السلام عليكم
.

من هسة اكول عديم الانسانية والشرف خل يطلع برا
لحد يكول تنشر ع دول العالم وبلدك متنشرلة
اي اعرف هيج عقليات
اني جاي اسلط الضوء ع احداث الاعلام خافيها
ما اروح انشر شي العالم كلة يدري بيه مثلا منو اني ومنتظرين مني هيج شي
.

المهم بدون ما اطول بالكلام
مظلومية الشيعة في نيجيريا
رئيس الشيعة هناك الشيخ ابراهيم الزكزاكي
رجل سياسي وصاحب نفوذ هناك
تعرض ثلاثه من ابنائه للقتل فقط لانهم احيوا يوم القدس العالمي
طبعا مو هذا العذر لا
بسبب هويتهم
حيث حتى اخته تعرضت للحرق ع ايدي الدولة"!!
هذا كبير الشيعة وسياسي وهكذا تتعرض عائلته للقمع
فما بالكم بالشيعة الفقراء الي معدهم أي نفوذ او سلطة؟
هذا اليصير وياه
.

اما شيوخنا
.

الشيخ حسن شحاته رحمه الله في مصر
والشيخ نمر باقر النمر رحمه الله السعودية
والشيخ ابراهيم الزكزاكي حي يرزق لكن الان في السجون بتهمه تعامله مع الارهاب"!!
طبعا حجه بس حتى يعتقلونه
نسال الله ان يفك اسره
.

بذكر الشيخ حسن شحاته
خل نتكلم بشيعة مصر (للمعلومة اكثر شيعة مظلومين شيعة مصر)
في مصر لا توجد حسينية واحدة للشيعة"!!!
يعني الشيعي اليريد يصلي صلاة جماعة لازم بالبيوت وتختل حتى لا ينقتلون"!!
للمعلومة ان الشيعة بمصر عددهم مليونين"!!!
طلع شيخ مصري يكول اي الكنائس للمسيح عادي معدنا مشكلة وياهم لكم دينكم ولي دين
وبغير لقاء
لا تواجد للشيعي ع ارض مصر"!!
.

طبعا نعاتب الازهر الشريف الذي اثبت نفسه غير شريف بعد هذه الاحداث
سابقا كان اليامر وينهي بمسآل الدين
والان يرأسه ثلة من الجبناء
سكتوا عن المظلوم بتهديد من العصابات الارهابية
طبعا همَ زينين مو وهابية بس ذنبهم ساكتين ع الظلم والساكت عن الحق شيطان اخرس يا شيوخنا 🙂
تذكرت فلم عادل الامام (الارهابي)
يتكلمون ع الارهاب بمصر كان قليل وتحاربه الحكومة
الآن اصبحوا ضمن الدين ويمثلووون الاسلام 🤦‍♂️
طبعا الهيئة الاسلامية للدفاع عن الصحابة والآل 😂😂
يعني حتى الاسم يخزي الـ آل شنو لازكيها بالاخير 🐸
المهم الي يترأسها الارهابي وليد اسماعيل من سألوه عن مقتل حسن شحاته يكول اي اني فرحت
بربكم وين اكو مسلم ومتدين وشيخ وعالم مدري دكتور مدري شمسمي روحة
ويرضى بالقتل
وجريمة المقتول فقط كال لا وجود لحديث العشرة المبشرين بالجنة؟؟؟
.

ومن غير الطلي الداعشي رامي عيسى
اتصال مباشر يهدد شيعي يكول والله لو بيدي اقتل رجالكم واسبي نسائكم ونجعل اطفالكم خدم لنا
هاا هاي عووود رامي عيسى الدكتور الباحث الاستاذ العالم الشافط الطلي بدين الشيعة 😂😂
دارس وخبصة علمود علم الشيعة بدال محاربه الالحاد لو ذولة الوثنيين 🤦‍♂️
المهم شيخ الاسلام رامي عيسى يهدد الشيعة بالسبي والقتل
لعن الله كل شيخ بالازهر جباان سكت عن هل مجرم الارهابي
.

وهناك قصة شيخ مصري اخذ وياه جماعة لزيارة الاربعينية وخلال رجوعهم بالمطار اوقفوهم 4 ساعات"!!
عبالك ارهابيين مو جايين من الزيارة
طبعا اخذوا شكو تربة جايبينها من كربلاء وعافوهم"!!
الله اكبر لك هي تربة
ما فالحين تفتشون الارهابيين والدواعش المفخخين
بس ع تربة سبط رسول الله كادرين
.

وانقللكم قصة المحامي المصري المتشيع عيد ورداني
تعرض للتهديد والطرد من الوظيفه
ترك قصره واملاكة كلها وزوجته واطفاله واخذ سيارته وانتقل للعيش بجامع بقرية وانطرد من بيت الله هم 🙂
والان يعيش بشقه حالها حالة ويشتغل تكسي
وعنده قناة ع يوتيوب يتكلم بتجربته هذه
ترك حياة الرفاهية لحبه لاهل البيت عليهم السلام
طُرد من وظيفته وتهجر من بيته بجريمة هي حبهُ لعلي عليه السلام
كم مكانته عظيمة عند الله
ان شاء الله الفرج قريب استاذنا يوم يُقتل كل ظالم ونأخذ بثأر المظلوم
.

