..5..
اهلاً يـارفـاق..!
اتيتكــم وبين يدي الــفصل الخــامـس..
لاأحـلل النقــل دون ذكــر اسمــي..!
بســم الله..
استغـفـرالله واتــوب إليــه..
سبحــان الله وبحمــده..سبحــان الله العـظيـم..
••••••••••••

....!ّ ألا يا دنيتي شوفي جزاء طيبي ومعروفي
زرعت الورد بكفوفي وبكفوفي جنيت أشواك ....!ّ

.......
جرحتهــا..؟
ادري..
كـســرت قلبهــا..؟
ادري..
..
رحت لها وهي جالسه تبخ بخاخ..
قلبي نغزني عليها..
وانا انشغلت وماشفتها طول هالأيام..
لمحتها تدخل البخاخ بالشنطه اول ماانتبهت لي..
كأنها تخبيه عني؟؟..
قلت بهدؤ وانا اسأل:مكتومـه..؟
ناظرتني وخدودها منتفخه ومحمره:لا عادي..
سكت اتأملها..
وادعيت اللامبالاه وانا انقل بنظري لأديل..
رجعت لها بصمت..
بعدين استرسلت بتحذيراتي مباشره:بتروحين لبيت خالك..ترى يمكن يعزمون اي احد..وبتحذير شديد كملت:لسانك لايتطاول على احد..انا بسافر وارجع الظهر بكره بأذن الله..اذا شفتي نفسس ماراح تسكتين تطلعين من عندهم..
رفعت يدي بتهديد:ان جاني علم انتس ماده لسانس على احد مايصير لتس خير..وبتذكير لها ونغزه:تراني مأجل سالفة طرد خالاتس..وبحده كملت:ونتفاهم فيها بعدين..
اخذت نفس وعيونها مثبته علي:فاهمه؟.
مال فمها بابتسامه ساخره:برافو يابوصالح بسم الله عليك تعرف تودع بنتك بشكل جميل!..
قلت ببرود:من قال بودعك؟؟.انا حتى مافكرت
وبقسوه:ترى موب معناته اني موافق انتس معي بالبيت انس مثل قبل!..اشرت بيدي:المهم عندي ماتطلعين من البيت الا بشوري..وغيره بقلعتك..
قالت ببرود ساخر:بعيده عن شواربك تعتبرني كذا ياولد صالح..
زفرت ماابي اعصب:خلاص روحي اركبـي السيـاره..
قالت ببرود:لا.بنتظر امي..
قلت بقل صبـر:الجــازي لاتخلينـي اقلـب!.
سندت يدها على الطاوله بابتسامه ساخره:اقلـب..
لاحول الله..
ذي ناويه على وش؟؟..
قاطعنا دق على جوالـي..
رحت اكلم بعيد..
...دقــائــق..
بعد مكالمتي رجعت لها:خلاص بمشي انا ماابي اعيد كلامي..
ملامحها مرتخيه بهدؤ..
قامت تسلم علي..
بـعـدهـا..!
..
طلعت برا بجنون منه قهرني..
همست وانا اشتمه بكل قهر..
ان ماوريته الويل مااكون الجازي..
رمشت اكثر من مره مابي ابكي..
كلامه ذبحنـي..
مهما كان هو اخوي ليه يقول عني كذا؟.
ليه يحرجني ويجرحني؟.
انا اخته ماني عدوته..
شفت اديل جالسه عند الطاوله
جلست عندها وانا ااشر: Confus"انكتمت"..
انتفضت وهي تسحب الشنطه تطلع بخاخي:بسرعه استعمليه..
بخيت منه مرتين واحس بكتمه..
نهاية الأنفعالات..
وكله منه الثور..
ارتفعت يدي وفتحت اول زر من فستاني..
نزلت السلسال..
ربطت شعري بتعب..
احس بكتمه..
دقات قلبي سريعه..
صدري يوجعنـي..
قالت اديل وهي تناظرني بتوتر:بماذا تشعرين؟.
اخذت نفس ابي ارد بـس كحيت بقوه..
حسيت حلقي تجرح..
"مـاء"..قلتها ببحه..
فزت لشنطتها وطلعت قارورة ماء شربتها وانا اتماسك..
سحبت البخاخ اللي على الطاوله وبخيت مره ثانيه..
ادري غلط بس احس بموت..
التفت ماابي احد ينتبه لي..
وطاحت عيني بعينه التبن..
يوه شافنـي؟.
طنشته ودخلت البخاخ وانا اشوف ابوي جاي..
حذرني كثير..
بس ابوي ماعرفنـي للان ماعرفنـي..
الجازي ذيك ماتت..
بنتك تغيرت يامطلق..
ماعاد تنفع تحذيراتك..
ماعادني بساكته لأحد..
ماعاد فيه أنس بيتطاول علي..
ماعاد فيه بشر بسكت له..
ومن يدوس طرفي دسته كله..
دق جواله وراح يكلم..
لمحت من كلماته توصيات..
مطلق المطلق.
معروف بكـل مكـان.
هو وأهله في خطر دايمن..
مستهدفين من الكل..
حمد وهو طالع من عيادته مره رمو عليه رصاص.
وفيصل انخطف بس لحقو عليه..
المهم لأني انا ونوره طلعاتنا كثيره وبنات فحراس كثار حطهم ابوي علينا..
بعدين انا اختفيت وبقو مع نوره..
بعدين تزوجت نوره..
وانا رجعت.
فبيبقون علي..
للأسف..!
مع اني مااحتاجهم ابداً..
المهم..
وقفـت.
ناظرته ابي اضمه..
انا لي ثلاث سنين ماعرفت طعم الراحه..
ماعرفت طعم حضن ابوي ولاامي..
كأني ضايعه..!
ضَمني مره بس..
مره وحده وشكله ندم؟..
لي هينا ايام ماضمنـي ابد..
حتـى امـي..!
بـس مابينت له ابداً برغبتي..
تجادلنا بموضوع الحرس..
لان عندي "سوناي"سواقتي الخاصه.
حسيته زعل تقدمت بحب راسه على اساس يرضى
لانه مسافر ماحبيت يروح وهو زعلان..
وقلبي ناغزني من سفرته الله يستر..
بس مد يده قدامي رافض..
كلمه مني ومنه وبعداهـا راح..
رجعت وجلست على الكرسي..
ناظرت مقفاه وهو رايح اسندت ذراعي على الطاوله وخدي مستند على يدي..
ليه احس بفراغ لأن ابوي بيروح؟.
ليه ماابي اروح لخالي بدون ابوي؟.
هههههه خير وش افكارس هذي؟.
اي اكيد انتي تستقوين بأبوك..
لا لا ابوي ماعمري احتميت ورا ظهره..
حتى ولو كان درع لك من اخوانك..
هه اخواني وابوي كلهم واحد..
لا هو كان يرحمك..
لامارحمنـي ابوي ذبحـني..
من قال؟.هو فهمك غلط وانتي مابررتي..
لا بررت بس ماعطاني فرصه..
واضح انك تعبتي نفسك بالتبرير؟.
المفروض وثقو فيني..
بـس انتــي خــايــنــه..
صرخت بجنون:بــــس..!
انتفضت اديل مصدومه..
غمضت عيوني بتماسك..
وقفت وانا انفض راسي اطلع هالأفكار..
اديل صارت تراقبني بصمت وتراقب تعابيري..
قلت بسكـون:مشينا.
قامت واقفه بابتسامه غامضه..
رفعت حاجب:نعم؟.
قالت بنفس ابتسامتها:غبيـه.
سبتنـي الحمارهه؟؟.
رصيت على اسناني ماني ناقصتها:البخـي..
ومشيت لأمي اللي جات..
بعد نقاشات لدقايق..
تحول الوضع.
السواق بيودينا انا وامي واديل والباقين بسياراتهم..
تفرقنا وانا ماعلقت بحرف واحـد..
فهد وناصر وفواز بسيارة عزيز وهو اللي يسوق..
طلال وحمد بسيارة ناصر..
فيصل وسالم اللي جاء من رحلته مع بعض..
رحمت سالم التعب باين بوجهه..
وابـوي بسيارته مع حراسـه رايح للمطـار..
..
يتبـــع.

تعديل نبض اسوود; بتاريخ 02-06-2020 الساعة 11:21 PM.
اقتباس
  {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 59 
قديم(ـة) 02-06-2020, 10:35 PM
صورة نبض اسوود الرمزية
نبض اسوود
الافتراضي رد: رواية اليوم قدرك مايسوى ماطآ الأقدام حبك بقلبي مات وأعلن رحيله..!!/بقلمي

...
فهد يحرقني بنظراته..
ادري فيه هههه..
طنشته وانا اركب السياره..
وركبت امي..
وركبت العله اديلــوه..
ورحنا لبيت خالي..
بـس قبل كذا مرينا الحلا غصب عنهم..
مع ان حسناء موصيتنا مانجيب شي..
بس ماهوب حنا اللي ندخل ويدينا فاضيه..
بعد دقايق من الـصـمـت الحــلو...
خربـ..:(
امي تقلب جوالها وبتذكر:يووه نوره مادقيت عليها اليوم..وجات بتضغط رقمها..
انتبهت لها وبسرعه خطفت الجوال منها..
احم ادري قلة ادب حركتـي..
ناظرتني بصدمه وعصبيه:خيـــر؟.
قلت بابتسامه:يمه بتكلمينها ثم تفتحين حنفية دموعك وش عاد يسكتك!؟..
كأن امي افتشلت؟..
يارب لاتعاقبنـي..
قالت بعصبيه:مالتس شغل ابكي ولا انطم..ومدت يدها بأمر:جيبي الجوال..
قلت بلين:يمه تبين تخربين عليها؟.بتبكي هي وبيتعب عبود وهو يسكتها.؟
قلت كذا عشان اخليها تهون..
وهو الصدق بتقعد تبكـي ام دميعه..
ناظرتني بعدم رضى ونزلت يدها..
ماعطيتها الجوال عشان ماتحكها يدها وتدق:)..
دخلنا الحـي..
ابتسمت وانا المح بيتهم من بعيد..
مــن زمــان عــنــه..
تنفست براحه بعد مانزلنا..
جو جميل بجد..
شفت خالد ونهى ونايف ويارا يلعبون بالمراجيح..
رحت لهم وانا انزل الطرحه على اكتافي:هلااا بالحلوين؟..
ناظرونـي للحـظات..
طبعاً هم شافوني قبل بس الى الان ماهم مستوعبين ههههه..
نطت نهى تضمني وصرخت بحماس يقال لها ترحب فيني:العوبـه..!
اللي ماتستحي..
بست خدها بقوه:انا عوبه يالحماره؟.
ضحكت وهي تنزل حبيتهم كلهم واخر واحد خالد اصغرهم..
تربعت على الأرض وهو بحضني ونسيت ادخل على العرب هههه:اشتقتم لـي؟..
