السلام عليكم
.

مو بعيدة عني انشر هيج موضوع وهو يخصني اكيد لان هذا الزمان زماني 😄
.

اول شي اخر الزمان ويوم قيام القيامة تدرون من يمتة يحجون بيه؟
من اول ما غزوا المغول العالم الاسلامي وبدت الحملات الصليبية وانتشرت الفتنة والخيانة بين المسلمين بعد معروف مسلم يعني خائن منافق جبان 🌚
.

هذا الكلام من سنة تقريبا 1200 ميلادي ولحد الان نكول راح تقوم القيامة كل ما نشوف ظلم وقتل وخراب
.

بس لا يوم مخرج الامام وانقلاب الارض رأسا ع عقب يختلف بكثير اني اكلكم شلون نميزة
.

بذاك الوكت ماكو امرأة من نساء المسلمين متبرجة
ماكو رجل مسلم ديوث
ماكو مسلم ومتدين تلكاه ويشرب خمر ويزني وخائن للامانة العلمية
ماكو مسلم يتحول جنسياً
ماكو مسلم شاذ جنسياً
ماكو عدم احترام للمرجع او صاحب عمامة رسول الله
ماكو مسلم يكفر
ماكو مسلم يقدم اساءة لدينه ويصغر من حجمة ويشجع افكار الغرب الي هي عبارة عن تمسلت (كلام فارغ)
.

وازيدكم قول الامام علي عليه السلام:
(يظهر في اخر الزمان واقتراب القيامة، وهو شر الازمنة، نسوة متبرجات، كاشفات، عاريات من الدين، داخلات في الفتن، مائلات الى الشهوات، مسرعات الى اللذات، مستحلات للمحرمات، في جهنم خالدات)
ماكو داعي اشرح النص واضح دائما البلاوي من النساء مو بس هنَ طبعا لا
المرأة المتبرجة بسبب ولي امرها وهو رجل!!
عارية الدين بسبب ولي امرها وهو رجل!!
داخلات في الفتن بسبب ولي امرها لم يربيها وهو رجل!!
مائلة للشهوات بسبب ولي امرها لم يعلمها الحياء وكبح الشهوة بقراءة القرآن وهو رجل!!
مسرعة الى الملذات بسبب ولي امرها لم يعلمها ان لذة الحياة الحب الصادق لله ورسوله واهل بيته وهو رجل!!
مستحلات للمحرمات بسبب ولي امرها علمها الي تشوفة صح هو صح كأنما هي الرب وهو رجل!!
نار جهنم لهم اجمعين
.

بعدهي الدنيا بخير اصلا لكن الي راح يأكد انو حتى الله تعب من المعاصي اي الله يحزن اكيد ع عبادة واليصير بيهم الله سبحانه وتعالى لو بودة كلنا للجنة بس الانسان يظلم نفسة
.

الله سبحانه وتعالى عطفه وحنانه ع عبده حتى حنان الام ما يوصلة بس لكل فعل منافي للاخلاق عقاب والله لا تنسى عادل ولا يتهاون وياك مهما بلغ نسبك وحسبك من مكانة عالية حتى لو كنت ابن امام او نبي
.

وعن الاهوال الي راح تصير فيضانات وزلزال معليكم بهذا الحجي خليه لوقته ولا تصدقوا بالمنجمين وخاصة كتاب الجفر الاعظم للامام عليه عليه السلام كتاب مكتوب اصلا بأيدي المنجمين مو من الامام علي عليه السلام
.

والمنجم يعبد الشيطان مثلا الشيطان ناوي ع خير
قال الامام علي عليه السلام (كذبوا المنجمين وإن صدقوا)
لان تلكاهم شافوا فد عذاب راح يحل علينا
لكن باللحظة دعاء مؤمن صادق واحد فقط ربما الله يلغي هذا البلاء ع هذه الارض
.

ومن ناحية المنطق اذا زلزال وفيضان ع البلدان المسلمة بعد منو ينصر الامام؟ امريكا تنصره؟
هكذا انتهوا المسلمين والامام ماعندة جيش ولا راح يحكم بينا بالعدل ويعدم المنافق وخاصة اصحاب العمائم المزورة تعرفوهم 😉
.

بعد قصة اغلب جيش الامام من الموتى 🙃
وعليش مصدوم مثل ما يحيي عيسى ابن مريم الموتى
المهدي بن رسول الله صلى الله عليه واله يصعب عليه هكذا امر؟
وهم نبي الله عيسى يظهر معه حتى موتى المسيح الصالحين وحتى المسيح الاحياء اذا كانوا يؤمنون بظهور النبي راح يكونون جنب الامام
.

واكو رواية تكول حمزة عم النبي راح يكون احد قادة جيش الامام عليه السلام والله اعلم
واكو رواية بسند صحيح 100% تكول السيد حسين الحسيني احد قادة جيش الامام ايضا ان شاء الله 😁😁
.

بعد قصة سامعين بالقنبلة الكهرومغناطيسية الي عد رئيس كوريا الشمالية الي دوم يهدد امريكا بيها
وتعرفون اذا ضرب امريكا راح تهدد العالم اجمع
شغل القنبلة هو تعطيل الكهرباء ع الارض كلها يعني بعد ماكو وجود للكهرباء يعني ماكو اسلحة ولا ذخيرة لا تصنيع صواريخ
وهذا الشيء يؤكد رواية عن الامام عليه السلام بوقت ظهورة الاسلحة راح تكون غير متوقعة
وشيء من المنطق راح ننزل ساحة المعركة بالسيوف لان مو منطقي امام يشيل سلاح 😐
وايضا المعركة تكون متكافئة من ناحية النصر للاقوى والي عندة ايمان مو للعندة اسلحة ومال وسلطة اكبر
.

البارت باللهجة العامية لان موجه للكبير والصغير لكي يفهمه
وايضا البارت طلع وياي هيج لان بدون تحضيرات اجة ببالي اكتب وفقط كتبت الي حافظة
.

محضر مواضيع كثيرة راح انشرها لكن كل شي بيومة حلو لا تستعجلوني هذا البارت من 4 ايام ردتة واليوم نشرتة وطلعتة باحسن صورة
.

اعذروني ان وجد خطأ املائي الساعة الواحدة والنصف والبارت طويل وهاي 😁
.

تصبحون ع خير ❤️
.