محد يحس ويدري

رهف ؛ امين يارب
تقى ؛ وهسه ياحبابه كملي اني أفوت اغسل
رهف ؛ مخبله هههه
تقى ؛ صعدت لغرفتها أخذت تلفونها وتصلت بي اتمنينه يرد
اول مره
ماكو رد
ولا ثاني مره
ثالث مره جاوب
الو .....

اسد ؛ متمدد وأتوسل بالنوم يمرني حتى تروح من تفكيري
انتبهت تلفوني يدك
هاي رهف
شصاير وليش تتصل مستحيل هي مو من عوايدها
ماجاوبت
ضلت تلح بالاتصال

جاوبت عليها ......
تقى ؛ اسد اني تقى مو رهف
راح اكلك كلمتين بس اتمنى متغلقه
انته شلون كلبك انطاك تسوي هيج بالي تحبك مو اله انته تحبها بكفي هي تحبك
حتلو غلطت خانت كفرت ماداعي لهالتصرف حرام عليك هي بشر حالها حالك اذ كاعد تحترك انته مره هي تحترك الف مره
كل الي سويته في سبيل كالتك عوفني طلكني وهذا كل جذب
الي تنطي شرفها متفكر بهالشي ترى
اتنازلت عن شرفها بس مااتنزلت عن كرامتها وكالتلك تعال أعلن هالشي كدام اهلي وبالمقابل انته شنو سويت طلعتها عاهره وهسه روح انته وربك تجازه ع الي سويته
سديته واني كلبي نار يغلي مسحت المكالمة ماريدها تعرف ودخلت اغسل

اسد ؛ ضليت صافن والتلفون بيدي احسها ماحجت كلام عادي وطلعت الي بكلبها احسها انطتني كف ع وجهي رجعتني لوين
اذ هي ليله وحده حركتني اني كم ليله عيشتها بنارين وماحجت ولا كالت اباوع لعيونها تتوسلني اعوفها وماعفتها
اوووف يارهف ليش هيجً سويتي شلون راح اصلح الغلط واني شغلي لرأسي ساعاتي محسوبه عليه خرررب يومج

رهف ؛ نعيما طلعتي جديده
تقى ؛ طبعا لعد أبقى مثلج
رهف ؛ اكلج تقى هذا كيان شجى شنو الي خلا يفكر بيه لا والنوب زوجته
تقى ؛ اكلج اخاف حاط عينه عليج او مراقبج بعدين تعالي هو مو وياج نفس الجامعه
رهف ؛ هاي شبيج شجاب الهندسه ع التربيه
تقى ؛ يمج بعيده يم غيرج قريبه ترى
رهف ؛ اكلج انتي شوكت كبرتي
تقى ؛ اني من يوم يومي جبيره بس أنتم متشوفون
رهف ؛ ههههه يلا كومي اطلعي. خليني انام باجر ورايه دوام
تقى ؛ نسرين داومت
رهف ؛ ترى من يومين تزوجت شداوم
تقى ؛ شلون اذ عرفت
رهف ؛ مادري والله راح تضل علاقته راح تطردني من حياتها او احتمال تكلي غدرتي بيه خنتيني الله اعلم
تقى ؛ الله كريم لوكتها محد يعرف شيصير يلا نامي الوكت اتاخر

نسرين ؛ هاحبيبي طالع
ضرغام ؛ اييي مااوصيج. ديري بالج ع نفسج وع امي ترى اني وفهد ماموجودين وأي شي خابري زيد
ماشي حبيبي

نسرين ؛ مااحتاج شي بكد مااحتاجك
ضرغام ؛ ههههه شلون بيه هسه وكتج خليني اروح ورايه شغل
نسرين ؛ تروح وترجع بالسلامه بس فدوه التلفون لا تنسى
ضرغام ؛ اموت عليج اني واعشقج هم
نسرين ؛ محروس بالله ومحمد وعلي ❤️

