السلام عليكم
.

طبعا موضوع السفياني له اكثر من رواية لذلك جمعت معلومات منا ومنا وبعد من يمكم فهموا 😐❤️😂
المهم بس ركزوا وياي🙂
وخو شرحي اني مبسط وحلو حتى لو البارت طويل الي يمل اجلده 😒
.

بالبداية حتى اخلص من جماعة المصدر
وقبل لا انطي المصدر حبيت انوه
ان قصة السفياني في الكتب السنية ما تختلف كثيرا عن الموجودة في الكتب الشيعية
يعني بالاول والاخير الاحداث حقيقية وراح تحصل في المستقبل وما بيها جدل
.

والمصادر
بحار الانوار ج52 ص215
بحار الانوار ج53 ص 182
بحار الانوار ج52 ص238
الفتن لنعيم بن حماد ص 232
اخر كتاب هو سني
.

اول شي خل نتعرف ع شخصية السفياني
اسمه: هل هو لقب ام فعلا جده الملعون ابو سفيان لا ندري لكنه على نهج ابو سفيان ومعاوية ويزيد لعنهم الله اجمعين
وهو يشبه الى حد كبير للملعون الداعشي ابو بقر البغدادي من ناحية الاجرام
اما اصله فهو من الشام (ما ادري من يا دولة بالضبط في الشام)
ووكتها يكون حاكم لبلدان الشام كلها ومعها مصر وتركيا وعنده قوة كبيرة كـ جيش واسلحه
(دول الشام للي ما يعرفها هي سوريا والاردن ولبنان وفلسطين)
.

راح يدخل للعراق وغايته احتلال العراق لتسهيل احتلال ايران وتدمير الشيعة
وسيدخل العراق من الموصل (اعتيادي بالله اندلوا الطريق من 2013 🌚)
وبمقاومة شبه معدومة من العراقيين (ايضا اعتيادي لان حسب تصريح الداعشي علي حاتم سليمان انو 95% من داعش عراقيين منو يقاومة بعد ابوي)
ولسبب ما الله اعلم شنو الظروف في زمن السفياني الي راح تسهل له دخول بغداد وكربلاء والنجف"!!
.

وايضا انذكر في كتاب بحار الانوار الجزء 53 صفحة 14-15
العذاب الي راح يخلفه السفياني في بغداد
(والله لينزلن بها من صنوف العذاب ما نزل بسائر الأمم المتمردة من أول الدهر إلى آخره، ولينزلن بها من العذاب ما لا عين رأت ولا أذن سمعت بمثله ولا يكون طوفان أهلها إلا بالسيف، فالويل لمن اتخذ بها مسكنا فان المقيم بها يبقى لشقائه، والخارج منها برحمة الله)
.

هسة تكولون ع هل حجي الله جاي ينتقم من عدنا
بالله هم عدكم لسان تعترضون بعد؟
ماكو داعي اذكر كفر العراقيين حتى يستاهلون هل عذاب رغم اشوفه قليل بحقهم
اذا تكولون الله ظالم فـ هو انتوا كفرة ظلت ع رب العالمين تسووه ظالم
(هم كولوا السيد موش ايجابي 🌚)
.

وعند دخوله للنجف انذكر انو راح يقتل 60 الف شخص ب18 يوم
بس ما ادري وقتها الي ينقتل يكون بس المؤمن لو المؤمن والكافر يقتلهم سوة
لان ايضا سامع يخيرهم لو ينضمون اله لو يقتلهم
بهل حالة ذولة 60 الف شخص من المؤمنين
والكافر يخاف من القتل وميضحي  بعائلته في سبيل الله ويفشل بالاختبار الصعب لذلك ينصر السفياني في سبيل ان يبقى حياً
والله اعلم
.

هسة راح تكولون الموضوع معقد صار
ترى ادري بيه معقد لان واني ابحث انسطرت سطر
المهم جاي ابسطها الكم بقدر المستطاع والي ما توضح عنده نقطة خل يسأل ع كدها وسؤال مفهوم
مو يكلي مفهمت وخلص لان اقتله قبل ما يقتله السفياني 🗡️
.

