#اضعت_ربيع_عمري

#البارت16والاخيررررر

#النهايةةةةةةةةةةة

#بقلمي_سارة_المجيد

مساءكم هيل وزعفران حبايب گلبي

🍎🍎🍎🍎🍎🍎🍎🍎🍎🍎🍎

اليوم سأودع ابطال قصتي بعد ما عشنه معهم حكايتهم بحلوها ومرها وبحزنها وفرحها سوف اختم معكم القصة من بعد مانشوف النهاية تعالوا لنشاهد كيف كانت نهايتها ....

امي ..شنسوي اذا مرت اخوج جابت بهل يوم

جنة ...😕😕 واني شكو انتي موجودة وزوجها وامها موجودين يمها اني شعليه قابل اني اجيبها

امي ..لا بس تجين تضلين بيتنا تخدمين ابوج واخوانج وتطبخين الهم لحد ما نرجع من المستشفئ

جنة ..اعذروني هل مرة مااطاوعكم وراح اروح وماتكدرون تتحكمون بيه هسه بعد وسديته الخط ...

وراها ابويه خابرني هم رزلني حتئ مااروح بس ماكلت لابويه شي كتله ماشي مااروح بس مااجي يمكم ابقئ بيتي وماعليه من احد كال ماشي

قاسم ..ها بعد هالكلام عندج نيه تروحين لو لا

جنة ..اي اروح ومحد يكدر يمنعني

قاسم ..تمام الصبح نطلع

جنة ..اوك اروح احضر غراضنا والله رحت حضرت الملابس الي ولامجد ..كملتهن باليل دزيت رساله لاخويه كتله وينك شو مااجيت كال بابا وماما ما قبلو كلت زين كيفك بعد وصار الصبح ساعه 6 كعدت شفت قاسم هم كاعد كتله ليش ماكعدتني

قاسم ..والله ماعرف بس داشوف الجو مغيم اخاف تصير برد ومطر قوي واحنا بالطريق

جنة ..والله ماعليه لو تمطر من سما احجار هم اروح

قاسم .. ههههههه لهدرجة تحبين تروحين

جنة ..اي ولله ميته علما اشوف كربلاء

قاسم ..تمام دكومي خلي نتريك وكعدي مجودي حتئ تتحظرون نطلع من وكت

جنة ..اوك رحت كعدت مجودي وغسلت بس مااتريكنا لان لااني ولا مجودي مانحب ريوك من وكت كملنا وتحظرنا واني لبست كابوي جنز ويا بدي وفوكاها سترة وخليت شال ع شعري بشكل عشوائي

مااحب اخنك نفسي لان مااحب الحجاب بس هسه زوجي مايقبل ف هجي اخلي ع شعري وطلعنا وانطلقنا لكربلاء وطريق طويل دخنا بسيارة وهم كاعدين من وكت احنا مامتعلمين نكعد من وكت اني مجودي فا ابني نام بالسيارة واني هم دخت غفيت بالسيارة

وجنت نايمه بس احس جكه بخدودي ومرات بشفافي فتحت عيني شفت نفسي نايمه ع كتف زوجي وهو مستغل الوضع منا يسوق وهم كل دقيقه يمد راسه لو يعض بخدودي لو بشفايفي كعدت كتله دوخر خلي انام والله دخت

قاسم ..جنت اسوق وماشوفلكم اله جنة نايمة وحاطة راسها ع كتفي اني استغليتها فرصة وكولساع ادير وجهي عليها واخمط شفايفها واعضهن واكرص خدودها وابوسها لعبت بيها لعب 😂 فزت كلتلي دوخر خلي انام كتلها كومي والله مااخليج تنامين هجي بس اضل اخبث بيج لحد ماتكعدين

جنة ..ماكدر خليني نايمة هو هم ضل بس يبوس ويحضن ويعض لحد ما طير النوم من عيني كتله اشكد خبيث يعني ماتشوفني نايمه هجي تخبث