والان مظلومية الشيعة بالسعودية
طبعا الشيعة بالسعودية حالهم حال زمن صدام بيهم غني بيهم فقير اكو مجالس وحسينيات بس بالختلات
لكن تعرفون ظلم حكام آل سعود لعنه الله عليهم
الطفل زكريا الجابر
كانت امه ذاهبة لمكة ومعها ابنها زكريا لسبب او لآخر وما اعرف الظرف الي خلاها تطلع وحدها وي ابنها
ساعتها سايق التكسي شاف علگ اخضر بيد ابنها
سألها انتم شيعة؟
ومن جاوبته بنعم سكت وظل يخطط
وكف يم مطعم
وبجانب المطعم مقهى
انتظرهم يطلعون
ومن طلعت سحب ابنها من ايدها وطب للمطعم وضرب الكرسي بإحدى الطاولات الزجاجية (طبعا بعد اخذ اذن صاحب المقهى ودفع سعرها"!!!)
المهم اخذ قطعة من الزجاج وقام بذبح الطفل حيث نحره"!!
والناس في المقهى لم يحركوا ساكناً بل منعوا ام زكريا بحماية ولدها
سائق التكسي القوا القبض عنه وافرجوا عنه بنفس اللحظة
والله شنو السايق مختل عقلياً معذور"!!
هسة هو صاحي وقتل الطفل بدافع الحقد وسويتوه مجنون ميخالف
بس هو قتل يعني اقل شي تودونه لمصحة عقلية تعرضونه ع اطباء خاف يقتل بعد
بس لا عليمن هو قتل طفل شيعي چلب ومات شنو المشكلة
.

وقتلوا الشيخ نمر باقر النمر لاعتراضه ع حكم آل سعود"!!
الشيخ اعترض وتظاهر تظاهر سلمي بالكامل لكن هاي بعد اليوكف بوجهم ولو بكلمة ينقتل
طبعا نشوف شلة عراقيين مخدوعين يردون يصيرون مثل السعودية
حبيبي جان هسة عندك بدل 700 شهيد
100 الف شهيد
وماعرف كلامي راح يغير وجهة نظرك
لو تكول اهم شي عدهم نت قوي 😂
خلوني ساكت
.

اما العراقيين بصورة عامة
جاي يدفعون ثمن اخطائهم فقط
يسرق ويكذب ويزني ويشرب وظالم
وكل هاي جاي يتمسكن ويريد وضعه يستعدل وهو يكفر بالله
ركزولي ع يكفر بالله
حتى الدواعش ما يكفرون بالله هاي بس عدنا
ولحد يكلي سامع فلان دولة يكفر ومدري شنو
الكفر عدنا علني احنا حتى بالبث المباشر وبالكروبات والميمز وبكل مكان
قال تعالى (وما ظلمناهم ولكن كانوا انفسهم يظلمون)
هو البلد اليطرد صاحب الزمان عجل الله فرجه شتترجة منه تظل بيه بركه
وخاصة بلد ائمة وانبياء وكل هاي اعمالنا ابسط شي الله ظالمنا خلة عدنا احزاب
وبعد وبعد راح تشوفون الويل 🤦‍♂️
.

بالمناسبة اهواي راح يضوجون ع كلامي بخصوص الظلم الي بالعراق لان الافعال الذكرتها تتطابق مع افعالهم وهسة يبدي القذف ذيل ومو وطني ومن هل حجي
حتلو مراح يحجي بالتعليق راح يحجي بقلبه وما اريد اخلي شي بقلبكم احبائي راح ارد عليكم اجمعين
شوف ماكو داعي اصير لوگي حتى اصير وطني
هذه بلاد اجدادي ومو اجدادك
البلاد مُلك لاجدادي مو اجدادك
والي راح يحكم العالم مستقبلا هو جدي المهدي عجل الله فرجه تمام
وبيوم القيامة الله ميكول: ااهاا انت عراقي والنعم منكم ناس طيبة فوت للجنة
ها انت من السعودية وهابية فوت لجهنم
لا بابا لا
الجنة للمؤمن لا لون ولا بلد ولا هل مضرطة هو البلد شنو البلد هي كلها كاع الله ع اختلاف مسميات هسة مسوينها خبصة وع اساس انت اختاريت تصير عراقي
وهاا اقسم بجدي رسول الله
لو رب العالمين ينطيكم مجال تختارون البلد التنولدون بيه
جان كلكم ردتوا اوربا
فلا تمشوهن علية 😉
بدال ما تتسابقون منو يحب العراق اكثر
تسابقوا بدينكم اشرفلكم
راح تفيدون نفسكم
وراح تفيدون العراق الله راح يرحمنا
وترى بس المطي اليكره البلد الي انولد وترعرع فيه
.

في امان الله
.