ﻇﻠﺖ ﺍﻟﺤﺠﻴﺔ ﻳﻤﻨﺎ ﺗﻘﺮﻳﺒﺎ ﺳﺎﻋﺘﻴﻦ ﺑﻌﺪﻳﻦ ﻃﺐ ﺍﺑﻮﻳﺔ ﻛﻠﻠﻬﺎ ﺣﺠﻴﺔ ﺗﻤﻴﻢ ﻳﺮﻳﺪﺝ ...
- ﺍﻟﺤﺠﻴﺔ ... ﺍﻱ ﻳﻤﺔ ﻛﺎﻳﻤﺔ ...
- ﺍﺑﻮ ﺳﺮﻭﺓ .. ﻛﻮﻣﻲ ﺳﺮﻭﺓ ﻳﺎﺑﺔ ﻭﺍﻧﺘﻲ ﻫﻢ ﺍﻡ ﺳﺮﻭﺓ ﻃﻠﻌﻦ ﺳﻠﻤﻦ ﻉ ﺍﻟﻮﻟﺪ ....
- ﺳﺮﻭﺓ ..😱😱😱 ﻻﻳﺎﺑﺔ ﻋﻔﻴﺔ ﺍﻧﻲ ﻟﻴﺶ ﻃﺎﻟﻌﺔ ﺍﺳﺘﺤﻲ ...
- ﺍﻟﺤﺠﻴﺔ ... ﻣﺎﻛﻮ ﻣﺴﺘﺤﺔ ﺑﻌﺪ ﺑﻨﻴﺘﻲ ﻛﻮﻣﻲ ﺧﻠﻲ ﻳﺸﻮﻓﺞ ﺧﻄﻴﺒﺞ ...
- ﺍﺑﻮ ﺳﺮﻭﺓ .. ﻛﻮﻣﻲ ﺳﺮﻭﺓ ﻛﻮﻣﻲ ﻳﺎﺑﺔ ﻋﻠﻴﺶ ﻫﻠﻤﺴﺘﺤﺔ ..
- ﺳﺮﻭﺓ .. ﻛﻤﺖ ﻭﺍﻧﻲ ﻣﻴﺘﻪ ﻣﻦ ﺍﻟﻤﺴﺘﺤﺔ ﻋﻔﻴﺔ ﻭﺍﻟﻠﻪ ﺣﺘﻰ ﻧﻮﺑﺎﺕ ﺍﺣﺲ ﺍﻧﻲ ﺍﺧﺎﻑ ﻣﻦ ﺍﻟﻮﻟﺪ ﻫﻠﻜﺪ ﻣﺎﺗﺠﻨﺒﺘﻬﻢ ﺑﺤﻴﺎﺗﻲ ﻛﻠﻬﺎ ﻭﻫﺎﻱ ﺍﻭﻝ ﻣﺮﺓ ﺍﻣﺮ ﺑﻬﻴﺞ ﻣﻮﻗﻒ ﻭﺭﺟﻠﻲ ﺗﻄﻜﻄﻚ ﻣﻦ ﺍﻟﺨﻮﻑ ﺍﻗﺪﻡ ﺭﺟﻞ ﻭﺍﺃﺧﺮ ﻋﺸﺮﺓ ﻟﺤﺪ ﻣﺎﺍﻣﻲ ﺻﺎﺣﺘﻨﻲ ﻭﺍﻣﻪ ﺻﺎﺣﺘﻨﻲ ﺻﺎﺭﻥ ﻧﺎﺩﺭﺍﺕ ﺍﻟﺤﺒﺎﻳﺐ ﺩﻏﻠﺴﻦ ﺧﺮﺏ ﺣﻈﻲ ... ﻃﺒﻴﺖ ﻛﻠﺖ ﺍﻟﺴﻼﻡ ﻋﻠﻴﻜﻢ ﻛﻌﺪﺕ ﻳﻢ ﺍﻣﻲ ﺯﺭﻙ ﻛﻌﺪﺕ ﺑﺎﻭﻋﺖ ﻋﻠﻴﻪ ﻣﺪﻧﺞ ﻭﻻ ﺭﻓﻊ ﺭﺍﺳﻪ ﻣﻜﺴﻮﻑ ﻣﻨﻲ 😁 ﺭﺩ ﺍﻟﺴﻼﻡ ﺑﺲ ﻳﺨﺒﺒﺒﻞ ﻫﻮ ﻧﻔﺴﻪ ﺍﻟﻲ ﺟﺎﻥ ﻳﻮﻛﻒ ﻋﻠﻤﻮﺩ ﺳﻤﺎ ﻟﻌﺪ ﻟﻴﺶ ﺍﺟﺔ ﻋﻠﻴﻪ ﻭﻋﺎﻓﻬﺎ ﻣﻌﻘﻮﻟﺔ ﻫﻲ ﻣﺮﺍﺩﺗﻪ ﺍﻱ ﻃﺒﻌﺎ ﺍﻛﻴﺪ ﻻﻥ ﺟﻠﺒﺖ ﺑﺴﻼﻡ ﻫﻲ ﻛﺎﻟﺖ ﻭﻋﺎﻓﺘﻪ ﻇﻠﻴﺖ ﺍﻭﺩﻱ ﻭﺍﺟﻴﺐ ﺑﺘﻔﻜﻴﺮﻱ ﻟﺤﺪ ﻣﺎﺻﺎﺣﺘﻨﻲ ﺍﻣﻪ ...
- ﺍﻟﺤﺠﻴﺔ .. ﺗﻌﺎﻟﻲ ﻳﻤﻪ ﺍﻛﻌﺪﻱ ﻳﻤﻲ ...
ﺭﺣﺖ ﻳﻤﻬﺎ ﺑﻜﻮﻣﺘﻲ ﺭﻓﻊ ﺭﺍﺳﻪ ﻭﺑﺎﻭﻋﻠﻲ ﻭﺻﺎﺭﺕ ﻋﻴﻨﻲ ﺑﻌﻴﻨﻪ ﺭﺃﺳﻦ ﺩﻧﺞ ﺍﻧﻲ ﻫﻢ ﻛﻠﺶ ﺍﺳﺘﺤﻴﺖ ﻛﺎﻋﺪﻳﻦ ﻳﺴﻮﻟﻔﻮﻥ ﻭﺍﻧﻲ ﺍﻟﻤﺴﺘﺤﺔ ﻣﻮﺗﺘﻨﻲ ﻣﺮﺗﻴﻦ ﺑﺎﻭﻉ ﻋﻠﻴﻪ ﻭﻟﺔ ﻫﻮ ﺍﻟﻜﻌﺪﺓ ﻛﻠﻬﺎ ﻣﺪﻧﺞ ﻣﻦ ﻳﺤﺠﻲ ﻭﻳﺔ ﺍﻣﻪ ﻻﻥ ﺍﻧﻲ ﻛﺎﻋﺪﺓ ﻳﻤﻬﺎ ﻭﻭﻳﺔ ﺍﺑﻮﻳﺔ ... ﻛﺎﻡ ﻛﻠﻠﻬﺎ ﻳﻠﺔ ﺣﺠﻴﺔ ﻧﺘﺮﺧﺺ .. ﺍﻣﻲ ﺟﻠﺒﺖ ﺑﻴﻬﺎ ...
- ﺍﻡ ﺳﺮﻭﺓ .. ﻭﺍﻟﻠﻪ ﻳﺎﺍﻡ ﺗﻤﻴﻢ ﺍﻭﻝ ﻃﺒﺘﺞ ﺍﻟﻨﺎ ﺩﺑﺎﺗﻲ ﻳﻤﻨﺎ ...
- ﺍﻟﺤﺠﻴﺔ .. ﻻ ﻳﺎ ﺍﻡ ﺍﻟﻐﺎﻟﻴﺔ ﺗﻤﻴﻢ ﻋﻨﺪﻩ ﺷﻘﺔ ﻫﻨﺎ ﻳﻢ ﻛﻠﻴﺘﻪ ﻭﺍﻧﺔ ﺩﺍﻳﻤﺎ ﺍﺟﻲ ﻟﺒﻐﺪﺍﺩ ﺍﻛﻌﺪ ﻳﻤﻪ ﻣﻌﻤﻮﺭ ﺍﻥ ﺷﺎﺀﺍﻟﻠﻪ ﻭﻛﺎﻋﺪﺓ ﻭﺗﺒﻮﺱ ﺑﻴﻪ ﻳﻤﺔ ﺑﻨﻴﺘﻲ ﻣﺎﻓﻮﺗﺞ ﻣﻦ ﺍﻳﺪﻱ ﻳﻤﻪ ﺷﻠﻮﻥ ﺟﻤﺎﻝ ﺑﻨﻴﺘﻲ ﻭﻫﻮ ﻣﺪﻧﺞ ﻭ ﻳﺒﺘﺴﻢ ﻋﻮﺩ ﺩﻳﺤﺠﻲ ﻭﻳﺔ ﺍﺑﻮﻳﺔ ﻭﻛﻞ ﺷﻮﻳﺔ ﻭﻣﺒﺎﻭﻉ ﻋﻠﻴﺔ ﻃﻠﻌﻮ ﺍﺑﻮﻳﺔ ﻣﻜﻴﻒ ﺑﻴﻬﻢ ﻭﺍﻣﻲ ﻫﻢ ..
- ﺍﻡ ﺳﺮﻭﺓ .. ﻭﺍﻟﻠﻪ ﻣﺒﻴﻨﻴﻦ ﺧﻮﺵ ﻧﺎﺱ ﻣﻮ ﻣﺜﻞ ﺫﺍﻙ ﺍﻟﺰﻧﺎﻧﺔ ﺍﻟﻲ ﺧﺎﻑ ﻣﻦ ﺍﻣﻪ ﻭﺍﻧﻬﺰﻡ ﻭﻫﻤﺔ ﺷﻠﻮﻥ ﻋﺎﺋﻠﺔ ﻋﺎﺑﺖ ﻭﻟﺞ ﺍﻟﻠﻪ ﻳﺤﺒﺞ ﺣﺒﻴﺒﺘﻲ ﻭﺗﺨﻠﺼﻴﻦ ﻣﻦ ﻫﻠﻌﻴﺸﺔ ..
- ﺳﺮﻭﺓ .. ﻻ ﻳﻤﺔ ﺍﻧﻲ ﻣﻤﺸﺘﻜﻴﺔ ﺟﻨﺖ ﺍﺳﻮﻱ ﺣﻞ ﺍﻟﻨﺎ ﻛﻠﻨﺎ ﺑﺲ ﻣﺎﺭﻳﺪ ﺍﺟﺰﻉ ﺍﺑﻮﻳﺔ ﻭﺍﺧﻠﻲ ﺑﺲ ﻳﻔﻜﺮ ﺷﻠﻮﻥ ﻳﻬﺞ ﺑﻴﻨﺎ ﻣﻨﺎ ﻭﺍﻧﻲ ﻛﻠﺖ ﺍﻛﻮﻝ ﻻﻣﻪ ﻳﺨﻠﻴﻨﻲ ﺍﻛﻤﻞ ﻛﻠﻴﺔ ﻭﺍﺗﻌﻴﻴﻦ ﻭﺍﻋﻴﻨﻜﻢ ﻫﺬﺍ ﻫﺪﻓﻲ ﺑﻠﺪﻧﻴﺎ ﻳﻤﺔ ...
- ﺗﻤﻴﻢ .. ﻫﺎﻳﻤﺔ ﺷﻨﻮ ﺭﺍﻳﺞ ...
- ﺍﻟﺤﺠﻴﺔ .. ﻳﻤﺔ ﻳﺒﻌﺪ ﺍﻣﻚ ﻳﺨﺒﻠﻮﻥ ﻓﻌﻼ ﻋﺎﻳﻠﺔ ﺗﻌﺒﺎﻧﺔ ﻉ ﻧﻔﺴﻬﺎ ﻭﺍﻧﻲ ﺍﻟﻲ ﻧﻈﺮﺓ ﺑﻠﻮﺍﺩﻡ ﺍﻣﻬﺎ ﻭﺍﺑﻮﻫﺎ ﻭﻫﻲ ﺑﻨﻴﺔ ﻣﺆﺩﺑﺔ ﻭﻭﺟﻬﻪ ﻳﻀﺤﻚ ﻣﻮ ﻣﺜﻞ ﺍﻟﺒﻮﻡ ﺍﻟﻬﻨﺎﻙ ﺑﻠﻜﻲ ﺍﻟﻠﻪ ﻭﻳﻜﺘﺒﻬﺎ ﻣﻦ ﻧﺼﻴﺒﻚ ﻭﻟﻴﺪﻱ ﻭﺗﺼﻴﺮ ﺑﻨﻴﺘﻲ ﺑﻌﺪ ﻣﺎﺗﺰﻭﺟﻦ ﺧﻮﺍﺗﻚ ﻭﺭﺍﺡ ﺍﻇﻞ ﻭﺣﺪﻱ ﻋﻜﺐ ﻟﻤﻴﺔ ..
- ﺗﻤﻴﻢ .. ﺍﻥ ﺷﺎﺀﺍﻟﻠﻪ ﻳﻮﻡ ..
- ﺍﻟﺤﺠﻴﺔ .. ﺍﻟﻠﻪ ﻳﺠﻌﻠﻬﺎ ﻣﻦ ﻧﺼﻴﺒﻚ ﻳﺎﺗﻤﻴﻢ ﻳﻮﻟﻴﺪﻱ ﺑﺲ ﻛﻮﻥ ﻣﻮ ﺗﺄﺫﻳﻬﺎ ﺍﻭﻛﻔﻠﻚ ﻭﺍﻟﻠﻪ ﻫﺎﻱ ﻭﻳﻦ ﺫﻳﺞ ﺍﻟﻲ ﺳﻮﻟﻔﺘﻠﻲ ﻋﻠﻴﻬﺎ ﻭﻳﻦ ...
- ﺗﻤﻴﻢ .. ﺭﺍﺣﺖ ﺍﻛﻴﺪ ﻣﻮ ﻧﺼﻴﺒﻲ ..
- ﺍﻟﺤﺠﻴﺔ .. ﺍﺣﺴﻦ ﻭﻟﻴﺪﻱ ﻻﻥ ﺩﺍﻋﻴﺘﻠﻚ ﻭﺍﻥ ﺷﺎﺀﺍﻟﻠﻪ ﺗﺮﺗﺎﺡ ﻭﻳﺎﻫﺎ ﻭﺗﻨﺴﻰ ﺫﻳﺞ ..
- ﺗﻤﻴﻢ .. ﻣﺎ ﻇﻦ ﺣﺒﻴﺒﺔ ...
- ﺍﻟﺤﺠﻴﺔ ... ﺷﻨﻮﻭﻭﻭﻭ ﻭﺗﻮﺭﻁ ﺑﺖ ﺍﻟﻌﺎﻟﻢ ﺗﺮﺓ ﻣﺎ ﺍﻧﻄﻴﻚ ﺍﻟﺤﻚ ﺍﺑﺪ ﻫﺎﻱ ﻣﻦ ﻫﺴﺔ ﺻﺎﺭﺕ ﺑﻨﻴﺘﻲ ﻭﺍﻧﻲ ﺍﻟﻲ ﺭﺍﺡ ﺍﻭﻛﻔﻠﻚ ﻫﻠﻤﺮﺓ ..
- ﺗﻤﻴﻢ .. ﻫﺎﻱ ﺷﻨﻮ ﻳﺎﺑﻌﺪ ﺟﺒﺪﻱ ﺍﺷﻮ ﻛﻠﺒﺘﻲ ﻋﻠﻴﻪ ..
- ﺍﻟﺤﺠﻴﺔ .. ﺗﻌﻴﺐ ﻋﻠﻴﻪ ﻳﻮﻳﻞ ...