قاسم ..شسوي اذا انتي نايمه بحضني ومن الصبح مخليه مكياج وعطر يدوخ وشعرج كل دقيقه يوكع. بحظني ماتحملت كمت اخبث بيج 🙄

جنة .. ههههه اووف منك ..كعدت وطار النوم كلت اوف شيخلص الطريق هلكد بعيد

قاسم ..اووو بعدج وين الطريق كلش طويل ليش ماتجين ننزل اشويه نستراح ونطلع 😉

جنة ..باوعتله صفح كتله اشكد ماتستحي ولك وين ننزل كله جول

قاسم ..شكو قابل

جنة ..من كل عقلك 😕

قاسم .. اشبيج ولج اشاقه وياج هههه بس والله مشتاقتلج موت ولج

جنة ..عيني اصبر من نرجع لبيتنا يله تشوفني بحضنك 😁

قاسم .. هاا هجي صار يعني 😒

جنة ..ايييي

قاسم ..جنو تعالي سوقي السيارة والله تعبت ودخت لان من ساعة 5 كاعد

جنة ..اوك راح اسوق بس من نوصل يم السيطرة انزل وانت تجي تسوق لان عيب سيارتك تكسي ...

طبعا نسيت اكوللكم هو معلمني ع السياقة جان كل مانطلع لمكان ياخذني لساحه ويعلمني ف جنت اعرف اسوق وطريق خارجي حلو ومايخوف مثل داخل والله نزلت اجيت كعدت بمكانه هو هم كعد بمكاني شغلت السيارة وسقتها شفته خله راسه ع الكشن يريد ينام واني ضجت هو ينام واني اكعد اركز ع الشارع ...

كلت والله اذا مافززتك ماتسمئ بنت ابوي فجاة درت الستيرن مال السيارة ع يمين ويسار فززته كعد مثل المخبل عباله انكلبت السيارة ههههههه

قاسم ..شبيج ليش هجي تسوقين مخبلة 😠

جنة ..خبااااثة عيني انت تنام واني اكعد 😜

قاسم ..ولج صدك خبيثة انتي ههههه

جنة ..تستاهل وليش ماخليتني انام

قاسم ..بس اني مافززتج بس جنت ابوسج واعضج

جنة ..وهاي ضريبة العضه 😬 بعدها ماكدر ينام خاف لا اسوي شي خباثة افززه لحد ماوصلنا ليم السيطرة نزلت وهو اجا كعد بمكانه واني هم كعدت بمكاني وبعدها وصلنا لبغداد الله جانت اشكد حلووة اول مرة اشوفها وصح بعض مناطقها تشبه كركوك بس مادري ليش حبيتها

وعجبتني حيل شفنا ساعه 2 الظهر قاسم كال جنو خلي ننزل بالمطعم ناكل ونشرب ونرتاح اشويه ونطلع كبل لكربلاء كتله بس ماافتريت ببغداد

قاسم ..حبيبي من نرجع من كربلاء نبقئ يوم واحد بغداد افرفرج.

جنة ..اوك رحنا ع المطعم اكلنا وشربنا وارتاحينه اشويه وراها طلعنا لكربلاء الله ياكربلاء تجنننن عششششق حبيتها حيييل ياالله اشكد حلوة رحنا خلينا السيارة بلكراج

قاسم ..عيني ام الكابوي بدلي ملابسج لبسي عبايه ترئ مايخلوج تتدخلين

جنة ..اوك بس منزعت ملابسي بس لبست فوكها عبايه اسلاميه وخليت شالي ع راسي ومشينا دخلنا جوة
كالوا النسوان تدخل منا والرجال منا اني رحت لكابينه مال نسوان مفتشات فتشوني جانت وحدة كاعدة ع صفحة اشرلتي كالت لبسي عباية راس اني انصدمت 😳 كالت اشبيج كتلها والله مااكدر البس اشلون امشي بي وبعدين لابسه عبايه كالت عيني ميصير لفي شالج زين ولبسي فوكها عباية والله سويت مثل ماكالت بس جانت حلوة اول مرة البسها 😊