ضحكت نهى وهي تحرك يدها بطفوله تشرح:اي اصلا اقول لأبوي وين العـوبه يقول راحـت تدرس وبتجـي والظاهر مسويه مصيبه مع ابوها هههه اقوله هي ماتعـرف اسمها كيف تدرس قـ..قـصـ عـ...تلعثمت وانبترت عباراتها من ملامح الجازي..
ليه هالطاري ليـه؟.
مسويه مصيبه؟
هذي مصايـب اللي صارت..
بس موب انا اللي سويتها..
لاا..بعيده عن شاربك ياخال..
هذي منهم هم هم وبس..
لو ابـوي وثق فيني..
لو اخوانـي سمعونـي..
لو خالي رد علي..
لو مشاعل ماسمعت لكلامـي..
لو ولو ولو وماذا تفيد لو؟.
هم الــســبب.!
انا مااخطيـت بشي..
واذا ماطلعتها من عيونهم مااكون الجـــازي..!
حسيت بيد صغيره تهز ذراعي لفيت وكان نايف.. قال بربكه:وش فيه وجهس كذا؟.
خلخلت يدي بشعره وانا انثره بسكون..
وجهــي لو بتساله وش فيه؟ طاح من التعب بين يديك..
حاولت اخفي جمودي بابتسامه بارده:مافيني شي حبيبي..
يارا اشرت وراي وهي تصارخ بضحكه:فهــوود.
فز خالد من حضني ماصدق يسمع اسمه..
ركض له بوناسه.
التفت اشوف..
كانو واصلين اخوانـي كلهـم..
شفت فهد ركع على ركبه وفتح ايديه يستقبل خالد.
ابتسمت غصب من ضحك خالد..
نهى بطفوليـه واحساس ذنب:جوجو.
لفيت عليها مستغربه نبرتها:عيونها.!
نهى عضت شفتها العلويه:اسفه..
رمشت تستوعب..
اف ياحبي لتس..
ضمتيها بابتسامه:ليه؟.
قالت وهي تشبك اصابعها بتبرير:لاني قلت لتس الكلام زعلتـي؟.
لعبت بشعرها وانا ابوس خدها:لامازعلـت يالقشرا..
فزت واقفه كانها مقروصه..
تخصرت قدامـي:انا قشرا يالعوبـه..!
قلت بضحكه واقلدها:انا عوبا يالقشرا..!
مشت معصبه:صدق ماتستاهلين احد يتأسف لس..
رفعت حواجبي بدهشه وصرخت:صــدق لقــالـو ام لســان..
ماعطتني وجه.
هاو؟.
مااحسها ورعه كانها كبري ذا القشرى..!
لحقوها كلهم وبقيت لحالـي جالسه..
شفت عزيز ينزل لنهى يضمها عاد بينهم حب خاص هالأثنين هههه..
كانت عاقده حواجبها وتتكلم..
ياانها تعاتبه او تشكي له هههههههههه..
بصوت مصطنع لدهشه:Avec qui tu ris"مع من تضحكين"
لفيت عليها تاكل ورق عنب حركت حواجبي:مع العالم الآخر..
ابتسمت بترييقه وهي تمد يدها لي..
مسكتها وقمت واقفه بخفه..
نفضت عبايتي وانا اتأكد ان لبسي مااعتفس واعدله..
لفيت لورا شفت اخواني ماشيين للمجالس..
وفهد وعزيز واقفين مع الورعان..
استوعبت ان امي دخلت وخلتني.!
غريبـه البنات ماجاو لي..!
راحت عيني بعفويه على البيت..
وكأني كأني لمحت طيف البنات عند الباب؟؟..
اهـــاهه..
كيف يجون واخوانـي هينـا؟.
غبائي مشكلـه..!
اشرت لأديل ندخل..
وطبعاً لازم امر من عندهم وهذي صعبه:)..
لأن قبل ساعه كذا كنت معطيه فهد كـف..
قلبت عيوني مابي اتذكـر السخافه اللي صارت..
قربت منهم وماناظرتهم حتى..
بس القشرا نهى اشرت علي بشبه صراخ وهي تهز عزيز:شف شف اختك العوبـه جرحتنـي..
رفعت حاجب وانا امشي:قليلة ادب..
صرخت بقهر على عزيز الجامد:عبــــــد العــــزيـــز..
غمضت عيوني من صراخها وبحده:وجع يوجع العدوان يالسلقه اقصري الصوت..
قلتها وانا اناظرها بحده..
اجتمعت الدموع بعيونهـا وتشبثت بعزيز..
احرقتها بنظره ومشيت..
لمحته بطرف عيني يناظر لبعيـد..
هه مايبي يناظرنـي عشان ماينفجر فينـي..
مشيت لداخل بهدؤ وانا مطنشه نهى اللي ارتفع بكاها..
دفنت وجهها الصغير برقبته وهي تبكي..
ابتسم بحنان:نوو نوو..ليش تبكين؟.
قالت بشهاق:و وش سـ سويـت عـشـ..ان تصـ ـارخ عـ علـ ـي..!
ضمها بابتسامه:ماصارخت هي..!
ماردت وهي تبكي..
اول مره تكلمها الجازي كذا..
اول مره تناظرها كذا..
حزت بخاطرها وجرحتها..
وماعرفت تعبر الا بالبكا كعادة الصغار..
فهد بأنزعاج من بكاها:نهى وش سالفتس؟كلها كلمتين قالتها وانتهت اسكتي يرحم والديس..
عزيز بضحكه يمسح على ظهرها:انت واختك كلمتين ومتساهلين فيها كيف لو عشر؟..
ناظره بطفش ومشى:علم عمرك..
مشى عزيز للبيت بعد ماهدت نهى يدخلها والوراعين حوله..
وقف عند الباب وبصوته العالي هتف:درررب..
••••••••

"لا عبــدالله فشيلــه"..

رفع حاجب:وين الفشيله بالموضوع..
رجعت شعري لورا اذني:مالها داعي خلها بعدين.
هز راسه:عازمينا ومسوين لنا عشا خاص واردهم؟.
شبكت يديها ببعض بأرتباك:ز زين مانـ..
قاطعني بحزم:نوره لاتحاولين عطيتهم كلمه ماراح اتراجع..
سكت بعجز..
مسك يدي بحنيه:طارق واهله طيبين لاتخافين..
هزيت راسي بأنطياع:اوك..
كان داخلي يرفـض الروحـه..
بس وش اسوي بعبدالله..
.. بعد 30دقيقه..
كنا متوجهين لبيت اهل طارق..
كنت متوتره اول مره اروح لناس مااعرفهم ولحالي..
دق جوالي كانت امي ماقدرت ارد..
ارسلت للجازي(انا طالعه لأهل خوي عبدالله مقدر ارد)وقفلت الجوال..
ماابي ابكي ولااتضايق وانا رايحه لهم..
اول ماوصلنا زادت ربكتي..
نزلت بتوتر..
شفت طارق ومعه اثنين سلمو على عبدالله وانا اتابع بتوتر وصل حده..
اشر لي عبدالله ندخل..
مشيت بخوف وعيونـي تدور على المكان..
كانت فله جميله بمعنى الكلمه..
مزيج من الجلسات الخشبيه على ديكور البيت الخارجي..
والحديقه العشبيه بأنواع الورود..
افترقت من عبدالله اللي وصاني عند باب البيت..
كانت فيه بنت تنتظرنـي.
سلمت علي بحراره وارتحت لها..
بابتسامتها الحلوه قالت:الف مبروك ياحبيبتي..
رديت بخجل:يبارك فيتس..
زادت ابتسامتها وهي تمشي وانا معها:فديت اللي يتكلمون بالسين..
ضحكت بخفه:ياعمري..
وقفت عند الموايه اعدل شكلي..
قالت بود:نزلي عبايتك..
قلت بخوف:فيه ريجيل؟
هزت راسها بلا:كلهم حريم..
نزلت عبايتي وعلقتها..
زدت من الروج وتعطرت..
لفيت عليها وانا مرتبكه حيل:يلا؟..
شفتها متملقه تناظرني بفهاوه:وش فيس؟.
قالت بأنبهار:ماشالله تبارك الله تجنين الله يحفظك..
اف استحييـت..!
همست بخجل:ياروحي من حلاوتس..
مسكت يدي ومشينا للمجلس..
كنت لابسه فستان ابيض ماسك بحزام احمر وكعب احمر..
وشعري منسدل بنعومه..
ومسويه تسريحه بسيطه وهي اني رابطه الخصل على ورا..
ومكياجي هادي وناعم..
دخلت وبهدؤ مرتبك:السلام عليكـــم..
الأنظار كلها تحولت لي بتلقائيه..
ووقف الكل بترحيب..
سلمت عليهم وحده وحده وانا مرتبكه وكل شوي اسمعهم يذكرون الله..
اجل لو شايفين الجازي وش بيقولون؟.
صح اني جميله الحمدالله..
بس الجازي جمالها غيـر..
جمالها حاد ملفت بعنــف..
اذا شفتيها حتى من بعيد غصب تنجذبين لها..
مشيتها ورزتها صوتها وكلامها فوق كذا شكلها..
تعدتني بمراحل كثيره بالجمال..
بس ماعمرها شافت نفسها علي بشكل جدي..
حتى لولاها كان انسيت اذا كنا بعزايم..
دايمن وغصب عني تدخلني بالسوالف.
انا خجوله واستحي..
بس هي عكسي مع اني الكبيره والكل يستغرب الفرق..
قاطعني صوت ناعم:نوره تفضلي..
رفعت عيوني للبنت اللي تمد فنجال القهوه..
فستانها سكري واسع وحلو وشعرها لأكتافه..
ملامحها هاديه..
:اســلــم..قلتها وانا اخذ الفنجال منها..
بدت السوالف تدريجياً..
وانا ملتزمه الصمت..
كانت شادن تحاول تدخلني بس غصب ارجع لهدؤي..
انتبهت لصوت كبيره بالسن كبر امي يمكن:نوره انتي بنت مطلق الـ مطلـق..
مدري ليه ماارتحت لنبرتها..
قلت بهدؤ:اي ياخاله..
هزت راسها بابتسامه ذات مغزى:وشلونها امك!.
استغربت؟:يسرك حالها..
قالت الثانيه وكانها تسكتها:ماشالله يانوره عز الله ان عبدالله محظوظ فيك..
استحيت:تسلمين ياخاله.
تكلمت هذيك بنبرتها الغريبه:الا عندك اخت مسافره تدرس صح ولا؟.
ابتسمت من الطاري غصب:اي ورجعت الحمدالله..
قالت بفضول واضح:طيب من المحرم اللي كان معها؟..
ارتبكت بنفس الوقت ناظرتها بمعنى وش دخلك وبكذبه قلت:عمـي..
سكتت شوي..
والكل سكت..
مارتحت لها..
ليت الجــازي معي..