- ﺗﻤﻴﻢ .. ﻻ ﻭﺍﻟﻠﻪ ﺣﺠﻴﺔ ﺑﺲ ﺍﻧﻲ ﻣﺎ ﺭﺍﺡ ﺍﻗﺼﺮ ﻭﺍﻟﻠﻪ ﻛﺮﻳﻢ ﺍﻧﻲ ﺣﺒﻴﺖ ﺍﺧﻠﺼﻬﺎ ﻣﻦ ﻫﻠﻤﻮﻗﻒ ﻫﻲ ﻭﺍﻫﻠﻬﺎ ﻭﻫﻢ ﺣﺒﻴﺖ ﺍﺿﺮﺏ ﻫﺬﻭﻻﻙ ﺍﻻﺛﻨﻴﻦ ﻣﺜﻞ ﻣﺎ ﺃﺫﻭﻧﻲ ﺑﺲ ﺑﻠﺒﺪﺍﻳﺔ ﻣﺎﺃﻧﻜﺮ ﺟﻨﺖ ﺭﺍﻳﺪ ﺍﺧﺮﺏ ﻣﺨﻄﻄﺎﺗﻬﻢ ﺑﺲ ﻣﻦ ﺗﻌﺮﻓﺖ ﻉ ﺍﺑﻮﻫﺎ ﻭﺍﻣﻬﺎ ﻻ ﻧﻴﺘﻲ ﺟﺎﻧﺖ ﺍﺣﺎﻓﻆ ﻋﻠﻴﻬﻢ ﻭﻫﻲ ﻫﻢ ﺧﻮﺵ ﺑﻨﻴﺔ ﻷﻥ ﺳﺄﻟﺖ ﻋﻠﻴﻬﺎ ﻭﻉ ﺍﻫﻠﻬﺎ ﺍﻟﺪﻧﻴﺎ ﻛﻠﻬﺎ ..
- ﺍﻟﺤﺠﻴﺔ .. ﻋﺎﺷﺖ ﺍﻳﺪﻙ ﻭﻟﻴﺪﻱ ﻭﺍﺭﻳﺪﻙ ﺗﻜﻤﻞ ﻟﻼﺧﻴﺮ ﻣﻮ ﺗﺪﻙ ﺍﻟﻨﺎﻗﺼﺔ ﻭﻳﺎﻫﻢ ...
- ﺗﻤﻴﻢ .. ﺷﻨﻮ ﺍﻟﺴﺎﻟﻔﺔ ﻳﻤﺔ ﺗﺮﺑﺎﺕ ﺍﻳﺪﺝ ﻭﺍﻳﺪ ﺍﻟﺤﺠﻲ ﺍﻟﻠﻪ ﻳﺮﺣﻤﻪ ...
- ﺍﻟﺤﺠﻴﺔ .. ﺍﻟﻠﻪ ﻳﺮﺣﻤﻪ .
بيج قصص عراقيه حقيقيه من واقعنا.روعه الطائي
- ﺳﻼﻡ .. ﺑﻌﺪ ﻣﺎﺳﺎﻓﺮﺕ ﺳﻤﺎ ﻟﺤﻈﺔ ﻣﺎﺗﺮﻛﺘﻨﻲ ﻭﻛﻞ ﺷﻮﻳﺔ ﺗﺪﻙ ﻋﻠﻴﻪ ﻳﺎﻓﺎﻳﺒﺮ ﻳﺎﻓﻴﺲ ﺳﻄﺮﺗﻨﻲ ﺳﻄﺮ ﺑﺖ ﺍﻻﻭﺍﺩﻡ ﺭﺣﺖ ﻳﻢ ﺯﻳﻨﺐ ﺍﺧﺘﻲ ﻣﻠﻜﻴﺖ ﺷﻐﻞ ﺷﻜﺪ ﺣﺎﻭﻟﺖ ﺟﻨﺖ ﺍﻃﻠﻊ ﻭﻳﺔ ﺯﻭﺟﻬﺎ ﺟﺎﻥ ﻳﺸﺘﻐﻞ ﺑﻤﺤﻞ ﻣﺎﻝ ﻭﺭﺩ ﻭﺑﻠﻜﻮﺓ ﻣﺪﺑﺮ ﺍﻟﻌﻴﺸﺔ ﻭﻋﻨﺪﻩ ﺍﻃﻔﺎﻝ ﺍﺛﻨﻴﻦ ﻭﺍﻧﻲ ﺍﻣﻲ ﺟﺎﻧﺖ ﺗﺤﻮﻟﻲ ﻭﻋﺎﻳﺶ ﻣﻜﻀﻴﻬﺎ ﺑﻠﺸﻮﺍﺭﻉ ...
ﻫﻠﻜﺪ ﻣﺠﺎﻧﺖ ﺗﺪﻙ ﻣﻦ ﺻﺪﻙ ﺿﺠﺖ ﺍﺑﺪ ﻣﺘﻤﻞ ﻛﻤﺖ ﺍﻓﺘﺢ ﺧﻂ ﻋﻠﻴﻬﺎ ﻭﺍﻧﻲ ﻣﻦ ﺟﻴﺖ ﻫﻨﺎ ﻗﺮﺭﺕ ﺍﻛﻄﻊ ﻧﻬﺎﺋﻲ ﻭﻳﺎﻫﺎ ﻭﺗﺸﻮﻑ ﺣﺎﻟﻬﺎ ﻻﻥ ﺍﻧﻲ ﻣﻮ ﻧﺼﻴﺒﻬﺎ ﺍﺳﻮﻳﻠﻲ ﺟﻢ ﻓﻠﺲ ﻭﺍﺭﺟﻊ ﺍﺳﻮﻳﻠﻲ ﻣﺸﺮﻭﻉ ﺍﻟﻲ ﻣﺎﻋﺘﻤﺪ ﺑﻲ ﻉ ﺍﺣﺪ ﺣﺘﻰ ﻟﻴﺘﺤﻜﻤﻮﻥ ﺑﻴﻪ .. ﻛﻤﺖ ﺍﻓﺘﺢ ﺧﻂ ﻭﻧﻮﺑﺎﺕ ﺗﺨﺎﺑﺮﻧﻲ ﻛﺎﻣﻴﺮﺍ ﻟﺤﺪ ﻣﺎﻛﺎﻣﺖ ﺗﻠﻬﻴﻨﻲ ﻭﺍﻧﻲ ﻭﺣﺪﻱ ﻫﻨﺎﻙ ﺍﻟﻨﻮﺑﺔ ﻛﻤﺖ ﺍﻧﻲ ﺍﺧﺎﺑﺮﻫﺎ ﺍﺫﺍ ﺗﺄﺧﺮﺕ ﻋﻠﻴﻪ ﺷﻮﻳﺔ ﺣﺘﻰ ﺻﺪﻳﻘﻲ ﻧﺴﻴﺘﻪ ﻣﻦ ﺍﻟﻮﺣﺪﺓ ﻭﺍﻟﻀﻮﺟﺔ ﺍﻟﻲ ﻋﺸﺘﻬﺎ ﻫﻨﺎﻙ ﺍﻧﻲ ﺗﺮﻛﻴﺎ ﺣﺎﻓﻈﻬﺎ ﻣﻦ ﻛﺜﺮ ﺳﻔﺮﺍﺗﻲ ﻭﻳﺔ ﺟﻤﺎﻋﺘﻲ ﻓﻤﺎﻛﻮ ﺷﻲ ﺟﺪﻳﺪ ﺍﻟﺘﻬﻲ ﺑﻲ ﻫﻲ ﺍﻟﻲ ﺟﺎﻧﺖ ﻣﻬﻮﻧﺔ ﻋﻠﻴﻪ ﺍﻟﻜﺄﺑﺔ ﺍﻟﻲ ﻋﺎﻳﺶ ﺑﻴﻬﺎ ﻫﻨﺎﻙ ...
- ﺳﻤﺎ .. ﺳﻼﻡ ﺣﺒﻴﺒﻲ ﺷﻮﻛﺖ ﺗﺮﺟﻊ ﺍﻧﻲ ﻣﺪﺍﺗﺤﻤﻞ ﺑﻌﺪﻙ ﻋﻨﻲ ...
- ﺳﻼﻡ .. ﻣﺎﻋﺮﻑ ﻭﺍﻟﻠﻪ ﺑﻌﺪ ﺍﺣﺘﻤﺎﻝ ﻣﺎﺑﻴﻪ ﺟﻴﺔ ﻫﺴﺔ ﻻﻥ ﺍﺣﺘﻤﺎﻝ ﺭﺍﺡ ﺍﺑﺪﻱ ﻣﺸﺮﻭﻉ ﻭﻳﺔ ﻭﻟﺪ ﻧﺘﺸﺎﺭﻙ ﺍﻧﻲ ﻭﻳﺎﻩ ﻓﻤﻮ ﻣﺎﻝ ﺍﺭﺟﻊ ﻫﺴﺔ ..
- ﺳﻤﺎ .. ﺳﻼﻡ ﺍﻧﻲ ﻣﺎﻛﺪﺭ ﺍﺑﺘﻌﺪ ﻋﻨﻚ ﻋﻔﻴﺔ ﻣﻮ ﺗﻌﻮﻓﻨﻲ ﻣﻦ ﺗﺠﻲ ...
- ﺳﻼﻡ .. ﻻ ﻳﺎﺑﺔ ﻭﻳﻦ ﺍﻋﻮﻓﺞ ﺍﻧﻲ ﻫﻢ ﺑﻌﺪ ﻣﺎﻛﺪﺭ ﻉ ﺑﻌﺪﺝ ﺑﺲ ﻣﺎ ﺍﻭﻋﺪﺝ ﺑﺰﻭﺍﺝ ﺣﺘﻰ ﻟﺘﻈﻠﻴﻦ ﺑﺎﻣﻞ ﺍﻧﺘﻲ ﻣﺠﺮﺩ ﺻﺪﻳﻘﺔ ﻋﺰﻳﺰﺓ ﻭﺑﺲ ..
- ﺳﻤﺎ . ﻫﺎﺍﺍ ﺷﻨﻮ ﺻﺪﻙ ﺗﺤﺠﻲ ﺳﻼﻡ ﻋﻔﻴﺔ ﺍﻧﻲ ﺍﻛﻠﻚ ﻣﺪﺍﺗﺤﻤﻞ ﺑﻌﺪﻙ ﻋﻨﻲ ﻭﺍﻧﺖ ﺗﻜﻮﻝ ﻣﺘﺰﻭﺟﻨﻲ ..
- ﺳﻼﻡ .. ﺑﺲ ﺍﻧﻲ ﻛﺎﻳﻠﺞ ﻣﻦ ﺍﻟﺒﺪﺍﻳﺔ ﻛﻠﺒﻲ ﻭﻳﺔ ﻏﻴﺮﺝ ﻭﻻ ﻳﻤﻜﻦ ﺍﻧﺴﺎﻫﺎ ﻣﻨﺘﻈﺮ ﺑﺲ ﺭﺟﻌﺘﻲ ﺑﻔﺎﺭﻍ ﺍﻟﺼﺒﺮ ﺣﺘﻰ ﺗﺼﻴﺮ ﺍﻟﻲ ﻭﺍﻛﺪﺭ ﺍﺧﻄﺒﻬﺎ ﻭﻣﺎ ﺃﻛﺪﺭ ﺍﻭﻋﺪﺝ ﺑﺸﻲ ...
- ﺳﻤﺎ .. ﺻﺪﻙ ﺗﺤﺠﻲ ﺳﻼﻡ ﻭﺍﻧﻲ ...
- ﺳﻼﻡ .. ﺍﻧﺘﻲ ﺻﺪﻳﻘﺔ ﻭﻣﺎﻛﺪﺭ ﺍﻧﻄﻴﺞ ﺷﻲ ﻣﻮ ﻣﻠﻜﻲ ﺍﺻﻼ ﻛﻠﺒﻲ ﻣﻮ ﻣﻠﻜﻲ ﻣﻦ ﻳﻮﻡ ﺍﻟﻲ ﺷﻔﺘﻬﺎ ﺟﻠﺐ ﺑﻴﻬﺎ ..
- ﺳﻤﺎ .. ﻋﻔﻴﺔ ﺍﺷﻮ ﺍﻧﺖ ﺗﺤﺠﻲ ﻭﻣﺪﻳﺮ ﺑﺎﻝ ﻟﻤﺸﺎﻋﺮﻱ ﻭﺗﺤﺠﻲ ﺑﻮﺟﻬﻲ ..
- ﺳﻼﻡ .. ﻣﻮ ﺍﺣﺴﻦ ﻣﺎ ﺃﺃﻣﻠﺞ ﻭﺍﻋﻮﻓﺞ ﺍﻛﻮﻥ ﺻﺮﻳﺢ ﻭﻳﺎﺝ ﻣﻦ ﺍﻟﺒﺪﺍﻳﺔ ..
- ﺳﻤﺎ .. ﺍﻭﻛﻲ ﺣﺒﻴﺒﻲ ﺍﺷﻮ ﺍﺣﺴﻚ ﺍﻋﺼﺎﺑﻚ ﺗﻌﺒﺎﻧﺔ ﺭﻭﺡ ﻭﺑﻌﺪﻳﻦ ﺍﺧﺎﺑﺮﻙ ﺑﺴﻼﻣﺔ ﺣﻴﺎﺗﻲ ... ﺳﺪﻳﺘﺔ ﻳﺒﻮﻭﻭﻭ ﺷﻨﻮ ﻫﻠﻘﻬﺮ ﺳﺮﻭﺓ ﻻﺣﻜﺘﻨﻲ ﺷﻠﻮﻥ ﺑﻴﻪ ﻋﻮﺩ ﻛﻠﺖ ﻧﺴﺎﻫﺎ ﺑﺲ ﻛﻮﻥ ﻣﺎ ﺍﻭﺻﻠﻪ ﺧﺒﺮ ﻟﺤﺪ ﻣﺎ ﺗﺘﺰﻭﺝ ﻭﺗﻨﻘﻠﻊ ﻣﻦ ﻃﺮﻳﻘﻲ ﻭﺭﺍﻫﺎ ﻣﻴﻜﺪﺭ ﻳﺴﻮﻱ ﺷﻲ ...
- ﺳﻼﻡ .. ﺑﺪﻳﺖ ﻣﺸﺮﻭﻉ ﺻﻐﻴﺮ ﻓﺘﺤﻨﺎ ﻣﻄﻌﻢ ﺍﻧﻲ ﻭﻭﻟﺪ ﻋﺮﺍﻗﻲ ﻫﻨﺎﻙ ﺑﺘﺮﻛﻴﺎ ﻭﻣﻮ ﻣﺎﻝ ﺍﺭﺟﻊ ﻻﺯﻡ ﺍﻛﻤﻞ ﻣﺸﺮﻭﻋﻲ ﻭﺍﻛﺒﺮﻩ ...
- ﺳﻤﺎ .. ﺑﺪﺓ ﺍﻟﺪﻭﺍﻡ ﻭﻫﻮ ﺍﺃﺟﻞ ﺍﻟﺴﻨﺔ ﻻ ﺳﻼﻡ ﺻﺪﻙ ..
- ﺳﻼﻡ .. ﺍﻱ ﻭﺍﻟﻠﻪ ﻫﻲ ﺑﻘﺎﻟﻲ ﺳﻨﺔ ﻋﻮﺩ ﺍﺭﺟﻊ ﻭﺍﻛﻤﻠﻬﺎ ﺑﻌﺪ ﻣﺎﻛﺪﺭ ﺍﺭﺟﻊ ﻭﺍﻋﻮﻑ ﺍﻟﻲ ﺑﺪﻳﺖ ﺑﻲ ...
- ﺗﻤﻴﻢ .. ﺭﺟﻌﻨﺎ ﺍﻧﻲ ﻭﺍﻟﺤﺠﻴﺔ ﻟﻠﻨﺎﺻﺮﻳﺔ ﺍﻣﻲ ﺣﺠﺖ ﻭﻳﺔ ﺑﺮﻛﺎﺕ ...