طلعت شفت ابني وقاسم واكفين رحت يمهم شفت قاسم يباوع عليه ويضحك كتله عابت ادري تضحك عليه لان ماكادر امشي بالعبايه امشي واتعثر هههههه

قاسم ..والله جنج بطريق 😂

جنة ..😒 اشكد مكروه بدال ماتمدحني وترفع من معنوياتي كول حبيبتي طالعه حلوة بالعبايه تجي تكسر واهسي وتضوجني

قاسم ..اشبيج داشاقه وياج والله اصلا اشبي البطريق اشحلاته ايجنن ههههههه

جنة ..ضربته بالجنطه واتعصبت منه 😠

قاسم .. اعقلي ترئ ابوسج بوسط الناس 😉

جنة ..غير افضحك والم الناس عليك اكول واحد يتحرش بيه 😜

قاسم ...عادي هههعع

جنة ..بعدها رحنا اجرنا فندق ارتاحينه ورتبنا غراضنا طلعنا رحنا اتعشينا وراها افترينا بسوك امام العباس والحسين عليهما السلام جان الجو روعه خليتهم يفترون السوك لحد ساعه وحدة بليل ابد ماجنت اتعب وبعدها جعت هلكد ماافتريت

كلت لقاسم اريد حلاوة دهينية طبعا هاي الحلاوة عشششقي اموووت عليها زوجي دائما يكول صرتي دبيه هلكد ماتاكلين حلاه واخذلي حلاوة كعدت اكلتها بساعه وحدة بليل هههه وبعدها رجعنا للفندق

مجود اول مابدل ملابسه ونام ويدردم عليه ههههه يكول رجليه انكسرت من وراج ماتشبعين من السوك وبعدها بدلنا ملابسنا رحت انام

قاسم ..ولله ماكو نومه اطلع هلفره من عيونج تعبتينا

جنة ..مااااااكو لاتجي يمي خليني انام تعبت بس صار مفترس هجم عليه هههه حضني بأثنين ايدها حصرني جواه مكدرت اتحرك

اريد بس اصرخ لان انكطع نفسي هو ضخم ضعت بحضنه بس اريد افتح حلكي اصرخ هو يخمط شفايفي ويبوس ويعض كام بايدة يلعب بكل جسمي يضغط عليه

واني مااكدر اصيح علمود مجودي نايم يمنه وهم احنا بالفندق بس اون واريد ادفع بي مااكدر لحد مااخذ الي يريده يله ارتاح وكام واني بس ضليت ادردم وازعل بس احجي عليه رحت سبحت واجيت خليت راسي ونمت لحد الصبح هو كعدني

قاسم .. ادري بيها مطنكرة اجيت يمها بقيت اتحرش بيها وابوس بيها كتلها يله كومي ولج خلي نطلع نفتر وهم انزور

جنة ..كعدت ورحت للحمام ..طبعا اول ماوصلنا هم زرنا الامامين عليهما سلام وثاني يوم هم زرنا كعدت شفته جايب ريوك كتله امنين جبت ريوك

قاسم ..نزلت جوة لسوك جبته واجيت

جنة ..جان جايب جاي وصمون وكيمر لان اني ومجودي نحب الكيمر اكلنا وشربنا وبدلنا وطلعنا

رحنا اول شي زرنا وبعدها افترينا اخذلي ملابس واحذيه الي ولامجد اخذت اكسسورات لان كلت يبقئ يمي ذكرئ من كربلاء واشترالي اسوار ذهب كلششش حلو ونازك

وره ماكملنا صار الضهر اتغدينا ورجعنا اشويه نرتاح والعصر هم اشويه طلعنا

وراها ثاني يوم رجعنا لبغداد رحنا للامام الكاظم زرنا بس مابقينا بغداد لان تعبنا كال خلي نطلع كافي كتله تمام ورة مازرنا الامام الكاظم ورجعنا وصلنا لكركوك