اسد : فهد انته تراقبلي كل الاتصالات جبيره او صغيره حتى الي داخل البيت
ومحمد انته تشوفيلي رهف

ضرغام ؛ نتوكل
اسد ؛ يلا
ضرغام ؛ خايف عليك يااسد هاي الشغله شغلتي ليش دخلت نفسك
اسد ؛ ثأري اخذه بيدي المرحوم جان سندي بهالدنيا ولَك زيد مو بمعزته وهسه جاي تكلي ثارك
ضرغام ؛ هذا هو ياابن عمي ايدي بيدك

رهف ؛ دك تلفوني اباوع نسرين شكد عيب مااتصلت وباركتلها
نسرين ؛ وج وينج حتى رساله مادزيتي
رهف ؛ والنبي واستحيت كلت ماازعجها خليها ع راحتها
شلونج اخبارج
نسرين ؛ تمام الحمد لله يمعوده ياازعاج صدك تحجين شو هو اليوم بدل وطلع لشغله وكله من ورا اسد عنده الشغل اهم من حياته
رهف ؛ يلا الله كريم تخلص وأخيرا تحقق حلم سنين حمدي الله واشكري
نسرين ؛ لا الف الحمد لله والشكر الف مره
انتي شلونج شلونه الدوام
رهف ؛ ع حطت ايدج ماكو شي مهم نفس الروتين
شوكت اداومين
نسرين ؛ الأسبوع الجاي ضرغام ميقبل
رهف ؛ اوك ع راحتج سلميلي عليه
نسرين ؛ يوصل حبيبه بس لتغطين فد غطه
رهف ؛ هههه لالا موجوده
دااطلع واحد صاحلي
كيان ؛ مرحبا رهف شلونج
رهف ؛ كيان شنو جابك اليوم
كيان ؛ ردي السلام يمعوده وبعدين بنت عمي واجيت اشوفها والمسافه قريبه دقايق ترى
رهف ؛ لا مو هذا قصدي بس تفاجئت تمام اني زينه انته شلونك
كيان ؛ بخير ياحلوه تعالي نشرب شي شغله
رهف ؛ لا مااكدر اريد اطلع باجر عندي امتحان
كيان ؛ هذا هو ع راحتج
رهف ؛ يلا باي
كيان ؛ تهزمي مني داشوف نهايتها
رهف ؛ ياربي هذا امنين طلعلي هسه الي يسمع او يشوف يكول اني ناقصه قهر اوووف يالله

اسد ؛ ها فهد شصار وياك
فهد ؛ لسه ماكو شي هدوء وانته
اسد ؛ واني نفس الحاله
ضرغام انته ارجع من أحتاجك ادز عليك واني اشويه وارجع
ضرغام ؛ اوك شيصير خبرني
اسد ؛ هذا هو
محمد شصار وياك شفت رهف
محمد ؛ اَي سيدي أخذت محاضراتها وطلعت بس من طلعت واحد جان وراها اله حجه وياها يلا
اسد ؛ حجت وَيَا
محمد ؛ اَي بس مطولت اقل الخمس دقايق
اسد ؛ شوفلي منو هذا بسرعه اريد كل المعلومات انتظر
محمد ؛ تامر سيدي
اسد ؛ ياترى منو هذا هي حتى وَيَا طلابهم ماعدها سلام شيريد منها

ضرغام ؛ وهاي إجه حبيبج حتى لتكلين عافني
نسرين ؛ كلبي وحياتي وروحي وكل اهلي انته
ماريد غير شوفتك
ضرغام ؛ مرتاحه
نسرين ؛شلون ماارتاح واني يمك
يلا حضرتك الحمام ادخل لبين مااجهز الاكل
ضرغام ؛ رحت فدوه للمريتي تعالي
نسرين ؛ وين
ضرغام ؛ لحضني
نسرين ؛ هههه درتاح هسه وتلحك
ضرغام ؛ ههه هم صدك هسه يتصل اسد
نسرين ؛ يلا لعد حبيبي

