السلام عليكم
.

بهل بارت راح استلم كم واحد طاش بمحتوى سخيف
اذا كنت من متابعينه وتريد تدافع عنه
فـ اني ما انطيك هل صلاحية ولا ديمقراطية ولا بطيخ
اني علمودك ما اريد افشلك وبكيفك بعد 🙂
.

قسما عظما الي يعلق ويكول حرية شخصية ابتلي بيه 🙂🙂
انيييييي همممم حرييييتييي انتقدددد
بالعباس اليكتب حرية شخصية هذا زعطوط معندة شي يكتبة وميعرف يحجي ويحتار شلون ينتقد يكتب حرية شخصية
خل اشوف يا واحد بلا كرامة يكتب حرية شخصية هسة
.

المهم
في الآونة الاخيرة
صارت الطشة عبارة عن تطلع مرتك وياك وتخليها تلعب بشعرك لو بوجهك
(بعدين تطور هل اللعاب اذا انخفضن المشاهدات 🙂)
.

يعني ماعرف شكول
يعني شغلة خاصة بينك وبين مرتك
ليش تطلع روحك طلي كدام الالاف
هسة اني ما اكول انو هل شي غلط ويقلل من قيمته لا عادي اذا بيناتهم
بس مو ينشرة"!!
شنو تنتظر ردة فعل الناس يكلولك واو عفية؟
لو كيووت
لو تجيلك مراهقة تكلك اووي تخبلووون جعلني مرتك
يعني هسة تصور هيج فيديو علمود هيج تعليقات؟؟ 😐
اذا صدك فـ احب اكلك
🙌🙌🙌🙌🙌🙌
.

اكو مقولة تكول
من فقد شرفه لم يبق لديه ما يفقده
فـ انت من فقدت شرفك بعد معندك شي تخسرة تخسر رجولتك
سمعتك بين الناس
هيبتك
والامام علي عليه السلام يكول الشرف بالعقل والادب
هسة فيديو مال مرتك تلعب بوجهك
لا فيديو مال عاقلين
ولا فيديو مؤدب لان اكو مراهقين يشوفون ويقلدون بالحرام
هسة عرفتوا ليش بدون شرف مو؟
ترى مغلطان
والشرف ما مقتصر ع غشاء البكارة يعني (خطابي للعقول السطحية)
.

يلا هسة خل اذكر المقصودين
جنيد محمد علي
سجاد قاسم
.
هسة يجي واحد يكلي هاي لان سافرات نسوانهم ضايج 😂
لا شعليها هاي بهاي
هسة اهواي اكو يوتيوبر عراقيين وسوريين نسوانهم سافرات
بس محتواهم شريف
بيه فائدة
الا ذولة شنو غايتهم من يطلع نص وجه مرته؟
علماً انو هو مطلع جسمها
يعني مخايف ع وجهة اصلا
بس يدرون بالشعب فضولي لذلك ما يطلع وجهة والناس تظل اتابعهم ع امل بالكت يطلع وجهة كامل ويشوفوها
.

هم كلولي لا؟
اكص ايدي اذا اكو واحد ميت ع محتواهم ويباوعلهم
هاي بس المراهقات مكضياتها اووي واووي بالتعليقات
الباقين شلع لو ناس تضحك عليهم (مثلي)
لو ناس فضوليين
.

الغاية من البارت شنو؟
الغاية انو وصلنا فعلا لزمن يتشبه الرجال بالنساء والنساء بالرجال
للعلم ذولة نسوانهم يغارن عليهم اكثر من ما همَ يغارون عليهن
هسة تكلولي شلون؟
انتبهت للتعليقات بحسابات نسوان هل طليان
انو شباب يتغزلون بيهن وغزل 18+ هم
وهنَ ما يحذفن التعليق رغم انو التعليق عليه 100 لايك وفوك
وهمَ من تتغزل بيهم وحدة تجي الصخلة مالتة ترد عليها بهل سمايل (🙂)
اذكر مرة وحدة كالت فدوة يارب يرزقني بواحد مثل سجاد 🥺
(طبعا مثل سجاد طلي حتى تسوگ عليه 😂)
ردتها الصخلة بهل سمايل (🙂) وامبين ضايجة ومقهورة ويمكن تعاركت وي سجاد 😂
.

هسة واحد يكلي شمدريك بهل معلومات شكد تراقبهم لعد
لا وداعة ابني اسد
كلها 10 دقايق افتريت بحساباتهم وهمزين ما تقيئت 🤢
.

المهم سجاد غسلت ايدي منه من اخته طلعت من الحمام ويكللها شهل بياض
عرفتة مگرن
وبالله هذا جنيد طش جديد براس مرته
.

للاسف مجتمعنا يدعم هل نماذج محتواهم مابيه أي فائدة
ومن هنا اسال سؤال انت اذا تتابعهم شنو استفاديت؟
بالنسبة الي استفاديت انو استفرغ بإقل من دقيقة 🤢
.

اعتقد همَ صوروا بكل مكان حتى بغرفة النوم 🌚🌚
بقى يصورون بالحمام ويطبون بموسوعة غينيس
.

انتظروهم من تحبل مرته يطلعلكم الجهاز هذا مال حمل ويراويكم التحاليل والاشعة
وبالاخير يسألكم شنو اسمي الطفل
ومن كل عقله يسمي ابنه حسب التعليقات
هاا هم صحيح احنا احق بالطفل بعتبار مكابلين الصخلة اكثر من طليها 🙈
.

اهواي اثباتات تدعم وجهة نظري
بس اعصابي تلفت واني اكتب 😤
لذلك اكتفي لهنا وانهي البارت
.

هههههه توني لاحظت انو لزكت لزكة بهل سمايل (🙂)
يلا مشوها
.

مع السلامة
.