دخلت لبيت كلت لحد يجيب اسمي راح انام هوايا تعبانه رحت بدلت كبل خليت راسي ونمت ومجودي هم اجا بحظني نمنا كعدت شفت ساعه تسعه كلت اصخام هلكد نمت من ساعه 4 لحد 9

قاسم ..موبايلج بس جان يدك سويته صامت لان شفتج غركانه بنوم ماحبيت اكعدج

جنة .. ليش منو

قاسم .. امج

جنة ..ماشي هسه اخابرها رحت خابرتها كالت وين جنتي هلكد خابرتج كتلها جنت نايمه

امي ..يانوم بهل وكت

جنة ..جنت تعبانه لان ساعه 4 وصلنا من كربلاء

امي ..اهاا يعني رحتي ؟؟!!

جنة ..اي رحت

امي ..تمام بس تعالي هسه لان مرت اخوج راح اتجيب

جنة ...مااكدر شنو حيوانه اني كدامكم داكولكم تعبانه تكولين تعالي مرت اخوج راح اتجيب واني شعليه مااكدر اجي حسيتها زعلت

امي ..اوك لاتجين مايحتاج

جنة ..سديته كلت هذول بس للخدمة يريدوني من يفرحون ويطلعون مايذكروني بس لشغل يريدون كلت والله لو حتئ ماتعبانه هم مااروح

رحت سويت العشا وكعدنا اكلنا وخلصت شغلي رحت فتحت العلاليك حتئ اشوف غراضي الي اشتريتهن

كمت رتبتهم وخلصت ولبست اسوار بأيدي شفته كلش حلو ونازك يجنن ع ايدي شوفته لقاسم كتله شوف اسوار الي اخذناها من كربلاء

قاسم ..مبروك عليج حبي

جنة ..شكرا

قاسم ..اليوم ماكو شي ع اقل عربون مال اسوار 😒

جنة ..لا تعبانه مابيه حيل

قاسم ..ليش اجيتي مشي من كربلاء لكركوك هههه

جنة ..اي 😴

قاسم ..يله عيني بليل اريدج جاهزة واريدج تطلعين عروسة 😉

جنة ..اوك تدلل حبيبي 😉

قاسم .. اووويلي اريدج هجي اتشعليني بنااار 😍

جنة .. هههههه رحت سبحت وطلعت نشفت شعري وسرحته وخليت مكياج ولبست دشداشه قصيرة وتعطرت طلعت رحت يمه

قاسم ...اااااخ تعالي ولج شطالعه اليوم ..راح اكلج اكل شو بله راويني لزمت ايدها وكمت افرفرها واباوع ع جسمها وهيه تضحك سحبتها عليه بقوة وحظنتها من خصرها وعصرتها وخليت وجهي ع ركبتها وبقيت ابوسها وهيه تضحك ولفت ايدها ع ركبتي شلتها وحطيتها ع الجرباية واجيت فوكاها ولعبت لعب بيها لحد ماخدرت واني انتهيت ووووووووووو

جنة ..رحت غسلت وردت انام كال تعالي نامي ع ايدي واني هم جنت احب انام ع ايدة وصدرة جنت اكول لاتسحب ايدك من جوة راسي لحد ماانام يله جنت احس بحنان وحب لان جنت محتاجة حب يحتويني وحنان يعوضني عن حرمان الحضن من حضن الام ماانكر جنت اشوف هل شي يم زوجي جنت يم اهلي لواموت من الضوجة مايقبلون اطلع لازم 24 ساعه محبوسة بلبيت مثل الخدامة

صح زوجي شفت منه اذيه هوايه بس شنو اطلب كبل جان يسويلي اياه ماجان يحرمني من الطلعه والطبه واي لبس البسه عادي ابد مايحجي كل جمعه لازم يطلعنا ماحرمنا من شي ابد، ،،،

فصار ثاني يوم كلت لقاسم اخذني لبيت اهلي اريد اروح اشوف مرت اخويه جابت كال ماشي هسه اخذكم فاتريكنا وكملنا واتحظرنا