- ﺑﺮﻛﺎﺕ .. ﻻ ﻳﻤﺔ ﻣﺎﻟﻲ ﺟﻴﺔ ﻣﻮ ﻛﺎﻓﻲ ﺍﻟﻜﻠﻤﺔ ﺍﻟﻲ ﻧﻄﻴﺘﻬﺎ ﻟﻌﻤﻲ ﻋﻠﻰ ﺑﺘﻪ ﻭﺍﻟﻠﻪ ﻣﺎﻋﺮﻑ ﺷﻠﻮﻥ ﺭﺍﺡ ﺍﻓﻀﻬﺎ ﻭﻳﺎ ﺍﺻﻼ ﻛﻠﺶ ﻣﺴﺘﺤﻲ ﻣﻨﻪ ..
- ﺍﻟﺤﺠﻴﺔ .. ﺻﺪﻙ ﺗﺤﺠﻲ ﻫﻨﺔ ﻫﺬﻧﻲ ﻫﻢ ﺑﻨﺎﺕ ﺍﻟﻜﻄﻤﺔ ﺗﻌﺎﻝ ﺷﻮﻑ ﺳﺮﻭﺓ ﺍﻟﻲ ﺭﺍﻳﺪﻫﺎ ﺗﻤﻴﻢ ﻏﻴﺮ ﺗﻔﺎﺣﺔ ﻭﺗﺮﺩ ﺍﻟﺮﻭﺡ ..
- ﻧﺮﺟﺲ .. ﺻﺪﻙ ﺑﻴﺒﻲ ﺍﺟﻲ ﻭﻳﺎﺝ ..
- ﺍﻟﺤﺠﻴﺔ .. ﺍﻱ ﺑﻌﺪ ﺑﻴﺒﺘﺞ ﺗﻌﺎﻟﻲ ﻭﻳﺎﻳﺔ ﻫﻠﻤﺮﺓ ﻣﻦ ﻧﺮﻭﺡ ﻧﺨﻄﺒﻬﺎ .. ﻳﻤﺔ ﺑﺮﻛﺎﺕ ﻟﻌﺪ ﺭﺍﺡ ﺍﺧﺬ ﺧﻮﺍﺗﻚ ﻭﻳﺎﻳﺔ ﻋﻴﺐ ﻫﻢ ﺍﺭﺩ ﺍﻃﺐ ﻭﺣﺪﻱ ﻉ ﺍﻟﻌﺎﻟﻢ ..
- ﺑﺮﻛﺎﺕ .. ﻛﻴﻔﺞ ﻳﻤﺔ ﻛﻴﻔﺞ ...
- ﺍﻟﺤﺠﻴﺔ .. ﻋﺎﻓﻨﻲ ﻭﻃﻠﻊ ﺧﺎﺑﺮﺕ ﻉ ﺍﻟﺒﻨﺎﺕ ﺻﻔﺎﺀ ‏( ﺍﻡ ﻣﻬﻨﺪ ‏) ﻭﻟﻤﻴﺎﺀ ﺩﻋﺎﺀ ﻭﺳﻨﺎﺀ ﻣﺎﻛﻠﺘﻠﻬﻦ ﻻﻥ ﺍﺻﻼ ﺟﻬﺎﻟﻬﻦ ﺻﻐﺎﺭ ﻣﻮ ﻣﺎﻝ ﻃﺮﻳﻖ ﻃﻮﻳﻞ ... ﻳﻤﺔ ﺗﻤﻴﻢ ﺧﺎﺑﺮﺕ ﻉ ﺧﻮﺍﺗﻚ ﺻﻔﺎﺀ ﻭﻟﻤﻴﺎﺀ ﻭﻧﺮﺟﺴﺔ ﻭﺧﺎﻟﺘﻚ ﺍﻡ ﺳﻠﻤﺎﻥ ﻫﻢ ﺗﺠﻲ ﻭﻳﺎﻧﺔ ﺑﺲ ﻳﻤﺔ ﺑﺮﻛﺎﺕ ﻣﺎﺭﺍﺡ ﻳﻜﺪﺭ ﻳﺠﻲ .. ﻳﻤﺔ ﺧﻠﻴﻨﺎ ﻧﺮﻭﺡ ﻭﺍﻫﻠﻬﺎ ﻧﺎﺱ ﻃﻴﺒﺔ ﺍﻛﻴﺪ ﻣﺎﺭﺍﺡ ﻳﺘﻨﺤﺴﻮﻥ ...
- ﺗﻤﻴﻢ .. ﺻﺎﺭ ﻳﻤﺔ ﺻﺎﺭ ..
- ﺍﻟﺤﺠﻴﺔ .. ﻟﻴﺶ ﺿﺠﺖ ﻳﺎﻳﻤﺔ ...
- ﺑﺮﻛﺎﺕ .. ﻳﻌﻨﻲ ﻟﻴﺶ ﻳﺮﻳﺪ ﻳﻔﺸﻠﻨﻲ ﻛﺪﺍﻡ ﺍﻟﺮﺟﺎﻝ ﺯﻳﻦ ﺍﺭﻭﺡ ﺑﻄﻮﻟﻲ ﺍﻃﺐ ﻉ ﺍﻟﺮﺟﺎﻝ ..
- ﺍﻟﺤﺠﻴﺔ .. ﻣﻴﺨﺎﻟﻒ ﻳﺎﻳﻤﺔ ﻫﻮ ﻫﻢ ﻓﺸﻼﻥ ﻣﻦ ﻋﻤﻚ ﻻﻥ ﺧﻄﺒﻠﻚ ﺍﻟﺒﻮﻣﺔ ﺑﺘﻪ ﻭﺍﻧﺖ ﻣﺎﻗﺒﻠﺖ ﺑﻴﻬﺎ ...
- ﺗﻤﻴﻢ .. ﻟﻴﺶ ﻳﻤﺔ ﺷﺒﻴﻪ ﻭﻳﺨﻄﺒﻠﻲ ﻫﻮ ﺭﺍﺡ ﻳﻌﻴﺶ ﻭﻳﺎﻫﺎ ﻟﻮ ﺍﻧﻲ ...
- ﺍﻟﺤﺠﻴﺔ .. ﻣﻴﺨﺎﻟﻒ ﻳﺒﻌﺪ ﺍﻣﻚ ﺍﺧﻮﻙ ﺍﻟﺠﺒﻴﺮ ﻭﻳﻤﻮﻥ ﻫﻮ ﻏﻴﺮ ﺭﺍﻳﺪ ﻣﺼﻠﺤﺘﻚ ...
- ﺗﻤﻴﻢ .. ﺯﻳﻦ ﺷﻮﻛﺖ ﻧﺮﻭﺡ ..
- ﺍﻟﺤﺠﻴﺔ .. ﺍﻟﺨﻤﻴﺲ ﺍﻥ ﺷﺎﺀﺍﻟﻠﻪ ﻣﻦ ﺍﻟﻔﺠﺮ ﻧﻄﻠﻊ ﻧﺮﻭﺣﻠﻬﻢ ﻉ ﺍﻟﻌﺼﺮﻳﺔ ﻭﺍﻟﺠﻤﻌﺔ ﻧﻄﻠﻊ ﻧﺸﺘﺮﻳﻠﻬﻢ ﺫﻫﺒﺎﺕ ﻭﻧﺸﻮﻑ ﺷﻴﺮﺩﻭﻥ ﺑﻌﺪ ...
- ﺗﻤﻴﻢ .. ﺍﻟﻠﻪ ﻛﺮﻳﻢ ﻳﻮﻡ .. ﻃﻠﻌﺖ ﺑﻴﻮﻣﻬﺎ ﺿﺎﻳﺞ ﻣﻦ ﺗﺼﺮﻓﺎﺕ ﺑﺮﻛﺎﺕ ﻻﻥ ﻛﻠﺸﻲ ﻳﺮﻳﺪ ﺑﻜﻴﻔﻪ ﻣﺎﻛﻮﻝ ﺍﻧﺎﻧﻲ ﺑﺲ ﻣﻴﺤﺴﺐ ﻟﻤﺸﺎﻋﺮﻱ ﺷﻨﻮ ﻭﻟﻮ ﻫﻲ ﺣﺘﻰ ﺍﻟﻲ ﺑﻜﻠﺒﻲ ﻣﺎﺃﺧﺬﺗﻬﺎ ... ﺑﺲ ﺳﺮﻭﺓ ﺣﻠﻠﻮﺓ ﻭﻣﺆﺩﺑﺔ ﻗﺎﺑﻞ ﺷﺮﻳﺪ ﺑﻌﺪ
بيج قصص عراقيه حقيقيه من واقعنا.روعه الطائي
- ﺍﺑﻮ ﺳﺮﻭﺓ .. ﻫﺎ ﻳﺎﺑﺔ ﺳﺮﻭﺓ ﺷﻬﻠﺼﻔﻨﺎﺕ ...
- ﺳﺮﻭﺓ .. ﻣﺎﻋﺮﻑ ﻳﺎﺑﺔ ﻭﺍﻟﻠﻪ ﻣﺎﻋﺮﻑ ﻛﻞ ﺧﻄﻄﻲ ﺍﻧﻬﺎﺭﺕ ﻭﺍﺣﻼﻣﻲ ﻉ ﺷﻔﺎ ﺣﻔﺮﺓ ﻭﺍﺣﺘﻤﺎﻝ ﻣﺎﻛﺪﺭ ﺍﺣﻘﻘﻬﻦ ﺳﺒﺤﺎﻥ ﺍﻟﻠﻪ ﺍﺣﻨﺔ ﺭﺩﻧﺎ ﻭﺭﺏ ﺍﻟﻌﺎﻟﻤﻴﻦ ﺭﺍﻳﺪ ﻏﻴﺮﻩ ﺗﻤﺎﻣﺎ ...
- ﺍﺑﻮ ﺳﺮﻭﺓ .. ﺍﻱ ﻳﺎﺑﺔ ﺍﺭﻳﺪﺝ ﺗﺒﻘﻴﻦ ﻣﺆﻣﻨﺔ ﺑﻘﻀﺎﺀ ﺭﺑﺞ ﻭﻗﺪﺭﻩ ﻳﺠﻮﺯ ﺭﺍﻳﺪﻟﺞ ﺍﻟﺨﻴﺮ ﺑﻬﻠﺰﻳﺠﺔ ﺣﺘﻰ ﺗﺮﺗﺎﺣﻴﻦ ﻣﻦ ﻋﻴﺸﺘﻨﺎ ...
- ﺳﺮﻭﺓ .. ﻻ ﻳﺎﺑﺔ ﺑﺴﺖ ﺭﺍﺳﻪ ﻟﺘﻜﻮﻝ ﻫﻴﺞ ﻳﺎﺃﻋﻈﻢ ﺍﺏ ﺑﻠﺪﻧﻴﺎ ﻭﺍﻟﻠﻪ ﻳﺎﺑﺔ ﻣﺎﺭﻳﺪ ﺍﺣﻤﻠﻚ ﻓﻮﻙ ﻃﺎﻗﺘﻚ ﻭﺍﻋﺮﻑ ﻫﺬﻭﻟﺔ ﺑﻴﺖ ﺍﻡ ﺳﻼﻡ ﻣﻮ ﺧﻮﺵ ﻧﺎﺱ ﻭﻳﻜﺪﺭﻭﻥ ﻳﺄﺫﻭﻧﺔ ﻭﻳﻄﻠﻌﻮﻧﺔ ﻣﻨﺎ ﻓﺨﻠﻲ ﻧﺘﺠﻨﺐ ﺷﺮﻫﻢ ﺍﺣﺴﻦ ...
ﻭﻫﻤﺔ ﻓﻌﻼ ﻣﺒﻴﻨﻴﻦ ﺧﻮﺵ ﻧﺎﺱ ﻭﺍﻣﻲ ﻣﻜﻴﻔﺔ ﺑﻴﻬﻢ ﺑﺲ ﻣﻦ ﺗﺬﻛﺮ ﺑﻌﻴﺪﺓ ﺗﺒﻘﻰ ﺗﺒﺠﻲ ﻭﺗﺒﺠﻴﻨﻲ ﻭﻳﺎﻫﺎ ..
- ﺍﻡ ﺳﺮﻭﺓ .. ﻭﺍﻟﻠﻪ ﺍﺑﻮ ﺳﺮﻭﺓ ﺟﻨﺖ ﺷﺎﻳﻠﺔ ﻫﻤﻬﺎ ﺑﺲ ﺍﻟﺤﻤﺪﻟﻠﻪ ﻗﺴﻤﺔ ﺯﻳﻨﺔ ﺗﺮﺗﺎﺣﻴﻦ ﺑﻴﻬﺎ ﻭﺗﺸﻮﻓﻴﻦ ﻛﻞ ﺧﻴﺮ ...
- ﺳﺮﻭﺓ .. ﺍﻟﻠﻪ ﻳﺴﻠﻤﺞ ﻣﻦ ﻓﺪﻭﺓ ﺭﺣﺘﻠﻜﻢ ﺍﻧﻲ ﺍﻟﻲ ﻣﺎﻛﺪﺭ ﻋﻠﻴﻪ ﺷﻠﻮﻥ ﺭﺍﺡ ﺍﻋﻮﻓﻜﻢ ﺍﻧﺘﻮ ﻋﻴﻮﻧﻲ ﻭﺍﺧﻮﺗﻲ ﺍﻟﻨﻔﺲ ﺍﻟﻲ ﻳﺼﻌﺪ ﻭﻳﻨﺰﻝ ﺍﻧﻲ ﺍﻟﻲ ﺭﺑﻴﺘﻬﻢ ..
- ﺍﻡ ﺳﺮﻭﺓ .. ﻣﻴﺨﺎﻟﻒ ﺑﻨﻴﺘﻲ ﺗﺘﻌﻮﺩﻳﻦ ﻛﻠﻨﺎ ﻫﻴﺞ ﺑﻠﺒﺪﺍﻳﺔ ﻭﺑﻌﺪﻳﻦ ﺍﺻﻼ ﺑﺲ ﻳﺼﻴﺮ ﻋﻨﺪﺝ ﺟﻬﺎﻝ ﺗﻜﻮﻣﻴﻦ ﺗﻀﻮﺟﻴﻦ ﺗﺠﻴﻨﺎ ...
- ﺳﺮﻭﺓ .. ﻣﻨﻮ ﺍﻟﻴﻀﻮﺝ ﺍﻧﺘﻮ ﺭﻭﺣﻲ ﻣﻦ ﺍﻟﺪﻧﻴﺎ ﺭﺑﻲ ﻳﺤﻔﻈﻜﻢ ﺍﻟﻲ ..
- ﺍﻡ ﺳﺮﻭﺓ .. ﺍﻣﻴﻦ ﺣﺒﻴﺒﺘﻲ ﻳﺤﻔﻈﺞ ﻭﻳﺤﻔﻆ ﺍﺧﻮﺗﺞ ..
- ﺍﺑﻮ ﺳﺮﻭﺓ .. ﻳﺎﺑﺔ ﺳﺮﻭﺓ ﺗﺮﺓ ﺍﻟﺨﻤﻴﺲ ﺍﻟﻌﺼﺮ ﻳﺠﻮﻥ ﺍﻟﻮﻟﺪ ﺧﺎﺑﺮﻧﻲ ﻫﻮ ﻭﺍﻣﻪ ﻭﺧﻮﺍﺗﻪ ﻻﻥ ﺍﻇﺎﻫﺮ ﺍﺧﻮﻩ ﻣﺴﺎﻓﺮ ﻭﺍﻟﻮﻟﺪ ﻣﺴﺘﻌﺠﻞ ﻗﺒﻞ ﺑﺪﺍﻳﺔ ﺍﻟﺴﻨﺔ ﺍﻟﺠﺪﻳﺪﺓ ﻳﺮﻳﺪ ﻳﺘﺰﻭﺝ ﻭﻫﻢ ﻳﻠﺔ ﻭﺍﺣﺪ ﻳﺠﻬﺰ ..
