هلووو طبعاً القصة بيهه عبرة وهي صغيرة وبالفصحة بس اني حسويهه بالعامية 😊

مرة الدكتور سعد بالجامعة فشاف شاب ده يحجي ويه البنات بالجامعة وآخر مرة شافة ويه بنية وحدة وأكثر من مرة....
فصاحلة الدكتور وكالة تعال....
الدكتور: شلونك
الشاب: الحمد لله
الدكتور: انت بيا مرحلة؟
الشاب: مرحلة ثالثة ..
الدكتور: البنية الي جنت تحجي وياهه زميلتك؟
الشاب: نعم ..
الدكتور: ممكن اسالك سؤال وتجاوبني بكول صراحة..
الشاب: تفضل
الدكتور: انت راح تتزوج زميلتك؟
الشاب: لا طبعاً
الدكتور: ليش؟
الشاب: اني اعرف انو اي ابنية تحجي وياية بلا خطبة ولا زواج ما راح اتزوج من عدهه
الدكتور: ليش؟
الشاب: اني اعرف انو البنية الي توكف وياية راح توكف ويه غيري وما اريد تكون زوجتي بالمستقبل من هذه النوع.
الدكتور: زين ليش توكف وياهه وتكوللهه حجي جذاب ورومنسي.
الشاب: اني اتسلى بس واني ما جابر اي ابنية هي تجي وتحجي وياية بكامل ارادتهه.
الدكتور: زين هم كلت لبنية على هاي الإمكانات ورفضت تتمادى وياك بالعلاقة..
الشاب :نعم كثيراً ..وطبعاً تكون هاي البنية كولش جبيرة بعيني وما اتعرض الهه
الدكتور: يعني انت تحجي ويه البنات الضعيفات وتوهمهن بالزواج وانت ما تريد هذه الشي...
الشاب: وهذا الي ده يصير😞
الدكتور: شتسوي اذا شخص سوه هيج ويه اختك.
الشاب:مستحيل يصير هيج.
الدكتور: بس ممكن يصير بس يجوز هاي الي واكف وياهه يكون عدهه أخ أفضل منك وأب وأم وأهل وهمه ما يدرون شديصير وياهه..
الشاب: صحيح كلامك.وبعد ما راح اعيدهه من هسه وراح اروح أعتذر للبنية..

والأن النداء للفتيات❤🌸
"فلتحذرن من هذا الصنف من الشباب،ولا تنخدعن بهذه الكلمات المعسولة التي فيها التمثيل والخداع واضح"........

أتمنى تكون وصلت الفكرة....
الكاتبة ضحى حسين😊🌼💛
طبعاً من كتاب "الدكتور سعد رياض "