رحنا لبيت اهلي نزلني بالباب هو كال اني اروح عندي شغل العصر اجي وراكم لاتباتين عند اهلج كتله بس اليوم ابقئ باجر تعال اخذني

قاسم ..لا ماكو افتهمتي

جنة ..عفيه شبيك بس اليوم حباب

قاسم ..لا حبي مااكدر والله اطب للبيت انتوا ماموجودين والله اختنك

جنة .. قنعني 😊 بكلامه اشكد لوتي 😂 كتله اوك تعال شسويلك نزلنا ورحنا بيت اهلي دخلنا سلمنا عليهم شفت امي كالبة خلقتها
لان مااجيت اخدم جنتها

امي ..بعد وكت 🙄

جنة .. ليش 😕

امي ..البارحة نخابرج تجين تساعدينه وتوكفين ويانا لان مرت اخوج تريد اتجيب غلستي وماجيتي

جنة ..يمه رحمة والديج اجي شسوي اني قابل اجيبها لو ترديني هم اخدم الخانم

امي ..واذا خدمتيها شكو بي لخاطر اخوج

جنة ..يمه محد عندة خاطر يمي وبعدين اني جنت تعبانه وعندي بيتي وزوجي وابني تردين اعوفهم واجي اخدم ست الحسن الي ماتكلف نفسها من اجي لبيتكم تنزل تسلم عليه

وهسه تريديني اخدمها مثل الجلبه لا والله طبها مرض ماعليه بيها وبعدها كلت وينهم اريد اشوف ابن اخويه

امي ..ماكو ماموجودين امها اخذتها يمهم

جنة ..احسن كالت خلي نخلص شغلنا ونروح نشوفهم كتلها ماشي والله خلصنا كل شغلنا ورحنا شفناهم ورجعنا بقيت يمهم للعصر امي كل دقيقه تكول ابقي اهنا حتئ تساعديني باجر الكل يجي يعني اخواني وزوجاتهم

كلت والله مااكدر العصر يجي قاسم ياخذني

امي ..شكو بيها خابري كوليله ابقئ يمهم وباجر اخواني يجتمعون حتئ هم انتي تطبخين لان نسوان اخوانج يكعدون الضهر من النوم كبل يجون ع الاكل

جنة ..بكلبي كلت اهااااا اهنا السالفه 😏 حضرت الماما تريديني فلبينه يمهم هما ياكلون ويشربون ويضحكون واني اطبخ وانظف 😏 كلت والله فلا اخابر زوجي خلي يجي ورايا العصر اروح لبيتي احسن من ماابقئ مثل الخدامة

والله صار العصر سمعت صوت سيارة قاسم اجا كبل رحت لميت غراضي وطلعت خليتهن بالسيارة وراها رحت كلت لامي اني رايحة للبيت اجا زوجي رحت صعدت بسيارة اجت امي طلعت كالت لزوجي خليها اليوم اهنا لان باجر اخوانه وزوجاتهم يجون قاسم باوع عليه راد يكول كيفج ابقي اني غمزت اله يعني لاتقبل ف قاسم فهم الموضوع

قاسم ..لا عمه والله مااكدر اني هم ارجع تعبان من الشغل واضوج ابقئ وحدي

جنة ..فاقنعها لامي رحنا بالطريق

قاسم ..ليش غمزتيلي وماتريدين تبقين

جنة ..لا مااريد ابقئ امي رايدتني لشغل وبس تعرف اني من اجي امي شتسوي بيه تحط كل الشغل عليه ينكسر ضهري وتجمع اخواني وزوجاتهم وهما الخاتونات مايشتغلن يجهز الشغل والاكل يله يجون شنو خدامتهم اني

لا فوكها امي مو راضيه ع شغلي كله تكسر بطبخي لو تعيب عليه

قاسم ..حبي مدام هجي لاتبقين بيت اهلج كل اسبوع مرة وحدة اخذج صبح والعصر ارجعج بس بعد كيفج لاتكولين زوجي يستغل وضعي حتئ يحرمني من اهلي لاولله خايف عليج اذا توكعين تتمرضين منو يوكفلج، ،،

