السلام عليكم
.

خطبة الجمعة يحضرها نوعين من الناس
الاول الي تهمة الخطبة لان هو مقلد للمرجع السيستاني دام ظله
.

الثاني فالح بس يعير يعني ع اساس اسيادة مسوين شي
.

المهم بدأت الخطبة دينية واني اعلم هم راح يقلدون ع هاي الفقرة حيث ذكروا حديث امير المؤمنين عليه السلام
(الحجر الغصيب في الدار رهنٌ على خرابها)
.

واوضح معناه السيد الصافي وقال الشيء المأخوذ غصب حتى لو كانت حجارة صغيرة مثل ما نكول الها حوبة
.

وجان الحديث بيه بسمار واضح للوزراء والنواب وكل شخص سياسي لان فلوسهم كلها حرام والهم يوم يحصدون الحرام سواء بالدنيا او بالآخرة
.

اما بعد من ما ذكرته المرجعية بخصوص المظاهرات
اولا الله يرحم شهداء العراق وخاصة الناصرية والنجف الاشرف
وطلبوا سابقا وما زالوا مستمرين ع طلب السلمية وعدم التعدي ع المتظاهرين السلميين كون ان البلد ديمقراطي بس المايخاف من الله يسمع كلام مرجع بعد
.

وايضا بتشكيل حكومة جديدة وانتخابات مبنية ع اختيار الشعب بدون غش وتزوير
.

وقالوها بالانتخابات السابقة ان المجرب لا يجرب وعادل عبد المهدي مجرب سابقا كان يرأس وزارة المالية وباگ خير من الله ثم استقال سنتين ورجعوه بمنصب رئيس وزراء!!!
.

اذن الفساد واضح ومابيدها المرجعية الا الكلام والمطالبة بحقوق الشعب لان لا دخل للدين بالسياسة حتى يكونوا صاحب القرار
.

اكو البعض عبالهم المرجع وناس تحترمة يعني الكل يسمعة وبس كلمة منة يغير كل شيء
.

حسناً لنفترض طالبت المرجعية بالهجوم ع الخضراء عدك سلاح؟ وحتى لو سلاح غير بندقية عادية لو مسدس وبالمقابل راح تواجه جيش مسلح بسلاح كامل راح تصير مجزرة مثل مجزرة الشعبانية عام 1991 والضحية اكثر من 300 الف شهيد
.

وما ميتين ترة علينا الحكومة لو 10 ملايين شهيد چلاب وماتت يكدرون يطلعون للخارج ويعيشون عيشة ملوك ولا كأنما شيء حدث
.

الوضع الحالي اسوء من السيء والبرلمان لم يشكلوا حكومة جديدة للآن
المشتكى لله بأن يغيثنا بصاحب العصر والزمان الامام الحجة المنتظر عجل الله فرجه الشريف
.

حاولت اختصر بالكلام أي نقاش بأدب تجاوز تنحظر وما راح اجاوبك 👍
.