قالت وحده من البنات بابتسامه وهي توقف وشكل احد مأشر لها تطلعنا:بنات مشينا داخل..
قامو البنات وقمت بسرعه..
مابي اجلس مع هالحرمه..
احس وراها شي..
سمعتها تقول بشبه همس:كان يامه عاجز عنها زوجها الشايب بدل الفضايح..
تصنمت بوقفتي وعيوني شخصت على الفراغ!!!!!!!
هذي وش سالفتها؟؟..
يمه..دق قلبي برعب..
الجازي لو سامعتها دفنتها..
لفيت عليها ببطئ وانا اسمع شهقات البعض من كلامها:من وين جايبه هالكلام ماشالله!!..
طلعت بتلقائيه منـي..
ناظرتني بغموض:ابد سلامتك.
قلت والحروف تطلع غصب:من قايل ان ابوي عاجزن عن بنته؟؟
سحبتني المدعوه شادن للغرفه الثانيه غصب عني وعيوني على الحرمه بقهر..
جلست على الكنب بفتور..
"ماعليك منها كلامها دايماً ماله اصل"
قالته شادن وهي تربت على كتفي..
ناظرتها بضياع وماعلقت..
دخلو البنات وجلسو حولها..
حاولو يغيرون الجو وينسونها الكلام الصاعق اللي انقال..
قامت واقفه وجوالها بيدها:بروح لدورة المياه.
وقفت المدعوه سهام:اوك تعالـي معـي..!
رحنا لدورات المياه القريبه..
دخلت للمغاسل وهي راحت مدري لويـن؟..
فتحت جوالي وتجاهلت كل الرسايل وانا اروح لرقمها وادخل رسالتها كانت كاتبه:
((اهل خوي عبدالله؟؟)
والثانيه:
((زين نوره خليك واثقه من نفسك وماعليك من احد واذا اغلط عليك احد دقي علي وخليني اغسل شراعه سامعه؟؟.ياويلك وياسواد ليلك اذا بكيتي وقولي الجازي ماقالت.))
غمضت عيوني اقاوم دموعـي..
احس بدفعه معنويه.
ناظرت المرايه اخذت نفس وزفرته..
ابتسمت لنفـسي اقاوم احاسيسي..
استندت على المغسله وانا ارسالها وكانت متصله..
بعد كم رد وسوال..
سألتني:كيف اهل خويه!.
كتبت لها:مريحين الحمدالله..
قبل ارسلها..
سمعت صوت خلا الدم يتجمد بعروقـي..!!
لفيت ببطئ موب مصدقه..
ارتفعت عيوني بشوي شوي..
جزمه رجال ثم ثوب ابيض ثم عوارض ثـ..
شهقت بعنف وانا ارجع لورا خطوه ومخطوف لونـي!
رجـــال!!..
ارتجفت اوصالي والصدمه الجمتنـي!!
حسيت الأكسجين اختفـى من حولـي..
نظراته تقيمني بشكل..
وين عبدالله!
وين ابوي!
وين اخواني!
وين اختي!
و..و..
شهقت وانا ارجع لورا وهو يقدم لي..
سمعته يقول:مـن انتـي..!
هزيت راسي برفض مصدومه وانا اشوفه يقرب..
همست بعدم تصديق:لا لا يارب انا اتحلـــم.!!
مد يده لي وهو قريب حيل كم انش ويلصق فيني انتفضت بعنف وانا اتراجع بقوه وبلاشعور صرخت برعـب:عـــــــبــــــدالله..
...
يتبــع.

اقتباس
  {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 60 
قديم(ـة) 02-06-2020, 10:37 PM
صورة نبض اسوود الرمزية
نبض اسوود
الافتراضي رد: رواية اليوم قدرك مايسوى ماطآ الأقدام حبك بقلبي مات وأعلن رحيله..!!/بقلمي

•••••••••••••••••••
فـــــرنــســا..
تحــديــداً بمدينـة آنسي..
منسدح على الكنب ويده تحت راسه متكي عليها..
يراقبها وهي مندمجه بتأمل التي في..
نقل نظره بينها وبين الأخبار اللي تتابعها..
قال بعد صمت طويـل:الحين ليش انتي مشتغله تملق بالرجال؟.
انتبهت له يكلمها رفعت حاجب:اتملق؟احلف ياشيخ؟..لفت عليه وهي تنزل الريموت:انا قاعده اقيمه..
شخر بسخريه:تقيمينه؟اصغر عيالس؟.
ضحكت بخفه وهي ترجع له تتأمله:موب كذا..وغيرت الكلام وهي تقول بابتسامه:سبحـان الله تعرف من اول نظره ان بينهم دم..
رفعت بنظري للوجه الي ينير الشاشه تأملته بتدقيق..
عيونه وخشمه الحاد ملامح رجوليه قاسيه..
عوارض مرتبه تزيد من رونقه وجاذبيته..
صوت يرتعش السامع من هيبته..
ثقه عمياء لاتخفى على أحد..
همست بلاشعور:صدق انها نسخة ابوها..
هزت راسها بالنفي:اوك هم يتشابهون ماقلنا شي بس نسخة بعض لا لا.هي احلا واحسها تشبه امها..
رفعت حاجب بأستهزاء:وين شفتي امها فيه ياحظي؟
قلبت عيونها وهي تغير القناه:قلت احساس اف..
جيت برد بس دخلـت امي بتعب وجلست وهي تزفر بتعب واضح..
قلت وانا اعتدل بجلستي:وش فيس تعبانه؟.
قالت بتعب وابتسامه حانيه:اي من الشغل.
قالت وهي تنزل الريموت:يمه الله يهديس خلي الخدامات يشتغلون..
قالت امي:لا مايصلح..بس وقفت معهم وادخل واطلع..
قلت بأستغراب:الحـيـن بنسافر بعد اسبوعين ليه العجله؟.
قالت امي:الأغراض بتروح قبلنا وقلت نجهز من الحين احسن..
شفتها قامت وانسدحت على رجل امي بدون تعليق وامي لعبت بشعرها..
قمت انا وبست راس امي:انا طالع تبين شي يالغاليه.
قالت بحنيه:سلامتك Mais fais attention à toi"لكن انتبه على نفسك"
هزيت راسي وانا امشي للممر:ان شاء الله.
التفت للمرايه اتأكد من شكلي..
بنطلون جنز اسود وقميص احمر بكلام فرنسي..
لبست سبورتي وطلعت..
..
لفيت على امي اللي سألت بحنين واضح:كيفها اختك؟.
ابتسمت من طاريها:بخير وتوني قبل امس مكلمتها.
هزت راسها:اذا كلمتك علميني..
قلت وانا اخذ جوالي:تبين اكلمها؟؟.
سكتت شوي بعدين قالت:اي دقي شوفيها..
فتحته وبسرعه دخلت وضغطت رقمها وانا انتظر..
ردت بعد ثوانـي:هلا علاوي..
ابتسمت وانا ارد بنفس طريقتها:هلا جازم.
جاني صوتها المصدوم:الله لايلعنك وش ذا الاسم
رفعت حواجبي:مثل علاوي..:)
ضحكت بخفه:زين شخبارتس وشخبار عمي وعمتي والكل؟.
ابتسمت وانا امد الجوال لأمي:خذي عمتك شوفي اخبارها..
خذت امي الجوال:هلا بالغاليه هلا..
ردت بحب:ارحبي يالشيخه شلونتس؟.
كنت اتأمل عيون امي اللي تشع سعاده..
سبحان الله هالبنت حبيناها بشككل..
لها مكانه خاصه..
حتى امي اللي ماتتأقلم مع شخصيتها بالذات حبتها..
غصب عن الواحد يحبها..
مع شخصيتها المتأزمه.
مع لسانها...
مع اسلوبها..
حبيناها فوق سلبياتها..
انتبهت لكلمة امي الأخيره:اجل مااعطلك ياروحـي..
بعد الوداع سكرت والابتسامه مافارقتها..
قلت وانا ابوس خد امي:كلميها كل يوم مادام هالابتسامه بتنور تون فيزاج..(وجهك)
لمتني بابتسامه:الله يسعدها هي ولسانها الحلو..
ضحكت بسخريه:الحلو؟سي فو بليه..لسانها يلسع وطويل مع احترامي(رجاءً).
ضحكت:جي كونيه..بس ماتمده الا على اللي يغلط..(اعرف)
بعدت بضحكة:ماياكلها دايمن الا خالتي هههههه..
ابتسمت امي:الله يهديها تحب تناقرها..
قمت وانا اتثاوب واخذ جوالي:بروح اكلم البنات يجون ولااروح لهم.
قالت امي بتحذير:لاتنامين..
هزيت راسي بـ اي.
رحت لفوق..
دخلت غرفتي اللي ديكورها ممزوج من اللون الكحلي والأبيض..
رميت نفسي على السرير ..
دقيت على رقم(سوما)..
اول ماجاني ردها:هلااااا بعلــوي..
ابتسمت:هلابك..هاه وش قررتم..
قالت بابتسامه:الوعد عندنا..
تقلبت على فراشي:بس انا كسلانه..
قالت بعصبيه مفاجئه:كلي تبن فوو بتروحين مع تافامي بعد اسبوع مدري اثنين غصب تجون..(انتي..اهلك)
تنحنحت:زين بسم الله..خلاص بنجي..
هدا صوتها بابتسامه:دو(حلوو)كملت:ترى بس جمعه عائليه مريحـه..
هزيت راسي:دوو..احسن..
سكرت منها..
تقلبت على سريري بطفش..
بكثر ماانا متحمسه للروحه للسعوديه..
منكسره اني بفارق اهل امي..:(
وخايفه من اللي بنروح لهم..
تذكرتها..
وابتسمت..ليه اخاف وهي معي بعد ربي؟.
ضحكت وانا اتذكر سالفة خالتي..
السالفه هي:.
بعد ماعرفو الكل منهي الجازي استنكروها..
خالتي الله يهديها فيها لعانه..
وللأسف استخدمتها مع وحده ماحدن يطاولها..
قالت خالتي:شلون جدك من بعد فراق ولده؟.
رفعت عيونها لها وبصوتها الحاد قالت:طيب ومن يشوفه يقول حصان..
رفعت حاجب وقالت بلعانـه:حصان وهو طارد احب عياله لقلبه علو قوله؟.
قالت ببرود:كلن يفترق عن الحبيب ويعيش ماتوقف الدنيا على احد..
ضحكت خالتي وماانتبهت انها بدت تتعدى حدها:والله جدك متخلف مع احترامي..اجل يطرد ولده عشان سمعتهم وفلوس لانه تزوج اجنبيه؟صدق ان الطمع يعمي القلب..
ناظرت الجازي بخوف..