- ﺍﻡ ﺳﺮﻭﺓ .. ﻭﻣﻦ ﺍﻟﺰﻳﻨﺎﺕ ﺭﺍﺡ ﺗﺒﻘﻴﻦ ﻫﻠﺴﻨﺔ ﻛﻠﻬﺎ ﻫﻨﺎ ﻟﺤﺪ ﻣﻴﻜﻤﻞ ﺍﺧﺮ ﺳﻨﺔ ﺑﻠﻜﻲ ﻳﻘﺒﻞ ﺍﻧﺘﻲ ﻫﻢ ﺗﻜﻤﻠﻴﻦ ﻭﻋﻮﺩ ﺗﻨﻘﻠﻴﻦ ﻣﻦ ﻳﻜﻤﻞ ﻫﻮﺓ ..
ﺣﻀﺮﻧﺎ ﺍﻧﻲ ﻭﺍﻣﻲ ﺍﻟﺒﻴﺖ ﻭﺑﺪﻟﻨﺎ ﺟﺮﺍﺟﻒ ﺍﻟﺪﻭﺍﺷﻚ ﻭﺟﺎﻥ ﻇﺎﻣﺔ ﺟﻢ ﻓﻠﺲ ﺭﺍﺣﺖ ﺟﺎﺑﺘﻠﻲ ﻗﻤﺎﺵ ﻣﺎﻝ ﻧﻔﻨﻮﻑ ﺍﺷﺘﺮﻳﻨﺎ ﺍﺣﻤﺮ ﺧﻴﻄﺘﻠﻴﺎ ﻛﺼﻴﺮ ﻭﺍﻧﻲ ﺑﻴﻴﻴﻴﻀﺔ ﻭﻣﺮﺑﺮﺑﺔ ﻣﻮ ﺿﻌﻴﻔﺔ ﻭﻻ ﺳﻤﻴﻨﺔ ﻭﺷﻌﺮﻱ ﺍﺳﻮﺩ ﻛﻠﺶ ﻃﻮﻳﻞ ﻻﻥ ﺍﻟﻨﻬﺎﺭ ﻛﻠﻪ ﻻﻣﺘﻪ ﻭﺟﻴﺮﺍﻧﻪ ﺧﻄﻴﺔ ﺑﺲ ﻋﺮﻓﺖ ﻫﻲ ﺍﺟﺘﻲ ﺍﻟﺨﻤﻴﺲ ﺳﻮﺗﻠﻲ ﻣﻜﺎﻳﺞ ﻭﺷﺴﻮﺭﺗﻠﻲ ﺷﻌﺮﻱ ..
ﺻﺎﺭ ﺍﻟﺨﻤﻴﺲ ﻛﻌﺪﻧﺎ ﻣﻦ ﺍﻟﺼﺒﺢ ﺗﻨﻈﻴﻔﺎﺕ ﺍﺟﺘﻲ ﺍﻟﻤﺮﺓ ﺍﻟﻈﻬﺮ ﺳﻮﺗﻠﻲ ﻣﻜﻴﺎﺝ ﻭﺷﻌﺮﻱ ﻳﻤﺔ ﺑﺪﻟﺖ ﻣﻌﺮﻓﺖ ﺭﻭﺣﻲ ﺍﺑﻮﻳﺔ ﻭﺍﻣﻲ ﻳﺒﺠﻮﻥ ﻭﺍﺧﻮﺗﻲ ﻳﺒﻮﺳﻮﻭﻥ ﺑﻴﻪ ..
- ﺍﻡ ﻭﺍﺑﻮ ﺳﺮﻭﺓ .. ﻭﻟﺞ ﺣﺒﻴﺒﺘﻲ ﻃﺎﻟﻌﺔ ﻭﺭﺩﺓ ﺍﻟﻠﻪ ﻳﺤﻔﻈﺞ ﻟﺸﺒﺎﺑﺞ .. ﻳﺎﺑﺔ ﺳﺮﻭﺓ ﺭﺍﺡ ﻳﺠﻴﺐ ﻭﻳﺎﻩ ﺷﻴﺦ ﺣﺘﻰ ﻳﻌﻘﺪﻟﻜﻢ ﻭﺭﺍﻫﺎ ﻳﻤﺸﻲ ﺑﺎﺟﺮﺍﺀﺍﺕ ﺍﻟﻤﺤﻜﻤﺔ ...
- ﺳﺮﻭﺓ .. ﻛﻴﻔﻚ ﻳﺎﺑﺔ .. ﺍﺑﻮﻳﺔ ﻃﻠﻊ ﻫﻮ ﻭﺍﺧﻮﺗﻲ ﺩﻳﺠﻴﺒﻮﻥ ﺍﻟﻜﻴﻚ ﻭﺍﻟﺸﺮﺍﺑﺖ ...
- ﺍﻡ ﺳﺮﻭﺓ .. ﻳﻤﺔ ﺳﺮﻭﺓ ﺍﺷﻮ ﺟﻨﺞ ﻣﻮ ﻫﻠﻜﺪ ﻓﺮﺣﺎﻧﺔ ﺷﻔﺘﻲ ﻟﻠﻮﻟﺪ ﻋﺠﺒﺞ ..
- ﺳﺮﻭﺓ .. ﻭﺍﻟﻠﻪ ﻳﻤﺔ ﻋﺎﺩﻱ ﻫﻮ ﺍﻟﻮﻟﺪ ﻳﺨﺒﺒﻞ ﺑﺲ ﻣﺎﻛﻮ ﺍﻱ ﻣﺸﺎﻋﺮ ﻣﺎﺩﺭﻱ ﻫﻮ ﺍﻟﻴﺤﺐ ﺷﻴﺤﺲ ﺑﻤﺎ ﺍﻧﻮ ﺣﺒﻴﺘﻲ ﺍﻟﻜﺒﺪ ﻣﺎﻟﻲ ﻫﻬﻬﻬﻪ ..
- ﺍﻡ ﺳﻮﺭﺓ .. ﻭﻟﺞ ﻳﻤﺔ ﻫﻮ ﺍﺑﻮﺝ ﺍﻟﻲ ﺳﻮﺍﻩ ﻗﻠﻴﻞ ﻫﻮ ﺍﻟﻲ ﺣﺴﺴﻨﻲ ﺑﺤﺒﻪ ﻣﻦ ﺷﺎﻓﻨﻲ ﻭﻛﺘﻞ ﻧﻔﺴﻪ ﻋﻠﻴﻪ ﺍﻧﻲ ﺑﺪﻭﻥ ﻣﺎﺣﺲ ﺣﺒﻴﺘﻪ ﻭﻣﻮﺍﻗﻔﻪ ﻭﻳﺔ ﺟﺪﺝ ﻭﺧﺎﻟﺞ ﻭﻏﻴﺮﺗﻪ ﺣﺒﺒﺘﻨﻲ ﺑﻲ ..
- ﺳﺮﻭﺓ .. ﺍﻟﻠﻪ ﻳﺤﻔﻈﻜﻢ ﺍﻟﻨﺎﺍ ..
- ﺍﻡ ﺳﺮﻭﺓ .. ﻭﻳﺤﻔﻈﺞ ﻭﻳﺤﻔﻆ ﺍﺧﻮﺗﺞ ﻭﻳﺴﻌﺪﺝ ﺍﻣﻲ ﻭﺍﺑﻮﻳﺔ ﺍﻧﺘﻲ ﻟﻮ ﺗﺪﺭﻳﻦ ﺑﻔﺮﺣﺘﻲ ﺍﻟﻴﻮﻡ ﻣﺘﻨﻮﺻﻒ ﻣﻦ ﺍﺷﻮﻓﺞ ﻋﺮﻭﺳﺔ ﻭﻣﺮﺗﺎﺣﺔ ﺍﺑﻴﺘﺞ .....
ﻧﺺ ﺳﺎﻋﺔ ﻭﻛﺎﻟﻮ ﺍﺟﻮﻱ ﺍﻧﻲ ﻃﺒﻴﺖ ﻟﻠﻐﺮﻓﺔ ﺍﻟﻲ ﺍﻧﺎﻡ ﺑﻴﻬﺎ ... ﻃﺐ ﻫﻮ ﻭﺧﻮﺍﺗﻪ ﺍﺛﻨﻴﻦ ﻭﺍﻣﻪ ﻭﺧﺎﻟﺘﻪ ﻭﺑﻨﻴﺔ ﻣﺮﺍﻫﻘﺔ ﺍﻣﻲ ﻃﻠﻌﺘﻠﻬﻢ . ﻃﺒﻦ ﻋﻠﻴﻪ ﺍﺧﺘﻪ ﻟﻤﻴﺎﺀ ﺗﻄﻠﻊ ﺍﻛﺒﺮ ﻣﻨﻲ ﺑﺠﻢ ﺳﻨﺔ ﻭﺑﺖ ﺍﺧﻮﻫﻢ ﻧﺮﺟﺲ ﺍﻛﺒﺮ ﻣﻦ ﺍﺣﻤﺪ ﺑﺴﻨﺔﺗﻘﺮﻳﺒﺎ ﻳﻤﻪ ﻳﺨﺒﻠﻦ ﺑﺲ ﻳﻀﺤﻜﻦ ﻭﻳﻐﻨﻦ ﻭﻳﺒﻮﺳﻦ ﺑﻴﻪ ..
- ﻟﻤﻴﺎﺀ .. ﻳﻤﺔ ﺍﻧﻴﺎﻝ ﺍﺧﻮﻳﺔ ﻋﻠﻴﺞ ...
ﻭﻧﺮﺟﺲ ﺗﺼﻴﺢ ﻣﺮﺕ ﻋﻤﻲ ﻣﺮﺕ ﻋﻤﻲ ... ﻋﺸﺮﺗﻬﻢ ﺗﺨﺒﻞ ﻭﻧﺎﺱ ﺑﺴﻴﻄﻴﻴﻦ ﺍﻟﻰ ﺩﺭﺟﺔ ... ﺍﺑﻮﻳﺔ ﺻﺎﺣﻨﺔ ﻻﻥ ﺗﻤﻴﻢ ﻃﻠﻊ ﻳﺠﻴﺐ ﺷﻴﺦ ﻭﻳﺠﻲ ﻃﺒﻴﺖ ﺳﻠﻤﺖ ﻭﺣﺪﺓ ﺍﺣﺴﻦ ﻣﻦ ﺍﻟﺦ ﻣﻤﻌﻘﻮﻟﺔ ﻛﻠﻬﻢ ﻫﻠﻜﺪ ﺣﺒﺎﺑﻴﻦ .. ﺍﻟﺤﺠﻴﺔ ﺗﺨﺒﻠﺖ ﻣﻦ ﺷﺎﻓﺘﻨﻲ ﺑﺲ ﺗﺼﻠﻲ ﻉ ﺍﻟﻨﺒﻲ .. ﻭﺍﺧﺘﻬﺎ ﻫﻢ ﻣﺮﺓ ﺟﺒﻴﺮﺓ ﺍﺳﻤﻬﺎ ﺍﻡ ﺳﻠﻤﺎﻥ ﻭﺍﺧﺘﻬﻢ ﺻﻔﺎﺀ ﺟﺒﻴﺮﺓ ﻣﺪﺭﺳﺔ ﻭﻣﺒﻴﻦ ﻋﻠﻴﻬﺎ ﻣﺜﻘﻔﺔ ﺍﺑﺪ ﻣﺤﺴﺴﻮﻧﻲ ﺍﺣﻨﺔ ﺍﻗﻞ ﻣﻨﻬﻢ ﻭﻻ ﺍﺣﺪ ﺣﺠﺔ ﺣﺠﺎﻳﺔ ﺯﺍﻳﺪﺓ ﺗﻐﺚ ﺍﻣﻲ ﻟﻮ ﺍﺑﻮﻳﺔ ﺑﻠﻌﻜﺲ ﺣﺠﻴﻬﻢ ﻛﻠﻪ ﺑﺎﺣﺘﺮﺍﻡ ﻭﺍﺣﻨﺔ ﻣﺮﺍﺡ ﻧﻘﺼﺮ ﻭﻳﺎﺝ ﻭﻣﺮﺍﺡ ﻧﺤﺴﺴﺞ ﺍﻧﺘﻲ ﻣﻮ ﺍﺑﻴﺘﺞ ﺑﻠﻌﻜﺲ ﺭﺍﺡ ﺗﺤﺒﻴﻦ ﺍﻟﻜﻞ ﻭﻟﻤﻴﺎﺀ ﻛﺎﻋﺪﺓ ﻭﺗﺤﺸﺶ ﻫﻲ ﻭﻧﺮﺟﺲ ﻋﺒﺎﻟﻚ ﺻﺪﻳﻘﺎﺕ ﺷﻮﻳﺔ ﻭﻛﺎﻟﻮ ﺍﺟﺔ ﺍﻟﺸﻴﺦ ﺍﻧﻲ ﻛﻤﺖ ﻟﻠﻐﺮﻓﺔ ﻛﺎﻋﺪﻳﻦ ﻣﻦ ﻭﺭﺓ ﺍﻟﺒﺎﺏ ﻋﻘﺪ ﺍﻟﺸﻴﺦ ﻭﺍﺑﻮﻳﺔ ﻭﻛﻴﻠﻲ ﻋﻘﺪﻧﺎ ﻭﺍﻣﻪ ﻭﺧﻮﺍﺗﻪ ﻇﻠﻦ ﻳﻬﻠﻬﻦ ﻭﻳﻜﻮﻟﻦ ﺑﻬﻠﻬﻮﺳﺎﺕ ﺣﺘﻰ ﺍﻣﻲ ﻛﺎﻣﺖ ﺗﻬﻠﻬﻞ ﻓﺘﺤﺖ ﺍﻟﺒﺎﺏ ﻟﻤﻴﺎﺀ ﻭﻃﻠﻌﺖ ﻫﻲ ﻭﻧﺮﺟﺲ ﺍﻧﻲ ﻛﻠﺶ ﺍﺳﺘﺤﻴﺖ ﻇﻠﻴﺖ ﻛﺎﻋﺪﺓ ﺑﻠﻐﺮﻓﺔ ﺷﻮﻳﺔ ﻭﻃﺐ ﺍﺑﻮﻳﺔ ﺻﺎﺣﻨﻲ ﻳﺎﺑﺔ ﺍﺳﺘﺤﻲ ﺍﻃﻠﻊ ﻃﻠﻌﺖ ﻟﻜﻴﺘﻪ ﻭﺍﻛﻒ ﺍﺑﺎﺏ ﺍﻟﻐﺮﻓﺔ ﺑﺎﺱ ﺭﺍﺳﻲ ﻭﻟﺰﻡ ﺍﻳﺪﻱ ﺍﻧﻲ ﺍﺗﺨﺮﺑﻄﺖ ﺍﻻ ﺷﻮﻳﺔ ﺍﺣﺲ ﻭﺟﻬﻲ ﻛﺎﻡ ﻳﻄﻠﻊ ﻧﺎﺭ ﻭﺍﺣﺴﺔ ﺍﻧﺼﺪﻡ ﻣﻦ ﺷﺎﻓﻨﻲ ﺑﻼ ﺍﻟﻌﺒﺎﻳﺔ ﻭﺍﻟﺒﻮﺷﻲ ﻛﻌﺪﺕ ﺑﺼﻒ ﺍﻣﻪ ﻭﺑﻘﻦ ﻳﻬﻮﺳﻦ ﻭﺍﻧﻲ ﺻﺎﻳﺮﺓ ﻃﻤﺎﻃﺔ ﺩﺍﺭ ﻭﺟﻬﻪ ﻋﻠﻴﻪ ... ﻣﺒﺮﻭﻙ .... ﺗﺴﻠﻢ ﺍﻧﺖ ﻫﻢ ﻣﺒﺮﻭﻭﻭﻙ ﻋﻠﻴﻚ ...