جنة ..طبعا اكوللكم ع شغلة اشكد شفت من زوجي اذيه وكتل وضرب واهانات بس عمره ماعيرني بتصرفات اهلي ويايا بحياته ماكالي انتي اهلج باعوج انتي اهلج شامرينج مايحبوج

ابدددد ولايوم عيرني بحبي القديم لا جان دائما يسمعني ويوكف ويايا ويحن عليه جنت دائما من انقهر من تصرفات اهلي كبل اروح احجيله

لان ماجان عندي لااخت ولا صديقة كله وحدي اصلا بلامااحجي هو جان يحس عليه من ارجع من بيت اهلي جان كله يكول اشبيج حبي بيج شي

منو مضوجج مااحس الا اني حاجيله ع كلشي جان ياخذني بحضنه ويبوس بيه جان دائما ينصحني اسمع واغلس حتئ مااتعب ولاانقهر ولايوم كالي لاتروحين يمهم عوفيهم ابد ماحجئ هل شي

دائما جان يكول حبي مااكدر ادخل نفسي بينج وبين اهلج بس اريد منج تغلسين وهاي هيه ولاتنقهرين ابد عندج بيتج وابنج يمج يسوئ الكون كله ونسيت اكلكم هذا البيت من اخذه سجله بأسمي

يعني بيتي لان دائما يكول اعرف ماعندج سند وخايف من اموت اهلج واهلي يعذبوج انتي وابني فاهذا شي قدمته الج حتئ اعوضج عن حرمانج من الحب والاحترام وسعادتج، ،،،

فرجعنا للبيت ومرت الايام اني وزوجي حياتنا كلش حلووة كل اسبوع طلعات وونسات اخذني لاربيل وسيلمانيه طلعات يجنن فعلا عوضني عن كل شي انحرمت منه

بيت اهلي فديوم جان جمعه هو بلبيت كال رايح للاسواق القريبه يمنا كال تجين كتله لا والله احس نفسي تعبانه مالي خلك ابد وقلبي مقبوض

قاسم ..دتعالي ويايا حتئ تغيرين جو شوية

جنة ..بلكوة اخذني ويا ومجودي كال اجي بالبايسكل كتله لا ابني لاتجيب البايسكل شارع عام اخاف عليك يمه

قاسم ..لاتخافين احنا يمه وكدام عينا خلي يمشي شكو عليه

جنة ..رحنا للاسواق اتسوكنا وخلصنا جانت دنيا ليل يعني بحوالي سااااعه 9 وشارع ضلمه ماكو احد

قاسم ..مجودي بابا روح سوق بسرعه حتئ تعبر الشارع واحنا نمشي وراك

جنة .. لا خلي لايروح اني الزم البايسكل بيدي وامشيه

قاسم ...كتلج خلي يروح شنو هلكد تخافين عليه مسويته جنه ابنيه عوفي

جنة ..عصب عليه بشارع خلئ امجد يروح باثناء مايمشي شفنا من بعيد اجتي سيارة بسرعه بدون مايشغل لايت ابوه صاح بأعلئ صوته امجدددددددد امشي بسرعه

اني شفت السيارة ..وكفت بمكاني انجمدت وعيني ع السيارة وعين ع امجد ماشفت غير ضرب بايسكل وامجد اختفئ حسيت طلعت روحي كلت اكيد بقئ جوة السيارة اكيد ابني رااح كبل ركضت بسرعه اركض ابجي واصيح ابني ماااااات واضرب نفسي ناس التمو ماجنت اشوف اي شي

حسيت انعميت من بجي ودك ولطم فجاة شفت ابني شمر نفسه بحضني وهوويبجي ومنهار وخايف صرت مثل المخبله من شفته بحضني بس الزمه بيدي وابجي اكلبه منا منا اباوع ع وجها وايدة ورجلي اخاف مكسور بي شي او صاير عليه شي فجاة سمعت صوت رياجيل