احتدت ملامحها وقالت بصوت احتد بوضوح على زود ماهو حاد:ماهو صالح اللي يفكر بالفلوس ويبديها على عياله يابنت ابوك..قدمت جسمها لقدام:بس عمي الله يهداه عصاه وكسر كلمته وتزوج بنتن مايبيها..وجدي ماهو اللي ينكسر ويسكت..وبعدين تراه متصافي مع ولده من مبطي فلا تجين بفلسفه مالها اول ولاتالي.. وشي مالتس دخل فيه لاتقربينه.. اشرت بيدها وقالت بكل قوه:ولا شايفه ان صالح مثل ايلاد؟؟
انبهتت خالتي..
"ايلاد" زوج خالتي السابق..
بس كيف عرفته؟.
كملت الجازي وهي تاشر عليها:رماتس مثل الفضله وهو عايفتس حتى عياله خذاهم معه ماالومه..
وببرود وهي ترمي كلمتها اللاسعه:وش يبي بوحده مريضه نفسياً؟؟.
ارتعش جسم خالتي بصدمه..
والكل سكت مبهوت واولهم انا..
كان موقف بين لي انها قويه وماتسكت..
ولساها يلسع بقوه..
تجرح وتبقى ندبات ماتنمحى..
شفتها توقف وعيونها مثبته على خالتي بقوه وحده صقيعيه:سيرة ال مطلق بكبرهم لاتجيبنها على لسانك لابخير ولابشر..وبتهديد وهي ترفع يدها:واللي خلقني لأمحاتس واخليس ماتسوين..وطلعــت من المجلس بكل جمود وهي تخلف وراها مجلس اشتعل مصدوم منها....
كان اتفه شي يخليها تقووم الدنيا..
..
دق على الباب خلاني افز افتحه:يس؟.
كانت امي المبتسمه:سوما دقت علي والعزيمه عندهم اجهزي..
هزيت راسي بتفهم وانا ارجع واسكر الباب..
تروشت على السريع ولبست تنوره مكسره سماويه وتي شيرت ابيض برسمة شاطئ..
حطت كحل ارق داخل عيني وبانت عيوني الزرقا بشكل اوضح.
حطيت ماسكارا وروج موف فاتح شوي..
شعري العسلي يوصل لنص ظهري ربطته بخفه وكان متلفلف..
خذيت عبايتي وجوالي وشنطتي..
طلعر لبرا اشوف امي كانت جالسه بالصاله..
لابسه فستان كحلي ماسك للخصر ثم واسع لأخر الساق..
فاكه شعرها ومكياجها ناعم..
لبسنا عباياتنا وحنا نطلع..
ابـوي صارم عند الحجاب..
مع ان كل عمرنا بفرنسا بس ابداً مااثر فيه شي..
وصرت متمسكه بحجابي من كثر ماهو شديد..
حتى اخوي شديد مثل ابوي..
الحمــدالله اللي رزقني بأبو مثل ابوي..
شفته واقف عند الباب ركضت له وانا اضحك..
فتح يديه لي:هلا بعلوشتي..
ضميته بحب:هلابك يالغالي..
مسح على شعري بحنان:زين كنت جاي ابلغكم لاني بوديكم اثاريكم جاهزين..
ابتسمت:من يقدر على سوما؟.
ضحك ابوي وهو يناظر امي اللي تعدل نقابها:يلا حبايبي نطلع..
....
نزلت اخر صحن وانا ازفر براحه:اوكك كل شي Prêt..(جاهز)
قالت بضيقه وهي حاطه رجل على رجل:وربي احس هالأسبوع كله اني مخنوقه..
قلت بنفس الضيقه اللي احاول اخفيها:اي والله..مااقدر اتخيل جمعاتنا بدون عاليه ابداً..
كملت على كلامي:ضحكها ولعبها ومقالبها وافكارها بنفقدها..
حسيت بخنقه:تيت وا(اصمتي)..
سكتت وهي تقاوم عبراتها..
ناظرت الباقي بضيقه..
كلنا مع بعضنا مثل الخوات..
يعني حتى الجازي اول ماراحت تضايقنا بشككل..!
اهخ ياقلبي..
عاليه عايشين حياه كامله معها..
قامت بقوه خوفتني:لا انا معارضه..
ناظرتها بمعنى:معارضه؟.
قالت:اي بنروح كلنا السعوديه..
ضحكت غصب:هههههههههه حلووه..
هزت راسها بثقه:اروح لجدي يودينا..
هزيت راسي بسخريه:يااشيخه احلفــي؟..يعني بيخلون كل شي دراسه اشغال شركات اعمال ويروحون للسعوديه لسواد عيوننا.
قالت بعصبيه:وعاليه؟؟
قلت ببرود:عاليه ابوهم يحكمهم واهله بالسعوديه..
•••••••••••••••••••
جلست بعد السلام وانا اتأمل بوجيههم..
قلت بابتسامه:ريموه غمازتك اختفت؟.
حطت يدها على ذقنها وضحكت:هههههه اي اصلاً كنت مسويتها بالقلم..
ابتسمت لها..
ثم قلت وانا اتأمل سوسن:من متى حامل يالبزر؟.
فتحت عيونها بعصبيه:انطمي تراني اكبر منتس..
هههه ياحليلها هزيت راسي بتطنيش:اي شهر؟
ماردت..
قلبت عيونـي:ياشينكم صايرين حساسات..
قالت وداد:بالثالث..
ابتسمت وانا اخذ من الحلا:ماشالله..ابتسمت بفرحه:من اللي جايب هالحلا؟.
قالت سوسن بنغزه:انا..ليتني ماجبته.
ضحكت وانا ارسل لها بوسه..
قالت فرح وهي تصب الشاهي:للان تحبينه؟.
هزيت راسي بـ اي:كليت كثير غيرها بـس..غمزت بعيني:ماللحب الا الحبيب الأولـي..هههههه
نطت سمر:الجــازي..
رجعت على ورا ببهته:ووجع..!
ضربتني بدفاشه:قصيده قصيده..
تهلل وجه امـي وهي تنزل فنجالها:اي فديتس..
بعتب رقيق قلت:وش تفديني له يمه لبى روحتس انتي امري وانفذ.!
قالت والابتسامه مزينه وجهها وتخلي الدنيا بعيوني تنتعش:ابي اخر قصيدس..
سكتت شوي ثم قلت:اخر قصيدي جعلني الاوله ماهوب طيب..
قالت بأستنكار:هاو.!وليه..
ضحكت بوجع تغلغل روحـي:لانها تحزن..
ابتسمت بحماس خفيف:بقولس قصيده كتبتـ
قاطعتني امي وبعيونها لمعه غريبه:اسالتس بالله ان تقولين اخر قصيدس..
سكتت..
امي مااقدر اعصاها..
وقصيدتي الاخيره كتبتها وانا تقريباً بحالة اكتئاب..
عم المكان هدؤ..
شبكت ايدي واسندت ظهري..
ناظرت الباب..
ارجى احدن يدخل وينقذنـي..
وصدق ماخاب ظنـي..
وصلنا صوت خوالـي..
ابتسمت بفرحه وانا ارد بلاشعور:اقلطو..
ثوانـي ودخلو كلهم..
ابو هشام وابوعامر وبندر..
ماتوقعت بندر يجي..!
بس ولده ماهو معه:(..
مشتاقه لعبودي بشكل..
قمنا سلمنا عليهم..
جلسني خالي فهد جنبه(ابوعامر)..
وعلى يساري بندر ثم ابوهشام..
تأملت ملامح خالي..
اشتقت له بجد.
يشبه امي كثيير..
ويشبه فهد..
فهد يصير سميه..
وخالي اهدا ابوي سياره واهدا فهد سياره واهدا امي طقم ذهب واخواني كل واحد خمس الاف..
ههههه من سعادته نفدا روحه..
وفهد الى الان وسيارة خالي مايطلع الا بها..
انتبهت لخالي المبتسم:وجهي فيه شي؟.
ضحكت وانا ابوس كتفه:ههههههه ابد كامل والكامل الله..
ضحك بثقه وهو يشد علي حاضني:ههههههه ادري ادري..
قلبت عيوني:ياشين السرج على البقره..
ترا بالغلط طلعـت منـي..
توسعت عيونه وقرص جنبي:انا بقره ياللي ماتستحين..؟
فزيت من حضنه بألم:اووتــش..
قال بشماته:احسن.
فركت جنبي وانا اناظره بحنق:حشى مهيب قبصه ذي؟.
مارد علي وهو يأشر على مكان جنبه:بنات وحده تجي جنبي ماتستاهل ذي اللي يجلسها جنبه..
شفت ريم وندى التوأم الحقير يستعدون للقومه..
هيهـــات..
نطيت جنب خالي وانا اضحك:حلم ابليس بالجنه..
قال خالي فهد وهو يدفني:قومي ياللي ماتستحين تقولين لخالك بقره؟.
مسكت ضحكتي وبعفويه بعدت وتعلقت ببندر وانا احرك حواجبي لخالي اقهره:عادي بدلك اثنين..
قالت امي وهي مبتسمه بسعاده واضحه:اعقلي عن خوالك يابنت..
اتكيت على بندر بابتسامه بريئه:انا عاقله..ناظرت بندر ببرأه:صح خالي؟.
شفت نظرته الغريبه لي..
بس بسرعه اخفاها وهو يهز راسه بهدؤ:صـح..
تركت يده بنفور ورجعت لخالي فهد اللي ضم كتوفي بصمت..
رجعنا للسوالف..
بس شي داخلي نايم..
مدري كنت متحمسه ومستانسه..
واختفى هالشي..
خالي ماسوى شي كبير هالمره..
شعور غريب داخلي تحرك..
يعني معقوله صرا حساسه؟.
قاطع افكاري خالي فهد اللي قام وقومني بعد ما قال ابوهشام:يلا.. وقت الشوي..
.......
اليوم قمت رايقه وكشخت ونزلت اتقهوى..
مادريت بخطة ابوي للشوي..
بس وناستي خلتني انسى قهري من كشختي هههه..
طلعنا للحديقه نجهز ونغسل الاغراض..
بعد ماخلصنا رحت اتروش واتجهز..
لبست فستان اخضر بحزام ابيض..
ومكياج ناعم هادي..
وصندل ابيض..
وساميه لبست بنطلون ابيض وتي شيرت وردي للركبه..
ومكياجها خفيف..
جهزنا القهوه والحلا
بعد ماجات عمتي..
تأخرت الجازي ماجات..
لمحتها جالسه مع الورعان ضحكت بداخلي عليها..
بعدين فقدوها البنات..
وجاو بيروحون لكن اخوانها هينا..
فتمركزو عند الباب..
دقايق.
بعدين دخلت وسلمت..
رحت للمطبخ اجيب فناجيل..
تهيأ لي صوت بكا وصراخ..
بس مااهتميت..
وانا طالعه داهمني صوته الي يرج القلب من حدته وهيبته:دررب..
حسيت الفناجيل بغت تطيح.
خوفني حسبي على عدوانه..