ﻣﺠﻨﺖ ﺍﻋﺮﻑ ﺍﻧﺘﻲ ﻫﻠﻜﺪ ﺣﻠﻮﺓ ﺗﺴﺘﺎﻫﻠﻴﻦ ﺍﻟﺘﻌﺐ .... ﺷﻜﺮﺍ ﻫﺎﻱ ﻋﻴﻮﻧﻚ ﺍﻟﺤﻠﻮﺓ ... ﻻ ﻭﻟﺞ ﺍﻧﺘﻲ ﺟﻤﺎﺭﺓ ﺍﻣﻲ ﺗﺼﻴﺤﻠﺞ ﺗﻔﺎﺣﺔ ﺷﻮ ﺩﺷﻴﻠﻲ ﺭﺍﺳﺞ ﺩﺷﻮﻑ ﻋﻴﻮﻧﺞ ... ﻻ ﻋﻔﻴﺔ ﺗﺮﺓ ﺍﻧﻲ ﻛﻠﺶ ﺍﺳﺘﺤﻲ ﻭﻟﻮ ﺗﺪﺭﻱ ﻫﺴﺔ ﺷﺼﺎﻳﺮ ﺑﻴﻪ .... ﺑﻌﺪ ﻣﺎﻛﻮ ﻣﺴﺘﺤﺔ ﻻﺯﻡ ﺗﺘﻌﻮﺩﻳﻦ ﻛﻌﺪﻭ ﺳﺎﻋﺔ ﻭﺍﻣﻲ ﺧﻄﻴﺔ ﺳﻮﺕ ﻋﺸﺎ ﻛﻤﻨﺎ ﻛﻠﻨﺎ ﻭﺍﻟﺒﻨﺎﺕ ﻭﻳﺎﻧﺎ ﻋﺒﺎﻟﻚ ﻧﻌﺮﻓﻬﻢ ﺻﺎﺭ ﻛﻮﻭﻣﺔ ﻛﻤﻠﻨﺎ ﺍﻟﻌﺸﺎ ﺷﻮﻳﺔ ﻭﻛﺎﻣﻮﺍ ﻭﺍﺗﻔﻘﻨﺎ ﺛﺎﻧﻲ ﻳﻮﻡ ﻋﻠﻤﻮﺩ ﺍﻟﺬﻫﺐ ﻭﺍﻟﺘﺠﻬﻴﺰﺍﺕ ... ﻛﻤﺖ ﺑﺪﻟﺖ ﻭﻃﻠﻌﺖ ﻧﻈﻔﺖ ﻭﺭﺗﺒﺖ ﺍﻟﺒﻴﺖ ﻭﺍﻣﻲ ﻭﺍﺑﻮﻳﺔ ﻳﺴﻮﻟﻔﻮﻭﻭﻥ ﺑﻴﻬﻢ ....

#اسقني__حبك

بقلم وئام البياتي

١٠______١٢
#ج١٠

ﺗﻤﻴﻢ .. ﺭﺣﻨﺎ ﻭﻛﻤﻠﺖ ﻛﻠﺸﻲ ﻛﻴﻔﺖ ﻣﻦ ﻛﻤﻠﻨﺎ ﻛﻠﺸﻲ ﻭﺍﺗﻔﻘﻨﺎ ﺑﺲ ﻣﻦ ﺻﺎﺭﺕ ﺻﺪﻙ ﺗﺬﻛﺮﺕ ﺳﻤﺎ ﻭﺗﻤﻨﻴﺘﻬﺎ ﺑﻤﻜﺎﻧﻬﺎ ﻳﺎﺭﺑﻲ ﻣﺎﺭﻳﺪ ﺍﺿﻠﻤﻬﺎ ﺍﻟﺒﻨﻴﺔ ﻓﻘﻴﺮﺓ ﻭﺣﺘﻰ ﺍﺣﻠﻰ ﺑﻬﻮﺍﻳﺔ ﻣﻦ ﺳﻤﺎ ﻭﺍﻫﻠﻬﺎ ﻓﻘﺮﺓ ﺧﻮ ﺍﺑﻮﻫﺎ ﺍﻧﺴﺎﻥ ﺍﺩﻣﻲ ﻭﻭﻗﻮﺭ ﺑﺲ ﺷﺴﻮﻱ ﺑﻜﻠﺒﻲ ﺍﻟﻲ ﺭﻓﻠﻬﺎ ﻣﻦ ﻳﻮﻡ ﺍﻟﻲ ﺷﺎﻓﻬﺎ ﺑﺲ ﻣﺘﻔﻴﺪﻧﻲ ﺑﻌﺪ ﺍﺑﺪ ﻭﺿﻌﻴﺘﻲ ﻭﻭﺿﻌﻴﻪ ﺍﻫﻠﻲ ﻣﻮ ﻣﺎﻝ ﻫﻴﺞ ﻭﺣﺪﺓ ﺧﻠﻴﻨﻲ ﻉ ﺳﺮﻭﺓ ﺍﺣﺴﻦ ﺑﻠﻜﻲ ﻛﻠﺒﻲ ﻳﻐﻴﺮ ﺭﺃﻳﺔ ﻭﻳﺤﺒﻬﺎ ﻭﻟﻮ ﻣﺎ ﻇﻦ ﺣﺴﻴﺖ ﻧﻔﺴﻲ ﺗﺴﺮﻋﺖ ﺍﻣﻲ ﺣﺴﺖ ﺑﻴﻪ ﺻﺎﻓﻦ ...
- ﺍﻟﺤﺠﻴﺔ .. ﻫﺎﻳﻤﺔ ﺗﻤﻴﻢ ﺟﻨﻚ ﻣﻔﺮﺣﺎﻥ ...
- ﺗﻤﻴﻢ .. ﻻ ﻟﻴﺶ ﺑﻠﻌﻜﺲ ﺑﺲ ﻣﺘﻮﺗﺮ ... ﻳﻤﺔ ﺗﺨﻴﻠﺘﻬﺎ ﺳﻤﺎ ...
- ﺍﻟﺤﺠﻴﺔ .. ﺷﺒﻴﺪﻱ ﻋﻠﻴﻚ ﻭﻟﻴﺪﻱ ﺍﺫﺍ ﺍﻧﺖ ﺍﻟﻲ ﺣﺠﻴﺘﻠﻲ ﻋﻠﻴﻬﺎ ﻫﺎﻱ ﻣﺎ ﺗﻜﻌﺪ ﻳﻤﻚ ﻭﺗﺄﺫﻳﻚ ..
- ﺗﻤﻴﻢ .. ﺍﻱ ﻳﻮﻡ ﺻﺤﻴﺢ ﺣﺠﻴﺞ ..
- ﺍﻟﺤﺠﻴﺔ .. ﻟﻌﺪ ﻋﻮﻑ ﺍﻟﺴﺎﻟﻔﺔ ﻭﻟﻴﺪﻱ ﺧﻮﺵ ﻧﺎﺱ ﺑﺨﺖ ﺩﻋﻮﺍﺗﻲ ﺑﻴﻚ ﺣﺒﻴﺐ ﺍﻣﻚ ..
- ﺗﻤﻴﻢ .. ﺑﻌﺪ ﻋﻴﻨﻲ ﻭﺗﺎﺝ ﺭﺍﺳﻲ ﺍﻧﺘﻲ ﺭﺑﻲ ﻳﺤﻔﻈﺞ ﺍﻟﻴﺔ ..
- ﺍﻟﺤﺠﻴﺔ .. ﻭﻳﺤﻔﻈﻚ ﻟﻴﺔ ﻭﺍﻋﺰ ﻣﻦ ﺭﻭﺣﻲ ﺗﻮﻛﻞ ﻉ ﺍﻟﻠﻪ ﻣﺮﻳﺘﻚ ﺣﻠﻴﻮﺓ ﻭﻋﺎﻗﻠﺔ ﻭﺍﻫﻠﻬﺎ ﺧﻮﺵ ﻧﺎﺍﺍﺱ ﻻ ﺗﻌﻴﺐ ﺑﻴﻬﻢ ﺑﻌﺪ ﺍﻣﻚ ...
- ﺗﻤﻴﻢ .. ﻻ ﻳﻤﺔ ﺍﺷﺎﻳﻔﺘﻨﻲ ﺑﻠﻌﻜﺲ ﻋﺸﺮﺗﻬﻢ ﺣﻠﻮﺓ ﻭﻧﺎﺱ ﺍﻭﺍﺩﻡ ﺑﻠﻌﻜﺲ ﻳﻮﻡ ﺑﺎﺟﺮ ﺍﺭﻭﺣﻠﻬﻢ ﻭﺍﺗﻔﻖ ﻭﻳﺎﻫﻢ ﻉ ﻛﻠﺸﻲ .. ..
- ﺳﺮﻭﺓ .. ﺛﺎﻧﻲ ﻳﻮﻡ ﺍﺟﺔ ﻣﻦ ﺍﻟﺼﺒﺢ ﻫﻮ ﻭﺍﻣﻪ ﺍﻟﺤﺠﻴﺔ ﻭﻟﻤﻴﺎﺀ ﻭﻧﺮﺟﺲ ﺍﻟﺒﺎﻗﻴﻦ ﺭﺍﺟﻌﻴﻦ ﻟﻠﻨﺎﺻﺮﻳﺔ ﻭﻣﻮﻣﺎﻝ ﻳﺒﻘﻮﻭﻥ ﺍﻛﺜﺮ ﺭﺣﻨﺎ ﺍﻧﻲ ﻭﺍﻣﻲ ﻭﻳﺎﻫﻢ ﻟﺴﻮﻙ ﺍﻟﻜﺎﻇﻢ ﺍﺷﺘﺮﻳﻨﺎ ﺍﻟﺬﻫﺐ ﻣﻨﺎﻙ ﺑﺲ ﺟﻨﺖ ﻛﻠﻠﺶ ﻣﺴﺘﺤﻴﺔ ﻣﻨﻬﻢ ﻻﻥ ﺍﺑﺪ ﻣﻘﺼﺮﻭﺍ ﺍﺷﺘﺮﻭﻟﻲ ﻛﻮﻭﻭﻣﺔ ﺗﺨﻢ ﻛﺎﻣﻞ ﻭ 6 ﺳﻮﺍﺭﺍﺕ ﻭﺗﺮﺍﺟﻲ ﻭﻣﺤﺒﺲ ﻭﺍﻟﺤﻠﻘﺔ ﻭﺍﺣﻨﺔ ﻳﺎﺩﻭﺏ ﺍﻟﺤﻠﻘﺔ ﺍﺑﻮﻳﺔ ﺩﺑﺮ ﻓﻠﻮﺳﻬﺎ ﻛﻤﻠﻨﺎ ﻋﺎﺩ ﻫﻮ ﻛﺎﻟﻬﺎ ﺧﺎﻟﻪ ﺍﻧﻲ ﻣﺎﻟﺒﺲ ﺫﻫﺐ ﻋﻠﻮﺍﻩ ﻟﻮ ﺍﻟﺤﻠﻘﺔ ﻓﻀﺔ ﺍﻧﻲ ﻣﺘﺄﻛﺪﺓ ﺣﺘﻰ ﻟﻴﻔﺸﻠﻨﺎ ﻭﺭﺣﻨﺔ ﻟﻠﺴﻮﻙ ﻛﻮﻭﻭﻣﺔ ﺍﺷﺘﺮﻭﺍ ﺳﻮﺍﻟﻒ ﺍﻧﻲ ﺿﻠﻴﺖ ﺻﺎﻓﻨﺔ ﺷﻨﻮ ﺍﻟﺴﺎﻟﻔﺔ ﺍﻣﻲ ﻛﻞ ﺷﻮﻳﺔ ﺗﻜﻮﻟﻠﻬﻢ ﻛﺎﻓﻲ ﻫﻮﺍﻳﺔ ﻭﺍﻣﻪ ﺍﻟﺤﺠﻴﺔ ﻣﺘﻘﺒﻞ ﺗﻜﻮﻝ ﺍﺫﺍ ﻟﺴﺮﻭﺓ ﻣﺎﺃﺧﺬ ﺍﻟﻤﻦ ﺍﺷﺘﺮﻱ ﻫﻲ ﻣﺮﺕ ﺍﻟﻌﺰﻳﺰ ﻭﺍﻧﻲ ﺍﺧﺬ ﻟﺒﻨﺎﺗﻲ ﻫﻴﺞ ﻭﻫﻲ ﺻﺎﺭﺕ ﺍﻋﺰ ﻣﻦ ﺑﻨﺎﺗﻲ ﻭﺍﺷﺘﺮﺕ ﻟﻠﻤﻴﺎﺀ ﻭﻟﻨﺮﺟﺲ ﻫﻤﻴﻦ ﻛﻮﻣﺔ ﻣﻼﺑﺲ ﺑﺤﻴﺚ ﻫﻮ ﺗﺨﺒﻞ ﻣﻦ ﺷﺎﻑ ﺍﻟﻌﻼﻟﻴﻚ ...
- ﺗﻤﻴﻢ .. ﻫﺎﻱ ﺷﻨﻮ ﺻﺪﻙ ﺗﺤﺠﻮﻭﻭﻥ ﻫﺎﻱ ﻭﻳﻦ ﺭﺍﺡ ﺍﻭﺩﻳﻬﻦ ...
- ﺍﻟﺤﺠﻴﺔ .. ﺻﻠﻲ ﻉ ﺍﻟﻨﺒﻲ ﺷﻤﺎﺧﺬﻳﻦ ﺑﻌﺪ ﻭﺑﻌﺪ ....