محمد ؛ سيدي ابن يصير
اسد ؛ شيريد منها
محمد ؛ والله ماعرف مااتوصل لشي
اسد ؛ هذا هو اخذ راحتك

فهد ؛ اسد نسحب بسرعه انته مراقب
اسد ؛ من نفس الجماعه
فهد ؛ اييي فلازم نغير الخطه وائمن شي تجي للمديريه
اسد ؛ مسافه الطريق

رهف ؛ وج تقى كيان اليوم إجى للكليه
تقى ؛ شيريد
رهف ؛ بس سلم
تقى ؛ شكد مقزز
رهف ؛ اَي والله لعبت روحي
تقى ؛ اتصل اسد
رهف ؛ لا ومن هذاك اليوم اختفى
تقى ؛ امممممم ليش
رهف ؛ هو دوم مختفي ع مود شغله نسرين جانت دوم تكول مااشوفه اله نادرا وتلفونه مغلق
تقى ؛ يلا الله كريم
رهف ؛ اشتاقيتله
تقى ؛ عزه بعيج من كل عقلج وبعد الي سوه
رهف ؛ ايييي
تقى ؛ روحي عالجي نفسج لان مستحيل تكونين طبيعيه واني اطلع لا انعدي
ضليت اتصل بي كل يوم وكله مغلق حتلو يموت مادري بي
ربي أنقذني هالمره
رجعت نسرين للدوام وبلشنه امتحانات وبالي كله يمه اختفى ع الاخير وين صار
نسرين شبيج مو طبيعيه اليوم

نسرين ؛ هو بس اليوم صار فوك الأسبوع مشايفتهم عدهم مهمه
رهف ؛ اهااا اسد وضرغام
نسرين ؛ وحتى فهد
رهف ؛ كلهم ليش هيج
نسرين ؛ همه من صغرهم ميتفاركون وهاي مهمه صعبه حطو أيد باايد
رهف ؛ يرجعون بالسلامه انشالله
نسرين ؛ امين الله يسمع منج
رهف ؛اوف وأخيرا يااسد حصلت خبر عليك كطعت كلبي

اسد ؛ ضلينه فوك ٣ أسابيع راسي من رجليه مااندلهم والقهر كل مره ارجع ليوره الف خطوه مو خطوه وحده وشكد مشتاق لهاي الحقيره وين صفه بيها الدهر هم تذكرني والله اشتاقيتلها خلي تصرخ تحجي تضرب كلشي تسوي بس اشوفها
فهد ؛ اشتاقيت
اسد ؛ ولَك الاشتياق قليل شتحجي انته
فهد ؛ الله يكون بعونك اَي والله

نسرين ؛ الووو
حبيبي اشتاقيتلك
ضرغام ؛ تعالي للبيت اشتاقيتلك اريد اشوفج
نسرين ؛ مسافه الطريق
ضرغام ؛ انتظرج

نسرين ؛ رهف شبيج وجهج اصفر
رهف ؛ احس الكاع تفتر بيه

نسرين ؛ امشي اخذج للمستشفى
رهف ؛ لا روحي لحكي ع ضرغام خطيه عاف شغله ع مودج يلا ركض كدامي
نسرين ؛ بس يارهف
رهف : داكول روحي يلا
نسرين ؛ ديري بالج ع نفسج
رهف ؛ دافكر بشغله متخطر ع البال عقلي كلبي ماعرف شديصيرلي كمت ونفضت هالافكار من راسي واخذتني رجليه للمختبر سويت تحليل وبقيت انتظر
تقريبا ربع ساعه ثلث ماعرف تفكيري يجيب واودي
_رهف حسين
رهف ؛ نعم
_مبروك انتي حامل
رهف ؛ ......
يتبع
*****نواره********