شفت نايف الكلب فتح الباب على وسعه شهقت وانا ارجع على ورا للمطبخ..
وهو صد عنـي لبعــيد..
نذر مااخليك ياكلب يانايف..
قلت للخدامه تجيب نهى اللي لمحتها معه..
وجابتها..وراح هو..
جات الجازي بأستغراب:كانه صوت عبدالعزيز؟.
هزيت راسي بـ اي وانا امسح على شعر نهى:ليش تبكين..!
رفعت عيونها للجازي بلوم وناريه..
ناظرتها الجازي ببرود ورجعت داخل..
اهاهه..متهاوشين؟.
طاحت دموع نهى ومسحتها بسرعه:نونو قلبي خليس هاديه..
ناظرتني نظره تكسر الصخر والدموع بعينها جعل جويزي الصلاح:هي ليه معصبه علي؟.
هزيت راسي:لا لا..ابتسمت بغباء:تعبانه اذا صارت طيبه بتسامحك..
سكتت وهي تمسح دموعها اللي تطيح..
جعلني ماذوق حزنها..
بستها بقوووه بخدتها المنتفخه..
بعد ماقالت سمر تبي قصيده واصرت عمتي..
تحمست اسمعها..
الجازي قصايدها تلامـس القلـب..
وصوتها حلو وشاعـري..
سكتت كالعاده..
وحنا سكتنا ننتظرها..
بس قاطعنا اصوات ابوي وعماني..
افف قهــر..
بس حسيت الجازي استانست..
قعدت تتناقر مع عمي فهد كالعاده..
وحسيت براحه وسعاده والايام القديمه اجسها بدت ترجع..
ماناقصنا الا نوره وهديل..
بعدها الشوي..
شفت ساميه تفز بحماس هههههه الخبله..
طلعو خوالي..
ورحنا نلبس عباياتنا عشان الشباب..
الجازي بابتسامه:والله اخر مره شويت ببيت اهل عـ،،وسكتت فجأه..
ناظرتها بشك:كملـي؟.
ابتسمت بسكون وهي تعدل نقابها:من زمان عن الشوي..
رفعت حاجب ماني مصدقتهـا..
بس ماعلقـت..
طلعنا كلنا برا حتى الوراعين..
شفت صقر وعناد يعدلون الطاوله الكبيره..
كانت طويله وبالطول..
وصالح وطلال وفواز ومحمد عند الشوايه يشوفونها..
واللي واقف يتأمل ووو..
اشرت للبنات:مشينا نجيب الأغراض من المطبخ..
كل وحده خذت اللي تقدر عليه..
وطلعنا..
كانت الطاوله جاهزه نزلنا عليها الخضار والدجاج واللحم والصحون والكاسات والملاعق والسكاكين وكل شي نحتاجه..
ساميه كانت توزع ابتسامات كنها مهبوله..
والجازي راحت تشوف الآت الشوي لان الشباب راحو يشلون الكراتين اللي جايبها ابوي..
ومافيه الا اخوانها وعماني..
شفتها تضحك وهي ترجع على ورا وعمي فهد يهش عليها بالعصا اللي يقلب بها:يلاا روحـي..
بعناد دارت على الشوايه وهي تقرب لها:ياخي بشوفها بس..
هش عليها وبطنازه:ليه اول مره تشوفينها؟؟.
ابتسمت وهي تمد يدها تلمسها:لا بس من زمان عنها..
ضرب يدها بالعصا وضحكت بداخلي عليها وهي ترجع على ورا:وجع..
فز عمي واقف يتظاهر بالعصبيه:وجع لي؟.
رجعت على ورا اكثر وهي تفرك يدها:لا لا للعدو..:)
قدم لها وهي ركضت ورا سالم اللي كان قريب ومبتسم بتعب واضح:ساالـم ابعد خالك عنـي..
قال عمي فهد وهو يقرب بخبث:لا والله!اصلاً ماربيتس على لقب البقره..
ضحكت بشماته:هههههههههههه لايق عليك ياخال..
شفته كانه تنرفز:وجع جويزي..
ضحكت بقوه وهي تدف سالم بخفه:صدق اخو بالأسم بس..
طاح سالم وانصدمنا هههههه دفتها خفيفه.
تمدد على الارض بتعب:اف منتس ياجويزي..
رفعت حواجبها:شف الخبل!،ترى انت مطيح عمرك..
قال وهو يغمض عيونه:خالي عطيتك الاشاره الخضرا سنعهـا..
قرب منها بسرعه وحطت رجلها لبندر وبصراخ:ابعد اخوك عنـــي..
بعفويه ناظرت انا ناصر لأنها صارخت..
وشفته مسك ذراعها قبل تبعد..
شهقت الجازي واحسه أجعها بمسكته المفاجئه..
سمعت كلمه منها بصراخ مافهمتها بس كأنها:مالـيديكسيوم؟؟"اللعنه"
شفته ثبتها ومعطينا ظهره..
مانشوفها..
مدري شصار بس اول ماقربو العيال فكها وهو يدفها بخفه عشان تروح..
شفتها تناظره بحقـد..
قربت لنا وتكلمت مع اديل بالفرنسيه كلمتين وسكتو..
يتبــع.

قالت سوسن وهي تروح للطاوله:يلا بنات تحركو..
تحركنا كلنا نشتغل..
انا وساميه وفرح وامي نغسل ونقطع الخضار ونوزعها..
ووداد وريم والهنوف يجهزون التتبيله والدجاج واللحم..
وندى وسمر يتهاوشون على من يشوي البطاطس..
بالنهايه ارسلت عمتـي ندى تسوي العصيرات...
وسوسن حلفت عليها امي ماتحرك..
فجلست على الكرسي وصارت عند النار تقلب الحمسه..
سهى وهدى بالمطبخ يسوون السلطات..
والأخت الجازي منظر بس تدور حولنا هي وفاديه يتمشون ويسولفون..
وكل شوي تقول الجازي:سمر لاتحرقين البطاطس،،سويميه الحماس لايخليس تمرسين عيشتنا،،وتقول لي:حسناء امنعيني من التملق فينا واشتغلي..هههههه حماره.
صرخ عمي فهد من جهته بكل قوه عشان نسمعه مع انه موب بعيد هاذاك الزود:وانتـي اكرمينا بسكوتتس وحركي ايديس بدل لسانتس..
ردت بضحكه:شوي شوي على احبالك الصوتيه لاتنقطع ههههههه..
الكل ضحــك حتى عمي فهد..
ورجعت تتمشى..
واول ما مرت عند عمتي..
نادتها عمتي بحزم:جويزي بدل تمشيس اشتغلي مكان خالاتس..
نفخت صدرها بثقه وغرور:انا ضيفتكم والعزيمه لي يعني عيب اشتغل،،لفت على عمي فهد الي جا ياخذ غرض:صح ياخال؟.
ابتسم لها وهز راسه:صح صـح..!
شفت عمتي عصبت والجازي تضحك بفخر..
كانت اجواء حلووه بجــد..
حتى الجو يجنن..
والشوي والدخان وريحته اللي تاخذ العقل..
يارب لاتنغص فرحتنـا..
.....
ضحكت من قلب على تعليق الجازي لخالي فهد..
وبعدين تلاعنت مع فيصل اللي يلعب مع الوراعين وشات الكوره علينا بغى يكب الأكل..
اشرت لصالح السرحان:ولــد،،صالـح..
لف علي بأنتباه:هـلا؟.
ابتسمت وانا ااشر على الشوايه:شويك فنان،اشوي انت:)..
ابتسم وهو يقرب لـي:اوك,,خله علـي.
ناديت بصوت عالي:نـبي الدجاج ولا اللحم..
شفت الهنوف اختي تقرب ومعها صحن..
رحت لها وخذيته:دجاج؟
هزت راسها:يـب..دجاج ولحم..ورفعت عينها برجا:محمد امانه نبي نشوي..
بتلقائيه رفعت عيني للبنات شفتهم يناظرونـي برجاء هههههه..
خذيت الصحن بيد واليد الثانيه ضربت بأصبعي جبهتها:اسف..عيب تشوون..
توسعت عيونها بأستنكار:عيب؟تستهبل..!
مشيت راجع وبحزم مصطنع:ماافيـه..
قالت بقهر واحسها دخنت:غصـــب بنــشـوي..
كتمت ضحكتي ومارديت..
كان فهد قريب قال بضحكه:كانك قاهرها؟.
ناظرته بابتسامه:تبي تشوي هي والبنات..
قال ببساطه:طيب خلنا نبعد ويشوون شوي..
هزيت راسي بـ لا:ماعندنا بنات يشوون..
ضحكته الصاخبه اخترقت الأجواء:ههههههههههههههههههههههههههههههههه
ناظرته بابتسامه منزعجه:فضحتنا..
ضرب كتفي وبضحكه يحاول يكتمها:هههههههه موب من جدك..
......
رجعت مقهوره وانا اضرب برجولي:يقوول الثور لا..
قالت ريم بقهر:جعله الجلطه.
شهقت بخوف:وجع استغفري.
طنشت وهي تناظر الجازي اللي تسولف مع سوسن وفاديه:مالنا الا هي..
ناظرت الجازي وابتسمت:لازم نخليها تقتنع..
مشت ندى لها ولحقناها..
حنا بنموت نبـي نشووي..
وماراح نخليها بقلوبنا..
جلست ندى جنب الجازي وسهى قدامها:الجــازي..
ناظرت ندى ثم لفت على سهى اللي قالو اسمها مع بعض ورفعت راسها لنا تتأملنا..
بعدين قالت:وش؟.
قالت ندى بمقدمات:املنا فيس بعد الله يابنت مطلق..وبرجاء:داخلين على الله ثم عليس..
حركت حواجبها:افاا وش العلم؟
قالت وداد عشان تحدها:طالبينس قولي تم.
قالت بثقه:جاكم..
ابتسمت بفخر..
مستحيل تثني كلمتها
وريم تقول:نبـي نشـوووي..
وقفت بثقه:تـم..ابشرو بعزكم..
صرخو بحماس مع بعض..
يمه وربي حسيت بعيون تحرقنا ولاتحركنا..
عرفنا انه ناصـر المــرعـب..
ندى رفعت نظرها له ونزلته برعب:وجع..يانظرااته..
قالت وداد اللي مالفت عليه بخوف:يناظرنا..!
ندى بربكه:الا يحرقنا بنظراته..
الجازي ابتسمت بضحكه ومشت لجهة الرجال..
ومن حظها كانو الشباب بجهه وخوالي بجهه..
راحت لهم ومدري وش دار بينهـم..
•••••••••••••
ناظرته بألم وقهر وانا احرك يدي:ناصر فكنـي.
قال بغضـب مكتوم:لمتـى وانا اعلمك بقصر الصوت؟.
قلت واحس يدي انفكت منه:كيفي صوتي وبمزاجي اقصره ولاارفعه..