يمي وابني بحضني اكلب بي بس اشوفه مابي شي سمعت زلم يكولون اختي لاتبجين ابنج مابي شي

وبعدين سمعت ابني يبجي يكول ماما حضنيني حيييل خفت عبالي متت ومااشوفج بعد
واني انهاريت متت من البجي بالشارع ابني يحضني واني احضنه وابوه كام يتعارك ويا السايق

لان جان يمشي بالشارع بدون مايشغل لايتات مال السيارة وبعدها رجعنا للبيت بس مانكدر نمشي لا اني ولاابني من الهبطة وجسمنا يرجف اني حااضنه ابني هو هم حاضني ونمشي بعدها وصلنا للبيت ماكدرنا ننام لا اني ولاابني كل دقيقه نباوع واحد بوجه الثاني ونذكر ونبجي لان خفت افقد ابني وسندي بهل دنيا وهو هم خاف كلساع يكول ماما خفت اموت واعوفج

نذكر ونبجي وبعدها الحمدلله ماصار عليه شي بس اشويه رضوض وخدش صار بضهره وبطنه وايديه الحمدلله اتحسن وحياتي الحمدلله زينه مابي اي مشاكل عايشين مرتاحين وزوجي كله ملتهي بشغله ومن يرجع يكعد يكابلنا ونحجي ونضحك ونشاقة من دون اي مشاكل

الحمدلله الي انعم عليه بكرمة وفضلة بالنهاية وهسه اني مرتاحه وعايشة بسعادة ويه قاسم وابني
حبيبي

وهسه ابني عمره 9 سنوات صار صف ثالث ابتدائي وبعدها ماصار عندي طفل لان مثل ماتعرفون صوج بزوجي عنده ضعف ومن انضرب بذاك الوكت صار عنده اضعاف هوايا بس الحمدلله عدنا مجودي

هو يسوة كل طفل المهم ربي ماحرمني من الضنه وجبر بخاطري وقاسم صار الي اب واخ وام وحبيب واني كذالك ماخليته يحس بفقدان اهله دائما اعوضه.

واهلي ماتركتهم ابد رغم القساوة شفتها من امي بس ماتركتهم كل اسبوع ازورهم واسويلها كل شغل البيت يله ارجع لبيتي واخواني كبروا واتزوجوا اخويه الجبير صار عنده ولد وابنيه سماهم يحيئ وازولام وطلعوا من بيت اهلي اخذوا بيت وكعدوا الحمدلله مستقرين واخويه الوسطاني هم صار عندة ولد وابنيه سماهم يونس ونازلي بس ماطلع من البيت لان اهلي بنوا بيت جديد

نفس منطقتهم بنو بيت طابقين اخوية كعد بطابق الفوك وبقوا بس امي وابويه واخوي الصغير الي هو حبيبي وابني واخوية ههههه اعشقه لان اني ربيته مرات هو وابني يغارون من بعض هههههه امجد يكول امي واخي يكول امي ماافرق بين ابني واخي شنو اشتري لابني اشتريله هو

مرات هو وامجد يضربون بعض علمود غراض الي اشتريلهم ههههه امي تكول ولك انت خاله عيب تتعارك ويه طفل هسه اخوية طالب بكليه الزراعه اتمناله التوفيق بحياته الدراسيه،،،،،وقبل فترة قصيرة صار شغله حلوة بحياتي الا خلت نكهة حلوة بحياتي

اتعرفت ع ابنيه بالفيس. وحدة من البيجات صرنا صديقات وهسه احنا عبرنا مرحلة الصديقات صرنا خوات هسه هي حبيبتي واختي وامي وبنتي وتؤامي ماحلوة حياتي بدونها لان عن جد تستحق كلمه اختي وتؤمي

دائما من تشوفني ضايجة تسمعني وتضحكني لان نشبه بعضنا بهواي شغلات بأسمنا وشكلنا وعمرنا وبرجنا وحتئ بمشاكلنا تشبه بعضه ههههه واتمنئ الله يسعدها بحياتها وياابنها وزوجها

