السلام عليكم
.

اهم بارت انشرة هذا اريد كل سكان الواتباد يشوفة العدو والصديق فـ سووا تاكات شكد ما تكدرون واني واثق من يمكم بعد تلقائيا راح تتطششونة بالوات كلة
.

مبدئياً اليوم عيد ميلادي ميلاد منقذ البشرية طبعاً 🙄
.

الشيء الاخر الي ورى علامة الـ + حقيقتي حقيقة شنو تتوقعون يعني؟
.

قبل لا اطب بصلب الموضوع عندي سؤال وهو
شنو السبب الي يخليك اتابعني؟
.

.

.

.

الحقيقة هي اعزائي انا خفيتها منذ دخولي للوات من سنة ونص ما توقعت راح اوصل للاوصلة وناس اهواي حتعرفني وراح اضطر اكولة
بدأ الامر بمزحة والان صدقها الجميع 😄
.

مراح اكثر كلام انا مغير بهويتي طبعا ممغير مكان السكن نفسة ناصرية ممغير العشيرة نفسها كذلك اسمي نفسة لكن غيرت بعمري 🙂
حسين عمري اليوم 15 سنة من مواليد
  2005/3/20
اعرف الامر صادم للجميع لكنه حقيقي ومو مال مزح لان صايم حالياً ماكدر اجذب
😄...
.

.
بالبداية من دخلت للوات جان عمري 13 سنة كمية تنمر مو طبيعية محصلها جربت مرة اغير عمري -عبالي البرنامج حالة حال غيرة مراح انعرف بهل سهولة بين الناس-
وشفت الناس تحترمني وآرائي متفق عليها عكس ما جنت بعمري الحقيقي حتى لو كان كلامي صحيح فيبقى رأي الجبير المطي هو الصح 😄
.

كان ببالي ما اعترف بهويتي اصلا واترك الوات بس فكرت وكلت بعد ما كلت لزيد قبل شهر عن هويتي وشخصين آخرين لكيت منهم كلام ايجابي ما خلاني اترك الوات وخاصة بعد ما صرت ذا اهمية بالبرنامج خسارة اتركة
.

وغير عن ذلك ما اكدر اتركة لو تركت هل حساب ارجع بغيرة لان البرنامج الوحيد الي اكدر اعبر بيه عن افكاري جربت بالفيس انستا لكن صعبة الشهرة بيهن واذا رجعت وبشخصيتي الحقيقية شلون مراح انعرف لان ما معقول ارجع بأسم حسين الحسيني ونفس الشخصية والاسلوب وتكون صدفة؟
.

وانا قبل لا انشر البارت دائما اسوي تصفية للمتابعين ابرز كم شخصية ضعيفة واحظرها
وهذا البارت كذلك أي تنمر حظر كائناً من كنت لا تهمني 😄
.

غير عن ذلك عندي افكار مستقبلية حالياً 3 كتب ببالي اسويهن تضمن مواضيع شيقة يعني الي يتركني هو الخسران لان جاهل وتلكة تفكيرة ليس بعقله بل بالاعضاء التناسلية 😄
.

اما بعد فـ أنا نفس الشخصية لن ولم ومن مستحيل تتخطاني لو بلغ عمرك ال60 فلا يأخذك الغرور قليلاً وتصبح ذا حكمة وموعضة وانت لا تفقه شيئاً فـ بعضكم من لم يصدق عندما كان عمري 20 يقول صغير والعمر المناسب لك الاربعين
فـ عجيب ماذا تصنعون بعمري لم اخطب منكم احد صح؟
اذن حجة ضعفاء الانفس هذه 🙂
.

وعن اللواتي احبني 🙄
حبتجن الجنة هذا ليس ذنبي لانني لم اعطِ فرصة لفتاة او بصيص امل حتى تحبني الامر منفي من زمان وانا بريء من كل ذنب لا تكولون حوبة وما حوبة وتدعون علية معايز
والحجي بيناتنا احب وحدة وما افكر بغيرها وبدون اسئلة عنها رجاءا
.

باقي واتمدد ما دمت حياً 😊
.

مع السلامة
.