عيد المرأة مدري يوم المرأة 🥀
السلام عليكم
.
سيبوكم من العنوان الخنفشاري
.
كل عام وجميع النسوان بخير
عموما ما اعرف شكول بهل فقرة 🌚
.
اي خل انطيجن نصايح بما انو اكثر شي فالح بيه
.
بما انو عيد المرأة وهاي الكلاوات
طبعا كلت كلاوات لان انتن متحتاجن عيد
انتن العيد نفسه"!
وجودجن بالحياة سعادة
بدونجن ماكو حياة
مع احتراماتي للماء خل يطبگ ع صفحة النساء اولى بأن يكونن اساس الحياة 😍
.
ههههههههههههههههههه خرب هبل اوك بالغت (شوي)
بس صدگ يعني شايفين مثلا عائلة بيها بيبية طيبة وتجمعهم بالمناسبات وتصالح الزعلانين اذا ماتت شلون الاسرة تتفكك ومحد يدري عن الثاني 💔
.
عوفونا من جو الحزن (يعني انت لازم تذكر موقف سلبي 😒)
فـ هسة الي اريدة منجن وخاصة البنات اليدرسن
اسعِ لتحقيق حلمكِ
معليج بكلام اهلج وشنو المجال الي يردونة 🤦♂️
لان اولا راح تدرسين بمجال متحبينه ومراح تبدعين بيه
وثانيا من الممكن من الارتباك والخوف (خاف ما تطلعين المعدل الرايدينة منج) انوب ما تطلعين درجة نجاح
ميهم حجم المجال التردينة حتى لو تشوفين الشهادة متواضعة او ما مدعومة بالعراق حاليا
باجر عگبة كلشي يتغير
صيري مثل زها حديد
بنوا احد ملاعب قطر المستضيفة لكأس العالم 2022 من تصميمها
رغم هي ماتت لكن عملها لم يمت
وبالنسبة لاهلج حتى لو حجوا غصبا عليهم يتقبلون قرارج بيوم من الايام 😊
(طبعا ما اقصد تسوين حماقات غصبا ع اهلج بس جاي احجي من ناحية حقوقج بالزواج والدراسة معليج بيهم بس الشغلات الباقية ناقشيهم)
.
وبالنسبة للبنات الي ظرفهن ما سمحلهن يكملن دراسة
فـ اكو مهن كثيرة تكدرين تبدعين بيها دون الحاجة للشهادة
وهمين اذا سمحلتج الفرصة ترجعين للدراسة بأي وقت من الاوقات لا تفوتيها
لان الدراسة الخارجية صارت اسهل وخاصة بتواجد العديد من المدرسين المجتهدين في اليوتيوب ❤️
اني مجربهم
يوصلون الفكرة احسن من مدرسيني رغم الشرح مو مباشر امامي
.
خلصنا من الجانب العلمي ننتقل للجانب الاخلاقي
كـ امرأة اهم شي ما تكونين حقودة
عوفي السوالف الباقية ع صفحة كلهن ممكن يتعالجن
بس الحقد كارثة
انتِ منبع الرقة والحنان شلون تكونين حقودة؟ (الي تكلي خجلت اقتلها💔)
وطبعا من مشتقات الحقد الحسد والكذب والنميمة وبوگ الزلم ههههههههه (ادري جبس هو وتبوگة 🤣)
فـ اي ماكو شي يسوة تحقدين ع احد هي الحياة فانية وكلنا ميتين 🙂
وعمرها البنت الحقودة لا تكون ام ناجحة
ولا مهنياً ناجحة
ومهما قرأتي من كتب ثقافتج 0
شنو فائدة الكتب والخبصة وانتِ حقودة
ودينيا رب العالمين وصاحب العصر والزمان (عجل الله فرجه) ما راضين بيج الامام شلون يبني جيشه وام جنوده حقودة
ماشي يبعد اخيج صيري لطيفة كلنا راح نحبج ونساعدج 😊❤️
لتكولين رأي الناس بية مو مهم
اني هسة مثلا لو كلها ما تحبني بالوات
او خل نكول كلها ما تحترمني
يعني الخلل بية مو من الناس
.
الله يفرج عن كل امرأة مظلومة
وخاصة امهاتنا واخواتنا في اليمن وفلسطين وسوريا والعراق
وجميع المظلومات في بقاع الكرة الارضية
.
وفي النهاية
كلامي من ناحية دينية وانسانية
لا تنعجبين بية رحم الله والديج 🙂💔
.
في امان الله
.
Bạn đang đọc truyện trên: Truyen247.Pro