- ﺳﺮﻭﺓ ... ﻛﺎﻡ ﻳﺸﻴﻞ ﻭﻳﺪﺭﺩﻡ ﺍﺧﺬﻧﺎ ﺑﻌﺪﻳﻦ ﻟﻤﻄﻌﻢ ﺗﻐﺪﻳﻨﺎ ﻭﺍﺧﺬ ﻻﺑﻮﻳﺔ ﻭﻻﺧﻮﺗﻲ ﻏﺪﺍ ﻣﺎﻋﺮﻑ ﻟﻴﺶ ﺩﺍﺣﺲ ﺑﺎﻟﻔﺮﻕ ﻛﻠﻠﻠﺶ ﻫﻮﺍﻳﺔ ﺩﻳﺼﺮﻑ ﻣﺎﻋﺮﻑ ﻫﺎﻱ ﻃﺒﻴﻌﺘﻬﻢ ﻟﻮ ﻻﻥ ﺍﺣﻨﺔ ﻉ ﻛﺪﻧﺎ ﺑﺤﻴﺚ ﻛﻠﻠﻠﺶ ﺗﺤﺴﺴﺖ ﻣﻦ ﻫﺎﻱ ﺍﻟﺴﺎﻟﻔﺔ ﻛﻤﻠﻨﺎ ﻭﺭﺟﻌﻨﺎ ﺍﻧﻲ ﻭﺍﻣﻲ ﻭﺍﺗﻔﻖ ﻭﻳﺔ ﺍﺑﻮﻳﺔ ﺑﺎﺟﺮ ﻳﻜﻤﻞ ﻋﻘﺪ ﺍﻟﻤﺤﻜﻤﺔ ﻻﻥ ﻣﻨﻄﻲ ﺑﻴﺪ ﻣﺤﺎﻣﻲ ﻭﻣﻜﻤﻞ ﻛﻠﺸﻲ ﺑﺲ ﻳﺮﻳﺪ ﺍﻟﻤﺴﺘﻤﺴﻜﺎﺕ ﺣﺘﻰ ﻣﻦ ﺍﻟﺼﺒﺢ ﻳﻄﻠﻊ ﻳﻮﺩﻳﻬﻦ ﻭﻉ ﺍﻟﺴﺎﻋﺔ 10 ﻳﻤﺮ ﻋﻠﻴﻨﺎ ﻧﺮﻭﺡ ﻭﻳﺎﻩ ﺍﻧﻄﻴﺘﻬﻴﺎ ﻭﺷﻜﺪ ﻣﺪﺍﺣﺎﻭﻝ ﺍﻧﺪﻣﺞ ﻭﻳﺎﻩ ﺍﺣﺴﻪ ﺑﻌﻴﻴﻴﺪ ﻭﺍﻧﻲ ﻫﻢ ﻣﺸﺎﻋﺮﻱ ﻛﻠﺶ ﺑﺎﺭﺩﺓ ﻳﻤﻜﻦ ﻻﻥ ﺍﺣﺲ ﻛﻠﺒﻪ ﻭﻳﺔ ﺳﻤﺎ ﻭﻻﻥ ﺍﻟﻈﺮﻭﻑ ﺟﺎﻧﺖ ﻋﺒﺎﻟﻚ ﻏﺼﺐ ﻉ ﺍﻟﻄﺮﻓﻴﻦ ﺍﺣﺲ ﺑﻲ ﺗﺄﺩﻳﺔ ﻭﺍﺟﺐ ﺑﺎﻟﻨﺴﺒﺔ ﺍﻟﻨﺎ ﺍﺛﻨﻴﻨﺎ ﻣﻌﻘﻮﻟﺔ ﺻﺪﻙ ﻣﻴﺮﻳﺪﻧﻲ ﻭﻳﺮﻳﺪ ﻳﻘﻬﺮ ﺻﺪﻳﻘﻪ ﻻﻥ ﻋﺮﻑ ﻫﻲ ﺗﺮﻳﺪ ﺳﻼﻡ ﻭﻣﺘﺮﻳﺪﻩ ﺍﻟﻪ ﻣﺎﻋﺮﻑ ﻣﺎﺍﺍﻋﺮﻑ ﺍﻭﻭﻭﻱ ﺩﺧﺖ ﻭﺍﻟﻠﻪ ﺑﻌﺪﻳﻦ ﺗﺒﻴﻦ ﺍﻧﻲ ﻣﺘﻮﻛﻠﺔ ﻋﻠﻰ ﺭﺏ ﺍﻟﻌﺎﻟﻤﻴﻦ ﻭﻳﺠﺎﺯﻳﻨﻲ ﺧﻴﺮ ﻻﻥ ﻭﺍﻟﻠﻪ ﻛﻠﺶ ﺣﺒﻴﺘﻬﻢ ﺑﻠﻜﻲ ﺍﺭﺗﺎﺡ ﻭﺍﺭﻳﺢ ﺍﻫﻠﻲ ﻣﻦ ﻫﻤﻲ ﺍﺑﻮﻳﺔ ﺷﺎﻳﻞ ﻫﻤﻲ ﺍﺩﺭﻱ ﺑﻲ ﻣﺘﺄﺫﻱ ﻣﻦ ﻭﺭﺍﻳﺔ ﻭﻣﻦ ﻭﺭﺓ ﺳﺎﻟﻔﺘﻲ ... ﺛﺎﻧﻲ ﻳﻮﻡ ﻭﺭﺓ ﺍﻝ 10 ﺍﺟﺔ ﻋﻠﻴﻨﺎ ﻃﻠﻌﻨﺎ ﺍﻧﻲ ﻭﺍﺑﻮﻳﺔ ﻭﺍﻣﻲ ﻭﺍﻫﻠﻪ ﺭﺍﻳﺤﻴﻦ ﻗﺒﻠﻨﺎ ﻭﺻﻠﻨﺎ ﺍﻟﻤﺤﺎﻣﻲ ﻛﻠﺸﻲ ﻣﻜﻤﻞ ﻋﻘﺪﻧﺎ ﻭﺍﻣﻪ ﺍﻟﺤﺠﻴﺔ ﻛﺎﻣﺖ ﺗﻬﻠﻬﻞ ﺧﻄﻴﺔ ﻭﺗﺪﺑﺞ ﺑﻌﺒﺎﻳﺘﻬﺎ ﺑﻨﺺ ﺍﻟﻤﺤﻜﻤﺔ ﻭﻓﺮﺣﺎﻧﺔ ﻭﺗﺒﻮﺱ ﺑﻲ ﺍﻟﻜﻞ ﺑﺎﺭﻛﻠﻨﺎ ﻭﻫﻮ ﻫﻢ ﺑﺎﺭﻛﻠﻲ ﻭﺑﺎﺱ ﺭﺍﺳﻲ ﺭﺟﻌﻨﺎ ﻭﺑﻠﺮﺟﻌﺔ ﻫﻢ ﻋﺰﻣﻨﺎ ﺑﻤﻄﻌﻢ ﻛﻤﻠﻨﺎ ﻭﺗﺮﺧﺺ ﻣﻦ ﺍﺑﻮﻳﺔ ﺑﻠﻴﻞ ﻧﻄﻠﻊ ﺍﻧﻲ ﻭﻳﺎﻩ ...
- ﺍﺑﻮ ﺳﺮﻭﺓ .. ﺑﻜﻴﻔﻚ ﻳﺎﺑﺔ ﺑﻌﺪ ﻫﻲ ﻣﺮﺗﻚ ...
- ﺳﺮﻭﺓ .. ﺭﺟﻌﻨﺎ ﻟﻠﺒﻴﺖ ﻭﻫﻢ ﻫﻢ ﺭﺍﺣﻮ ﻭﻉ ﺍﺳﺎﺱ ﺛﺎﻧﻲ ﻳﻮﻡ ﻳﺮﺟﻌﻮﻥ ﻟﻠﻨﺎﺻﺮﻳﺔ ﺳﻠﻤﻨﺎ ﻋﻠﻴﻬﻢ ﻭﺧﺎﻟﺔ ﻛﺎﻟﺖ ﻓﺘﺮﺓ ﻭﺍﺟﻴﺞ ﺣﺒﻴﺒﺔ ﺍﻟﻐﺎﻟﻲ ﻭﺣﺒﻴﺒﺔ ﻛﻠﺒﻲ ﺑﺲ ﺍﺷﻮﻑ ﺍﻟﻮﻳﻼﺩ ﻫﻨﺎﻙ ﻭ ﺍﺭﺩ .. ﺳﻠﻤﻮ ﻭﺭﺍﺣﻮﺍ ﻟﻠﻌﺼﺮ ﺍﺟﺔ ﺟﻨﺖ ﻣﺤﻀﺮﺓ ﻧﻔﺴﻲ ﻭﻣﻨﺘﻈﺮﺗﻪ ﺑﺲ ﺷﻨﻮ ﺍﻟﻤﺴﺘﺤﺔ ﺗﻘﺮﺓ ﻓﻮﻝ ﻋﻨﺪﻱ ﺍﻭﻝ ﻣﺮﺓ ﻭﺷﺎﺏ ﺣﻠﻮﻭﻭ ﻳﺨﺒﻞ ﻃﺒﻌﺎ ﺍﻧﻲ ﻧﺰﻋﺖ ﺍﻟﺒﻮﺷﻲ ﻭﺑﻘﺔ ﺑﺲ ﺣﺠﺎﺏ ﻋﺎﺩﻱ ﺑﺲ ﺑﻠﺒﺲ ﻛﻠﻠﺶ ﻣﺴﺘﻮﺭ ﺍﺟﺔ ﺳﻠﻢ ﻋﻠﻰ ﺍﻫﻠﻲ ﻭﻃﻠﻌﻨﺎ ﺟﺎﻥ ﻋﻨﺪﻩ ﺳﻴﺎﺭﺓ ﻣﻦ ﻫﺎﻱ ﺍﻟﺤﺪﻳﺜﺔ ﻃﻠﻌﻨﺎ ﻓﺘﺤﻠﻲ ﺍﻟﺒﺎﺏ ﻭﻏﻤﺰﻟﻲ ﻳﻤﺔ ﺻﺮﺕ ﺣﻤﺮﺓ ﻉ ﺻﻔﺮﺓ ﻋﻠﻰ ﻛﻞ ﺍﻟﻤﺸﺎﻋﺮ ﺗﻀﺎﺭﺑﺖ ﻫﺎﻱ ﺍﻭﻝ ﻣﺮﺓ ﻭﺍﺻﻴﺮ ﺑﻬﻴﺞ ﻣﻮﻗﻒ ﺻﻌﺪ ﻭﻓﺘﺢ ﺍﻏﺎﻧﻲ ﻛﻠﻬﺎ ﻫﺎﺩﺋﺔ ﻭﻻ ﻛﻠﻤﺔ ﻧﻄﻖ ﻭﺍﻟﺮﻭﻣﺎﻧﺴﻴﺔ ﺍﻟﻲ ﺻﺮﻧﺎ ﺑﻴﻬﺎ ﺗﺪﻭﺥ ﻭﺻﻠﻨﺎ ﻟﺴﻮﻙ ﻧﺰﻟﻨﺎ ﺗﻤﺸﻴﻨﺎ ﻭﻻﺯﻡ ﺍﻳﺪﻱ ﻳﻤﺔ ﻛﻠﺒﻲ ﻣﺪﺍﺗﺤﻤﻞ ﺗﺮﺓ ﻛﻠﻠﺶ ﺗﻮ ﻣﺞ ... ﻭﺻﻠﻨﺎ ﻟﻤﻄﻌﻢ ﻃﺒﻴﻨﺎ ﻛﻌﺪﻧﺎ ﻉ ﻣﻴﺰ ﺑﺰﺍﻭﻳﺔ ﺑﻨﻬﺎﻳﺔ ﺍﻟﻤﻄﻌﻢ ﻭﺣﺪﻧﺎ ﻭﻫﺪﻭﻭﻭﻭﺀ ﺟﺎﻧﺖ 8 ﻭﻧﺺ ﺗﻘﺮﻳﺒﺎ ...
- ﺗﻤﻴﻢ .. ﺷﻴﺎﻛﻞ ﺍﻟﻜﻤﺮ ...
- ﺳﺮﻭﺓ ... ﺭﻓﻌﺖ ﺭﺍﺳﻲ ﺑﺎﻭﻋﺖ ﺑﻌﻴﻨﻪ ﻳﺎﺭﺑﻲ ﺷﻜﺪ ﺣﻠﻮ ﻫﺬﺍ ... ﺑﻜﻴﻔﻚ .... ﺍﻭﻛﻲ ...
- ﺗﻤﻴﻢ .. ﻣﺒﺮﻭﻭﻭﻙ ﺍﻧﺘﻲ ﺍﻟﻴﻪ ..
- ﺳﺮﻭﺓ .... ﺷﻜﺮﺍ ﻣﺒﺮﻭﻭﻭﻙ ﺍﻟﻚ ﻫﻢ ...
- ﺗﻤﻴﻢ .. ﻓﺮﺣﺎﻧﺔ ﺳﺮﻭﺓ ﺍﺗﻤﻨﻰ ﺍﺳﻌﺪﺝ ﻭﺭﺑﻲ ﻳﻮﻓﻘﻨﻲ ﻟﻬﻠﺸﻲ ﻻﻥ ﺍﻧﺘﻲ ﺗﺴﺘﺎﻫﻠﻴﻦ ...
- ﺳﺮﻭﺓ .. ﺗﺴﻠﻢ ﺗﻤﻴﻢ ﺍﻧﺖ ﺍﻻﺣﺴﻦ ...
- ﺗﻤﻴﻢ .. ﺍﻣﻲ ﻛﻠﺶ ﺣﺒﺘﺞ ...
- ﺳﺮﻭﺓ ... ﻭﺍﻧﻲ ﻭﺍﻟﻠﻪ ﺍﻛﺜﺮ ﺣﺒﻴﺘﻬﻢ ﻭﻣﺘﻤﻨﻴﺖ ﻳﺮﻭﺣﻮﻥ ...
- ﺗﻤﻴﻢ .. ﻫﺴﺔ ﻳﺮﺟﻌﻮﻥ ﻭﺍﻣﻲ ﺗﺒﻘﻰ ﻳﻤﻨﺎ ﻓﺘﺮﺓ ﺗﺮﻭﺡ ﻭﺗﺮﺟﻊ ﻟﺘﺨﺎﻓﻴﻦ ﺗﺮﺓ ﻫﻲ ﺷﺮﻳﻜﺘﺞ ﺑﻴﻪ ﻫﺎﺍﺍ ..
- ﺳﺮﻭﺓ .. ﻫﻬﻪ ﻭﺍﺣﻠﻰ ﺷﺮﻳﻜﺔ ﻭﺍﻟﻠﻪ ﺭﺑﻲ ﻳﺤﻔﻈﻬﺎ ..
- ﺗﻤﻴﻢ .. ﺗﺴﻠﻤﻴﻦ ﺍﻧﻲ ﺍﺳﺘﺄﺫﻧﺖ ﻣﻦ ﻋﻤﻲ ﻛﻞ ﻳﻮﻡ ﺍﻣﺮ ﻋﻠﻴﺞ ﺣﺘﻰ ﻧﺠﻬﺰ ﻭﻭﺻﻴﺖ ﻉ ﻏﺮﻓﺔ ﻧﻮﻡ ﺷﻮﻳﺔ ﺍﻻﺥ ﻧﺮﻭﺡ ﺣﺘﻰ ﺗﺨﺘﺎﺭﻳﻦ ﻣﻮﺩﻳﻠﻬﺎ ﻭﺍﻟﻐﺮﺍﺽ ﻉ ﻛﻴﻔﻨﺎ ﺍﻧﻲ ﺍﺭﻳﺪ ﻫﻠﺸﻬﺮ ﻧﻜﻤﻞ ﻛﻠﺸﻲ ﻭﺯﻭﺍﺟﻨﺎ ﻧﻬﺎﻳﺔ ﺍﻟﺸﻬﺮ ...
- ﺳﺮﻭﺓ .. ﺷﻠﻮﻥ ﻣﻮ ﻫﻮﺍﻳﺔ ﻣﺴﺘﻌﺠﻞ ..
- ﺗﻤﻴﻢ .. ﻻ ﺑﻠﻌﻜﺲ ﻣﺎﻋﺪﻧﺎ ﺷﻲ ﻧﺘﺎﺧﺮ ﻋﻠﻤﻮﺩﻩ ..
- ﺳﺮﻭﺓ .. ﻋﻔﻴﺔ ﺗﻤﻴﻢ ﻭﺩﺭﺍﺳﺘﻲ ..
- ﺗﻤﻴﻢ .. ﺻﺪﻛﻴﻨﻲ ﻣﺮﺍﺡ ﺗﺤﺘﺎﺟﻴﻬﺎ ﻭﺍﻧﻲ ﺍﻓﺘﻬﻤﺘﺞ ..
- ﺳﺮﻭﺓ .. ﻻ ﻋﻔﻴﺔ ﻣﻔﻬﻤﺘﻨﻲ ﺑﺲ ﺍﻧﻲ ﺍﻫﻠﻲ ..
- ﺗﻤﻴﻢ .. ﺍﻋﺮﻑ ﻛﻞ ﺷﻲ ﺯﻳﻦ ﺑﺲ ﻟﺘﺒﺴﺒﺴﻴﻦ ﺍﻧﻲ ﺍﻋﺮﻑ ﺍﺗﺼﺮﻑ ..
