السلام عليكم
.

اخبار قوية واعتيادي راح تصير الحرب العالمية الثالثة ع كاعنا 🙄نوعا ما الله لا يكولها
.

ايران وامريكا عالگة وكل امريكي يلوم ترامب ع فعلتة لان چانوا بزمن بوش واوباما يكدرون يقتلون سليماني بس اكيد يخافون من الرد الايراني وهذا اخونا ترامب چفصها من قتلة وع ارض العراق بعد!! هسة مجلس النواب الامريكي سحبوا صلاحيتة من الجيش الامريكي ويردون هسة عود يحلونها بالمسايسة والله ولا يسكتولكم ايران ع سليماني لان اصلا ايران عدها كل الادوات الكافية للقضاء ع امريكا ليش تسكت
.

وعدهم الصين مناك عداوة وي امريكا لان عثرت صفقتهم وي العراق الي جانت راح تسوي العراق جنة تفيد البلدين بس تضر امريكا وترامب خربه وهسة الصين شادة حزامها وي ايران ضد امريكا🌚
من هسة ترامب ينقتل لان علامات الظهور قربت ومن ضمنهن مقتل 6 قادة دول معروفين يجوز كان احدهم سليماني وهو اولهم؟ الله اعلم بس مقتل ترامب مؤكد
.

اية الله خامنئي عين اسماعيل قاآني قائداً للحرس الثورة الاسلامية خلفاً لسليماني رحمه الله يكولون عنة متشدد ومعروف بهاي الصفة (شورطك يغراب البين يترامب) وهاي صورة اسماعيل قاآني
.

وجهة ما يبشر بخير ابد 😂 وامبين عديم رحمة يدلل ترامب يسويه كباب كوبيدة خوشمزه 😂
(يعني كباب طيب)
.

هو بس ادعوا كون الحرب باراضيهم مو بارضنا😐✋ لان ايران عدها صاروخ نووي قادر ع تدمير تكساس ب5 دقايق وتحويلها لرماد
.

وبعد ع طاري امريكا اكو مشاكل بين ليبيا واسرائيل طبعا مالي خلگ ابحث عن شنو المشكلة بالضبط بس المبين اكو اتفاق وتفاوضات بين ليبيا وتركيا واسرائيل ضايجة يعني نفس الصين والعراق ومن مدت بوزها امريكا بالنص
.

وام الدنيا مصر الله يكفيهم الشر بس كانما عدهم شبه حرب مع تركيا 😑 الحرب العالمية الثالثة رسميا
.

واستراليا بسبب ارتفاع درجات الحرارة الغريب تحترق غاباتها بشكل واسع ب200 حريق للآن وحتى تسببت بموت حيوان الكنغر الي يقتصر وجودة اكثر شي باستراليا ويمكن هم ع الواهس تنظم لهاي الحروب 🙄
.

والخليج في حال صار شي ع امريكا من الممكن تنضرب مصالحهم اذا وكفوا مع امريكا فالعار الابدي لهم وخاصة السعودية اتوقع ذلك بشدة لان محمد بن سلمان طلي لترامب اما الباقين الكويت قطر امارات كلهن اصغر من الناصرية اذا دعموا بس بالفلوس 🙄
.

المهم بس نكول الله يكفينا شرهم وان شاء الله الحرب ع اراضيهم وان شاء الله النصر للمسلمين وبحيل الله ياخذون ثار سليماني والمهندس
.

وبس كون ئلسيد ما يجفصها ويضم جيش المهدي وي ايران ويجفص جفصة ترامب ترة معايزين حرب ع گاعنا ندري لازم ناخذ ثار المهندس بس بعد اطينا اهواي شهداء وملينا من الحروب ومدام الصين وايران يكدرون وهي ايران وحدها تكدر ماكو داعي لوجود جيش المهدي ندري بيك سبع ضد امريكا محد ينكر بس ع كولتك (طيع واسكت لتناقش)
.

ناقل الاخبار بطريقة شبه مو جدية حتى بالعامية فالاحد يتحسس من أي شي گايلة بس اريد اوصل الفكرة
.

مع السلامة
.

اذا غلطان بشي كولوا لان الله اعلم بالهوسة اليمي 😑
.