وربي يجبر بخاطرها مثل ماجبر بخاطري وفرج عليه وهم يفرج عليها ووتعيش بيتها وملكها ويبعدها عن المشاكل والحزن ربي يحفظج سمسومتي انتي فقوشي 😘 ،،،،،

وشغلة احلئ واحلللللئ بحياتي هسه انتي ساروش كلش فرحانه وسعيدة بمعرفتي بيج يااختي الحلوة حبيبتي ربي يسعدج ويحفظج لااطفالج انتي.واخي احمد ابو هيثم ربي يفرحكم بااطفالكم ولااشوفكم يوم حزن والقهر، ،،،،،

ووعدتج من اخلص القصة احجيلج بالتركماني واشكرج بيها لان سمعتيني وشجعتيني احجي قصتي وتعبتي ويايه ياعمري الله يوفقج بحياتج،( جوخ جوخ سيورام ساني جانم مانم الله صخلان ساني قلبو جوخ باكيدئ الله نياتوا كوره ويرسن) خلي اترجملج ههههه ( احبج هوايا هوايا روحي الله يحفظج انتي طيبة وقلبج نظيف الله ينطيج ويفرح ع كد نيتج 😘 )

الئ هنا خلصت قصتي واتمنئ تدعولي ربي يديم عليه هالراحة ولايحرمني منها ولايحرم اي احد ولايشوف لاحد الي شفته وايضا ادعوا لحبيبتي واختي وتؤامي سمسة ربي يفرج عليها ويبعدها عنها المشاكل ويحفظها هي وابنها فقوش احبكم 😍😘😘
وهسه انطي لقلم لكاتبتنه الحلووة ام هيثم تختم قصتنه 😘😘

سارة ..فدوووة لحلكج حبيبتي تسلميلي ...واشكرج ع الكلام التركماني يخبل حبيت 😁

وهسه خلوني اختم القصة وهاي كانت نهاية قصة #جنة صح  هيه ضيعت ربيع عمرها والنصيب فرقها عن الانسان الي حبها وحبته ... بس بالنهاية ربحت صيف عمرها برجوع قاسم لحظنها بعد ماعرف قدرها وعوضها كل خير ربي يديم عليكم هل سعادة ويحفظكم البعض ياروحي
و ربي يحفظلها مجودي وتشوفه باعلى المراتب ...

وان شاءالله ربي يعوض امجد المحب المظلوم الي عذبه الحب والي غدرته الدنيا ببنت الحلال الي تستاهله والله يسامح الي فرقهم لان بقه ع ذكرى حب جنة ولحد هسه مامتزوج خطية ع امل تكون جنة من نصيبة بيوم من الايام ..محد يدري شضاملنه بعالم الغيب ...ادعولة يبرد قلبه من نار حب جنة وينساها لان الحب عذاب للبشر اذا الحبيب مصار من نصيبه

والى هنا تنتهي قصتي مع ابطالي واكيد ماكولكم وداعا لاكن راح اكولكم الى اللقاء وانتظروني ان شاءالله بقصتي الجديدة الي راح تكون قصة مكملة لقصة

العنودية والنقيب الشرس مو عبالكم جزء ثاني لا ههههه بس قصة شخص من ضمن قصتنه الماضية يصير صديق شاهين بعدين اعرفكم عليه ..القصة عنوانها #لا_ياصديقي ..واكيد شاهين وشهلاء الهم دور بالقصة انتظروني ان شاءالله بس اكمل ترتيبها وكتابتها وسردها انزلها الكم حتى ترجعون تعيشون ويه ابطال القصة من جديد 😉 ..ويارب تعوفن شاهين وتتعلقن بالبطل الجديد 😜😜

وهسه استودعكم بيد الذي لاتضيع عنده الودائع ..دمتم سالمين احبتي ..
يارب اتكون القصة عجبتكم ونالت رضاكم مع تحيات كاتبتكم الي تحبكم دووم

#سارة_المجيد🎀