السلام عليكم
.

سالفة الفضايح هسة صارت بفلس وانوب فضيحتيش بالمحادثات بس؟ والاضرب الناس تصدگ
.

المهم فد ملاحظة البارت توعوي ويشمل الكل ما اقصد بيه شخص معين 🌚
.

هسة راح اطلعلكم زيد وشلون زورت كلامة واكيد الاغلب يعرفون زيد واخلاقة بس هسة سويت فوتو للمحادثة البيني وبينة 🌚 اسف ضلعي مقدما لان طلعتك ....
.

وها خل اكول شغلة هاي اول مرة اسوي فوتو للمحادثات ما مجرب ابد سابقا
.

اول شي حذفت الكلام الي بيني وبينة وطلعت المحادثة فارغة حتى اني اخلي بيها كلام من يمي
.

هنا من بديت احذف بالكلام 🌚
.

هسة اطلعلكم من خليت الكلام الغير اخلاقي كأنما زيد هو التلفظ بهذه الكلمات اعتذر مرة ثانية ضلعي بس كلها لخدمة الشعب معليك اجرك يم الله 😂
بس شكلك راح تظل فأر التجارب مالتي
.

ما مليت المحادثة كاملة لان مجاي اسويلي قصة شطولها شعرضها بس اريد ابين الكم الفوتو شيسوي وخليت سمايلات اتحداكم تطلع بالخاص 🌚 اذا مو فوتو
وغطيت الفشاير بس الاغلب فهمها 😁
وها اقصد هنا ستوري الانستا يمكن اصلا زيد ماعندة بس المهم الفكرة هي القصة كلها كذب
.

هو هسة البرنامج المفروض المفروض ثقافي والبيه مثقفين لازم مو أي سالفة تطلع مثل هاي وتصدكون واكيد قارين قصص وبيها سوالف الفوتو والفضايح ع صور يگصون الوجه ويخلونة ع صور اباحية فما بالك بالمحادثة هذا اني الي ما اعرف بالفوتو سويتها لان سهلة كلش
.

لذلك شوي كبروا عقولكم ولتخلون واحد يضحك عليكم بهل سوالف ترة كلهم جاي يطشون بروسكم 🌚
.

قال رسول الله صلى الله عليه واله (من أحب قوما حشر معهم، و من أحب عمل قوم أشرك في عملهم) .
.

واعرف هسة يجون العلماء والمراجع الي راح يحجون ع الفشاير الكاتبهن وما همهم الموضوع عراقين ماعرف سوالفكم
.

حاليا وراي طلعة اجيكم بالليل ارد ع التعليقات
.

مع السلامة
.