رص على يدي بقوه وبنظره قاتله:قسم بالله ان عاد رفعتيه مااتفاهم معتس الا بالعقال..هزني بعنف:اعنبو دارتس ماتستحين والشباب حوالينس؟؟ولاعاجبتس حركاتس..!
بقوه وصعوبه قاومت عبراتي وخنقتي من قسوته وانا اقول بصوت حاولت يكون طبيعي واصد عنه:طيب فكنـــي..
همس بحراره وعيونه ترتفع للشباب اللي جاو ويده تمسك ذقني ولفني له بقوه:ان عاد سمعت لتس حس قصيت لسانس واتقي شري..ودفني عشان اروح..
مسدت يدي اللي توجعني ومالفيت عليه..
ماابي ابكـي..
ماابـي ماابـي..
شفت اديل اللي اشرت على جوالي بأن نوره تتصل..
قلت خليه عنس..
رفعت راسي فوق اقاوم دمعتي..
وجلست مع فاديه والبنات يشتغلون..
سد نفسي الله يسد نفسه كانه دايمن مخرب علي..
بعدين..
تراددت انا وخالي بمزح..
كنت احس بحال بندر الغريب بس طنشت..
اخر همي..
اذا كان هو بنفسه مااهتم فيني ليه اهتم؟؟..
وكنت شاكه ان اللي فيه عشان ليلى..
وانا مقرره بأذن الله ازورها..
اجل يقال له بحركاته يحرمنـي من ليلـى؟؟..
هه عشم ابليس بالجنه..
وليلى بزورها غصـب عن الكـل..
وخلني اشوف انس من البشر يحاول يمنعني..
بعد ترجاي البنات لي وافقت..
وكتمت وجعي وضحكتي على خوفهم من ناصر..
رحت لخوالـي..
قال خالي فهد بترييقه وهو يشوفني اقرب:هاه جات ام الرووس..
رفعت حاجب:افا ياخال صرت ام الرووس؟.
خذا حبت بطاطس واكلها:وش تبين يالعوبه..
شفت عزيز اللي كان جالس يبتسم ويرفع عينه للورعان قاصد نهى التبنه:انا عوبه يالبقـ..قطعت كلمتـي مهما كان يبقى خالي..
ناظرني وهز راسه:لا لا كملي كملي كلمتس؟.
ابتسمت بخبث:يالأمير الوسيم الجميل معذب قلوب العذارا ومشعل نيران الغيره بقلب زوجتك..
ناظرني بنص عين وطنش..
اوك لازم اكسبه عشان نشوي..
جلست على الكرسي بكل راحه..
بس..
قال عزيز بحده:اتوقع الشباب هينا؟؟فارقي هناك..
قلبت عيوني:هم بصوب وانا بصوب..
عزيز بحده وغضب:بنــت..قومي مادام النفس طيبه..ووين صوبه وصوتس لو همستي وصل لهم؟.
قلت ببرود قهره:واذا؟.تراهم عيال خوالي وكنهم اخواني موب خوياك..
عزيز كتم صرخته وهو يرص على اسنانه:ترى ورب البيت اذا ماانقلعتي مايصير لتس خير..
قال خالي ابوهشام بمحاولة تهديه:خلها وانا خالك جالسه مع خوالها مافيها شي..
مابعد عيونه عني والغضب وصل اقصاه:الجازي لاتكسرين كلمتي وقومي بكرامتس لأمسح فيس الأرض..
طق فيني عرق..
يمسح فيني الارض؟
يعقب.
قلت وعصبيته تحولت لي:مانيب قايمه..وورني كيف تمسحها ان كانك على ابوك..
مدري كيف طلعت بس يستاهل..
وقف عزيز بغضب وعيونه شرار ووقف قلبي معه بس مابينت وانا اناظر عيونه ببرود قاتل وبيده الملاس(ملعقه كبيره يقلب بها)..
مسكه خالي فهد وبحده:عزيز اجلس ولا رح للشباب..واختك جالسه مع خوالها موب اغراب..
شد على يده وعيونه وعيد لي..
واعرفه عزيز ماينسا ابدن..
الله يعدي الليله على خير..
مع كذا..حركت حاحب اقهره..
وشفت وجهه يحمر ههههه عصصبـي..
رمى الملاس بقوه قدامي والود وده يصقعني به.
انتفضت رجلي بألم من الزيت اللي طار عليها وهو حار..
ناظرته بقوه اخفي وجعي وبأستفزاز:هذا اللي تقدر عليه؟؟تضربني من بعيد لبعيد يالبزر.!!وابتسمت بشماته.
اسود وجهه وهو يستغفر ربه لينفضح..
تنفس بسرعه وغضب وعيونه تحرقنـي..
قام بندر اخيراً وسحبه معه ببرود:امش داخل وطنشها تراها سفيه..
جيت برد رد يسكته طول عمره بس مسكني خالي وبعيونه تحذيير شديد..
فسكتت اقصر الشر..
ووالله والي مايعجزه شي..لولا الشباب كان خليته ينجن ويذبحني من القهر..
مسوي فيها...
وهواشه السامج..
صايرين سخيفين..
زفرت بقهـر وعصبيـه ونفسي انسدت..
ليه يخربون علي الحمير.
حسبي عليهم كلهم..
ناصر وعزيز كانهم دايمن كاسرين فرحتي..
قال خالي يحاول يغير الجو:اييه وش بغيتي؟؟.
ناظرته بقهر:مابي شي..
وقمت بعصبيه وانا رايحه..
سمعته يقول:قولي لهم بيشوون ماعليكم دقايق بس..
ماالتفت له واكتفيت بهز راسي..
رجعت وقالت ساميه بحماس:بشري..
ناظرتها بحده وغضب:بتشوون خلاص اشغلتينا..وكملت لداخل..
شفت ساميه قلب وجهها احراج..
ادري كسفتها بس وش اسوي وقتها غلـط..
فتحت الباب ودخلت وانا اجلس بالصاله..
محتره منه الكلب..
رن جوالـي برساله..
كانـت نوره..
تراسلنا وسألتها عن اهل خويه..
كانت تكتب ووقفت متصله بس ساكنه..
ارسلت:نوره ،، الوو ،، وارسلت حروف.!
ماردت..
نغزنـي قلبـي..
يمكن انشغلت مع العرب..!
بس هواجيس داخلي خاصه وهي متصله وتستلم رسايلي بدون رد..
دقيت عليها وماردت.
اتصلت على عبدالله بسرعه..
رد علي بهدؤ:هلا؟.
قلت بسكون حاد:وين نوره؟
كأنه استغرب:فيه شي؟.
قلت بحده:نوره وينهـا؟
اسمع اصوات خرفشه كانه يطلع وبعدين هدا المكان حوله قال بحده مشابهه:نوره داخل..وتكلمـي عدل..!
رفعت حاجب من اسلوبـه:اتكلـم عدل؟وش اللي موب عاجبك في كلامي؟.
قبل يتكلم وصلنـي بكاا غطى على صوته..
اعرفه اعرف الصوت وصاحبه..
ماعاد سمعت لعبدالله صوت..
ارتجفت وانا افز واقفه..
اني والله داريـه..
روحتها ماهي بطيبه..
••••••••••••••
" حارت دموعي في عيوني وصديت .. "
" .. وأرمشت مابيها تبين .. وطاحت..! "
..
دخلت غرفتي ودموعي ماوقفت..
ليه يعايروني به؟.
ماهو ذنبي..
هذا امر ربي وقدره..
شهقت ببكا قطع روحـي..
بموت من الهم..
دق الباب ودفنت وجهي بالمخده ماابي احد يسمعني..
جاني صوت بكثر ماانذبح عشانه اعشقه..
:سوسو افتحـي..
مااقدر ارده..
قمت واقفه ومشيت للباب فتحته وانا وراه..
دخل بسرعه وسكر الباب وقفله..
ناظرني بحزن وهو يضمني:لاتبكين..
زادت دموعي وانا اضمه..
ليه ياربي تسوي فينا كذاا ليه.،
يارب مااعترض بس قلبي ماعاد يقوى..
سمعته يهمس لي:خلاص ماعاد بدخل عليهم ابداً
دفنت وجهي بصدره:لا جعلني فداك ادخل ماعليك بـ..شهقت ابكي ماقدر اتكلم..
شفته خايف ويحاول يسكتني..
اجعني قلبي عليه..
تمالكت نفسـي وانا اسكت..
قال بفضول يوجع وانا مستنده على صدره وجالسين على السرير:ليه ماتحبنا هي..!
مسحت دمعتـي بألم:مدري عنها..مسحت على خده:مانبيها نحبنا اصلاً صح؟.
هز راسه بثقه مطعونه:صح..
ضميته وانا داخلي هش..
ليتني قويه ياخوي ليتني قويه..
ليتني ماابكي واسكت اللي يغلط علي وعليك..
ليتني وليتني وليتنـــي..
قمت واقفه عشان ماابكي:يلا مناف ياعيوني رح البس وتعال..
قام بطاعه وراح غرفته اللي بابها لاصق بغرفتي..
اليوم بتجي ضيفه ولازم نجهز..
لبست فستان بني ساده..
وشعري رفعته لفوق..
لبست صندلي..
ومكياج يخفي البكا واثاره..
دخل علي وانا اتعطر:خلصت..
ابتسم بحب وانا اقرب واسكر ازرار الثوب:ياحبيبي صرت حلو..
ابتسم لي ببرأه..
رحنا لغرفته وعطرته..
عدلت شعره وطلعنا..
دقيت عليه:الوو طارق..
رد بهدؤ حاني:عيونه؟.
قلت بخنقه:تعال خذ مناف تراه جاهز..
قال بسكون:زين جيبيه عند باب المطبخ..
مسكت يده ونزلنا..
اسمع ازعاج البيت والتجهيزات..
رحت مع باب المطبخ وقلت لمناف ينتظر طارق..
ودخلت داخل..
مابي اشوف طارق وابكي..
بعد ماتأكدت انه خذاه دخلت اجهز معهم..
وجات الضيفه"نوره"..
كانت حلووه حييل..
واضح انها عروس ماشالله..
بدت اكره خلق الله لقلبي ترمي كلامها..
عسى ربي يخليها تذوق اللي نذوقه منها..
شفت شخصية نوره مثل شخصيتي..
"ضــعــيــفــات.."
والحقيره ماسكتت ترمي كلام مبطن..
قمنا للغرفه الثانيه عشان مايحترق الجو..
شفت بعيونها الضياع وتذكرت نفسـي..
وآه من نفـسي..
قمت معها..
وشفتها تبي تختلي بنفسها..
فأبعدت عنها..
انشغلت بجوالـي واشغلت نفسـي..
مر يمكن عشر دقايق او اقل..
بعدين كأني لمحت احد يمشي رايح..
توقعتها هي فمشيت لها..
باقي خطوه واوصل..
بــس..
سمعت صرختها..