- ﺳﺮﻭﺓ .. ﻻ ﺗﻤﻴﻢ ﻋﻔﻴﺔ ﺍﺑﻮﻳﺔ ﻳﺘﺄﺫﺓ ﻣﻦ ﻫﺬﺍ ﺍﻟﻤﻮﺿﻮﻉ ﻭﻣﻴﻘﺒﻞ ﻣﺴﺎﻋﺪﺓ ﺑﺎﻱ ﺷﻜﻞ ﻣﻦ ﺍﻻﺷﻜﺎﻝ ﺍﺑﻮﻳﺔ ﺷﻜﺪ ﻣﺘﻌﻮﺏ ﺑﺲ ﻣﻴﺘﻘﺒﻞ ﺍﻱ ﻓﻠﺲ ﺍﺫﺍ ﻣﻮ ﻣﻦ ﺗﻌﺒﻪ ...
- ﺗﻤﻴﻢ .. ﺍﻱ ﺍﻭﻛﻲ ﺑﻤﺎ ﺍﻧﻮ ﺍﺑﻮﺝ ﻳﺸﺘﻐﻞ ﻭﻣﺮﺗﺎﺡ ﻑ ﺍﻧﻲ ﻟﻜﻴﺖ ﺷﻐﻞ ﻻﺣﻤﺪ ﻭﻋﺒﺪﺍﻟﻠﻪ ﻭﻟﻮ ﻋﺒﺪﺍﻟﻠﻪ ﺷﻮﻳﺔ ﺻﻐﻴﺮ ﺑﺲ ﺣﺘﻰ ﻫﻢ ﻳﺘﻌﻠﻤﻮﻥ ﺷﻐﻠﺔ ﻭﻫﻢ ﻳﻄﻠﻌﻮﻭﻥ ﻣﺼﺮﻓﻬﻢ ﻭﺍﺗﻔﻘﺖ ﻭﻳﺔ ﺻﺪﻳﻘﻲ ﻳﺸﺘﻐﻠﻮﻥ ﻭﻳﺎﻩ ﺑﻠﻌﻄﻠﺔ ﻭﻛﻞ ﻣﺘﺼﻴﺮ ﻓﺮﺻﺔ ﺍﻟﻬﻢ ﻭﺭﺍﺗﺒﻬﻢ ﻣﺎﺷﻲ ﻭﻛﺎﻓﻲ ﺗﺮﺓ ﻫﺬﺍ ﺗﻌﺒﻬﻢ ﻭﻟﺘﻜﻮﻟﻴﻠﻲ ﻣﺴﺎﻋﺪﺩﺓ ﻣﻦ ﺍﺣﺪ ﺍﻧﻲ ﻣﻮ ﺍﺣﺪ ﻭﺍﻧﻲ ﺣﺠﻴﺖ ﻟﻌﻤﻲ ﺑﻠﻌﻜﺲ ﺍﻟﺮﺟﺎﻝ ﻛﻴﻒ ﻭﻗﺒﻞ ﺭﺍﺳﻦ ﻭﻳﻮﻣﻴﻦ ﻭﺍﺧﺬﻫﻢ ﻳﻢ ﺻﺪﻳﻘﻲ ﻋﻨﺪﻩ ﻣﺤﻞ ﻣﺎﻝ ﻓﻴﺘﺮ ﻣﺎﻝ ﺳﻴﺎﺭﺍﺕ ﻭﻭﻳﻮﻣﻴﺘﻬﻢ ﺯﻳﻨﺔ ﻭﻫﻢ ﻳﺘﻌﻠﻤﻮﻥ ﺷﻐﻠﺔ ﺑﺎﺟﺮ ﻋﻜﺒﺔ ﺗﻔﻴﺪﻫﻢ ﻻﻥ ﻓﻌﻼ ﺍﺣﺴﻬﻢ ﺻﺎﺭﻭﺍ ﺍﻫﻠﻲ ﻭﺍﺑﻮﺝ ﺷﺨﺼﻴﺔ ﺗﺨﺒﻞ ﻋﺒﺎﻟﻚ ﺍﺣﺠﻲ ﻭﻳﺔ ﺻﺪﻳﻘﻲ ﻣﻦ ﺍﻛﻌﺪ ﻭﺍﺳﻮﻟﻒ ﻭﻳﺎﻩ ...
- ﺳﺮﻭﺓ .. ﺭﺑﻲ ﻳﺤﻔﻈﻚ ﺗﻤﻴﻢ ﻭﻳﺨﻠﻴﻠﻚ ﺧﺎﻟﺔ ﺑﺲ ﺭﺩﺕ ﺍﻛﻤﻞ ﻛﻠﻴﺔ ﻭﻋﺮﻓﺖ ﺍﻧﺘﻮ ﻋﺎﺩﻱ ﺍﻟﺒﻨﺎﺕ ﻋﺪﻛﻢ ﻳﻜﻤﻠﻮﻥ ﺻﺤﻴﺢ ...
- ﺗﻤﻴﻢ .. ﺑﺲ ﻣﺮﺗﻲ ﻣﺎﺭﻳﺪﻫﺎ ﺗﻜﻤﻞ ﻭﺍﺫﺍ ﻗﺼﺮﺕ ﺑﻮﺍﺟﺒﻲ ﻭﻣﻦ ﺗﺤﺘﺎﺟﻴﻦ ﺷﻲ ﻋﻮﺩ ﺫﻛﺮﻳﻨﻲ ﺑﻠﻲ ﻭﻋﺪﺗﺞ ﺑﻲ ...
- ﺳﺮﻭﺓ .. ﻻ ﺣﺸﺎﻙ ﻣﻦ ﻛﻞ ﺗﻘﺼﻴﺮ ﺑﺲ ﻫﻲ ﺍﻣﻨﻴﺔ ...
- ﺗﻤﻴﻢ .. ﻉ ﺍﻟﻌﻤﻮﻡ ﻣﻦ ﺍﻛﻤﻞ ﻛﻠﻴﺘﻲ ﻭﻧﺮﺟﻊ ﻟﻠﻨﺎﺻﺮﻳﺔ ﻋﻮﺩ ﺫﻛﺮﻳﻨﻲ ﺍﻟﻠﻪ ﻛﺮﻳﻢ ..
- ﺳﺮﻭﺓ .. ﺍﻥ ﺷﺎﺀﺍﻟﻠﻪ ..
ﻛﻀﻴﻨﺎ ﻛﻞ ﻳﻮﻡ ﻧﻄﻠﻊ ﻧﺠﻬﺰ ﻭﺭﺣﻨﺎ ﺍﻧﻲ ﻭﺍﻣﻲ ﻟﻠﺸﻘﺔ ﻣﺎﻟﺘﻪ ﻭﺷﻔﻨﺎ ﺍﻟﻐﺮﻓﺔ ﻭﺑﺪﻳﻨﺎ ﻧﺠﻬﺰ ﻭﻓﻌﻼ ﺍﺧﺬ ﺍﺣﻤﺪ ﻭﻋﺒﺪﺍﻟﻠﻪ ﻟﺼﺪﻳﻘﺔ ﻭﺑﺪﻭﺍ ﻳﺸﺘﻐﻠﻮﻭﻥ ﺟﺎﻥ ﺑﻌﺪ ﺍﻟﻤﺪﺍﺭﺱ ﻣﺒﺎﺩﻳﺔ ﻭﺍﺑﻮﻳﺔ ﻣﻜﻴﻒ ﺑﻲ ﻭﺑﺸﻐﻞ ﺍﺧﻮﺗﻲ ﻭﺑﻠﻲ ﺩﻳﺠﻴﺒﻪ ﻳﺠﻴﺐ ﻭﻳﻨﻜﻞ ﻣﻦ ﻛﻠﺸﻲ ﻭﺍﻣﻲ ﺗﻤﺸﻲ ﻭﺗﺪﻋﻴﻠﻪ ﻭﻫﻮ ﻓﻌﻼ ﺛﺒﺖ ﺍﺑﻦ ﻋﺎﺋﻠﺔ ﻭﺍﺑﻦ ﺷﻴﻮﺥ ﻭﺟﺪﺍ ﻣﺤﺘﺮﻡ ﺑﺲ ﻣﺎﻋﺮﻑ ﺍﺣﺲ ﻛﻠﺒﻪ ﻣﻮ ﻭﻳﺎﻳﺔ ﻭﺣﺘﻰ ﺍﻟﻲ ﺩﻳﺴﻮﻳﻪ ﻣﺒﺎﻟﻎ ﺑﻲ ﻣﺎﻋﺮﻑ ﺻﺪﻙ ﺣﺐ ﺍﻫﻠﻲ ﻭﺣﺐ ﻳﺴﺎﻋﺪﻧﺎ ﻭﺣﺐ ﻋﺸﺮﺓ ﺍﺑﻮﻳﺔ ﻣﺎﻋﺮﻑ ﺩﺧﺖ ﺑﺘﺼﺮﻓﺎﺗﻪ ﻭﺧﺎﻳﻔﺔ ﻣﻦ ﺍﻟﻲ ﺟﺎﻱ ﺍﻧﻲ ﻣﺎﻛﻮﻝ ﺣﺒﻴﺘﻪ ﺑﺲ ﺳﻴﻄﺮ ﻋﻠﻴﻪ ﻣﻦ ﻛﻞ ﺍﻟﺘﺼﺮﻓﺎﺕ ﺍﻟﻲ ﺩﻳﺴﻮﻳﻬﺎ ﻭﻓﻌﻼ ﺭﺟﺎﻝ ﻭﺻﺎﺣﺐ ﻏﻴﺮﺓ ...
ﺟﺎﺑﻠﻲ ﺗﻠﻴﻔﻮﻥ ﻭﻳﻮﻣﻴﺔ ﻳﺨﺎﺑﺮﻧﻲ ﺍﺫﺍ ﺍﺣﺘﺎﺝ ﺷﻲ ﻭﻛﻞ ﻓﺘﺮﺓ ﻳﺎﺧﺬﻧﻲ ﻧﺘﻌﺸﺎ ﺑﺮﺓ ﺑﺲ ﺍﺣﺲ ﺍﻛﻮ ﺣﺎﺟﺰ ﺩﻳﺤﺎﻭﻝ ﻳﻌﺪﻳﻪ ﺑﺲ ﻣﺪﻳﻜﺪﺭ ﻣﺒﻘﺔ ﺷﻲ ﻛﻤﻠﻨﺎ ﻛﻠﺸﻲ ﻭﺍﻣﻪ ﻣﺒﻘﺖ ﺷﻲ ﻣﺠﺎﺑﺘﻠﻴﺎ ﺧﺎﻟﺔ ﺍﺟﺘﻲ ﻣﺮﺗﻴﻦ ﻣﻦ ﺍﻟﻨﺎﺻﺮﻳﺔ ﻭﻧﺎﻛﻠﺔ ﺍﺷﻜﺎﻝ ﻭﺍﻟﻮﺍﻥ ﻫﺪﻭﻡ ﺍﻟﻴﺔ ﻭﺫﻫﺐ ﻣﺮﺓ ﻟﺦ ﻳﻌﻨﻲ ﺻﺪﻙ ﺻﻔﻨﺖ ﻫﺎﻱ ﺷﻨﻮ ﺍﻟﺬﻫﺐ ﻫﻮ ﻫﻴﺞ ﻣﺪﺍﺗﺨﻴﻞ ﻧﻔﺴﻲ ﻫﻠﻜﺪ ﺍﻟﺒﺲ ﻭﺟﺎﺏ ﻻﻣﻲ 6 ﺳﻮﺍﺭﺍﺕ ﺍﻣﻲ ﻣﻘﺒﻠﺖ ﺗﺎﺧﺬﻫﻦ ﺯﻋﻞ ﻭﺑﻠﻜﻮﺓ ﺻﺎﻟﺤﺘﻪ ﻛﻠﻠﻬﺎ ﺍﻧﺘﻲ ﺍﻣﻲ ﻭﺍﺫﺍ ﻣﺎﺧﺬﺗﻴﻬﻦ ﻳﻌﻨﻲ ﺗﻌﺘﺒﺮﻳﻨﻲ ﻏﺮﻳﺐ ﻗﺒﻠﺘﻬﻦ ﺑﻠﻜﻮﺓ ﺑﺎﺱ ﺭﺍﺳﻬﺎ ﻃﻠﻌﺖ ﺍﻧﻲ ﻭﻳﺎﻩ ﺍﺟﺮﺕ ﺍﻟﺒﺪﻟﺔ ﺭﺍﺩ ﻳﺴﻮﻳﻬﺎ ﺑﻘﺎﻋﺔ ﻭﺑﺪﻟﺔ ﻣﺎﻝ ﻣﺤﺠﺒﺎﺕ ﺍﺑﻮﻳﺔ ﻛﻠﻪ ﻣﻴﺤﺘﺎﺝ ﺯﻓﺔ ﻭﺻﻮﺭ ﻭﺗﺎﺧﺬﻫﺎ ﻟﺒﻴﺘﻚ ﻣﻘﺒﻞ ﻟﻠﺒﻴﺖ ﻛﻠﺔ ﻣﻮ ﻣﺸﻜﻠﺔ ﻣﻮ ﻗﺎﻋﺔ ﺑﺲ ﺑﻠﻔﻨﺪﻕ ﻭﺛﺎﻧﻲ ﻳﻮﻡ ﻧﺮﺟﻊ ﻻﻥ ﺍﻫﻠﻪ ﻭﺧﻮﺍﺗﻪ ﺭﺍﺡ ﻳﺒﻘﻮﻭﻥ ﺍﺑﻴﺘﻪ ﻭﺯﻓﺘﻲ ﺗﻄﻠﻊ ﻣﻦ ﺑﻴﺘﻪ ﻻﻥ ﻣﻮ ﻣﺎﻝ ﻣﻦ ﺍﻟﻤﺪﺭﺳﺔ ﺍﻧﻲ ﺑﻠﺒﺪﺍﻳﺔ ﺗﺤﺴﺴﺖ ﺷﻮﻳﺔ ﺭﺩﺕ ﻓﻌﻼ ﺯﻓﺘﻲ ﺗﻄﻠﻊ ﻣﻦ ﺍﻟﻤﺪﺭﺳﺔ ﻋﻠﻤﻮﺩ ﺍﺑﻮﻳﺔ ﺑﺲ ... ﺑﺲ ﻋﻠﻴﻬﻢ ﻓﺪ ﻗﺎﺑﻠﻴﺔ ﻳﺤﺴﺴﻮﺝ ﺍﻧﺘﻲ ﻣﻨﻬﻢ ﺣﺘﻰ ﻭﻳﺔ ﺍﻣﻲ ﻭﺍﺑﻮﻳﺔ ﺧﻮ ﺍﻣﻬﻢ ﻓﺪﻭﺓ ﻟﻌﻴﻨﻬﺎ ﻫﻲ ﺻﺢ ﺟﺒﻴﺮﺓ ﺑﻠﻌﻤﺮ ﺑﺲ ﺑﺤﻴﻠﻬﺎ ﺍﻻ ﻣﻦ ﻛﺴﺮﺓ ﺍﺑﻨﻬﺎ ﺭﺍﺡ ﻭﻫﻮ ﺑﻌﺰ ﺷﺒﺎﺑﺔ ﺩﺍﺋﻤﺎ ﺗﺬﻛﺮﺓ ﻭﺗﻜﻌﺪ ﺗﺒﺠﻲ . .. ﺍﺗﻔﻘﻨﺎ ﻉ ﻛﻠﺸﻲ ﺑﺄﻳﺎﻡ ﺧﻄﻮﺑﺘﻲ ﻭﻟﻮ ﻣﻄﻮﻟﺖ ﺑﺲ ﻛﻠﺶ ﺣﺒﻴﺘﻬﺎ ﺗﻤﻴﻢ ﻛﻠﻠﻠﺶ ﺣﻨﻴﻦ ﻭﺧﺼﻮﺻﺎ ﻭﻳﺔ ﺍﻫﻠﻲ ﻳﻤﻮﺕ ﻋﻠﻴﻬﻢ ﻭﻫﻤﺔ ﻫﻢ ﻛﻠﺶ ﻳﺤﺒﻮﻩ ﺧﻮ ﺍﻣﻲ ﺗﻜﻮﻡ ﻭﺗﻜﻌﺪ ﺗﺼﻴﺤﻠﻪ ﺑﻌﺪ ﻛﻠﺒﻲ ﻭﻫﻮ ﺍﻻﻳﺒﻮﺳﻬﺎ ﻣﻦ ﺭﺍﺳﻬﺎ ﻭﺣﺘﻰ ﻳﺼﻴﺤﻠﻬﺎ ﻳﻤﺔ ﺑﻌﺪ ﻳﻮﻣﻴﻦ ﺍﻟﺨﻤﻴﺲ ﺍﻟﺰﻓﺔ ﺍﻧﻲ ﻣﺮﺩﺕ ﺣﻨﺔ ﻻﻥ ﻭﻳﻦ ﺍﺳﻮﻳﻬﺎ ﻻﺣﺮﺟﺘﻬﻢ ﻭﻻ ﺣﺮﺟﺖ ﻧﻔﺴﻲ ﺍﻟﺨﻤﻴﺲ ﻣﻦ ﺍﻟﺼﺒﺢ ﺣﺠﺰﻭﻟﻲ ﺑﺄﻏﻠﻰ ﺻﺎﻟﻮﻥ ﺭﺣﺖ ﺑﻤﺎ ﺍﻧﻮ ﻣﻮ ﻗﺎﻋﺔ ﻓﺤﺠﺰﺕ ﺑﺪﻟﺔ ﻣﻮ ﻣﺎﻝ ﻣﺤﺠﺒﺎﺕ ﻭﺍﻡ ﺍﻟﺼﺎﻟﻮﻥ ﻇﻠﺖ ﺻﺎﻓﻨﺔ ﻭﻟﺞ ﺍﻧﺘﻲ ﺷﻨﻮ ﻣﻦ ﺟﻤﺎﻝ ﺍﺟﺘﻲ ﻭﻳﺎﻳﺔ ﺍﻣﻲ ﻣﺒﻘﺖ ﺍﻳﺔ ﻣﻘﺮﺗﻬﺎ ﻭﺍﺧﺘﻪ ﻟﻤﻴﺎﺀ ﻭﻧﺮﺟﺲ ﻭﺻﻔﺎﺀ ﻭﺑﺖ ﺧﺎﻟﺘﻪ ﺍﺳﻤﻬﺎ ﺷﻴﻤﺎﺀ ﻫﺬﻭﻟﺔ ﺟﺎﻧﻮ ﻛﺎﻋﺪﻳﻦ ﺍﺑﻐﺪﺍﺩ ﺑﺲ ﺑﻠﻌﺮﺱ ﺑﻴﻨﻮﺍ ﻃﺒﻌﺎ ﻧﻈﺮﺍﺍﺗﻪ ﻣﻮ ﻃﺒﻴﻌﻴﺔ ﺭﺃﺳﻦ ﻋﺮﻓﺖ ﺭﺍﻳﺪﻩ ﺗﻤﻴﻢ ﺟﺎﻧﺖ ﻳﺒﻮﻭﻭﻭ ﻉ ﺍﻟﻲ ﺭﺍﺡ ﻳﺼﻴﺮ ﻭﺍﻟﻲ ﺭﺍﺡ ﻳﺠﺮﻩ ﻣﺪﺍﻡ ﺍﻛﻮ ﻋﻴﻦ ﻉ ﺷﻐﻠﺔ ﺻﺎﺭﺕ ﻣﻦ ﻧﺼﻴﺒﺞ ﺧﺼﻮﺻﺎ ﺗﻤﻴﻢ ﻣﻴﺘﻔﻮﺕ ﻣﻦ ﻛﻠﺸﻲ ...
