اليوم: الإثنين.
التاريخ: 21.6.2021.
الساعة:

اللهم آمين.

بما أنه اليوم السابع وصار لنا أسبوع ف رح نغيّر الثيم للصور وهيك، هابي ويك، فخور فيكم!

---
مر اليوم بخير، صليت، صمت، قرأت قرآن، خلصت كتاب فاتتني صلاة وبدأت بكتاب لماذا يحب الرجال العاهرات، الاسم مش مطمن يب لكنه حلو. 😂
ما صار أشياء كتير، خلصت الموسم السادس من himym، ولعبت شوي من تومب رايدر.

بالنسبة لكتاب فاتتني صلاة؛ بقلك مدة دورة النوم العميق هي نصف ساعة، وحتى تشبع نوم لازم تنام مضاعفات هي النصف ساعة، مثال:
مضاعف = ثلاث ساعات.
مضاعف = أربع ساعات ونص.
مضاعف = ست ساعات.
مضاعف = سبع ساعات ونص.
مضاعف = تسع ساعات.

هي الصورة للتوضيح بشكل أكبر:

---
بإذن الله قررت اعطي دروس لأخواني خصيصًا باللغة العربية حتى يراجعوا الكتابة والقراءة، في إشاعة تقول أنه الأونلاين للمدارس رح يستمر لعشر سنين وأخواني ماكلين تبن لأنه مدرسينهم مش هالاهتمام، يعني معهم حق إذا أنا كطالب بتعب فما بالك هم؟

والأهل وأولهم أهلي مش معطين اهتمام كبير للموضوع.

but I do cuz no brother of mine will grow up not knowing how to read or write.

أصلًا من هلأ عم ببدأ أقرأ قدامهم حتى يشوفوني ويتحفزوا للقراءة، إن شاء الله بس يصير معي مصاري رح أجيب لهم كتب مصوّرة وقصيرة حتى يبدأوا عالقراءة من هلأ. وأصير أعمل جدول لهم وأخليهم يتعودوا على عادات منيحة من الصغر، آلريدي اقنعت أخوي يصوم معي اليوم لكن الحمار أكل ثلج، يلا المهم النية إن شاء الله الخميس يصوم معي.

اليوم جبتهم وخليت كل واحد فيهم يكتب شو الأشياء يلي بدو اياها ع ورقة، وقلت لهم أنه رح نيجي لهي الورقة السنة الجاي بنفي التاريخ حتى نشوف لو صارت الأشياء يلي كتبناها.
حكيت أنه رح نلتزم بالصلاة ونصير نحفظ قرآن ونقرأ كلنا سوا، وإن شاء الله رح يرزقنا ونشتري كل شيء بدنا اياه.

أخوي الصغير كتب بدو آيباد وبلاي ستيشن فايف ويعرف يقرأ ويكتب -ساعدته بالكتابة- الثاني إنه ينحف وكمان يحفظ قرآن. أنا حطيت إني أقرأ 100 كتاب، آلريدي مخلصة 30 لهيك رح استمر حتى اشطب هالخانة وأورجيهم أنه بالنهاية رح يصير كل شيء بدنا اياه لو اجتهدنا.

بدي اياهم يتعلموا هالأشياء من هلأ حتى لما يكبروا ما يعانوا، كل شيء تعلمته كان بعد موجات حزن ويأس قوية مع الكثير من جلد الذات، لكن لو تعلموا من هلأ بكون افضل لهم وبصيروا يشوفوا الحياة من منظور غير، اي سوير اني فخور بنفسي. 😩

وأنتو شو سويتوا اليوم؟

++صحيح مبارح أكلت خبز لهيك حذفت عملت إخفاء لتطبيقات التواصل الاجتماعي والأغاني لمدة أسبوع وبس يخلص الأسبوع برجعهم. 👍

---
حرق لبكرا:
-صلاة، قرآن.
-تدريس أخواني.
-ترتيب تلفوني.
-كم حلقة من المسلسل.
-إنهاء الكتاب والبدء بواحد جديد.

وأنتو شو حرقكم لبكرا؟

كونوا بخير إيميز، لوف يو. 🤎