السلام عليكم
.

راح انطي شرح بسيط عن شكم قاعدة عند الكتابة لان ما شاء الله اللغة العربية كامت تلطم من ورة املائكم
.

اولا: متى نخلي تاء مربوطة -ة- او تاء طويلة -ت-
.

فمثلا كلمة غابة اذا اجة قبلها كلام وصارت عليها حركة راح تنلفظ كـ تاء
(في الغابةِ) بس اذا اجت وحدها غابة تلنفظ غابَ التاء المربوطة كـالـ فتحة تلفظ واذا تريد تعرف الكتابة الصحيحة سوي الكلمة بتاء وبدون تاء اذا رهم اللفظ يعني تاء مربوطة ما رهم وطلع فاول يعني تاء طويلة مثلا كلمة بنت متكدر تكول بنة تلفظها كـ فتحة اللفظ يطلع بدون معنى
او مثلا كلمة بيها لفظ قوي للفتحة عبالك تاء مربوطة بيها
اللفظها كـ تاء طويلة اذا ما رهمت لتخليها مثل -هو- اهواي يكتبون -هوة- هسة اذا نلفظها بالتاء تصير -هوت- 😐
.

ثانياً: متى نكتب الياء اخر الكلمة
.

الياء تنكتب اخر الكلمة فقط اذا كنت تتكلم عن نفسك مثلا -كتابي قلمي- بس اذا تحجي عن احد مثلا خل نجيب جملة من الابتدائية 😁 ذهب زيد الى السوقِ
-زويد السالفة مو يمك- السوق مو مال الخلفوك وتكتبها الى السوقي فهمتوا 😐
بس هو ياهو الة خلگ يخلِ كسرة بس اني بهل بارت مضطر 😂
بس اكو بعض الكلمات هنَ باصلهن ياء هاي مالها قاعدة بعد لازم معلومة عندك
مثل كلمة عربي تأتي يسوي يؤذي يؤدي يؤوي الخ...
.

هسة تعالوا للضيم -ض- والـ -ظ- بالله هاي بكيفك التشوف شكلها يلائم الجملة اكتبها 😂 بس ملاحظة الـ (ظ) لا تأتي بكلمة فيها طاء -ط- مثلا كلمة -ضابط- هيج تنكتب والله شكد اكره اليكتبها -ظابط- يخوي حتى رسم الكلمة مدري شلونة 😒
.

بهل بارت استثنيت المصطلحات الي باللهجة العراقية وما موجودة في اللغة العربية لان نص المفردات من غير لغات وما الهن قواعد فكيف ما تكتبها عادي
.

شلوني بالعربي 😑احسن من اهواي مدرسين مو 😁
.

الي عنده اضافة يكتبها هنا خاف نسيت شي
.

مع السلامة
.