وسمعت الصوت اللي وقف الدم:خلاص بروح لاتخافين..
دخلت كالبرق وصرخت بوجـه وجزع:مــــــــنــــــاف..
انتفض وهو يلف لي بخوف:سـ سوسو..
شفتها تنتفض بقوه ورعب وعيونها علينا..
ضامه نفسها وتبكي بقوه..
سحبت مناف وبكيت وانا اطلعه..
كان يناديني ويتعذر لي بخوف ودموعي تطيح..
رجعت لها..
مسكتها وانا ابكي واهديها:عادي نوره مايدري هو..
كانت تبكي بقوه وضامه نفسها بأرتجاف..
جات شادن والبنات على بكاها..
حسيتها بتموت وهي تبكي..
وبداخلي ابكي عليها وعلى اخوي..
قالت شادن بعد ماعرفت السالفه:عادي يانوره هو تعبان مايفهم عقله صغير مايدري..
غمضت عيوني بقهر ودموعي تنزل من كلماتهم..
شفت شادن تقومها غصب وتطلعها للحديقه..
كان مناف جالس على الكراسي يرجف..
رحت له وانا امسك يديه اهديه:عادي حبيبي ماصار شي..
نظراته تايهه وخايفه..
قهرني بكا نوره صح ماالومها بس قلبي ينفطر غصب..
لمحت رجال جاي يركض..
ضمني مناف عشان مايشوفني جعلني فداه..
شفت البنات بسرعه ابعدو لان شكله زوجها..
وجهه جدي وخايف هزها يسالها وتعلقت فيه تبكي..
بكاها ماكان طبيعي؟.
مناف بس مسك كتفها على مااظن وابعد بسرعه؟.
ارتجفت بحضن اخوي ابكي..
ابي ابوي..
ابي امي..
حسيت احد يسحبني من مناف..
شهقت وانا اضمه بوجـع تغلغل روحـي المتعبـه:طـ طـارق.
شد علي وشكله فهم السالفه..
..
كانت تبكي وقلبي يدق؟
وش صار؟
وش فيها..!
ناديتها حاولت فيها ماردت..
سالت البنات وانا مااناظرهم..
قالت وحده:مناف اخو سهام تعبان ومايفهم وحـ
قاطعته والسالفه وضحت:خلاص فهمت..
"مناف تعبان عقله صغير مايفهم.."
قلت لها بهمس بأذنها..
بس هي تبكي..
وارفع راسي واشوف طارق حاضن بنت وتبكي..
اجعني راسي..
هزيتها بعنف تسمع:نـــوره..!
انتفضت ودموعها تنزل بقوه:الـ ـجـ ـازي..
تنهدت بعصبيه وانا اضمها:خلاص بلا بكا..
بس البنت مافيها حيل تبكي..
قطعت قلبـي
ناديتها كلمتها همست لها ضميتها..
مافيه فايده..
وجوالها التبن يددق..
سحبته ورميته بعيد..
شفتها تبكي وماعلى لسانها الا:الجازي..
بغضب عارم صرخت وانا انفضها:بــــس..
ماسمعت رد غير بكا..
زادت نبرتي حده وغضب وانا اسمع بكا يخالط بكا نوره:قالو لس الولد تعبان خلاصص..ارحمي اهله وانطمي..
قلتها بقسوه وانا ارفع راسها غصب..
قلت وانا اشد على فكها:ولاحرف شوفيه يبكي حرام عليس..
شهقت والبكا يختفي وانا اكمل كلامي بدون رحمه..
مادريت بقلبها اللي ينطعن..
مادريت انها تبكي عشانها تذكرت اوجاع ذكرها مناف بها.
كنت احسبه دلع وخوف..
ليتنـي دريـت..!
•••••••••••
فتحت الرساله:
.......كم هي صعبة تلك الليالي التي أحاول أن أصل فيها إليك، أصل إلى شرايينك، إلى قلبك كم هي شاقة تلك الليالي.....
..
لاحول ولاقوة الا بالله..
هذا ذنب منزل؟.
ارسلت بطفش:ترا قسم اعلم اخواني..
جاني رده بسرعه كانه ماصدق خبر:اخبارك؟.
يعني طنش التهديد؟.
ارسلت بكره:زفت من ارسلت..
ثواني ماجاني رده..
فبلكتـه وانا اتأفف بصوت مسموع..
"وش فيه؟"
ارتجفت وانا الف عليها.
تناظرنـي بعيون بارده قلت بتماسك:مـ مافيه شي..
نزلت عيونها الصقيعيه للجوال ثم ارتفعت لي بصمـت..
سكتـت وهي تتفحصنـي بنظراتها..
احسها اخترقني..
للحظه حسيتها كشفتنـي؟.
دق قلبي بخوف..
قالت بعد مهله:تعالـي برا معنا طيب.!
كأنها شاكه فيني..
هزيت راسي بـ اي..
ابعدت على جنب بمعنى"امشي قدامي"
بسم الله الرحمن الرحيم..
تغيرت بدقيقه..
ارتعشت وانا امشي قدامها لبرا بخوف..
كانها مخلوق ثانـي واقفه قدامـي؟..
شفت البنات الخاينات يشوون..
لفيت عليها:ليـ..سكتت وانا ماالقاها وراي..
اعذو بالله من الشيطان الرجيم..
مشيت للبنات وعماني معهم..
قال عمي فهد:هلا بحبيبة عمها..وينتس مختفيه؟
ابتسمت بحب وربكه:كنت اكلم..
اشر بالملعقه على البنات:تعالي لايروح عليس..
قربت اكثر والضحكة بوحهها من اشكالهم..
صرخت سمر بجنون:ياكلـــــبــه لاتحرقينــــي..
ضحكت حسناء وهي تهف على وجهها:هههههههههههه اف احترقت..
قال عمي:خلاص ابعدو احرقتوه..
شمرت ساميه اكمام العبايه وبثقه:لا والله!..بزينه كله وانا بنت ابوي..
عمي بضحكه:ظنتي..الظاهر بيحترق..
سهى ناظرتنا:بنــات لازم نفـوز على طبـخ الاولاد..
هزت ندى راسها:اي اكييد..
عمي فهد ابتسم:حبيباتي تدرون ان صالحهو الي شوا؟.
رفعت سهى حاجب وبأستهزاء:وتدري يالذكي انه حنا اللي مجهزين لكم كل شي؟.
رفع حاجب يقلدها:وتدرين اني انا خالتس ياللي ماتستحين؟.
ضحكت سهى وهي تحب راسه:صاير حساس بزياده..
مد يده بيضربها بس هي اسرع وبعدت..
قال عمي بندر بعصبيه وهو واقف مع سمر:بنت مريضه انتي؟بتحرقينه..!
سمر بثقه وهي تقلب فيه:ماعليك ياخي خلني اشتغل..
قالت حسناء بعصبيه:سهى يامال المرض احد يرميه كذا؟
سهى ببرأه:اخاف يحرقني..
احرقتها حسناء بنظره..
مت ضحك وانا اجلس وانسى خوفـي..
••••••••••••••••••
بأحـدى القــرى..
بذالك الحي..
بيـوت متعدده..
بأشكـال وتصاميم تبدو قديمـه..
اصوات الصغار يلعبون تملى المكان..
وصراخ الشباب الي يلعبون كوره بحماس..
بعض البنات يمشون بالشوارع بدون هدف..
والبعض الاخر من الحريم معهم القهاوي رايحين يتقهوون مع العرب والجيران..
..
يركض بسرعه ويلتفت على ورا ويشوفهم وراه يصارخون يبون يمسكونه ويزيد من ركضه وكاتم الضحكة..
ضرب كتفه بالغلط بنت صغيره وطاحت على وجهها بالتراب..
:اف..قالها وهو ماوقف من الركض..
صرخت الحرمه بغضب:سلطـــــان نــذر مااخليك..
رد بصراخ باسم:اسف ياخـــالـه ماانتبهــت لدلوعتك..
تحلطمت وهي تقوم بنتها اللي تبكي بألم:خلاص سوسو قولي بسم الله..نذر مااخليه اللي مايقر بمكانه..(يثبت..يقعد..)
سمت بالله من بين شهقاتها:سـ سلطان كـ حـ حـيوان..!
ضحكت الاخرى وهي تشوف الاولاد يلحقونه:وش مسوي مره ثانـيه؟.
ردت عليها بلامبالاه:سارق كورتهم ولا كاسر العابهم.
ردت وهي ترفع راسها لفوق:تهقين لاكبر بيعقل؟.
ضحكت:مااتخيله وهو عاقل..
قالت بابتسامه:جدتي كل ماشافته قالت لاكبر بيجيكم شيخ مشيخ..
زاد ضحكها بقوه وصخابه..
صرخت بغضب عارم:قـص لسان ياللي ماتستحين..
حطت يدها على فمها:اسفـه..
بعصبيه وهي تأشر على الشباب:مابه حيا!.وانتي تضحكين والريجيل حولس!.
تنهدت بندم:اسفه يمه وربي اخر مره..
ناظرتها بأستحقار ومشت عنها..
مشت الثانيه كاتمه الضحكه..
مسكت يدها وبرجاء:هـديـل امانه خلينا نتمشى مابي اروح عند ال مسفر..
رفعت حاجب وهي تناظر مقفا الحريم.
هزت راسها برضا:اوك.
ابتسمت بفرح وغيرو طريقهم..
هديل بشبه صراخ:يماه ترا ماراح نجي معكم..
جدتها بالغضب ذاته وتهديد:هديل نذر ان اعيد تربيتس انتي والسلقه اللي معتس..
مشت هديل بسرعه وهي تسحب رفيقتها معها:امشي يازوجة اخوي لتذبحنا جدتي..
دفتها بأحراج:قولـي البنــدري موب ذا اللقب.
حركت حواجبها بأستفزاز:يعني تنكرين انتس زوجة اخوي..
قلبت عيونها بطفش وعصبيه..
دخلو البقاله المتواضعه..
هديل بميانه:سلام عمي.
رفع رجال كبير بالسن راسه وابتسم بحنان:وعليكم السلام..
البندري قربت من الدرج:اخبارك ياجد..
ضحك بخفيف:ماعاد دريت انا جد ولاعم ولاخال ولا ابو..
هديل خذت جلكسي:انت الشيخ زايد ولايهمك..
ابتسم وهز راسه..
دارو بالبقاله وخذو الي يبون وحاسبو:هذي هديه..
قالها وهو يعطيهم اربع حبات من الدونات..
شهقت هديل بفرح:كففووو عمموو..
ابتسم وهو يشوف الفرحه بعيونهم..
هذي الدونات تسويها زوجته بطريقه خاصه..
طعمهـا لذيذ..
البندري بحب وهي تاكل منها بدون صبر:ياجعل عيني ماتبكيك ياجدي..
..
طلعو من عنده بفرحه طفوليـه.
