السلام عليكم
.

اولا وقبل البدء وي حظي نشرت اهم بارت بالكتاب وهو (الرد ع الوهابية) وي الحظ صادف الاغلب غايب لو ميدري للماقاريه خلي يقراه والله حرامات عندي بارتات مخذن مني وقت ولا تعب وواصلات 800 مشاهدة وهذا خذيت بيه ساعات بحث وهاي وواصل 200 بس 😒
.

المهم ارجو منكم الدعاء للاخت تمر بظروف عصيبة وتصارع المرض
طبعا ما اكدر اذكر شنو هو لان مسمحت الي اذكر الفاصيل
.

المهم لتنسون متابعة امام العصر والمرجع الاعلى وشيخ الاسلام عاشق البيكيسي في ببجي ... حويدر
HAIDA_R
..

واخيرا راح ابدي بالبارت يمكن اطول مقدمة اسويها 😂
.

المهم احنا بمجتمع ذكوري اكيد ومحد ينفي او يعترض ع هل شي كل بنية لازم مظلومة من فد ناحية وبسبب ظروفها تلتجئ مثلا لشخص تسميه صديق وتشكيلة (هنا مو حرام طبعا)
لكن الحقير يجذبها باسلوبة وبعدين يكللها احبج 🐸
هي مدام شافتة يسمعلها وهاي ويخفف آلامها وخاصة اذا كانت مراهقة بعد تكول هذا اكيد يوكف وياي باصعب الظروف ومن حقها هل اعتقاد اذا هي مشايفة الحنان من اسرتها واول واحد يحن عليها هو
.

بس تعرفون بعد الشاب العربي يهمة الجمال والدلع والرومانسية وبس لا يباوع لاخلاق ولا ثقافة مستعد يزوجلة عاهرة عادي جدا لان اصلا ذكر هو معدوم الغيرة والرجولة
.

راح يظل يطلب غزل وهاي السوالف المحرمة الي ملازم تصير الا بين المتزوجين اذا منجح بهل مهمة وخاصة هي مراهقة مو كلهن مولعات بالغزل وهاي مو كلهن يعرفن فـ يظل يجاهلها ويخونها والسلام يطگها بلوك
.

واذا نجح وظلت تغازلة راح ينزل لل18+ واذا منطتة مجال يلتجئ للصور واذا مطلعتي بالذوق اليحبة هم يضربج بلوك
واذا طلعتي ع ذوقة مراح يرتاح اذا مدزيلة صلوخ
هو اصلا اليحب ما يطلب هل سوالف لان الحب مو نزوة الحب المبني ع النزوة يكون مؤقت
.

المهم نستنتج هنا انو هذا الزمال الحنين سودة علية كاتلتة مشاكل بنات العالم ويسأل عليهن ويستلطفهن ويكللها ازوجج واعيشج بنعيم ولا يكعد النبي محمد 😒
تشوف اختك بالاول ادزك ع اندومي متجيبلها تشوفها ضايجة متكللها شبيج منو وياج
مسوي روحك حنين براس بنات العالم 🙂
اول شي فكر بيها مثل ما بنت الناس معدها احد تشكيلة واضطرت تشتكي للغريب
اختك هم راح تضطر لذلك وهم راح يجيلها ابن حرام مثلك
.

البنات الي مرن بهل سالفة مرة واحدة تكون معذورة من الله عز وجل لان كان لها درس اما اذا اعادت الكرة فهذا من الغباء حقاً
الاحمق من يعثر بالحجر مرتين
لان مرتين وثلاثة واربع واخشى ان ياخذج الواهس 😂 لكن عادي لتضوجين ذنب وتكفرين عنه سهلة
(احب الزگ فصيح وعامي معليكم)
.

المهم بالنهاية مستحيل شاب يحبج وهو مشايفج وعن طريق الموبايل وميعرف شي عنج خاف جانت نسبة نجاح حب النت قبل شكم سنة 1% هسة 0% وبعدين شلجن بهل سالفة هو السمعلج بالبداية اذا يخاف الله يظل الج سند ويعاملج كأنسان مظلوم حزين شوي يسعدة وهنا الة الاجر والثواب مو يعني حباج راح يخلصج من الي تمرين بيه!!! المنقذ والمنجي هو الله وحده ارجو متكفرين وتعتمدين وتقدمين المخلوق ع الخالق حبي ربج افضل.
.

الدنيا كـ امتحان والامتحان تعتمد ع نفسك وقرايتك مو ع زميلك زميلك اكيد ما يضيع تعبة عليك وينطيك الحل!! 🙂
.

وبني جنسي بالله معدوم الحجي وياهم ما اتعب روحي احسن شتترجة من بشر اذا بنية شكتلة مشاكلها يعني عاهرة ومشتهية هيج تفكيرهم جماعتي (جماعتي من 14-30 سنة اعمارهم) يعني الناضج والمراهق نفس التفكير
.

المهم انتهى البارت
راح اغيب شهرين ورة الامتحانات ارجع يعني افتح بس قليل
.

ربكم ستر كتبت 300 كلمة من البارت ودست ع ترجمة بالغلط جان صار البارت باللغة الفارسية ربكم ستر صار كلتش تعرفون تحديث الوات جديد مليان تمضرط الحمد لله 😂😂
.

تصبحون ع خير
.