ايي خية هسة راح تنقسم الاحداث قسمين نجي للقسم الاول
.

يكولون راح تجي الرايات السود من ايران بقيادة الخراساني (واعتقد هو اول حليف وصاحب جيش موالي للامام عجل الله فرجه)
تصل للعراق بسرعة الضوء
وحسب المذكور ميعرفون هل هي بسبب اجهزتهم المتطورة يوصل جيش كبير بهل سرعة
ام هي بسبب بركة تواجد اصحاب الامام مع جيش الخراساني
.

المهم من يوصلون للكوفة الي هي مركز السفياني
زط بط ينقتل السفياني ميطول😎
وبعدها
يظهر الامام
وراح يواليه الخراساني بعدما يتاكد منه انو فعلا الامام المهدي عجل الله فرجه والامام راح يثبت نفسه بالمعجزات
.

ونسيت مصدر الرواية الي بيها اصحاب الامام المهدي عند الخروج بس هذا ما نصت عليه
(وعنده أصحابه في ذلك اليوم ستة وأربعون ألفا من الملائكة وستة آلاف من الجن، والنقباء ثلاثمائة وثلاثة عشر نفسا)
.

وبعدها انا راح ابايع الامام عليه السلام
(شنو مستغربين ترى مجاي اشاقة 🌚)
راجعوا بحار الانوار ج53 ص15
(يخرج الحسني الفتى الصبيح الذي نحو الديلم! يصيح بصوت له فصيح يا آل أحمد أجيبوا الملهوف، والمنادي من حول الضريح فتجيبه كنوز الله بالطالقان كنوز وأي كنوز، ليست من فضة ولا ذهب، بل هي رجال كزبر الحديد، على البراذين الشهب، بأيديهم الحراب، ولم يزل يقتل الظلمة حتى يرد الكوفة وقد صفا أكثر الأرض، فيجعلها له معقلا.
.

اي هذا اني وجنودي الابطال راح نبايع الامام
معلية هو هذا حسني واني حسني مال تقنعوني انو اكو واحد حسني غيري يكون قائد مستحيل
اني قائد الامة الاسلامية بعد 😎👊
.

بس خن افهمكم لحد يضوج جاي اشاقة بس هو صدك هذا الحسني معروف من اصحاب الامام بس ممعروف هل حسني يعني اخلاقه حسنه ام نسبه حسني لذلك ممتاكد منه هو اني لو لا 🌚😂
.

اما هسة الرواية الثانية تكول
بعد دخول السفياني للنجف راح يظهر الامام في مكة
وراح يخلي الحسني (الي هو اني)
يصعد ع المنبر ويخطب بيهم
وراح يقتلونه (افاا شنهاي ما لحكت اللزم سلاحي انكتلت كبل 💔)
وبعدها الامام يمكن راح ينتقم للحسني من اهل مكة الي قتلوه وراح يظهر نفسه للعلن وراح يوالونه
(ايييي خية ضحيت بروحي علمود الامام يلعن نفسه للناس)
ومن يعرف السفياني بالامام في مكة راح يجيلها هو وجيشة حتى يقتل الامام
بس رب العالمين راح يخسف بيهم الارض ويختفون من الوجود وراح ينتصر الامام بدون حرب بتوفيق من الله
.

وهكذا يبدأ بتحرير المناطق وتعرفون باقي القصة مال الامام عجل الله فرجه
.

في النهاية مثل مكلت لحد يكلي الكتاب الفلاني او الشيخ الفلاني هيج يكول عكس كلامك
مثل مذكرت هي الروايات كثيره ع قصة فـ يصير اختلاف طبيعي
لكن ليس اختلاف جذري فقط اختلاف بسيط بالاحداث
.

وحاولت شوي ما اللتزم بالجدية بالكلام حتى ما يصير ملل ادري بهيج مواضيع اكو كم نفر يمل 😁
ومو حرام كلامي لحد يكلي انت مشرك شلون تضحك بنص هيج مواضيع 😑
.

في امان الله 😍❤️
.