هديل وهي تشوف مااحد حولهم نزلت نقابها وجلسو على جدار مكسور:ثلاث مرات حاولت اسوي نفسها ماقدرت..
البندري ماسكه نقاب بيد والثانيه تاكل بها:امم طعمها خيال..
:ابي حبه.!
شهقو وهم يتغطون بالطراح..
هديل بغضب:ياللي ماتستحي مافيه احم ولادستور؟.
قال بثقه خبيثه:عادي حلالي..
ناظرته بقرف وكره:تعقـب يامسود الوجه..وبصراخ:فارقنا هناك..
عقد حواجبه بعدم رضى:ليش هدولتي كذا تكلميني؟.وقرب خطوه:زعلانه منـي!
حست بالخطر..
قامت واقفه وحطت اكلها بالكيس والبندري نفس الشي..
عطته ظهرها ولبست نقابها بسرعه..
خذت اكياسها وناظرته بأحتقار وهو متكتف يتأملهم:صدق مانت برجال الا رخمه وانت تناظر بنات الناس..
شافت وجهه يتشنج بغضـب وقرب لها..
مسك يدها بقوه:والله ياهديل ان سمعت هالكلمه منتس ماتلقين خير..
حركت يدها وهي ترجع وبكره:فكنـي ياكـلب ياحيوان..
شد على يدها وقرب منها ووجهه نزل لمستواها:كلب وحيوان اجل هاه؟.
مد يده لطرحتها..
بــس..!
صرخت البندري بصراخ مرعب:سلطانــووه نــاد ابــوي...
نفض يد هديل ولف على البندري بغضب وهمس بفحيح:قص لسان..ناظر هديل بابتسامه مستفزه:الوعد بعدين ياحلوه..وراح يمشي بعيد عنهم..
الحمدالله اللي فكنا منه..
تنفست ببطئ..
وجلست بهواده على الجدار ومسحت دمعه خاينه..
البندري بحنيه:انتي لو تعلمين ابوتس ماصار شي وارتحتي منه..
ناظرتها بقل حيله:عشان يتذابحون؟.
البندري مسكت كفها:ماراح يتذابحون بيعطيه كم ضربه وكلمتين وبيبعد عنس..
هديل بعجز وعيونها على الفراغ:يعني ماتعرفين ابوي؟بيرميه بالرشاش بدون تفاهم..
البندري بقهر:خليه يرميه..يستاهل الكلب..
وقفت هديل وخذت اكياسها بدون نفس:حلوو..وتقص رقبة ابوي ونتيتم..ناظرت البقاله:وش ذنب عمي يحترق قلبه؟.
تنهدت البندري ونقطة ضعفها هو زايد:ماهو مخليني عاجزه غيره في ذمتي..
..
يتبـع.

تعديل نبض اسوود; بتاريخ 03-06-2020 الساعة 12:28 AM.
اقتباس
  {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 62 
قديم(ـة) 02-06-2020, 10:43 PM
صورة نبض اسوود الرمزية
نبض اسوود
الافتراضي رد: رواية اليوم قدرك مايسوى ماطآ الأقدام حبك بقلبي مات وأعلن رحيله..!!/بقلمي

••••••••••••••••
جالسين بجهه والرجال بجهه بعيدين..
ياكلون من المشاوي..
:راحت على نوره..قالتها بصحكه..
ناظرتها الجازي بابتسامه:نعوضها..
رفعت كاسي اشرب منه..
لكــن..
حسيت بنظرات موجهه لي؟.
ناظرتها بأستغراب بعدين تذكرت..
يوه"القشرا"زعلانه..
هههههههه..
خذيت قطعة دجاج وحطيتها بصحنها..
وسحبت كاس كولا وعطيتها..
اعتبروه اعتذار:)..
شفت ابتسامه حلوه تزين وجهها..
بــس..
:وانا؟.
:ليه نهى معها كولا؟.
:ماابي عصير ابي كولا..
ناظرتهم بعجز..
مافيه مهرب..
اشرت لريم:عطيهم كولا..
قالت هدى بحزم:لا نايف لايشرب..
ناظرتها:يعني نعطيهم كلهم وهو لا؟.
قالت بحزم تحسبها بتمشي علي كلمتها:اي عادي..
اشرت لريم:ماعليس منها عطيهم كلهم..
قالت هدى بحنق:لا يالجازي نايف يوجعه بطنه من الغازيات ومن زمان قاطعينها..
قلت بلامبالاه:عادي يوم واحد مايضره..
قالت بعدم رضى:لا بكره بيقول ابي وبعده.. وبيقلب علينا عامر..ناظرت ريم:لاتصبين له..
قلت بعصبيه خفيفه:هدى بلا سماجه يوم واحد وكاس واحد ماهوب بذابحه..واذا على عامر الصحي ماعليس قولي الجازي معطيته..
قالت امي بعصبيه وهي تشوفني ارد على هدى:الجازي مالتس شغل بينها وبين ولدها..
رفعت حاجب بصبر:استغفرالله العلي العظيم..
سكتت هدى ورجعت تاكل وشكلها زعلت..
قمت واقفه بطفش:تراكم سامجين..الوحده لاقلت لها كلمه زعلت..ودفيت الكرسي بقهر:يلعن من يكلمكم..
مريت من عند ساميه ولعبت بشعرها لاني ادري اني جارحتها..
ابتسمت لي بوود..ورديت لها شبه ابتسامه يالله بانـت..
قالت امي بنرفزه:صدق قليلة ادب..
مارديت وانا امشي لداخل المطبخ..
غسلت ايدي..
خذيت مويه واتكيت على الطاوله اشرب بسرحان..
ماكان لي نفس اكل وهم اصلاً مايخلون للواحد نفس..
:افا لايكون العشا مااعجبس؟.
لفيت على باب المطبخ كان خالي ابوهشام مشمر اكمام ثوبه وشكله جاي يبي شي؟.
ابتسمت بمحبه وانا اقرب واحب راسها:لاوالله انه زين..كثر الله خيرك نفداك..
ابتسم بهدؤ:بالعافـيه..ومشى طالع..
تمتمت:يعافيك..
سمعته ينادي الخدامه ويكلمها..
رحت مع الباب الخارجي وجلست عند المسبح..
تأملت الفراغ بسرحان..
سرحـت لبعـيد.
ابوي واخوانـي ماكلمونـي عن شي..!
وشكل ابوي مهددهم مايكلموني؟.
ههههه بس بجد لأني اشوف عيون عزيز وصالح وناصر وفواز والتبن فهد فيها كلاام..
بس اللي متأكده منه..
ان ابوي اذا رجع ماراح يسكت..
بيصر يعرف كل شي..
مستغربه هدؤه..
بس مستحـيل يعرف شي..
انا ماانهيت خطتي..
ومارجعت عشان اعلمهم بكل شي..
احتدت ملامحي وزادت قبضتي على يدي..
لا ماراح يدري احد بشي..
لين تتم السالفه كامله..
وذاك الوقت لكل حادث حديث..
هو الوحيد اللي يدري..
ابتسمت بحنين..
لولاه بعد ربي كان ضعت..
رجعت لذاك اليوم..
كنا جالسين قدام المسبح..
ابتسم بهدؤ غامض وهتف ببحه بعد ماسمع كلامـي:يقول ابن فطيس اذا جاك الهم:
ارفع يديك لخالقك لا توضيت -- وادعو تراك أقرب إليا صرت ساجد..
ناظرته بعيون جامده وماعلقت..
حط يده على شعرها ومسح عليه:مستعده..!
قامت واقفه وكان لبسها..
امم لبس التدريب..
اسود بأسود..
رافعه شعرها لفوق..
ملامحها حاده وجامده..
ماتعبر عن شي واضح..
وقف وغطا عليها بجسمه الرياضي والعريض..
مسح على عوارضه وتأملها..
اشر على جهه معينه وبحزم صرخ:là bas(هناك.)
...
يد بارده مسكت كتفها.
مثل المسعوره فزت واقفه وقبضت على اليد بسرعه جنونيه ولفيتها بقوه..
:ااااااااااااااااييييي..صرخـت بوجـع..
ناظرتها بأستيعاب وفكت يدها بسرعه..
قالت الجازي بغضب: Oui (نــعــم!!.)
تراجعت بفزع:ســـوري.
تنفست بسرعه وعيونها ترتفع بحده للبنات الي يناظرونها بذهول..!!
نفضت يدها وهي تزفر هوا حار وتستغفر ربها..
قالت بحزم حاد:مره ثانيه لاتلمسيني وانتي ساكته.
ناظرتها بألم يدها بدون رد..
قربت منها بندم تسلل لقلبها:حركيها..
حركتها وفتحت عيونها بألم:اف..
:توتو..ظهر هالصوت منها..
مسكت يدها وبحركه سريعه لفتها.
صرخت بوجع:لاااا اهه.
ابتسمت بهدؤ:حركيها؟.
حركتها وماتألمت ابتسمت:الحمدالله..
جلسو حول بعض..
هتفت بسكون:بنات لاحد يقربني بدون كلام يعني تحنحني صارخي بس لاتلمسيني بسكوت..
الكل سكت يناظرها وهي تناظر حولها بحذر..
قالت ريم تلطف الجو:زين ان يد توأمي ماانكسرت..
ناظرتها ندى بحنق..
الجازي بحده:المره الثانيه بتنكسر..
اشرت ندى بيدها:ماعليس اخر مره..
ابتسمت ورجعت لسرحانها..
قالت وداد بابتسامه قاطعت السكون:نبي من قصيدس..
ابتسمت الجازي بهدؤ وهزت راسها بـ اي..
رفعت عيونها للسما وتذكرت شكله وابتسمت غصب..
خذت نفس واطلقت صوتها الحاد كحدة السكاكين وفن شاعري متألم حد الصميم:
..

يا صاحبي وش صار؟..في قلبي المحتار.!
فـي قلبـي المحتـار.!
ساعة تغشانا بحرٍ النوى الغدار..
بحـرٍ نـوى الغـدار..
تمضي علي ايام جفني بها ما نام..
من بعد فرحتنا عشنا على الاوهام..
اتخيلك في الليل والصبح اشوف الويل..
والله يا محبوب بعدك يهد الحيل..
بعدك يهــد الحــيـل..
سالت مدامعنا عطشى مسامعنا..
عطشــى مـسمعــنا..
لو الزمان يحس ويرجع يجمعنا..
ويـــرجـع يجمعــنا..
يرسم لك الافراح في وجهك الوضاح..
بس الزمن ما حس باللي ملته جراح..
من بعد كنا اثنين ثم افقدتك العين..
بدعيلك الرحمن يسعدك في الدارين..
بدعيلك الرحمن يسعدك في الدارين..
••••••••••••••••
انتهــى الفــــصــل الخــامس..
توقعاتكـــم.!
لقائنـا بأذن الله يوم الجمعه..
تحــياتــي:نبــض اســوود🖤..،