ﺍﻟﻤﻬﻢ ﻛﻤﻠﻨﺎ ﻭﺍﺟﺔ ﺍﻟﺴﺎﻳﻖ ﻣﺎﻟﺘﻬﻢ ﺍﻇﺎﻫﺮ ﺑﺎﻗﻲ ﻳﻤﻬﻢ ﻳﻮﺩﻳﻬﻢ ﻭﻳﺠﻴﺒﻬﻢ ﻣﻦ ﺍﻟﻨﺎﺻﺮﻳﺔ ﺍﺧﺬﻧﺎ ﻟﻠﺸﻘﺔ ﻭﺗﻤﻴﻢ ﻳﻄﻠﻊ ﻣﻦ ﺑﻴﺖ ﺻﺪﻳﻘﻪ ﺍﺟﻮ ﻭﺷﻠﻠﻠﻠﻮﻥ ﻃﻠﺔ ﻭﺷﻠﻮﻥ ﻫﻴﺒﺔ ﺍﺟﺎﻧﻲ ﺑﺪﺷﺪﺍﺷﺔ ﻭﻏﺘﺮﻩ ﻣﺠﻨﺖ ﻣﺘﻮﻗﻌﻪ ﺭﺍﺡ ﻳﺠﻲ ﺑﻬﻴﺞ ﻟﺒﺲ ﺑﺲ ﺷﻨﻮ ﻣﻦ ﺟﻤﺎﻝ ﻣﻮ ﻃﺒﻴﻌﻲ ﻇﻠﻴﺖ ﻓﺎﻛﻪ ﺣﻠﻜﻲ ﺍﺟﺔ ﺑﺎﺱ ﺭﺍﺳﻲ ﻭﻛﻌﺪ ﻳﻤﻲ ﻭﻟﺞ ﺷﺒﻴﺞ ﻓﺎﺷﻜﺔ ﺣﻠﻜﺞ ...
- ﺳﺮﻭﺓ ... ﻫﺎﺍﺍﺍ ﻻﻥ ﺍﻧﺖ ﻛﻠﺶ ﺣﻠﻮﻭﻭ ﻃﺎﻟﻊ ....
ﺿﺤﻚ ﺿﺤﻜﺔ ﻛﻠﻬﻢ ﺍﻧﺘﺒﻬﻮﺍ ﻋﻠﻴﻪ ...
- ﺗﻤﻴﻢ .. ﻭﻟﺞ ﺍﻧﻲ ﻟﻮ ﺍﻧﺘﻲ ﺍﻣﻴﺮﺓ ﻭﻛﺎﻋﺪﺓ ...
ﻇﻠﻴﺖ ﺍﺑﺎﻭﻉ ﺑﻌﻴﻮﻧﻪ ﺑﻜﻠﺒﻲ ﻟﻌﺪ ﻟﻴﺶ ﺩﺍ ﺃﺣﺴﻚ ﻣﺮﺍﻳﺪﻧﻲ ﻭﻏﺼﺐ ﻉ ﻛﻠﺒﻚ ﻣﺎﺧﺬﻧﻲ ﺷﻜﺪ ﻳﺤﺎﻭﻝ ﻣﻴﺒﻴﻦ ﺷﻲ ﺑﺲ ﺍﻧﻲ ﺍﺣﺲ ﺑﻲ ﻋﺒﺎﻟﻚ ﻣﻐﺼﻮﺏ ﻉ ﺗﺼﺮﻓﺎﺗﻪ ... ﻇﻠﻮ ﺍﻫﻠﻪ ﻳﻬﻮﺳﻮﻥ ﺣﺘﻰ ﺍﻣﻪ ﻛﺎﻣﺖ ﻭﺗﺮﻛﺺ . ﺍﻣﻲ ﻭﺍﻛﻔﺔ . ﻳﻤﻲ ﻭﺍﺑﻮﻳﺔ ﻭﺍﺧﻮﺗﻲ ﺑﻠﺒﺎﺏ ﺧﻠﺼﻨﺎ ﻭﻃﻠﻌﻨﺎ ﺍﺑﻮﻳﺔ ﻳﺒﺎﻭﻉ ﻋﻠﻴﻪ ﻭﺍﻟﺪﻣﻮﻉ ﻋﺸﺮﺓ ﻋﺸﺮﺓ ... ﺭﺣﺖ ﻋﻠﻴﻪ ﺑﺴﺘﻪ ﻭﻇﻠﻴﺖ ﺣﺎﺿﻨﺘﻪ ﻟﺰﻡ ﺍﻳﺪﻱ ﻭﺧﻼﻫﺎ ﺑﺎﻳﺪ ﺗﻤﻴﻢ ...
- ﺍﺑﻮ ﺳﺮﻭﺓ .. ﻳﺎﺑﺔ ﺗﻤﻴﻢ ﻫﺎﻱ ﻟﺒﺔ ﻛﻠﺒﻲ ﺗﺼﻮﻧﻚ ﻭﺗﺮﺍﻋﻲ ﺑﻴﺘﻚ ﻭﺍﻱ ﺗﻘﺼﻴﺮ ﻭﺍﻱ ﻫﻔﻮﺓ ﺍﻧﻲ ﺍﺑﻮﻙ ﻭﻟﻴﺪﻱ ﺗﺠﻴﻨﻲ ﻭﺍﺧﺬﻟﻚ ﺣﻘﻚ ﻣﻨﻬﺎ ﺑﻨﻴﺘﻲ ﺩﻳﺮﻱ ﺑﺎﻟﺞ ﻉ ﺍﺑﻮ ﺑﻴﺘﺞ ﺳﺮﻩ ﻣﻴﻄﻠﻊ ﺣﺘﻰ ﻻﻣﺞ ﻣﺎﻭﻭﺻﻴﺞ ﺑﻌﺪ ﺍﺑﻮﺝ ﺑﻮﺳﻨﺎ ﻭﻃﻠﻌﻨﺎ ﺩﻣﻮﻋﻪ ﺷﻠﻌﺖ ﻛﻠﺒﻲ ﻣﺘﺖ ﻗﻬﺮ ﺑﻮﺳﺖ ﺍﺧﻮﺗﻲ ﻭﺍﻣﻲ ﺍﺟﺘﻲ ﻭﻳﺎﻳﺔ ﺍﺑﻮﻳﺔ ﻭﺍﺧﻮﺗﻲ ﺭﺟﻌﻮﺍ ﺭﺣﻨﺎ ﺍﺧﺬﻧﺎ ﺟﻢ ﻟﻘﻄﺔ ﻳﻢ ﺍﻟﻤﺼﻮﺭ ﻭﻃﻠﻌﻨﺎ ﺣﺴﻴﺖ ﺗﻤﻴﻢ ﺑﺪﺓ ﻳﺘﻀﺠﻮﺭ ﻣﺎﻋﺮﻑ ﻋﺒﺎﻟﻚ ﺍﻛﻮ ﺷﻲ ﺿﺎﻳﺞ ﻣﻨﻪ ﻭﺍﻧﻲ ﻛﻠﺒﻲ ﻃﺒﻞ ﺯﻓﻮﻧﺎ ﻟﻠﻔﻨﺪﻕ ﻭﺍﻣﻲ ﺻﻌﺪﺕ ﻭﻳﺎﻳﺔ ﻭﺧﻮﺍﺗﻪ ﺍﻣﻪ ﺍﻟﺤﺠﻴﺔ ﺑﺎﺳﺘﻨﻲ ﺟﻮﺓ ... ﺑﻨﻴﺘﻲ ﺍﻟﺴﺒﺎﻋﻴﺔ ﺩﻳﺮﻱ ﺑﺎﻟﺞ ﻋﻠﻴﻪ ﻭﺭﺩﺓ ﻭﺍﻟﻠﻪ ﻣﺎﺧﻴﺮﻩ ﻋﻨﺞ ﺑﺴﺖ ﺭﺍﺳﻬﺎ ﻭﺻﻌﺪﻧﺎ ﺍﻣﻲ ﺑﻠﻐﺮﻓﺔ ﻛﺎﻋﺪﺓ ﻭﺗﻮﺻﻲ ﺑﻲ ﺍﺳﻤﻌﻲ ﻛﻼﻣﻪ ﻳﻤﺔ ﻭﻟﺘﻌﺎﻧﺪﻳﻦ ﺯﻳﻦ ﺫﻭﻟﺔ ﺷﻴﻮﺥ ﻳﻌﻨﻲ ﻻﺯﻡ ﺗﺼﻴﺮﻳﻦ ﻣﻄﻴﻌﺔ ... ﺑﻠﺔ ﻫﻮ ﻫﻴﺞ ﺍﻟﻴﻔﻬﻢ ﺑﻬﻴﺞ ﻳﻮﻡ ﻫﻤﺰﻳﻦ ﺻﻔﺎﺀ ﺧﺮﻃﺘﻠﻲ ﻛﻠﺸﻲ .. ﺍﻟﻤﻬﻢ ﺑﻮﺳﻮﻧﻲ ﻭﻃﻠﻌﻮﺍ ﻭﺭﺓ ﻧﺺ ﺳﺎﻋﺔ ﻳﻠﺔ ﺩﺧﻞ ﺗﻤﻴﻢ ﺑﺲ ﺷﻨﻮ ﻫﻤﻮﻡ ﺍﻟﺪﻧﻴﺎ ﻉ ﺭﺍﺳﻪ ﻃﺐ ... ﺳﻠﻢ ﻭﻛﻌﺪ ﻳﺪﺧﻦ ﺗﻘﺮﻳﺐ ﻧﺺ ﺳﺎﻋﺔ ﺍﻧﻲ ﺻﺎﻓﻨﺔ ﻋﻠﻴﻪ ﻋﺎﺩ ﺍﻧﻲ ﻛﻤﺖ ﺍﺭﻳﺪ ﺍﻣﺪﺩ ﻇﻬﺮﻱ ﻭﺍﻛﻒ ﻣﻦ ﺍﻟﺼﺒﺢ ﻛﺎﻋﺪﺓ ﻛﻤﺖ ﻃﺒﻴﺖ ﻟﻠﺤﻤﺎﻡ ﻭﻃﻠﻌﺖ ﻟﻜﻴﺘﻪ ﻛﺎﻋﺪ ﻉ ﺍﻟﺘﻠﻔﺰﻳﻮﻥ ﺑﺲ ﺑﺎﻟﻪ ﻣﻮ ﻭﻳﺎﻩ ﺍﺑﺪ .. ﺭﺣﺖ ﻋﺪﻟﺖ ﺍﻟﺒﺪﻟﺔ ﺍﺣﻨﺔ ﺣﺠﺰﻧﺎ ﺳﻮﻳﺖ ﻛﺎﻣﻞ ﻓﺒﻌﺘﺒﺎﺭ ﻏﺮﻓﺘﻴﻦ ﺻﺎﺭﺕ ﺻﻨﻄﺔ ﻃﻠﻌﺖ ﻟﻜﻴﺘﻪ ﻣﺎﻛﻮ ﻛﻌﺪﺕ ﺍﺗﻔﺮﺝ ﻉ ﺍﻟﺘﻠﻔﺰﻳﻮﻥ ﻋﻠﻤﺎ ﻳﺮﺟﻊ ﺟﻮﻋﺎﻧﺔ ﺍﺭﻳﺪ ﺍﻛﻞ ﺑﺲ ﻛﻠﺖ ﻣﻦ ﻳﺠﻲ ﻧﺎﻛﻞ ﺳﻮﺓ ﻋﻴﺐ ﻣﻴﻜﻮﻝ ﻣﺸﺎﻳﻔﺔ ﻭﺍﺳﻤﻊ ﺻﻮﺕ ﻓﺎﻳﺒﺮ ﻣﺎﻝ ﻣﻮﺑﺎﻳﻞ ﻋﺒﺎﻟﻲ ﺗﻠﻴﻔﻮﻧﻲ ﺍﺑﺎﻭﻉ ﻧﺎﺳﻲ ﺗﻠﻴﻔﻮﻧﺔ ﻭﺩﻙ ﻣﺴﺠﺎﺕ ﻉ ﺍﻟﻔﺎﻳﺒﺮ ﻣﺴﻜﺖ ﺍﺑﺪ ... ﺍﺑﺎﻭﻉ ﻋﻼﺳﻢ ﺳﻤﺎﺍﺍﺍﺍﺍﺍ